ਸਮ੍ਰਿਤੀ ਇਰਾਨੀ ਦੇ ਬਚਾਅ ‘ਚ ਆਏ ਰਾਹੁਲ ਗਾਂਧੀ ਕਿਹਾ ਉਨ੍ਹਾਂ ਖਿਲਾਫ ਅਪਸ਼ਬਦ ਬੋਲਣਾ ਸਹੀ ਨਹੀਂ

ਰਾਹੁਲ ਨੇ ਐਕਸ ‘ਤੇ ਇਕ ਪੋਸਟ ‘ਚ ਲਿਖਿਆ ‘ਜ਼ਿੰਦਗੀ ‘ਚ ਜਿੱਤ ਅਤੇ ਹਾਰ ਹੁੰਦੀ ਹੈ। ਮੈਂ ਸਾਰਿਆਂ ਨੂੰ ਅਪੀਲ ਕਰਦਾ ਹਾਂ ਕਿ ਉਹ ਅਪਮਾਨਜਨਕ ਭਾਸ਼ਾ ਦੀ ਵਰਤੋਂ ਕਰਨ ਅਤੇ ਸਮ੍ਰਿਤੀ ਇਰਾਨੀ ਜਾਂ ਕਿਸੇ ਹੋਰ ਨੇਤਾ ਪ੍ਰਤੀ ਬੁਰਾ ਵਿਵਹਾਰ ਕਰਨ ਤੋਂ ਬਚਣ। ਲੋਕਾਂ ਦਾ ਅਪਮਾਨ ਕਰਨਾ ਤਾਕਤ ਦੀ ਨਹੀਂ ਕਮਜ਼ੋਰੀ ਦੀ ਨਿਸ਼ਾਨੀ ਹੈ।

ਰਾਹੁਲ ਗਾਂਧੀ ਨੇ ਰਾਜਨੀਤੀ ਤੋਂ ਉਪਰ ਉੱਠ ਕੇ ਸਮ੍ਰਿਤੀ ਇਰਾਨੀ ਦਾ ਬਚਾਅ ਕੀਤਾ ਹੈ। ਸਮ੍ਰਿਤੀ ਇਰਾਨੀ ਸਮੇਤ ਚਾਰ ਸਾਬਕਾ ਕੇਂਦਰੀ ਮੰਤਰੀਆਂ ਨੇ 11 ਜੁਲਾਈ ਨੂੰ ਲੁਟੀਅਨਜ਼ ਦਿੱਲੀ ਸਥਿਤ ਆਪਣੇ ਸਰਕਾਰੀ ਬੰਗਲੇ ਖਾਲੀ ਕਰ ਦਿੱਤੇ ਹਨ। ਜਦੋਂ ਤੋਂ ਇਹ ਖਬਰ ਸਾਹਮਣੇ ਆਈ ਹੈ, ਸਮ੍ਰਿਤੀ ਇਰਾਨੀ ਨੂੰ ਸੋਸ਼ਲ ਮੀਡੀਆ ‘ਤੇ ਲਗਾਤਾਰ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਇਸ ਨੂੰ ਦੇਖਦੇ ਹੋਏ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਭਾਜਪਾ ਨੇਤਾ ਸਮ੍ਰਿਤੀ ਇਰਾਨੀ ਦਾ ਬਚਾਅ ਕੀਤਾ ਹੈ।

ਰਾਹੁਲ ਨੇ ਐਕਸ ‘ਤੇ ਇਕ ਪੋਸਟ ‘ਚ ਲਿਖਿਆ- ‘ਜ਼ਿੰਦਗੀ ‘ਚ ਜਿੱਤ ਅਤੇ ਹਾਰ ਹੁੰਦੀ ਹੈ। ਮੈਂ ਸਾਰਿਆਂ ਨੂੰ ਅਪੀਲ ਕਰਦਾ ਹਾਂ ਕਿ ਉਹ ਅਪਮਾਨਜਨਕ ਭਾਸ਼ਾ ਦੀ ਵਰਤੋਂ ਕਰਨ ਅਤੇ ਸਮ੍ਰਿਤੀ ਇਰਾਨੀ ਜਾਂ ਕਿਸੇ ਹੋਰ ਨੇਤਾ ਪ੍ਰਤੀ ਬੁਰਾ ਵਿਵਹਾਰ ਕਰਨ ਤੋਂ ਬਚਣ। ਲੋਕਾਂ ਦਾ ਅਪਮਾਨ ਕਰਨਾ ਤਾਕਤ ਦੀ ਨਹੀਂ ਕਮਜ਼ੋਰੀ ਦੀ ਨਿਸ਼ਾਨੀ ਹੈ। ਸਮ੍ਰਿਤੀ ਇਰਾਨੀ ਨੇ ਅਮੇਠੀ ਸੀਟ ਤੋਂ ਦੂਜੀ ਵਾਰ ਲੋਕ ਸਭਾ ਚੋਣ ਲੜੀ ਸੀ, ਪਰ ਉਹ ਕਾਂਗਰਸ ਨੇਤਾ ਕਿਸ਼ੋਰੀ ਲਾਲ ਸ਼ਰਮਾ ਤੋਂ ਡੇਢ ਲੱਖ ਤੋਂ ਵੱਧ ਵੋਟਾਂ ਨਾਲ ਹਾਰ ਗਈ ਸੀ। ਕਾਂਗਰਸੀ ਸਮਰਥਕਾਂ ਨੇ ਉਸ ਦੀ ਹਾਰ ਨੂੰ ਸ਼ਰਮਨਾਕ ਹਾਰ ਦੱਸਿਆ ਸੀ।

ਸਮ੍ਰਿਤੀ ਇਕ ਵਾਰ ਫਿਰ ਬੰਗਲਾ ਖਾਲੀ ਕਰਨ ਨੂੰ ਲੈ ਕੇ ਕਾਂਗਰਸ ਸਮਰਥਕਾਂ ਦੇ ਹਮਲੇ ਦਾ ਸ਼ਿਕਾਰ ਹੋਈ। ਜਿਸ ਕਾਰਨ ਰਾਹੁਲ ਗਾਂਧੀ ਨੇ ਸਮ੍ਰਿਤੀ ਦੇ ਬਚਾਅ ਵਿੱਚ ਇਹ ਪੋਸਟ ਕੀਤਾ। 2024 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਮੋਦੀ ਸਰਕਾਰ ਦੇ 17 ਕੇਂਦਰੀ ਮੰਤਰੀ ਚੋਣ ਹਾਰ ਗਏ ਸਨ। ਇਨ੍ਹਾਂ ‘ਚ ਸਭ ਤੋਂ ਜ਼ਿਆਦਾ ਚਰਚਾ ਸਮ੍ਰਿਤੀ ਇਰਾਨੀ ਦੀ ਹਾਰ ਦੀ ਸੀ। ਸਾਬਕਾ ਮਹਿਲਾ ਅਤੇ ਬਾਲ ਵਿਕਾਸ ਮੰਤਰੀ ਸਮ੍ਰਿਤੀ ਇਰਾਨੀ ਅਮੇਠੀ ਸੀਟ ਤੋਂ ਕਾਂਗਰਸ ਨੇਤਾ ਕਿਸ਼ੋਰੀ ਲਾਲ ਸ਼ਰਮਾ ਤੋਂ 1.5 ਲੱਖ ਤੋਂ ਵੱਧ ਵੋਟਾਂ ਨਾਲ ਹਾਰ ਗਈ। ਜਦੋਂ ਕਿ ਸਮ੍ਰਿਤੀ ਨੇ 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਰਾਹੁਲ ਗਾਂਧੀ ਨੂੰ ਹਰਾਇਆ ਸੀ।