ਪ੍ਰਯਾਗਰਾਜ : ਪੈਂਚਰ ਲਾਉਣ ਵਾਲੇ ਦਾ ਪੁੱਤਰ ਬਣਿਆ ਜੱਜ, ਮਾਂ ਨੇ ‘ਘਰ-ਪਰਿਵਾਰ’ ਫਿਲਮ ਦੇਖੀ ਤੇ ਸਿਲਾਈ ਕਰਕੇ ਬੱਚਿਆਂ ਨੂੰ ਪੜ੍ਹਾਇਆ

ਅਹਿਦ ਨੇ ਪਹਿਲੀ ਕੋਸ਼ਿਸ਼ ਵਿੱਚ PCS-J ਦੀ ਪ੍ਰੀਖਿਆ ਪਾਸ ਕਰ ਲਈ। ਜਦੋਂ ਨਤੀਜਾ ਆਇਆ ਤਾਂ ਉਸਨੇ ਆਪਣੀ ਮਾਂ ਨੂੰ ਕਿਹਾ- ਮਾਂ, ਮੈਂ ਜੱਜ ਬਣ ਗਿਆ ਹਾਂ। ਇਹ ਸੁਣ ਕੇ ਅਫਸਾਨਾ ਦੀ ਅੱਖਾਂ ‘ਚ ਖੁਸ਼ੀ ਦੇ ਹੰਝੂ ਕਾਫੀ ਦੇਰ ਤੱਕ ਨਹੀਂ ਰੁਕੇ।

ਜੇਕਰ ਕੋਈ ਇਨਸਾਨ ਮਿਹਨਤ ਅਤੇ ਲਗਨ ਨਾਲ ਕੋਈ ਵੀ ਕੰਮ ਕਰਦਾ ਹੈ, ਉਹ ਜ਼ਿੰਦਗੀ ਵਿਚ ਸਫਲ ਜਰੂਰ ਹੁੰਦਾ ਹੈ, ਇਸਦੀ ਇਕ ਮਿਸਾਲ ਪ੍ਰਯਾਗਰਾਜ ਤੋਂ ਦੇਖਣ ਨੂੰ ਮਿਲ ਰਹੀ ਹੈ। ਰਾਜੇਸ਼ ਖੰਨਾ ਦੀ ਫਿਲਮ ਘਰ-ਪਰਿਵਾਰ 1991 ਵਿੱਚ ਰਿਲੀਜ਼ ਹੋਈ ਸੀ। ਇਸ ਫਿਲਮ ‘ਚ ਅਦਾਕਾਰਾ ਲੋਕਾਂ ਦੇ ਕੱਪੜੇ ਸਿਲਾਈ ਕਰਦੀ ਸੀ। ਉਹ ਜੋ ਪੈਸਾ ਕਮਾਉਂਦੀ ਸੀ, ਉਹ ਉਸ ਨਾਲ ਆਪਣੇ ਬੱਚਿਆਂ ਦੀ ਸਕੂਲ ਦੀ ਫੀਸ ਭਰਦੀ ਸੀ।

‘ਘਰ-ਪਰਿਵਾਰ’ ਫਿਲਮ ਦੀ ਕਹਾਣੀ ਨੇ ਪ੍ਰਯਾਗਰਾਜ ਦੀ ਅਫਸਾਨਾ ‘ਤੇ ਡੂੰਘਾ ਪ੍ਰਭਾਵ ਪਾਇਆ। ਅਫਸਾਨਾ ਦਾ ਪਤੀ ਸਾਈਕਲ ਦੀ ਮੁਰੰਮਤ ਤੋਂ ਇੰਨੀ ਕਮਾਈ ਕਰਨ ਦੇ ਯੋਗ ਨਹੀਂ ਸੀ, ਕਿ ਪਰਿਵਾਰ ਦੇ ਖਰਚੇ ਪੂਰੇ ਕਰ ਸਕੇ ਅਤੇ ਬੱਚਿਆਂ ਨੂੰ ਪੜ੍ਹਾ ਸਕੇ। ਇਸ ਲਈ ਅਫਸਾਨਾ ਨੇ ਸਿਲਾਈ ਦਾ ਕੰਮ ਸ਼ੁਰੂ ਕਰ ਦਿੱਤਾ। ਉਹ ਜੋ ਪੈਸੇ ਕਮਾਉਂਦੀ ਸੀ, ਉਸ ਨਾਲ ਆਪਣੇ ਬੱਚਿਆਂ ਨੂੰ ਪੜਾਉਂਦੀ ਸੀ।

ਅਫਸਾਨਾ ਦੀ ਲਗਨ ਅਤੇ ਪੁੱਤਰ ਦੀ ਮਿਹਨਤ ਰੰਗ ਲਿਆਈ। ਬੇਟੇ ਨੇ ਪਹਿਲੀ ਕੋਸ਼ਿਸ਼ ਵਿੱਚ PCS-J ਦੀ ਪ੍ਰੀਖਿਆ ਪਾਸ ਕਰ ਲਈ। ਜਦੋਂ ਨਤੀਜਾ ਆਇਆ ਤਾਂ ਉਸਨੇ ਆਪਣੀ ਮਾਂ ਨੂੰ ਕਿਹਾ- ਮਾਂ, ਮੈਂ ਜੱਜ ਬਣ ਗਿਆ ਹਾਂ। ਬਚਪਨ ਤੋਂ ਲੈ ਕੇ ਹੁਣ ਤੱਕ ਦਾ ਸਮਾਂ ਉਸਦੀ ਮਾਂ ਨੂੰ ਯਾਦ ਆ ਗਿਆ ਗਿਆ। ਜੋ ਉਸਨੇ ਸੋਚਿਆ ਸੀ ਉਹ ਹਕੀਕਤ ਬਣ ਗਿਆ।

ਅਫਸਾਨਾ ਦੀ ਅੱਖਾਂ ‘ਚ ਖੁਸ਼ੀ ਦੇ ਹੰਝੂ ਬਹੁਤੀ ਦੇਰ ਤੱਕ ਨਹੀਂ ਰੁਕੇ। ਬਰਾਈ ਹਰਖ ਪਿੰਡ ਪ੍ਰਯਾਗਰਾਜ ਜ਼ਿਲ੍ਹਾ ਹੈੱਡਕੁਆਰਟਰ ਤੋਂ ਲਗਭਗ 30 ਕਿਲੋਮੀਟਰ ਦੂਰ ਹੈ। ਇੱਥੇ ਸ਼ਹਿਜ਼ਾਦ ਅਹਿਮਦ ਆਪਣੀ ਪਤਨੀ ਅਫਸਾਨਾ ਅਤੇ ਤਿੰਨ ਬੱਚਿਆਂ ਨਾਲ ਰਹਿੰਦਾ ਹੈ। ਘਰ ਦੇ ਨਾਲ ਹੀ ਉਸਦੀ ਸਾਈਕਲ ਰਿਪੇਅਰ ਦੀ ਦੁਕਾਨ ਹੈ। ਇਹ ਦੁਕਾਨ ਉਨ੍ਹਾਂ ਦੇ ਪਿਤਾ ਨੇ 1985 ਦੇ ਆਸ-ਪਾਸ ਖੋਲ੍ਹੀ ਸੀ। ਸ਼ਹਿਜ਼ਾਦ ਦੀ ਪੜ੍ਹਾਈ ਵਿੱਚ ਦਿਲਚਸਪੀ ਨਹੀਂ ਸੀ ਅਤੇ ਉਹ 10ਵੀਂ ਵਿੱਚ ਫੇਲ ਹੋ ਗਿਆ। ਇਸ ਤੋਂ ਬਾਅਦ ਉਹ ਆਪਣੇ ਪਿਤਾ ਕੋਲ ਰਹਿ ਕੇ ਸਾਈਕਲ ਰਿਪੇਅਰਿੰਗ ਦਾ ਕੰਮ ਸਿੱਖ ਕੇ ਦੁਕਾਨ ‘ਤੇ ਕੰਮ ਕਰਨ ਲੱਗਾ।

ਅਫਸਾਨਾ ਨੇ ਆਪਣੇ ਦੂਜੇ ਬੇਟੇ ਅਹਦ ਅਹਿਮਦ ਨੂੰ ਪਿੰਡ ਦੇ ਸਕੂਲ ਵਿੱਚ ਦਾਖਲ ਕਰਵਾਇਆ ਸੀ। 8ਵੀਂ ਤੱਕ ਪੜ੍ਹਾਈ ਕਰਨ ਤੋਂ ਬਾਅਦ ਅਹਦ ਨੇ ਕਿਹਾ ਕਿ ਉਸ ਨੂੰ ਪੜ੍ਹਾਈ ਲਈ ਪ੍ਰਯਾਗਰਾਜ ਜਾਣਾ ਪਵੇਗਾ। ਪਰਿਵਾਰ ਦੀ ਹਾਲਤ ਅਜਿਹੀ ਨਹੀਂ ਸੀ ਕਿ ਉਹ ਉਸਨੂੰ ਪ੍ਰਯਾਗਰਾਜ ਭੇਜ ਸਕਣ। ਪਰ ਅਫਸਾਨਾ ਸਿੱਖਿਆ ਦੇ ਮਹੱਤਵ ਨੂੰ ਜਾਣਦੀ ਸੀ। ਉਸ ਨੇ ਆਪਣੇ ਪੁੱਤਰ ਅਹਿਦ ਨੂੰ ਪ੍ਰਯਾਗਰਾਜ ਭੇਜ ਦਿੱਤਾ।

ਅਹਿਦ ਨੇ ਉੱਥੇ ਦੇ ਸਰਕਾਰੀ ਇੰਟਰ ਕਾਲਜ ਵਿੱਚ ਦਾਖਲਾ ਲਿਆ। 12ਵੀਂ ਤੱਕ ਪੜ੍ਹਾਈ ਕਰਨ ਤੋਂ ਬਾਅਦ ਅਹਿਦ ਨੇ ਕਾਨੂੰਨ ਦੀ ਪੜ੍ਹਾਈ ਕਰਨ ਦੀ ਇੱਛਾ ਪ੍ਰਗਟਾਈ। ਅਹਿਦ ਨੇ ਕਿਹਾ ਕਿ 2014 ਵਿੱਚ, ਮੈਂ ਇਲਾਹਾਬਾਦ ਯੂਨੀਵਰਸਿਟੀ ਵਿੱਚ ਬੀਏ ਐਲਐਲਬੀ ਦਾਖਲਾ ਪ੍ਰੀਖਿਆ ਲਈ ਵੀ ਹਾਜ਼ਰ ਹੋਇਆ। ਅਹਿਦ ਦੇ ਅੰਕ ਇਸ ਪੱਧਰ ‘ਤੇ ਪਹੁੰਚ ਗਏ ਸਨ ਕਿ ਉਹ ਚੁਣਿਆ ਜਾਵੇਗਾ। ਅਹਿਦ ਦੇ ਪਿਤਾ ਨੇ ਦੱਸਿਆ ਕਿ ਹਰ ਸਾਲ ਲਈ ਜਾਂਦੀ 38 ਹਜ਼ਾਰ ਫੀਸ ਦਾ ਪ੍ਰਬੰਧ ਨਹੀਂ ਕਰ ਸਕਦਾ ਸੀ। ਅਸੀਂ ਸ਼ਹਿਜ਼ਾਦ ਨੂੰ ਪੁੱਛਿਆ ਕਿ ਫੀਸਾਂ ਦਾ ਪ੍ਰਬੰਧ ਕਿਵੇਂ ਕੀਤਾ? ਅਹਿਦ ਨੇ ਦੱਸਿਆ ਕਿ ਇੱਕ ਵਾਰ ਦਾਖਲਾ ਹੋ ਜਾਣ ਤੋਂ ਬਾਅਦ, ਤੁਹਾਨੂੰ ਇਹ 5 ਸਾਲਾਂ ਤੱਕ ਲਗਾਤਾਰ ਦੇਣਾ ਹੋਵੇਗਾ। ਇਸ ਲਈ ਉਹ ਪਹਿਲਾਂ ਤਾਂ ਝਿਜਕਿਆ ਪਰ ਆਪਣੇ ਪੁੱਤਰ ਦੀ ਇੱਛਾ ਨੂੰ ਦੇਖਦੇ ਹੋਏ ਉਸ ਨੇ ਕਰਜ਼ਾ ਲੈ ਕੇ ਫੀਸ ਦਿਤੀ। ਅਹਿਦ ਲਗਨ ਨਾਲ ਪੜ੍ਹਿਆ ਅਤੇ ਪਰਿਵਾਰ ਦਾ ਸਪਨਾ ਪੂਰਾ ਕੀਤਾ।”