‘ਆਸ਼ਿਕੀ 3’ ‘ਚ ਅਕਾਂਕਸ਼ਾ ਸ਼ਰਮਾ ਨਾਲ ਕਾਰਤਿਕ ਆਰੀਅਨ ਕਰਨਗੇ ਰੋਮਾਂਸ

‘ਆਸ਼ਿਕੀ’ ਫ੍ਰੈਂਚਾਇਜ਼ੀ ‘ਚ ਹਮੇਸ਼ਾ ਨਵੀਆਂ ਜੋੜੀਆਂ ਨੂੰ ਸਾਈਨ ਕੀਤਾ ਗਿਆ ਹੈ, ਇਸ ਲਈ ਨਾ ਤਾਂ ਕੈਟਰੀਨਾ ਅਤੇ ਨਾ ਹੀ ਦੀਪਿਕਾ ਨੂੰ ਫਿਲਮ ਦਾ ਹਿੱਸਾ ਬਣਾਇਆ ਗਿਆ ਹੈ।

‘ਆਸ਼ਿਕੀ 3’ ਦਾ ਦਰਸ਼ਕ ਕਾਫੀ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਹਨ, ਜਿਕਰਯੋਗ ਹੈ ਕਿ ਆਸ਼ਿਕੀ ਦੇ ਪਹਿਲੇ ਦੋ ਭਾਗ ਵੀ ਬਹੁਤ ਹਿੱਟ ਸਾਬਤ ਹੋਏ ਸਨ। ਪਹਿਲੀ ਫਿਲਮ ‘ਆਸ਼ਿਕੀ’ ਸਾਲ 1990 ‘ਚ ਰਿਲੀਜ਼ ਹੋਈ ਸੀ। ਲਗਭਗ 33 ਸਾਲ ਪਹਿਲਾਂ ਮਹੇਸ਼ ਭੱਟ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫਿਲਮ ਦੀ ਕਹਾਣੀ ਤੋਂ ਲੈ ਕੇ ਗੀਤਾਂ ਤੱਕ ਅੱਜ ਵੀ ਮਸ਼ਹੂਰ ਹੈ।

ਇਸ ਤੋਂ ਬਾਅਦ ਸਾਲ 2013 ‘ਚ ਮੋਹਿਤ ਸੂਰੀ ਦੇ ਨਿਰਦੇਸ਼ਨ ‘ਚ ਬਣੀ ‘ਆਸ਼ਿਕੀ 2’ ਰਿਲੀਜ਼ ਹੋਈ। ਇਸ ਫਿਲਮ ਨੂੰ ਵੀ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਸੀ। ਹੁਣ ‘ਆਸ਼ਿਕੀ 3’ ਦੀਆਂ ਤਿਆਰੀਆਂ ਜ਼ੋਰਾਂ ‘ਤੇ ਹਨ। ਹੀਰੋ ਲਈ ਕਾਰਤਿਕ ਆਰੀਅਨ ਪਹਿਲਾਂ ਹੀ ਫਾਈਨਲ ਹੋ ਚੁੱਕੇ ਹਨ। ਹੀਰੋਇਨ ਦੀ ਭਾਲ ਜਾਰੀ ਸੀ, ਜੋ ਹੁਣ ਪੂਰੀ ਹੋ ਗਈ ਹੈ।

ਖਬਰ ਹੈ ਕਿ ਕਾਰਤਿਕ ਸਕਰੀਨ ‘ਤੇ ਦੱਖਣੀ ਅਦਾਕਾਰਾ ਨਾਲ ਰੋਮਾਂਸ ਕਰਨਗੇ। ਵੈਸੇ ਤਾਂ ਆਕਾਂਕਸ਼ਾ ਸ਼ਰਮਾ ਸਾਊਥ ਦੀ ਅਦਾਕਾਰਾ ਹੈ। ਉਸਨੇ ਮੁੱਖ ਤੌਰ ‘ਤੇ ਕੰਨੜ ਫਿਲਮਾਂ ਵਿੱਚ ਕੰਮ ਕੀਤਾ ਹੈ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਉਹ ਟਾਈਗਰ ਸ਼ਰਾਫ ਦੇ ਨਾਲ ਸੰਗੀਤ ਵੀਡੀਓਜ਼ ਵਿੱਚ ਵੀ ਨਜ਼ਰ ਆ ਚੁੱਕੀ ਹੈ। ਉਹ ਹਿੰਦੀ ਮਿਊਜ਼ਿਕ ਵੀਡੀਓਜ਼ ‘ਕਸਾਨੋਵਾ’ ਅਤੇ ‘ਡਿਸਕੋ ਡਾਂਸਰ 2.0’ ‘ਚ ਨਜ਼ਰ ਆਈ ਸੀ। ਉਹ ਬਾਦਸ਼ਾਹ ਦੇ ‘ਜੁਗਨੂੰ’ ਗੀਤ ਵਿੱਚ ਵੀ ਹੈ। ਉਸਨੇ ਸਾਲ 2022 ਵਿੱਚ ਫਿਲਮ ਤ੍ਰਿਵਿਕਰਮਾ ਨਾਲ ਆਪਣੀ ਸ਼ੁਰੂਆਤ ਕੀਤੀ ਸੀ।

ਆਕਾਂਕਸ਼ਾ ਸ਼ਰਮਾ ਕਈ ਇਸ਼ਤਿਹਾਰਾਂ ‘ਚ ਵੀ ਨਜ਼ਰ ਆ ਚੁੱਕੀ ਹੈ। ਉਨ੍ਹਾਂ ਦਾ ਜਨਮ ਹਰਿਆਣਾ ਵਿੱਚ ਹੋਇਆ ਸੀ। ਉਸਦੀ ਪੜ੍ਹਾਈ ਮੁੰਬਈ ਵਿੱਚ ਹੋਈ ਸੀ। ਕਾਰਤਿਕ ਆਰੀਅਨ ਦੀਆਂ ਹੋਰ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਹ ਕਿਆਰਾ ਅਡਵਾਨੀ ਨਾਲ ‘ਸੱਤਿਆਪ੍ਰੇਮ ਕੀ ਕਥਾ’ ‘ਚ ਨਜ਼ਰ ਆਏ ਸਨ। ਉਸ ਕੋਲ ‘ਚੰਦੂ ਚੈਂਪੀਅਨ’ ਵੀ ਹੈ, ਜੋ ਸਾਲ 2024 ‘ਚ ਰਿਲੀਜ਼ ਹੋਵੇਗੀ। ਫਿਲਮ ਨਾਲ ਜੁੜੇ ਇਕ ਸੂਤਰ ਨੇ ਦੱਸਿਆ ਕਿ ਨਿਰਮਾਤਾ ਫਿਲਮ ‘ਚ ਕਾਰਤਿਕ ਨੂੰ ਨਵੀਂ ਅਭਿਨੇਤਰੀ ਨਾਲ ਜੋੜਨਾ ਚਾਹੁੰਦੇ ਸਨ। ‘ਆਸ਼ਿਕੀ’ ਫ੍ਰੈਂਚਾਇਜ਼ੀ ‘ਚ ਹਮੇਸ਼ਾ ਨਵੀਆਂ ਜੋੜੀਆਂ ਨੂੰ ਸਾਈਨ ਕੀਤਾ ਗਿਆ ਹੈ, ਇਸ ਲਈ ਨਾ ਤਾਂ ਕੈਟਰੀਨਾ ਅਤੇ ਨਾ ਹੀ ਦੀਪਿਕਾ ਨੂੰ ਫਿਲਮ ਦਾ ਹਿੱਸਾ ਬਣਾਇਆ ਗਿਆ ਹੈ। ‘ਆਸ਼ਿਕੀ’ ‘ਚ ਰਾਹੁਲ ਰਾਏ ਅਤੇ ਅਨੁ ਅਗਰਵਾਲ ਦੀ ਜੋੜੀ ਦਰਸ਼ਕਾਂ ਦੇ ਸਾਹਮਣੇ ਆਈ ਸੀ, ਜਦਕਿ ‘ਆਸ਼ਿਕੀ 2’ ‘ਚ ਆਦਿਤਿਆ ਰਾਏ ਕਪੂਰ ਅਤੇ ਸ਼ਰਧਾ ਕਪੂਰ ਦੀ ਜੋੜੀ ਦਰਸ਼ਕਾਂ ਦੇ ਰੂਬਰੂ ਹੋਈ ਸੀ।