- ਅੰਤਰਰਾਸ਼ਟਰੀ
- No Comment
ਰੂਸ ‘ਚ ਇਜ਼ਰਾਈਲੀਆਂ ‘ਤੇ ਭੀੜ ਦਾ ਹਮਲਾ, ਹਵਾਈ ਅੱਡੇ ‘ਤੇ ਭੀੜ ਵੱਲੋਂ ਇਜ਼ਰਾਈਲੀਆਂ ਦੀ ਕੁੱਟਮਾਰ ਦੀ ਕੋਸ਼ਿਸ਼

ਹਜ਼ਾਰਾਂ ਮੁਸਲਮਾਨ ਹਵਾਈ ਅੱਡੇ ਦਾ ਗੇਟ ਤੋੜ ਕੇ ਅੰਦਰ ਆ ਗਏ। ਹਾਲਾਤ ਇੰਨੇ ਖਰਾਬ ਹੋ ਗਏ ਕਿ ਦੰਗਾਕਾਰੀਆਂ ਨੂੰ ਰੋਕਣ ਲਈ ਵਿਸ਼ੇਸ਼ ਬਲਾਂ ਨੂੰ ਬੁਲਾਉਣਾ ਪਿਆ। ਭੀੜ ਨੇ ਫਲਸਤੀਨ ਦੇ ਝੰਡੇ ਚੁੱਕੇ ਹੋਏ ਸਨ ਅਤੇ ‘ਅਸੀਂ ਬੱਚਿਆਂ ਦੇ ਕਾਤਲਾਂ ਨੂੰ ਨਹੀਂ ਬਖਸ਼ਾਂਗੇ’ ਵਰਗੇ ਨਾਅਰੇ ਲਗਾ ਰਹੇ ਸਨ।
ਇਜ਼ਰਾਈਲ-ਹਮਾਸ ਜੰਗ ਦੀ ਅੱਗ ਹੁਣ ਦੂਜੇ ਦੇਸ਼ਾਂ ਵਿਚ ਵੀ ਫੈਲਣੀ ਸ਼ੁਰੂ ਹੋ ਗਈ ਹੈ। ਇਜ਼ਰਾਈਲ-ਹਮਾਸ ਜੰਗ ਦੇ ਵਿਚਕਾਰ ਦੁਨੀਆ ਦੇ ਕਈ ਦੇਸ਼ਾਂ ‘ਚ ਹਮਾਸ ਦੇ ਸਮਰਥਨ ‘ਚ ਵਿਰੋਧ ਪ੍ਰਦਰਸ਼ਨ ਹੋ ਰਹੇ ਹਨ, ਪਰ ਰੂਸ ‘ਚ ਅਜਿਹਾ ਪ੍ਰਦਰਸ਼ਨ ਪਹਿਲਾਂ ਕਦੇ ਨਹੀਂ ਦੇਖਿਆ ਗਿਆ। ਰੂਸੀ ਰਾਜ ਦਾਗੇਸਤਾਨ ਦੇ ਮਖਚਕਲਾ ਹਵਾਈ ਅੱਡੇ ‘ਤੇ ਭੀੜ ਨੇ ਇਜ਼ਰਾਈਲੀਆਂ ‘ਤੇ ਹਮਲਾ ਕੀਤਾ ਅਤੇ ਉਨ੍ਹਾਂ ਨੂੰ ਲਿੰਚ ਕਰਨ ਦੀ ਕੋਸ਼ਿਸ਼ ਕੀਤੀ।
ਪ੍ਰਦਰਸ਼ਨਕਾਰੀਆਂ ਨੂੰ ਜਿਵੇਂ ਹੀ ਸੂਚਨਾ ਮਿਲੀ ਕਿ ਇਜ਼ਰਾਈਲ ਦੀ ਰਾਜਧਾਨੀ ਤੇਲ ਅਵੀਵ ਤੋਂ ਇੱਕ ਫਲਾਈਟ ਆ ਰਹੀ ਹੈ ਤਾਂ ਭੀੜ ਨੇ ਰਨਵੇਅ ‘ਤੇ ਫਲਾਈਟ ਨੂੰ ਘੇਰ ਲਿਆ। ਹਜ਼ਾਰਾਂ ਮੁਸਲਮਾਨ ਹਵਾਈ ਅੱਡੇ ਦਾ ਗੇਟ ਤੋੜ ਕੇ ਅੰਦਰ ਆ ਗਏ। ਹਾਲਾਤ ਇੰਨੇ ਖਰਾਬ ਹੋ ਗਏ ਕਿ ਦੰਗਾਕਾਰੀਆਂ ਨੂੰ ਰੋਕਣ ਲਈ ਵਿਸ਼ੇਸ਼ ਬਲਾਂ ਨੂੰ ਬੁਲਾਉਣ ਪਿਆ। ਭੀੜ ਨੇ ਫਲਸਤੀਨ ਦੇ ਝੰਡੇ ਚੁੱਕੇ ਹੋਏ ਸਨ ਅਤੇ ‘ਅਸੀਂ ਬੱਚਿਆਂ ਦੇ ਕਾਤਲਾਂ ਨੂੰ ਨਹੀਂ ਬਖਸ਼ਾਂਗੇ’ ਵਰਗੇ ਨਾਅਰੇ ਲਗਾ ਰਹੇ ਸਨ।

ਦੱਸਿਆ ਜਾ ਰਿਹਾ ਹੈ ਕਿ ਭੀੜ ਨੇ ਫਲਾਈਟ ਦੇ ਯਾਤਰੀਆਂ ਦੇ ਵਿਚਕਾਰ ਯਹੂਦੀਆਂ ਨੂੰ ਲੱਭਣਾ ਸ਼ੁਰੂ ਕਰ ਦਿੱਤਾ। ਭੀੜ ਹਰ ਯਾਤਰੀ ਦਾ ਪਾਸਪੋਰਟ ਚੈੱਕ ਕਰਦੀ ਰਹੀ। ਭਾਰੀ ਵਿਰੋਧ ਤੋਂ ਬਾਅਦ ਹਵਾਈ ਅੱਡੇ ਨੂੰ ਵੀ ਕੁਝ ਸਮੇਂ ਲਈ ਬੰਦ ਕਰਨਾ ਪਿਆ। ਰੂਸ ‘ਚ ਹਮਾਸ ਦੀ ਬੈਠਕ ਤੋਂ ਤਿੰਨ ਦਿਨ ਬਾਅਦ ਇਜ਼ਰਾਈਲ ਖਿਲਾਫ ਇਹ ਸਭ ਤੋਂ ਵੱਡਾ ਪ੍ਰਦਰਸ਼ਨ ਸੀ। ਰੂਸ ਦੇ ਦਾਗੇਸਤਾਨ ਵਿੱਚ ਮੁਸਲਮਾਨਾਂ ਦੀ ਵੱਡੀ ਆਬਾਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਘਟਨਾ ਤੋਂ ਬਾਅਦ ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਇੱਕ ਬਿਆਨ ਜਾਰੀ ਕਰਕੇ ਰੂਸ ਨੂੰ ਚੇਤਾਵਨੀ ਦਿੱਤੀ ਹੈ। ਨੇਤਨਯਾਹੂ ਨੇ ਯਹੂਦੀ ਵਿਦਿਆਰਥੀਆਂ ‘ਤੇ ਹਮਲਿਆਂ ਨੂੰ ਤੁਰੰਤ ਰੋਕਣ ਦੀ ਮੰਗ ਕੀਤੀ ਹੈ।

ਇਜ਼ਰਾਈਲ ਨੇ ਰੂਸੀ ਰਾਜਦੂਤ ਨੂੰ ਤਲਬ ਕਰਕੇ ਰੂਸ ‘ਚ ਇਜ਼ਰਾਈਲੀ ਲੋਕਾਂ ਦੀ ਸੁਰੱਖਿਆ ‘ਤੇ ਚਿੰਤਾ ਪ੍ਰਗਟਾਈ ਹੈ। ਰੂਸ ਵਿੱਚ ਮੌਜੂਦ ਇਜ਼ਰਾਇਲੀ ਰਾਜਦੂਤ ਕ੍ਰੇਮਲਿਨ ਦੇ ਸੰਪਰਕ ਵਿੱਚ ਹਨ। ਮਾਸਕੋ ਵਿੱਚ ਹਮਾਸ ਦੇ ਨੁਮਾਇੰਦਿਆਂ ਦੀ ਮੇਜ਼ਬਾਨੀ ਨੂੰ ਲੈ ਕੇ ਵੀ ਇਜ਼ਰਾਈਲ ਸਖ਼ਤ ਹੈ। ਅਫਗਾਨਿਸਤਾਨ ‘ਤੇ ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਇਜ਼ਰਾਈਲ ਤੋਂ ਆਉਣ ਵਾਲੇ ਜਹਾਜ਼ ਨਾਲ ਰੂਸ ਦੇ ਹਵਾਈ ਅੱਡੇ ‘ਤੇ ਜੋ ਕੁਝ ਦੇਖਿਆ ਗਿਆ ਸੀ, ਉਹ ਘੱਟ ਹੀ ਦੇਖਿਆ ਗਿਆ ਸੀ। ਜਦੋਂ ਇਹ ਘਟਨਾ ਦਾਗੇਸਤਾਨ ਹਵਾਈ ਅੱਡੇ ‘ਤੇ ਵਾਪਰੀ ਤਾਂ ਇਕ ਹੈਲੀਕਾਪਟਰ ਵੀ ਹਵਾਈ ਅੱਡੇ ‘ਤੇ ਮੌਜੂਦ ਸੀ। ਖਬਰਾਂ ਮੁਤਾਬਕ ਭੀੜ ਵਿਚਾਲੇ ਗੋਲੀ ਚੱਲਣ ਦੀ ਆਵਾਜ਼ ਵੀ ਸੁਣਾਈ ਦਿੱਤੀ ਗਈ ਸੀ।