ਮੇਰੀ ਨਫ਼ਰਤ ਦੇ ਕਾਬਿਲ ਵੀ ਨਹੀਂ ਸਲਮਾਨ ਖਾਨ, ਉਸਨੂੰ ਲੱਗਦਾ ਹੈ ਕਿ ਉਹ ਭਗਵਾਨ ਬਣ ਗਿਆ ਹੈ : ਅਭਿਜੀਤ

ਅਭਿਜੀਤ ਭੱਟਾਚਾਰੀਆ ਦਾ ਕਹਿਣਾ ਹੈ ਕਿ ਸਲਮਾਨ ਨੇ ਆਪਣੇ ਦੇਸ਼ ਦੇ ਗਾਇਕਾਂ ਦੀ ਬਜਾਏ ਦੁਸ਼ਮਣ ਦੇਸ਼ ਪਾਕਿਸਤਾਨ ਦੇ ਗਾਇਕਾਂ ਨੂੰ ਪ੍ਰਮੋਟ ਕੀਤਾ ਅਤੇ ਉਨ੍ਹਾਂ ਨੂੰ ਮੌਕਾ ਦਿੱਤਾ ਹੈ।

ਗਾਇਕ ਅਭਿਜੀਤ ਨੂੰ ਉਸਨੂੰ ਬੇਬਾਕ ਅੰਦਾਜ਼ ਲਈ ਜਾਣਿਆ ਜਾਂਦਾ ਹੈ। ਗਾਇਕ ਅਭਿਜੀਤ ਭੱਟਾਚਾਰੀਆ ਨੇ ਕੁਝ ਦਿਨ ਪਹਿਲਾਂ ਹੀ ਸ਼ਾਹਰੁਖ ਖਾਨ ‘ਤੇ ਨਿਸ਼ਾਨਾ ਸਾਧਿਆ ਸੀ ਅਤੇ ਹੁਣ ਉਨ੍ਹਾਂ ਨੇ ਸਲਮਾਨ ਖਾਨ ‘ਤੇ ਹਮਲਾ ਬੋਲਿਆ ਹੈ। ਜਿੱਥੇ ਅਭਿਜੀਤ ਭੱਟਾਚਾਰੀਆ ਨੇ ਸ਼ਾਹਰੁਖ ਨੂੰ ‘ਸਟਾਰਡਮ ਲਈ ਦੂਜਿਆਂ ਦੀ ਵਰਤੋਂ’ ਕਰਨ ਵਾਲਾ ਦੱਸਿਆ ਸੀ, ਉਥੇ ਹੀ ਸਲਮਾਨ ਬਾਰੇ ਕਿਹਾ ਹੈ ਕਿ ਉਹ ਉਨ੍ਹਾਂ ਦੀ ਨਫ਼ਰਤ ਦੇ ਵੀ ਕਾਬਿਲ ਨਹੀਂ ਹਨ।

ਅਭਿਜੀਤ ਭੱਟਾਚਾਰੀਆ ਨੇ ਦੱਸਿਆ ਕਿ ਉਸਨੂੰ ਸਲਮਾਨ ਪ੍ਰਤੀ ਅਜੇ ਵੀ ਕੁੜੱਤਣ ਕਿਉਂ ਹੈ, ਅਤੇ ਉਹ ਉਸ ਨੂੰ ਆਪਣੀ ਨਫ਼ਰਤ ਦੇ ਯੋਗ ਕਿਉਂ ਨਹੀਂ ਸਮਝਦਾ। ਅਭਿਜੀਤ ਭੱਟਾਚਾਰੀਆ ਦਾ ਸਲਮਾਨ ਖਾਨ ਨਾਲ 2015 ਵਿੱਚ ਝਗੜਾ ਵੀ ਹੋਇਆ ਸੀ। ਫਿਰ ਉਸ ਨੇ ਅਭਿਨੇਤਾ ਦੇ ਖਿਲਾਫ ਇਕ ਟਵੀਟ ਕੀਤਾ, ਜਿਸ ਨੇ ਕਾਫੀ ਹੰਗਾਮਾ ਕੀਤਾ ਅਤੇ ਹੁਣ ਅਭਿਜੀਤ ਭੱਟਾਚਾਰੀਆ ਨੇ ਇੱਕ ਵਾਰ ਫਿਰ ਨਿਸ਼ਾਨਾ ਸਾਧਿਆ ਹੈ।

ਅਭਿਜੀਤ ਭੱਟਾਚਾਰੀਆ ਦਾ ਕਹਿਣਾ ਹੈ ਕਿ ਸਲਮਾਨ ਨੇ ਆਪਣੇ ਦੇਸ਼ ਦੇ ਗਾਇਕਾਂ ਦੀ ਬਜਾਏ ਦੁਸ਼ਮਣ ਦੇਸ਼ ਦੇ ਗਾਇਕਾਂ ਨੂੰ ਪ੍ਰਮੋਟ ਕੀਤਾ ਅਤੇ ਉਨ੍ਹਾਂ ਨੂੰ ਮੌਕਾ ਦਿੱਤਾ। ਯੂਟਿਊਬ ਚੈਨਲ ਨੂੰ ਦਿੱਤੇ ਇੰਟਰਵਿਊ ‘ਚ ਅਭਿਜੀਤ ਭੱਟਾਚਾਰੀਆ ਤੋਂ ਪੁੱਛਿਆ ਗਿਆ ਕਿ ਕੀ ਉਨ੍ਹਾਂ ਦਾ ਸਲਮਾਨ ਖਾਨ ਨਾਲ ਕੋਈ ਰਿਸ਼ਤਾ ਹੈ। ਜਵਾਬ ਵਿੱਚ, ਗਾਇਕ ਨੇ ਅਭਿਨੇਤਾ ਨਾਲ ਮਤਭੇਦਾਂ ਬਾਰੇ ਗੱਲ ਕੀਤੀ ਅਤੇ ਕਿਹਾ, ‘ਮੈਨੂੰ ਨਹੀਂ ਲੱਗਦਾ ਕਿ ਉਹ ਮੇਰੀ ਨਫ਼ਰਤ ਦਾ ਹੱਕਦਾਰ ਹੈ, ਮੈਂ ਸਲਮਾਨ ਨੂੰ ਨਫ਼ਰਤ ਦੇ ਲਾਇਕ ਵੀ ਨਹੀਂ ਸਮਝਦਾ। ਜੋ ਕੁਝ ਵੀ ਉਸ ਨੂੰ ਮਿਲਿਆ ਹੈ ਉਹ ਬਖਸ਼ਿਸ਼ਾਂ ਦਾ ਹੀ ਅਸਰ ਹੈ। ਉਹ ਅਰਦਾਸਾਂ ਤੇ ਹੀ ਚੱਲ ਰਿਹਾ ਹੈ।

ਅਭਿਜੀਤ ਨੇ ਅੱਗੇ ਕਿਹਾ ਕਿ ਜੇਕਰ ਸਲਮਾਨ ਸੋਚ ਰਹੇ ਹਨ ਕਿ ਉਹ ਭਗਵਾਨ ਬਣ ਗਏ ਹਨ ਤਾਂ ਅਜਿਹਾ ਨਹੀਂ ਹੈ, ਉਹ ਰੱਬ ਨਹੀਂ ਹੈ। ਅਭਿਜੀਤ ਭੱਟਾਚਾਰੀਆ ਨੇ 2015 ‘ਚ ਸਲਮਾਨ ਦੇ ‘ਹਿੱਟ ਐਂਡ ਰਨ’ ਮਾਮਲੇ ‘ਤੇ ਟਵੀਟ ਕਰਦੇ ਹੋਏ ਸਲਮਾਨ ਦੀ ਆਲੋਚਨਾ ਕੀਤੀ ਸੀ। ਅਭਿਜੀਤ ਨੇ ਕਿਹਾ, ‘ਲੋਕ ਕਿਵੇਂ ਸੋਚ ਸਕਦੇ ਹਨ ਕਿ ਮੈਂ ਉਸ ਆਦਮੀ ਦਾ ਸਮਰਥਨ ਕਰਾਂਗਾ ਜੋ ਸਿਰਫ ਦੁਸ਼ਮਣ ਦੇਸ਼ ਦੇ ਕਲਾਕਾਰਾਂ ਦਾ ਸਮਰਥਨ ਕਰਦਾ ਹੈ। ਉਸ ਨੇ ਭਾਰਤ ਦੇ ਚੋਟੀ ਦੇ ਗਾਇਕਾਂ ਨੂੰ ਹਟਾ ਕੇ ਪਾਕਿਸਤਾਨੀ ਗਾਇਕਾਂ ਤੋਂ ਗਾਣੇ ਗਵਾਏ। ਸਲਮਾਨ ਪਾਕਿਸਤਾਨ ਪ੍ਰਤੀ ਵਫ਼ਾਦਾਰੀ ਹੀ ਦਿਖਾ ਸਕਦਾ ਹੈ, ਉਸਨੇ ਇਹ ਸਭ ਜਾਣ ਬੁੱਝ ਕੇ ਕੀਤਾ ਹੈ।