ਜੇਕਰ ਅਸੀਂ ਬੀਜੇਪੀ ਦੀ ਬੀ ਟੀਮ ਤਾਂ ਰਾਹੁਲ ਗਾਂਧੀ ਨੇ ਅਮੇਠੀ ਦੀ ਸੀਟ ਬੀਜੇਪੀ ਨੂੰ ਤੋਹਫ਼ੇ ‘ਚ ਕਿਉਂ ਦਿਤੀ : ਓਵੈਸੀ

ਤੇਲੰਗਾਨਾ ਵਿੱਚ ਇੱਕ ਜਨ ਸਭਾ ਨੂੰ ਸੰਬੋਧਿਤ ਕਰਦੇ ਹੋਏ ਰਾਹੁਲ ਗਾਂਧੀ ਨੇ ਕਿਹਾ ਸੀ, “ਤੇਲੰਗਾਨਾ ਵਿੱਚ ਕਾਂਗਰਸ ਅਤੇ ਬੀਆਰਐਸ ਵਿੱਚ ਚੋਣ ਮੁਕਾਬਲਾ ਹੈ।” ਅਸੀਂ ਇੱਥੇ ਭਾਜਪਾ ਨੂੰ ਹਰਾਇਆ ਹੈ, ਪਰ ਯਾਦ ਰੱਖੋ, ਬੀਜੇਪੀ ਤੇਲੰਗਾਨਾ ਵਿੱਚ ਬੀਆਰਐਸ ਨੂੰ ਜਿਤਵਾਉਣਾ ਚਾਹੁੰਦੀ ਹੈ। ਇਹ ਦੋਵੇਂ ਇਕੱਠੇ ਕੰਮ ਕਰ ਰਹੇ ਹਨ। ਏਆਈਐਮਆਈਐਮ ਵੀ ਉਨ੍ਹਾਂ ਦੇ ਨਾਲ ਹੈ।

ਰਾਹੁਲ ਗਾਂਧੀ ਨੇ ਤੇਲੰਗਾਨਾ ਵਿਧਾਨਸਭਾ ਚੋਣਾਂ ਤੋਂ ਪਹਿਲਾ ਕਿਹਾ ਕਿ ਕਾਂਗਰਸ ਤੇਲੰਗਾਨਾ ਵਿਧਾਨਸਭਾ ਚੋਣਾਂ ਜਿੱਤ ਕੇ ਸਰਕਾਰ ਬਣਾਏਗੀ। ਤੇਲੰਗਾਨਾ ਵਿੱਚ ਵਿਧਾਨ ਸਭਾ ਚੋਣਾਂ ਦੀਆਂ ਤਰੀਕਾਂ ਦਾ ਐਲਾਨ ਹੋ ਗਿਆ ਹੈ। ਚੋਣਾਂ ਨੂੰ ਲੈ ਕੇ ਆਗੂਆਂ ਵਿਚਾਲੇ ਸ਼ਬਦੀ ਜੰਗ ਚੱਲ ਰਹੀ ਹੈ। ਬੁੱਧਵਾਰ ਨੂੰ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਤੇਲੰਗਾਨਾ ਦੇ ਕੁਲਗੂ ਪਹੁੰਚੇ ਸਨ। ਇੱਥੇ ਚੋਣ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਬੀਆਰਐਸ, ਭਾਜਪਾ ਅਤੇ ਏਆਈਐਮਆਈਐਮ ’ਤੇ ਤਿੱਖਾ ਨਿਸ਼ਾਨਾ ਸਾਧਿਆ।

As predicted Rahul baba’s “B-Team” rona has begun. Why did he gift his Amethi seat to BJP? And why is BJP so weak in Telangana if it has B-Teams here? Why did Baba have to go to Wayanad to find a “safe seat?”

My Royal Enfield has more seats than what BJP-CongRSS combine will…

— Asaduddin Owaisi (@asadowaisi) October 18, 2023

ਰਾਹੁਲ ਗਾਂਧੀ ਨੇ ਅਸਦੁਦੀਨ ਓਵੈਸੀ ਦੀ ਪਾਰਟੀ ਏਆਈਐਮਆਈਐਮ ਅਤੇ ਬੀਆਰਐਸ ਨੂੰ ਭਾਜਪਾ ਦੀ ‘ਬੀ’ ਟੀਮ ਦੱਸਿਆ। ਹੁਣ AIMIM ਦੇ ਮੁਖੀ ਅਸਦੁਦੀਨ ਓਵੈਸੀ ਨੇ ਇਸ ਨੂੰ ਲੈ ਕੇ ਰਾਹੁਲ ਗਾਂਧੀ ‘ਤੇ ਚੁਟਕੀ ਲਈ ਹੈ। ਅਸਦੁਦੀਨ ਓਵੈਸੀ ਨੇ ਐਕਸ ‘ਤੇ ਪੋਸਟ ਕੀਤਾ ਅਤੇ ਕਿਹਾ, “ਜਿਵੇਂ ਕਿ ਭਵਿੱਖਬਾਣੀ ਕੀਤੀ ਗਈ ਸੀ, ਰਾਹੁਲ ਬਾਬਾ ਨੇ ਬੀ-ਟੀਮ ਨੂੰ ਲੈ ਕੇ ਰੋਣਾ ਸ਼ੁਰੂ ਕਰ ਦਿੱਤਾ ਹੈ।”

ਅਸਦੁਦੀਨ ਓਵੈਸੀ ਨੇਓਵੈਸੀ ਨੇ ਕਿਹਾ ਕਿ ਰਾਹੁਲ ਨੇ ਆਪਣੀ ਅਮੇਠੀ ਸੀਟ ਭਾਜਪਾ ਨੂੰ ਕਿਉਂ ਤੋਹਫੇ ‘ਚ ਦਿੱਤੀ? ਜੇਕਰ ਇੱਥੇ ਬੀ-ਟੀਮਾਂ ਹਨ ਤਾਂ ਤੇਲੰਗਾਨਾ ਵਿੱਚ ਭਾਜਪਾ ਇੰਨੀ ਕਮਜ਼ੋਰ ਕਿਉਂ ਹੈ? ਰਾਹੁਲ ਬਾਬਾ ਨੂੰ ਸੁਰੱਖਿਅਤ ਸੀਟ ਲੱਭਣ ਲਈ ਵਾਇਨਾਡ ਕਿਉਂ ਜਾਣਾ ਪਿਆ? ਮੇਰੇ ਰਾਇਲ ਐਨਫੀਲਡ (ਬੁਲੇਟ) ਵਿੱਚ ਭਾਜਪਾ, ਕਾਂਗਰਸ-ਆਰਐਸਐਸ ਤੋਂ ਵੱਧ ਸੀਟਾਂ ਹਨ।

ਜਿਕਰਯੋਗ ਹੈ ਕਿ ਤੇਲੰਗਾਨਾ ਵਿੱਚ ਇੱਕ ਜਨ ਸਭਾ ਨੂੰ ਸੰਬੋਧਿਤ ਕਰਦੇ ਹੋਏ ਰਾਹੁਲ ਗਾਂਧੀ ਨੇ ਕਿਹਾ ਸੀ, “ਤੇਲੰਗਾਨਾ ਵਿੱਚ ਕਾਂਗਰਸ ਅਤੇ ਬੀਆਰਐਸ ਵਿੱਚ ਚੋਣ ਮੁਕਾਬਲਾ ਹੈ।” ਅਸੀਂ ਇੱਥੇ ਭਾਜਪਾ ਨੂੰ ਹਰਾਇਆ ਹੈ, ਪਰ ਯਾਦ ਰੱਖੋ, ਬੀਜੇਪੀ ਤੇਲੰਗਾਨਾ ਵਿੱਚ ਬੀਆਰਐਸ ਨੂੰ ਜਿਤਵਾਉਣਾ ਚਾਹੁੰਦੀ ਹੈ। ਇਹ ਦੋਵੇਂ ਇਕੱਠੇ ਕੰਮ ਕਰ ਰਹੇ ਹਨ। ਏਆਈਐਮਆਈਐਮ ਵੀ ਉਸ ਦੇ ਨਾਲ ਹੈ।

ਇੱਥੇ ਇਹ ਵੀ ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਅਸਦੁਦੀਨ ਓਵੈਸੀ ਨੇ ਬੀਆਰਐਸ ਮੁਖੀ ਅਤੇ ਤੇਲੰਗਾਨਾ ਦੇ ਮੁੱਖ ਮੰਤਰੀ ਕੇ ਚੰਦਰਸ਼ੇਖਰ ਰਾਓ ਦਾ ਸਮਰਥਨ ਕੀਤਾ ਸੀ ਅਤੇ ਕਿਹਾ ਸੀ, “ਸਾਨੂੰ ਉਮੀਦ ਹੈ ਕਿ ਇੰਸ਼ਾ ਅੱਲ੍ਹਾ ਕੇਸੀਆਰ ਮੁੜ ਤੇਲੰਗਾਨਾ ਦੇ ਮੁੱਖ ਮੰਤਰੀ ਬਣਨਗੇ।” ਸਾਡੀ ਪਾਰਟੀ ਦੇ ਵਿਧਾਇਕ ਵੀ ਜਿਸ ਵੀ ਹਲਕੇ ਤੋਂ ਚੋਣ ਲੜਨਗੇ, ਉਸ ਤੋਂ ਕਾਮਯਾਬ ਹੋਣਗੇ। ਚੋਣ ਕਮਿਸ਼ਨ ਨੇ ਤੇਲੰਗਾਨਾ ਦੀਆਂ 119 ਸੀਟਾਂ ਲਈ ਚੋਣ ਤਰੀਕਾਂ ਦਾ ਐਲਾਨ ਕਰ ਦਿੱਤਾ ਹੈ। ਸੂਬੇ ‘ਚ 30 ਨਵੰਬਰ ਨੂੰ ਵੋਟਾਂ ਪੈਣਗੀਆਂ, ਜਦਕਿ ਵੋਟਾਂ ਦੀ ਗਿਣਤੀ 3 ਦਸੰਬਰ ਨੂੰ ਹੋਵੇਗੀ। ਤੇਲੰਗਾਨਾ ਦੇ ਵੱਖਰਾ ਰਾਜ ਬਣਨ ਤੋਂ ਬਾਅਦ ਕੇਸੀਆਰ ਦੀ ਪਾਰਟੀ ਸੱਤਾ ਵਿੱਚ ਹੈ। ਬੀਆਰਐਸ ਨੂੰ 2014 ਅਤੇ 2018 ਵਿੱਚ ਹੋਈਆਂ ਚੋਣਾਂ ਵਿੱਚ ਬਹੁਮਤ ਮਿਲਿਆ ਸੀ।