ਰਿਸ਼ਭ ਪੰਤ ‘ਤੇ ਲਗ ਸਕਦਾ ਹੈ ਇਕ ਮੈਚ ਦਾ ਬੈਨ : ਸਲੋ ਓਵਰ ਰੇਟ ਕਾਰਨ BCCI ਨੇ ਲਗਾਇਆ 24 ਲੱਖ ਦਾ ਜੁਰਮਾਨਾ

ਇਸ ਸੀਜ਼ਨ ਵਿੱਚ ਇਹ ਦੂਜੀ ਵਾਰ ਹੈ, ਜਦੋਂ ਰਿਸ਼ਭ ਪੰਤ ਨੂੰ ਹੌਲੀ ਓਵਰ ਰੇਟ ਕਾਰਨ ਜੁਰਮਾਨਾ ਲਗਾਇਆ ਗਿਆ ਹੈ। ਇਸ ਵਾਰ ਬੀਸੀਸੀਆਈ ਨੇ ਉਸ ‘ਤੇ 24 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ।

ਰਿਸ਼ਭ ਪੰਤ ਦੀ ਮੁਸ਼ਕਿਲਾਂ ਘੱਟ ਹੋਣ ਦਾ ਨਾਂ ਨਹੀਂ ਲੈ ਰਹੀਆਂ ਹਨ। ਦਿੱਲੀ ਕੈਪੀਟਲਜ਼ ਦੇ ਕਪਤਾਨ ਰਿਸ਼ਭ ਪੰਤ ਲਈ IPL 2024 ‘ਚ ਤਣਾਅ ਦਾ ਕੋਈ ਅੰਤ ਨਹੀਂ ਹੈ। ਦਿੱਲੀ ਕੈਪੀਟਲਜ਼ ਦੀ ਟੀਮ ਇਸ ਸੀਜ਼ਨ ‘ਚ ਹੁਣ ਤੱਕ 4 ‘ਚੋਂ ਸਿਰਫ 1 ਮੈਚ ਜਿੱਤ ਸਕੀ ਹੈ ਅਤੇ 3 ਮੈਚਾਂ ‘ਚ ਉਸਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਕੋਲਕਾਤਾ ਨਾਈਟ ਰਾਈਡਰਜ਼ ਖਿਲਾਫ ਖੇਡੇ ਗਏ ਮੈਚ ‘ਚ ਟੀਮ ਨੇ ਕਾਫੀ ਸ਼ਰਮਨਾਕ ਪ੍ਰਦਰਸ਼ਨ ਕੀਤਾ।

ਇਸ ਮੈਚ ਵਿੱਚ ਦਿੱਲੀ ਨੂੰ 106 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਦੇ ਨਾਲ ਹੀ ਹੁਣ ਬੀਸੀਸੀਆਈ ਨੇ ਵੀ ਪੰਤ ਖ਼ਿਲਾਫ਼ ਵੱਡੀ ਕਾਰਵਾਈ ਕੀਤੀ ਹੈ। ਬੀਸੀਸੀਆਈ ਨੇ ਹੌਲੀ ਓਵਰ ਰੇਟ ਕਾਰਨ ਰਿਸ਼ਭ ਪੰਤ ਖ਼ਿਲਾਫ਼ ਕਾਰਵਾਈ ਕੀਤੀ ਹੈ। ਇਸ ਸੀਜ਼ਨ ਵਿੱਚ ਇਹ ਦੂਜੀ ਵਾਰ ਹੈ ਜਦੋਂ ਰਿਸ਼ਭ ਪੰਤ ਨੂੰ ਹੌਲੀ ਓਵਰ ਰੇਟ ਕਾਰਨ ਜੁਰਮਾਨਾ ਲਗਾਇਆ ਗਿਆ ਹੈ। ਇਸ ਵਾਰ ਬੀਸੀਸੀਆਈ ਨੇ ਉਸ ‘ਤੇ 24 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਇਸ ਦੇ ਨਾਲ ਹੀ ਪਿਛਲੇ ਮੈਚ ‘ਚ ਰਿਸ਼ਭ ਪੰਤ ‘ਤੇ 12 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ ਸੀ।

ਪੰਤ ਦੀ ਕਪਤਾਨੀ ਵਿੱਚ ਦਿੱਲੀ ਇਨ੍ਹਾਂ ਦੋਵਾਂ ਮੈਚਾਂ ਵਿੱਚ ਨਿਯਮਤ ਸਮੇਂ ਵਿੱਚ 20 ਓਵਰ ਵੀ ਪੂਰੇ ਨਹੀਂ ਕਰ ਸਕੀ। ਇਸ ਦੇ ਨਾਲ ਹੀ ਇਸ ਵਾਰ ਪੰਤ ਦੇ ਨਾਲ ਟੀਮ ਦੇ ਹੋਰ ਖਿਡਾਰੀਆਂ ‘ਤੇ ਵੀ 6 ਲੱਖ ਰੁਪਏ ਜਾਂ ਮੈਚ ਫੀਸ ਦਾ 25 ਫੀਸਦੀ ਜੁਰਮਾਨਾ ਲਗਾਇਆ ਗਿਆ ਹੈ। ਹੌਲੀ ਓਵਰ ਰੇਟ ਦੇ ਨਿਯਮਾਂ ਦੇ ਮੁਤਾਬਕ ਜੇਕਰ ਇਹ ਗਲਤੀ ਪਹਿਲੀ ਵਾਰ ਹੁੰਦੀ ਹੈ ਤਾਂ ਕਪਤਾਨ ਨੂੰ ਸਿਰਫ 12 ਲੱਖ ਰੁਪਏ ਦਾ ਜੁਰਮਾਨਾ ਹੁੰਦਾ ਹੈ। ਜੇਕਰ ਸੀਜ਼ਨ ‘ਚ ਦੂਜੀ ਵਾਰ ਇਹ ਗਲਤੀ ਹੁੰਦੀ ਹੈ ਤਾਂ ਕਪਤਾਨ ‘ਤੇ 24 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਜਾਂਦਾ ਹੈ।

ਟੀਮ ਦੇ ਹੋਰ ਖਿਡਾਰੀਆਂ ‘ਤੇ ਵੀ 6 ਲੱਖ ਰੁਪਏ ਜਾਂ ਮੈਚ ਫੀਸ ਦਾ 25 ਫੀਸਦੀ ਜੁਰਮਾਨਾ ਲਗਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਤੀਜੀ ਵਾਰ ਅਜਿਹੀ ਗਲਤੀ ਕਰਨ ‘ਤੇ ਕਪਤਾਨ ‘ਤੇ 30 ਲੱਖ ਰੁਪਏ ਦੇ ਨਾਲ ਇਕ ਮੈਚ ਲਈ ਪਾਬੰਦੀ ਲਗਾਈ ਜਾਂਦੀ ਹੈ, ਇਸ ਦੇ ਨਾਲ ਹੀ ਟੀਮ ਦੇ ਬਾਕੀ ਖਿਡਾਰੀਆਂ ‘ਤੇ 12-12 ਲੱਖ ਰੁਪਏ ਜਾਂ ਉਨ੍ਹਾਂ ਦੇ 50 ਫੀਸਦੀ ਜੁਰਮਾਨਾ ਲਗਾਇਆ ਜਾਵੇਗਾ। ਅਜਿਹੇ ‘ਚ ਪੰਤ ਨੇ ਇਸ ਸੀਜ਼ਨ ‘ਚ 2 ਵਾਰ ਇਹ ਗਲਤੀ ਕੀਤੀ ਹੈ, ਜੇਕਰ ਉਹ ਇਕ ਵਾਰ ਫਿਰ ਸਲੋ ਓਵਰ ਰੇਟ ‘ਚ ਫੜੇ ਜਾਂਦੇ ਹਨ ਤਾਂ ਉਨ੍ਹਾਂ ‘ਤੇ 1 ਮੈਚ ਲਈ ਪਾਬੰਦੀ ਲੱਗ ਸਕਦੀ ਹੈ।