ਚੀਨ ਦੇ ਨਾਂ ‘ਤੇ ਦਰਜ਼ ਹੋਈ ਵੱਡੀ ਪ੍ਰਾਪਤੀ, ਲਾਂਚ ਕੀਤਾ ਦੁਨੀਆ ਦਾ ਸਭ ਤੋਂ ਤੇਜ਼ ਇੰਟਰਨੈੱਟ, ਸਪੀਡ 1.2TB ਪ੍ਰਤੀ ਸੈਕਿੰਡ

ਇਸਤੋਂ ਪਹਿਲਾ ਉਮੀਦ ਕੀਤੀ ਜਾ ਰਹੀ ਸੀ ਕਿ ਚੀਨ 2025 ‘ਚ ਇੰਟਰਨੈੱਟ ਦੀ ਇਹ ਸਪੀਡ ਹਾਸਲ ਕਰ ਲਵੇਗਾ, ਪਰ ਚੀਨ ਨੇ ਸਮੇਂ ਤੋਂ ਪਹਿਲਾਂ ਹੀ ਇਹ ਸਫਲਤਾ ਹਾਸਲ ਕਰ ਲਈ ਹੈ। ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਮੁਤਾਬਕ ਮੌਜੂਦਾ ਇੰਟਰਨੈੱਟ ਨਾਲੋਂ 10 ਗੁਣਾ ਤੇਜ਼ ਇੰਟਰਨੈੱਟ ਦਾ ਆਉਣਾ ਇਸ ਦਿਸ਼ਾ ‘ਚ ਕ੍ਰਾਂਤੀ ਹੈ।

ਚੀਨ ਦਾ ਤਕਨੀਕ ਦੇ ਮਾਮਲੇ ਵਿਚ ਕੋਈ ਵੀ ਮੁਕਾਬਲਾ ਨਹੀਂ ਹੈ। ਚੀਨ ਨੇ ਇੰਟਰਨੈੱਟ ਦੇ ਖੇਤਰ ਵਿੱਚ ਇੱਕ ਬੇਮਿਸਾਲ ਪ੍ਰਾਪਤੀ ਕੀਤੀ ਹੈ। ਚੀਨੀ ਕੰਪਨੀਆਂ ਨੇ ਦੁਨੀਆ ਦਾ ਸਭ ਤੋਂ ਤੇਜ਼ ਇੰਟਰਨੈੱਟ ਨੈੱਟਵਰਕ ਲਾਂਚ ਕੀਤਾ ਹੈ। ਇਹ ਪ੍ਰੋਜੈਕਟ ਸਿੰਹੁਆ ਯੂਨੀਵਰਸਿਟੀ, ਚਾਈਨਾ ਮੋਬਾਈਲ, ਹੁਆਵੇਈ ਟੈਕਨਾਲੋਜੀਜ਼ ਅਤੇ ਸਰਨੇਟ ਕਾਰਪੋਰੇਸ਼ਨ ਦੇ ਸਹਿਯੋਗ ਨਾਲ ਪੂਰਾ ਕੀਤਾ ਗਿਆ ਹੈ। ਉਨ੍ਹਾਂ ਦਾ ਦਾਅਵਾ ਹੈ ਕਿ ਲਾਂਚ ਕੀਤਾ ਗਿਆ ਇੰਟਰਨੈੱਟ 1.2 ਟੈਰਾਬਿਟ ਡਾਟਾ ਪ੍ਰਤੀ ਸਕਿੰਟ ਟ੍ਰਾਂਸਮਿਟ ਕਰ ਸਕਦਾ ਹੈ। ਇਹ ਇੰਟਰਨੈਟ ਸਪੀਡ ਮੌਜੂਦਾ ਸਮੇਂ ਵਿੱਚ ਮੌਜੂਦ ਪ੍ਰਮੁੱਖ ਇੰਟਰਨੈਟ ਰੂਟਾਂ ਨਾਲੋਂ ਦਸ ਗੁਣਾ ਵੱਧ ਹੈ।

ਉਮੀਦ ਕੀਤੀ ਜਾ ਰਹੀ ਸੀ ਕਿ ਚੀਨ 2025 ‘ਚ ਇੰਟਰਨੈੱਟ ਦੀ ਇਹ ਸਪੀਡ ਹਾਸਲ ਕਰ ਲਵੇਗਾ ਪਰ ਚੀਨ ਨੇ ਸਮੇਂ ਤੋਂ ਪਹਿਲਾਂ ਹੀ ਇਹ ਸਫਲਤਾ ਹਾਸਲ ਕਰ ਲਈ ਹੈ। ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਮੁਤਾਬਕ ਮੌਜੂਦਾ ਇੰਟਰਨੈੱਟ ਨਾਲੋਂ 10 ਗੁਣਾ ਤੇਜ਼ ਇੰਟਰਨੈੱਟ ਦਾ ਆਉਣਾ ਇਸ ਦਿਸ਼ਾ ‘ਚ ਕ੍ਰਾਂਤੀ ਹੈ। ਇਹ ਅਗਲੀ ਪੀੜ੍ਹੀ ਦੀ ਇੰਟਰਨੈੱਟ ਸੇਵਾ ਹੈ। ਚੀਨ ਦਾ ਨਵਾਂ ਬੈਕਬੋਨ ਨੈੱਟਵਰਕ ਦੇਸ਼ ਦੇ ਪ੍ਰਮੁੱਖ ਸ਼ਹਿਰਾਂ ਨੂੰ ਜੋੜਨ ਵਾਲਾ ਡਾਟਾ ਹਾਈਵੇਅ ਹੈ। ਇਹ ਨੈੱਟਵਰਕ, 3,000 ਕਿਲੋਮੀਟਰ ਤੋਂ ਵੱਧ ਫੈਲਿਆ ਹੋਇਆ ਹੈ, ਇੱਕ ਵਿਆਪਕ ਆਪਟੀਕਲ ਫਾਈਬਰ ਕੇਬਲਿੰਗ ਸਿਸਟਮ ਰਾਹੀਂ ਬੀਜਿੰਗ, ਵੁਹਾਨ ਅਤੇ ਗੁਆਂਗਜ਼ੂ ਨੂੰ ਜੋੜਦਾ ਹੈ। ਜਿਸ ਦੀ ਅਦਭੁਤ ਸਪੀਡ 1.2 ਟੈਰਾਬਿਟ ਪ੍ਰਤੀ ਸੈਕਿੰਡ ਯਾਨੀ 1,200 ਗੀਗਾਬਾਈਟ ਹੈ।

ਦੁਨੀਆ ਦੇ ਜ਼ਿਆਦਾਤਰ ਇੰਟਰਨੈਟ ਬੈਕਬੋਨ ਨੈਟਵਰਕ ਸਿਰਫ 100 ਗੀਗਾਬਾਈਟ ਪ੍ਰਤੀ ਸਕਿੰਟ ਦੀ ਦਰ ਨਾਲ ਕੰਮ ਕਰਦੇ ਹਨ। ਅਮਰੀਕਾ ਨੇ ਹਾਲ ਹੀ ਵਿੱਚ 400 ਗੀਗਾਬਾਈਟ ਪ੍ਰਤੀ ਸਕਿੰਟ ‘ਤੇ ਆਪਣੀ ਪੰਜਵੀਂ ਪੀੜ੍ਹੀ ਦਾ ਇੰਟਰਨੈੱਟ 2 ਪੂਰਾ ਕੀਤਾ ਹੈ। ਇਹ ਅਮਰੀਕਾ ਦੀ ਪੰਜਵੀਂ ਪੀੜ੍ਹੀ ਦੇ ਨੈਟ ਤੋਂ ਬਹੁਤ ਅੱਗੇ ਹੈ। ਚੀਨ ਦੇ ਤਿੰਨ ਵੱਡੇ ਸ਼ਹਿਰਾਂ ਵਿਚਕਾਰ ਬੀਜਿੰਗ-ਵੁਹਾਨ-ਗੁਆਂਗਜ਼ੂ ਕਨੈਕਸ਼ਨ ਇਸ ਦੇ ਭਵਿੱਖ ਦੇ ਇੰਟਰਨੈਟ ਤਕਨਾਲੋਜੀ ਬੁਨਿਆਦੀ ਢਾਂਚੇ ਦਾ ਹਿੱਸਾ ਹੈ। ਇਹ ਇਸ ਸਾਲ ਜੁਲਾਈ ਵਿੱਚ ਸਰਗਰਮ ਹੋਇਆ ਸੀ ਅਤੇ ਸੋਮਵਾਰ ਨੂੰ ਅਧਿਕਾਰਤ ਤੌਰ ‘ਤੇ ਲਾਂਚ ਕੀਤਾ ਗਿਆ ਸੀ।

ਨੈਟਵਰਕ ਨੇ ਸਾਰੇ ਸੰਚਾਲਨ ਟੈਸਟ ਪਾਸ ਕੀਤੇ ਅਤੇ ਭਰੋਸੇਯੋਗ ਢੰਗ ਨਾਲ ਪ੍ਰਦਰਸ਼ਨ ਕੀਤਾ। ਇਹ ਸਮਝਣ ਲਈ ਕਿ ਨੈਟਵਰਕ ਅਸਲ ਵਿੱਚ ਕਿੰਨੀ ਤੇਜ਼ ਹੈ, ਹੁਆਵੇਈ ਟੈਕਨੋਲੋਜੀਜ਼ ਦੇ ਉਪ ਪ੍ਰਧਾਨ ਵੈਂਗ ਲੇਈ ਨੇ ਸਮਝਾਇਆ ਕਿ ਇਹ ਸਿਰਫ ਇੱਕ ਸਕਿੰਟ ਵਿੱਚ 150 ਹਾਈ-ਡੈਫੀਨੇਸ਼ਨ ਫਿਲਮਾਂ ਦੇ ਬਰਾਬਰ ਡੇਟਾ ਟ੍ਰਾਂਸਫਰ ਕਰ ਸਕਦਾ ਹੈ। ਚੀਨੀ ਅਕੈਡਮੀ ਆਫ਼ ਇੰਜੀਨੀਅਰਿੰਗ ਦੇ ਇੱਕ FITI ਪ੍ਰੋਜੈਕਟ ਲੀਡਰ ਵੂ ਜਿਆਨਪਿੰਗ ਨੇ ਕਿਹਾ ਕਿ ਸੁਪਰਫਾਸਟ ਲਾਈਨ ਨਾ ਸਿਰਫ ਇੱਕ ਸਫਲ ਸੰਚਾਲਨ ਹੈ, ਬਲਕਿ ਇਹ ਚੀਨ ਨੂੰ ਹੋਰ ਵੀ ਤੇਜ਼ ਇੰਟਰਨੈਟ ਬਣਾਉਣ ਲਈ ਉੱਨਤ ਤਕਨਾਲੋਜੀ ਪ੍ਰਦਾਨ ਕਰਦੀ ਹੈ।