ਸ਼ਾਹਰੁਖ – ਸੰਨੀ ਦਿਓਲ ਵਿਚਾਲੇ 30 ਸਾਲ ਪੁਰਾਣੀ ‘ਦੁਸ਼ਮਣੀ’ ਹੋਈ ਖਤਮ, ਸ਼ਾਹਰੁਖ ਨੇ ਸੰਨੀ ਨੂੰ ‘ਗਦਰ 2’ ਲਈ ਦਿਤੀ ਵਧਾਈ

ਸੰਨੀ ਮੁਤਾਬਕ ਸ਼ਾਹਰੁਖ ਨੇ ਉਨ੍ਹਾਂ ਨੂੰ ਫੋਨ ਕੀਤਾ ਅਤੇ ਕਿਹਾ ਕਿ ਤੁਸੀਂ ਇਸ ਸਫਲਤਾ ਦੇ ਹੱਕਦਾਰ ਹੋ। ਕਾਬਿਲੇਗੌਰ ਹੈ ਕਿ 1993 ‘ਚ ਫਿਲਮ ‘ਡਰ’ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਦੋਵਾਂ ‘ਚ ਕਾਫੀ ਅਣਬਣ ਹੋ ਗਈ ਸੀ।

ਸੰਨੀ ਦਿਓਲ ਦੀ ਫਿਲਮ ‘ਗਦਰ 2’ ਬਾਕਸ ਆਫਿਸ ‘ਤੇ ਧਮਾਲ ਮਚਾ ਰਹੀ ਹੈ। ਫਿਲਮ ਬਹੁਤ ਵਧੀਆ ਪ੍ਰਦਰਸ਼ਨ ਕਰ ਰਹੀ ਹੈ ਅਤੇ ਹਰ ਰੋਜ਼ ਰਿਕਾਰਡ ਤੋੜ ਰਹੀ ਹੈ। ਗਦਰ 2 ਸੰਨੀ ਦਿਓਲ ਦੇ ਕਰੀਅਰ ਦੀ ਵੱਡੀ ਹਿੱਟ ਫਿਲਮ ਰਹੀ ਹੈ।

ਫਿਲਮ ਨੂੰ ਸਿਰਫ ਦਰਸ਼ਕਾਂ ਨੇ ਹੀ ਨਹੀਂ ਬਲਕਿ ਸੈਲੇਬਸ ਨੂੰ ਵੀ ਪਸੰਦ ਕੀਤਾ ਹੈ। ਅਜਿਹਾ ਲੱਗ ਰਿਹਾ ਹੈ ਕਿ ਸੰਨੀ ਦਿਓਲ ਅਤੇ ਸ਼ਾਹਰੁਖ ਖਾਨ ਦੀ ਸਾਲਾਂ ਪੁਰਾਣੀ ਦੁਸ਼ਮਣੀ ਖਤਮ ਹੋ ਗਈ ਹੈ। ਗਦਰ 2 ਦੇਖਣ ਤੋਂ ਪਹਿਲਾਂ ਸ਼ਾਹਰੁਖ ਖਾਨ ਨੇ ਸੰਨੀ ਦਿਓਲ ਨੂੰ ਫੋਨ ਕੀਤਾ ਸੀ। ਉਨ੍ਹਾਂ ਨੇ ਫੋਨ ‘ਤੇ ਸੰਨੀ ਦੀ ਕਾਫੀ ਤਾਰੀਫ ਕੀਤੀ। ਸ਼ਾਹਰੁਖ ਦੀ ਪਤਨੀ ਗੌਰੀ ਅਤੇ ਬੇਟੇ ਆਰੀਅਨ ਨੇ ਵੀ ਸੰਨੀ ਦਿਓਲ ਨਾਲ ਗੱਲਬਾਤ ਕੀਤੀ। ਇਹ ਖੁਲਾਸਾ ਖੁਦ ਸੰਨੀ ਦਿਓਲ ਨੇ ਕੀਤਾ ਹੈ।

ਸੰਨੀ ਮੁਤਾਬਕ ਸ਼ਾਹਰੁਖ ਨੇ ਉਨ੍ਹਾਂ ਨੂੰ ਫੋਨ ਕੀਤਾ ਅਤੇ ਕਿਹਾ ਕਿ ਤੁਸੀਂ ਇਸ ਸਫਲਤਾ ਦੇ ਹੱਕਦਾਰ ਹੋ। ਕਾਬਿਲੇਗੌਰ ਹੈ ਕਿ 1993 ‘ਚ ਫਿਲਮ ‘ਡਰ’ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਦੋਵਾਂ ‘ਚ ਕਾਫੀ ਅਣਬਣ ਹੋ ਗਈ ਸੀ। ਸ਼ਾਹਰੁਖ ਨੇ ਫਿਲਮ ‘ਚ ਸੰਨੀ ਦੇ ਕਿਰਦਾਰ ਨੂੰ ਛੋਟਾ ਕਰਵਾ ਦਿਤਾ ਸੀ। ਸੰਨੀ ਨੂੰ ਇਹ ਗੱਲ ਪਸੰਦ ਨਹੀਂ ਆਈ ਸੀ। ਉਦੋਂ ਤੋਂ ਦੋਵਾਂ ਦੇ ਰਿਸ਼ਤੇ ਵਿਗੜ ਗਏ ਹਨ।

ਸੰਨੀ ਦਿਓਲ ਨੇ ਸਾਫ ਕੀਤਾ ਹੈ ਕਿ ਹੁਣ ਉਨ੍ਹਾਂ ਅਤੇ ਸ਼ਾਹਰੁਖ ਵਿਚਾਲੇ ਕੋਈ ਤਣਾਅ ਨਹੀਂ ਹੈ। ਉਨ੍ਹਾਂ ਨੇ ਦੱਸਿਆ, ਕਿ ‘ਸ਼ਾਹਰੁਖ ਖਾਨ ਨੇ ਗਦਰ-2 ਦੇਖੀ ਹੈ। ਫਿਲਮ ਦੇਖਣ ਤੋਂ ਪਹਿਲਾਂ ਉਸਨੇ ਮੈਨੂੰ ਫੋਨ ਕੀਤਾ। ਉਸਨੇ ਵੀ ਮੈਨੂੰ ਵਧਾਈ ਦਿੱਤੀ, ਸ਼ਾਹਰੁਖ ਬਹੁਤ ਖੁਸ਼ ਸਨ। ਉਸਨੇ ਮੈਨੂੰ ਕਿਹਾ ਕਿ ਮੈਂ ਤੁਹਾਡੇ ਲਈ ਬਹੁਤ ਖੁਸ਼ ਹਾਂ। ਤੁਸੀਂ ਸੱਚਮੁੱਚ ਉਸ ਦੇ ਹੱਕਦਾਰ ਹੋ, ਜੋ ਤੁਸੀਂ ਪ੍ਰਾਪਤ ਕਰ ਰਹੇ ਹੋ। ਮੈਂ ਉਸਦਾ ਧੰਨਵਾਦ ਕੀਤਾ।

ਸੰਨੀ ਨੇ ਅੱਗੇ ਕਿਹਾ, ‘ਸ਼ਾਹਰੁਖ ਤੋਂ ਬਾਅਦ ਮੈਂ ਉਨ੍ਹਾਂ ਦੀ ਪਤਨੀ ਗੌਰੀ ਅਤੇ ਬੇਟੇ ਆਰੀਅਨ ਨਾਲ ਵੀ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ ਅੱਜ ਰਾਤ ਉਹ ਗਦਰ-2 ਦੇਖਣ ਜਾ ਰਹੇ ਹਨ। ਸੰਨੀ ਨੇ ਅੱਗੇ ਕਿਹਾ, ‘ਸਮੇਂ ਦੇ ਨਾਲ ਸਭ ਕੁਝ ਠੀਕ ਹੋ ਜਾਂਦਾ ਹੈ। ਮੈਂ ਉਸਨੂੰ ਕਈ ਵਾਰ ਫ਼ੋਨ ਵੀ ਕੀਤਾ ਹੈ। ਅਸੀਂ ਕਈ ਵਿਸ਼ਿਆਂ ‘ਤੇ ਗੱਲ ਕਰਦੇ ਹਾਂ। ਪੁਰਾਣੀਆਂ ਗੱਲਾਂ ਹੁਣ ਖਤਮ ਹੋ ਗਈਆਂ ਹਨ। ਹੁਣ ਅਸੀਂ ਉਸ ਬਿੰਦੂ ਤੋਂ ਅੱਗੇ ਵਧੇ ਹਾਂ, ਜ਼ਿੰਦਗੀ ਇਸਦਾ ਨਾਮ ਹੈ।