‘ਮਿਸ਼ਨ ਇੰਪੌਸੀਬਲ 7’ ਦੀ ਹਨੇਰੀ ਅੱਗੇ ਬਾਲੀਵੁੱਡ ਫ਼ਿਲਮਾਂ ਦੀ ਕਮਾਈ ਰੁਕੀ

‘ਸੱਤਿਆਪ੍ਰੇਮ ਕੀ ਕਥਾ’ 29 ਜੂਨ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਸੀ। ਫਿਲਮ ਦੀ ਸ਼ੁਰੂਆਤ ਬਹੁਤ ਵਧੀਆ ਹੋਈ ਸੀ, ਪਰ ‘ਮਿਸ਼ਨ ਇੰਪੌਸੀਬਲ 7’ ਦੇ ਭਾਰਤ ‘ਚ ਰਿਲੀਜ਼ ਹੁੰਦੀਆਂ ਹੀ ਹੁਣ ਇਸ ਦੇ ਅੰਕੜੇ ਕੀੜੀ ਦੀ ਰਫਤਾਰ ਨਾਲ ਅੱਗੇ ਵਧ ਰਹੇ ਹਨ।

‘ਮਿਸ਼ਨ ਇੰਪੌਸੀਬਲ 7’ ਦੇ ਭਾਰਤ ‘ਚ ਰਿਲੀਜ਼ ਹੁੰਦੀਆਂ ਹੀ ਬਾਕਸ ਆਫ਼ਿਸ ‘ਤੇ ਧਮਾਲ ਮਚਾ ਦਿਤਾ ਹੈ। ਇਨ੍ਹੀਂ ਦਿਨੀਂ ਭਾਰਤੀ ਬਾਕਸ ਆਫਿਸ ‘ਤੇ ਕਈ ਫਿਲਮਾਂ ਦਾ ਦਬਦਬਾ ਹੈ। ਕਾਰਤਿਕ ਆਰੀਅਨ ਅਤੇ ਕਿਆਰਾ ਅਡਵਾਨੀ ਦੀ ‘ਸੱਤਿਆਪ੍ਰੇਮ ਕੀ ਕਥਾ’ ਤੋਂ ਇਲਾਵਾ ਨਿਰਦੇਸ਼ਕ ਸੰਜੇ ਪੂਰਨ ਸਿੰਘ ਚੌਹਾਨ ਦੀ ’72 ਹੁਰਾਂ’ ਅਤੇ ਵਿਦਿਆ ਬਾਲਨ ਸਟਾਰਰ ‘ਨੀਯਤ’ ਟਿਕਟ ਖਿੜਕੀ ‘ਤੇ ਹਨ। ਹਿੰਦੀ ਫਿਲਮਾਂ ਦੀ ਸੂਚੀ ‘ਚ ‘ਸੱਤਿਆਪ੍ਰੇਮ ਕੀ ਕਥਾ’ ਦਰਸ਼ਕਾਂ ਦਾ ਦਿਲ ਜਿੱਤਣ ‘ਚ ਸਭ ਤੋਂ ਅੱਗੇ ਹੈ। ਫਿਲਮ ਪਹਿਲੇ ਦਿਨ ਤੋਂ ਹੀ ਜ਼ਬਰਦਸਤ ਕਾਰੋਬਾਰ ਕਰ ਰਹੀ ਹੈ। ਇਸ ਦੌਰਾਨ ਹਾਲੀਵੁੱਡ ਅਦਾਕਾਰ ਟੌਮ ਕਰੂਜ਼ ਦੀ ਫਿਲਮ ‘ਮਿਸ਼ਨ ਇੰਪੌਸੀਬਲ: ਡੈੱਡ ਰਿਕੋਨਿੰਗ ਪਾਰਟ ਵਨ’ ਰਿਲੀਜ਼ ਹੋ ਗਈ ਹੈ, ਜੋ ਤੇਜ਼ੀ ਨਾਲ ਕਾਰੋਬਾਰ ਕਰਨ ਵੱਲ ਵਧ ਰਹੀ ਹੈ। ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ‘ਮਿਸ਼ਨ ਇੰਪਾਸੀਬਲ 7’ ਵਿਚਾਲੇ ਪਹਿਲਾਂ ਹੀ ਰਿਲੀਜ਼ ਹੋ ਚੁੱਕੀਆਂ ਬਾਕੀ ਫਿਲਮਾਂ ਦੀ ਹਾਲਤ ਕੀ ਹੈ।

‘ਸੱਤਿਆਪ੍ਰੇਮ ਕੀ ਕਥਾ’ 29 ਜੂਨ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ਸੀ। ਫਿਲਮ ਦੀ ਸ਼ੁਰੂਆਤ ਬਹੁਤ ਵਧੀਆ ਹੋਈ ਸੀ, ਪਰ ਹੁਣ ਇਸ ਦੇ ਅੰਕੜੇ ਕੀੜੀ ਦੀ ਰਫਤਾਰ ਨਾਲ ਅੱਗੇ ਵਧ ਰਹੇ ਹਨ। ਕਾਰਤਿਕ ਆਰੀਅਨ ਅਤੇ ਕਿਆਰਾ ਅਡਵਾਨੀ ਸਟਾਰਰ ਇਸ ਫਿਲਮ ਨੇ ਦੁਨੀਆ ਭਰ ‘ਚ 100 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਪਰ ਭਾਰਤੀ ਸੰਗ੍ਰਹਿ 100 ਕਰੋੜ ਤੋਂ ਦੂਰ ਹੈ।

ਅੱਤਵਾਦ ਦਾ ਵੱਖਰਾ ਰੂਪ ਦਿਖਾਉਣ ਦਾ ਦਾਅਵਾ ਕਰਨ ਵਾਲੀ ਫਿਲਮ ’72 ਹੁਰਾਂ’ ਨੂੰ ਪੋਸਟਰ ਰਿਲੀਜ਼ ਹੋਣ ਦੇ ਸਮੇਂ ਤੋਂ ਹੀ ਪ੍ਰਚਾਰ ਵਾਲੀ ਫਿਲਮ ਕਿਹਾ ਜਾ ਰਿਹਾ ਹੈ। ਮੁੱਖ ਸਟਾਰ ਕਾਸਟ ਵਿੱਚ ਆਮਿਰ ਬਸ਼ੀਰ ਅਤੇ ਪਵਨ ਮਲਹੋਤਰਾ ਦੇ ਨਾਲ ਬਣੀ ਇਹ ਫਿਲਮ ਦਿਖਾਉਂਦੀ ਹੈ ਕਿ ਕਿਵੇਂ ਬੇਕਸੂਰ ਲੋਕਾਂ ਨੂੰ ਅੱਤਵਾਦ ਵਿੱਚ ਫਸਾਇਆ ਜਾਂਦਾ ਹੈ। ਉਨ੍ਹਾਂ ਨੂੰ ਦੱਸਿਆ ਜਾਂਦਾ ਹੈ ਕਿ ਅਜਿਹਾ ਕਰਨ ਨਾਲ ਉਨ੍ਹਾਂ ਨੂੰ ਜੰਨਤ ਵਿੱਚ 72 ਹੂਰੇ ਮਿਲਣਗੀਆਂ। ਪੂਰੀ ਫਿਲਮ ਬਲੈਕ ਐਂਡ ਵ੍ਹਾਈਟ ਵਿੱਚ ਬਣੀ ਹੈ। ਹੁਣ ‘ਮਿਸ਼ਨ ਇੰਪੌਸੀਬਲ 7’ ਦੀ ਹਨੇਰੀ ਅੱਗੇ ਬਾਲੀਵੁੱਡ ਫ਼ਿਲਮਾਂ ਦੀ ਕਮਾਈ ਰੁਕ ਗਈ ਹੈ।

ਵਿੱਕੀ ਕੌਸ਼ਲ ਅਤੇ ਸਾਰਾ ਅਲੀ ਖਾਨ ਸਟਾਰਰ ‘ਜ਼ਾਰਾ ਹਟਕੇ ਜ਼ਾਰਾ ਬਚਕੇ’ ਨੇ ਵਧੀਆ ਕਾਰੋਬਾਰ ਕਰਦੇ ਹੋਏ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ। ਹਾਲਾਂਕਿ ਇਹ ਫਿਲਮ 100 ਕਰੋੜ ਦੇ ਅੰਕੜੇ ਤੋਂ ਦੂਰ ਹੈ। ‘ਜ਼ਾਰਾ ਹਟਕੇ ਜ਼ਰਾ ਬਚਕੇ’ ਨੂੰ ਰਿਲੀਜ਼ ਹੋਏ ਇਕ ਮਹੀਨੇ ਤੋਂ ਵੱਧ ਦਾ ਸਮਾਂ ਬੀਤ ਚੁੱਕਾ ਹੈ। ਫਿਲਮ ਨੂੰ ਰਿਲੀਜ਼ ਹੋਏ 43 ਦਿਨ ਬੀਤ ਚੁੱਕੇ ਹਨ। ਫਿਲਮ ਨੇ 43ਵੇਂ ਦਿਨ 15 ਲੱਖ ਦੀ ਕਮਾਈ ਕੀਤੀ, ਜਿਸ ਨਾਲ ਇਸ ਦਾ ਕੁਲ ਕਲੈਕਸ਼ਨ 88.57 ਕਰੋੜ ਹੋ ਗਿਆ ਹੈ।।