ਪਾਕਿਸਤਾਨ ਦੇ ਜੈਵਲਿਨ ਥਰੋਅਰ ਅਰਸ਼ਦ ਨਦੀਮ ਨੂੰ ਓਲੰਪਿਕ ਵਿੱਚ ਗੋਲ੍ਡ ਮੈਡਲ ਜਿੱਤਣ ‘ਤੇ ਉਸਦੇ ਸਹੁਰੇ ਵੱਲੋਂ ਉਸਨੂੰ ਮੱਝ ਭੇਟ ਕੀਤੀ ਜਾਵੇਗੀ

ਮੁਹੰਮਦ ਨਵਾਜ਼ ਨੇ ਐਤਵਾਰ ਨੂੰ ਨਦੀਮ ਦੇ ਪਿੰਡ ‘ਚ ਸਥਾਨਕ ਮੀਡੀਆ ਨੂੰ ਦੱਸਿਆ ਕਿ ਉਨ੍ਹਾਂ ਦੇ ਪਿੰਡ ‘ਚ ਮੱਝ ਨੂੰ ਤੋਹਫਾ ਦੇਣਾ ‘ਬਹੁਤ ਕੀਮਤੀ’ ਅਤੇ ‘ਸਤਿਕਾਰਯੋਗ’ ਮੰਨਿਆ ਜਾਂਦਾ ਹੈ।

ਪਾਕਿਸਤਾਨ ਦੇ ਜੈਵਲਿਨ ਥਰੋਅਰ ਅਰਸ਼ਦ ਨਦੀਮ ਨੇ ਇਸ ਵਾਰ ਓਲਿੰਪਿਕ ਵਿਚ ਗੋਲ੍ਡ ਮੈਡਲ ਜਿਤਿਆ ਹੈ। ਪਾਕਿਸਤਾਨ ਆਪਣੇ ਜੈਵਲਿਨ ਥਰੋਅ ਓਲੰਪਿਕ ਸੋਨ ਤਮਗਾ ਜੇਤੂ ਅਰਸ਼ਦ ਨਦੀਮ ਨੂੰ ਨਕਦ ਇਨਾਮਾਂ ਅਤੇ ਹੋਰ ਕੀਮਤੀ ਇਨਾਮਾਂ ਨਾਲ ਭਾਂਵੇ ਭਾਂਵੇਂ ਵਰ੍ਹ ਰਿਹਾ ਹੋਵੇ, ਪਰ ਉਸਦੇ ਸਹੁਰੇ ਨੇ ਉਸਦੀ ਪੇਂਡੂ ਪਰਵਰਿਸ਼ ਅਤੇ ਪਰੰਪਰਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਉਸਨੂੰ ਇੱਕ ਮੱਝ ਤੋਹਫੇ ਵਿੱਚ ਦੇਣ ਦਾ ਫੈਸਲਾ ਕੀਤਾ ਹੈ।

ਮੁਹੰਮਦ ਨਵਾਜ਼ ਨੇ ਐਤਵਾਰ ਨੂੰ ਨਦੀਮ ਦੇ ਪਿੰਡ ‘ਚ ਸਥਾਨਕ ਮੀਡੀਆ ਨੂੰ ਦੱਸਿਆ ਕਿ ਉਨ੍ਹਾਂ ਦੇ ਪਿੰਡ ‘ਚ ਮੱਝ ਨੂੰ ਤੋਹਫਾ ਦੇਣਾ ‘ਬਹੁਤ ਕੀਮਤੀ’ ਅਤੇ ‘ਸਤਿਕਾਰਯੋਗ’ ਮੰਨਿਆ ਜਾਂਦਾ ਹੈ। ਨਦੀਮ ਨੇ ਪੈਰਿਸ ਵਿੱਚ ਜੈਵਲਿਨ ਥਰੋਅ ਈਵੈਂਟ ਵਿੱਚ 92.97 ਮੀਟਰ ਦੀ ਓਲੰਪਿਕ ਰਿਕਾਰਡ ਥਰੋਅ ਨਾਲ ਸੋਨ ਤਗਮਾ ਜਿੱਤਿਆ, ਭਾਰਤ ਦੇ ਨੀਰਜ ਚੋਪੜਾ ਦੂਜੇ ਸਥਾਨ ‘ਤੇ ਰਹੇ।

ਨਵਾਜ਼ ਨੇ ਕਿਹਾ, “ਨਦੀਮ ਨੂੰ ਆਪਣੀਆਂ ਜੜ੍ਹਾਂ ‘ਤੇ ਬਹੁਤ ਮਾਣ ਹੈ ਅਤੇ ਆਪਣੀ ਸਫਲਤਾ ਦੇ ਬਾਵਜੂਦ, ਉਸਦਾ ਘਰ ਅਜੇ ਵੀ ਉਸਦਾ ਪਿੰਡ ਹੈ ਅਤੇ ਉਹ ਅਜੇ ਵੀ ਆਪਣੇ ਮਾਤਾ-ਪਿਤਾ ਅਤੇ ਭਰਾਵਾਂ ਨਾਲ ਰਹਿੰਦਾ ਹੈ।” ਉਸਦੀ ਸਭ ਤੋਂ ਛੋਟੀ ਧੀ ਆਇਸ਼ਾ ਦਾ ਵਿਆਹ ਨਦੀਮ ਨਾਲ ਹੋਇਆ ਹੈ। ਨਵਾਜ਼ ਨੇ ਕਿਹਾ, ”ਜਦੋਂ ਅਸੀਂ 6 ਸਾਲ ਪਹਿਲਾਂ ਆਪਣੀ ਬੇਟੀ ਦਾ ਵਿਆਹ ਨਦੀਮ ਨਾਲ ਕਰਨ ਦਾ ਫੈਸਲਾ ਕੀਤਾ ਸੀ, ਉਸ ਸਮੇਂ ਉਹ ਛੋਟੀ-ਮੋਟੀ ਨੌਕਰੀ ਕਰਦਾ ਸੀ। ਪਰ ਉਹ ਆਪਣੀ ਖੇਡ ਪ੍ਰਤੀ ਬਹੁਤ ਭਾਵੁਕ ਸੀ ਅਤੇ ਘਰ ਅਤੇ ਖੇਤਾਂ ਵਿੱਚ ਲਗਾਤਾਰ ਜੈਵਲਿਨ ਸੁੱਟਣ ਦਾ ਅਭਿਆਸ ਕਰਦਾ ਸੀ।