1 ਜਨਵਰੀ ਤੋਂ ਜਗਨਨਾਥ ਪੁਰੀ ‘ਚ ਡਰੈੱਸ ਕੋਡ ਲਾਗੂ, ਮੰਦਰ ਪ੍ਰਬੰਧਨ ਨੇ ਸ਼ਰਧਾਲੂਆਂ ਦੇ ਫਟੇ ਜੀਨਸ, ਸਕਰਟ ਅਤੇ ਸਲੀਵਲੇਸ ਕੱਪੜੇ ਪਹਿਨਣ ‘ਤੇ ਲਗਾਇਆ ਬੈਨ

ਜਗਨਨਾਥ ਮੰਦਿਰ ਪ੍ਰਬੰਧਕਾਂ ਦੇ ਮੁਖੀ ਨੇ ਕਿਹਾ ਕਿ ਮੰਦਰ ਦੀ ਮਰਿਆਦਾ ਅਤੇ ਪਵਿੱਤਰਤਾ ਨੂੰ ਕਾਇਮ ਰੱਖਣਾ ਸਾਡੀ ਜ਼ਿੰਮੇਵਾਰੀ ਹੈ। ਇਸ ਲਈ 1 ਜਨਵਰੀ 2024 ਤੋਂ ਡਰੈੱਸ ਕੋਡ ਦੀ ਸਖ਼ਤੀ ਨਾਲ ਪਾਲਣਾ ਕੀਤੀ ਜਾਵੇਗੀ।

ਦੇਸ਼ ਦੇ ਮੰਦਰਾਂ ਵਿਚ ਹੁਣ ਲਗਾਤਾਰ ਡਰੈੱਸ ਕੋਡ ਲਾਗੂ ਹੋ ਰਿਹਾ ਹੈ। ਪੁਰੀ, ਓਡੀਸ਼ਾ ਦੇ ਜਗਨਨਾਥ ਮੰਦਰ ਦੇ ਦਰਸ਼ਨਾਂ ਲਈ ਜਾਣ ਵਾਲੇ ਸ਼ਰਧਾਲੂਆਂ ਨੂੰ ਹੁਣ ਡਰੈਸ ਕੋਡ ਦੀ ਪਾਲਣਾ ਕਰਨੀ ਪਵੇਗੀ। ਮੰਦਰ ਪ੍ਰਬੰਧਨ ਨੇ ਸੋਮਵਾਰ (9 ਅਕਤੂਬਰ) ਨੂੰ ਦੱਸਿਆ ਕਿ ਡਰੈੱਸ ਕੋਡ ਅਗਲੇ ਸਾਲ 1 ਜਨਵਰੀ ਤੋਂ ਲਾਗੂ ਹੋ ਜਾਵੇਗਾ।

ਮੰਦਰ ਪ੍ਰਬੰਧਨ ਨੇ ਕਿਹਾ ਕਿ ਭਗਤਾਂ ਨੂੰ ਅੱਜ ਤੋਂ ਹੀ ਡਰੈੱਸ ਕੋਡ ਬਾਰੇ ਜਾਗਰੂਕ ਕੀਤਾ ਜਾਵੇਗਾ। ਨਿਊਜ਼ ਏਜੰਸੀ ਪੀਟੀਆਈ ਮੁਤਾਬਕ ਡਰੈੱਸ ਕੋਡ ਲਾਗੂ ਹੋਣ ਤੋਂ ਬਾਅਦ ਲੋਕ ਹਾਫ ਪੈਂਟ, ਫਟੇ ਜੀਨਸ, ਸਕਰਟ ਅਤੇ ਸਲੀਵਲੇਸ ਕੱਪੜੇ ਪਾ ਕੇ ਜਗਨਨਾਥ ਮੰਦਰ ਨਹੀਂ ਜਾ ਸਕਣਗੇ। ਇਹ ਫੈਸਲਾ ਮੰਦਰ ਦੀ ਨੀਤੀ ਸਬ-ਕਮੇਟੀ ਦੀ ਮੀਟਿੰਗ ਵਿੱਚ ਲਿਆ ਗਿਆ ਹੈ। ਹਾਲਾਂਕਿ ਮੰਦਰ ‘ਚ ਕਿਸ ਤਰ੍ਹਾਂ ਦੇ ਕੱਪੜੇ ਪਹਿਨਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ, ਇਸ ਬਾਰੇ ਅਜੇ ਫੈਸਲਾ ਨਹੀਂ ਹੋਇਆ ਹੈ।

ਜਗਨਨਾਥ ਮੰਦਰ ਦੇ ਪ੍ਰਬੰਧਕੀ ਮੁਖੀ ਰੰਜਨ ਕੁਮਾਰ ਦਾਸ ਨੇ ਦੱਸਿਆ ਕਿ ਕੁਝ ਲੋਕ ਅਸ਼ਲੀਲ ਕੱਪੜੇ ਪਾ ਕੇ ਮੰਦਰ ਦੇ ਅੰਦਰ ਆਉਂਦੇ ਹਨ। ਕੁਝ ਲੋਕ ਹਾਫ ਪੈਂਟ ਅਤੇ ਸਲੀਵਲੇਸ ਕੱਪੜਿਆਂ ਵਿਚ ਇਸ ਤਰ੍ਹਾਂ ਆਉਂਦੇ ਹਨ, ਜਿਵੇਂ ਉਹ ਬੀਚ ਜਾਂ ਪਾਰਕ ਵਿਚ ਸੈਰ ਕਰਨ ਆਏ ਹੋਣ। ਰੱਬ ਮੰਦਰ ਵਿੱਚ ਰਹਿੰਦਾ ਹੈ, ਇਹ ਮਨੋਰੰਜਨ ਲਈ ਜਗ੍ਹਾ ਨਹੀਂ ਹੈ। ਇਸ ਨਾਲ ਹੋਰਨਾਂ ਲੋਕਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਦੀ ਹੈ।

ਜਗਨਨਾਥ ਮੰਦਿਰ ਪ੍ਰਬੰਧਕਾਂ ਦੇ ਮੁਖੀ ਨੇ ਕਿਹਾ ਕਿ ਮੰਦਰ ਦੀ ਮਰਿਆਦਾ ਅਤੇ ਪਵਿੱਤਰਤਾ ਨੂੰ ਕਾਇਮ ਰੱਖਣਾ ਸਾਡੀ ਜ਼ਿੰਮੇਵਾਰੀ ਹੈ। ਇਸ ਲਈ 1 ਜਨਵਰੀ 2024 ਤੋਂ ਡਰੈੱਸ ਕੋਡ ਦੀ ਸਖ਼ਤੀ ਨਾਲ ਪਾਲਣਾ ਕੀਤੀ ਜਾਵੇਗੀ। ਮੰਦਰ ਦੇ ਸ਼ੇਰ ਗੇਟ ‘ਤੇ ਤਾਇਨਾਤ ਸੁਰੱਖਿਆ ਬਲ ਅਤੇ ਮੰਦਰ ਦੇ ਅੰਦਰ ਮੌਜੂਦ ਪ੍ਰਤੀਹਾਰੀ ਸੇਵਕ ਇਸ ‘ਤੇ ਨਜ਼ਰ ਰੱਖਣਗੇ। ਇਸ ਸਾਲ ਜੁਲਾਈ ‘ਚ ਗੁਜਰਾਤ ਦੇ ਦਵਾਰਕਾਧੀਸ਼ ਮੰਦਰ ‘ਚ ਸ਼ਰਧਾਲੂਆਂ ਲਈ ਡਰੈੱਸ ਕੋਡ ਲਾਗੂ ਕੀਤਾ ਗਿਆ ਸੀ। ਮੰਦਰ ਦੇ ਬਾਹਰ ਡਰੈੱਸ ਕੋਡ ਸਬੰਧੀ ਗੁਜਰਾਤੀ, ਹਿੰਦੀ ਅਤੇ ਅੰਗਰੇਜ਼ੀ ਵਿੱਚ ਲਿਖੇ ਬੋਰਡ ਵੀ ਲਾਏ ਗਏ ਸਨ। ਇਸ ‘ਤੇ ਲਿਖਿਆ ਹੋਇਆ ਸੀ ਕਿ ਮੰਦਰ ਦਰਸ਼ਨ ਦੀ ਜਗ੍ਹਾ ਹੈ, ਪ੍ਰਦਰਸ਼ਨੀ ਲਈ ਨਹੀਂ। ਮੰਦਿਰ ਵਿੱਚ ਆਉਣ ਵਾਲੇ ਸਾਰੇ ਸ਼ਰਧਾਲੂਆਂ ਨੂੰ ਸਾਦੇ ਕੱਪੜਿਆਂ ਵਿੱਚ ਹੀ ਪ੍ਰਵੇਸ਼ ਕਰਨ ਦੀ ਅਪੀਲ ਕੀਤੀ ਜਾਂਦੀ ਹੈ। ਛੋਟੇ ਕੱਪੜੇ, ਹਾਫ ਪੈਂਟ, ਬਰਮੂਡਾਸ, ਮਿੰਨੀ ਟਾਪ, ਮਿੰਨੀ ਸਕਰਟ, ਨਾਈਟ ਸੂਟ, ਫਰੌਕ ਅਤੇ ਰਿਪਡ ਜੀਨਸ ਵਰਗੇ ਕੱਪੜੇ ਪਹਿਨਣ ਵਾਲੇ ਲੋਕਾਂ ਨੂੰ ਮੰਦਰ ਵਿੱਚ ਦਾਖਲ ਹੋਣ ਦੀ ਇਜਾਜ਼ਤ ਨਹੀਂ ਹੋਵੇਗੀ।