ਮੈਨੂੰ KGF ਸਟਾਰ ਯਸ਼ ਬਹੁਤ ਜ਼ਿਆਦਾ ਪਸੰਦ, ਮੈਂ ਉਸ ਨਾਲ ਕੰਮ ਕਰਨਾ ਚਾਹੁੰਦੀ ਹਾਂ : ਕਰੀਨਾ ਕਪੂਰ

ਕਰਨ ਜੌਹਰ ਨੇ ਕਰੀਨਾ ਤੋਂ ਕੁਝ ਸਿਤਾਰਿਆਂ ਦਾ ਨਾਂ ਲੈ ਕੇ ਪੁੱਛਿਆ ਕਿ ਉਹ ਕਿਸ ਨਾਲ ਕੰਮ ਕਰਨਾ ਚਾਹੁੰਦੀ ਹੈ ਤਾਂ ਉਨ੍ਹਾਂ ਨੇ ਯਸ਼ ਦਾ ਨਾਂ ਲਿਆ। ਕਰੀਨਾ ਨੂੰ ਪ੍ਰਭਾਸ, ਰਾਮ ਚਰਨ, ਵਿਜੇ ਦੇਵਰਕੋਂਡਾ, ਅੱਲੂ ਅਰਜੁਨ ਅਤੇ ਯਸ਼ ਵਿੱਚੋਂ ਇੱਕ ਨੂੰ ਚੁਣਨਾ ਸੀ।

ਕਰੀਨਾ ਕਪੂਰ ਦੀ ਗਿਣਤੀ ਬਾਲੀਵੁੱਡ ਦੀ ਖੂਬਸੂਰਤ ਅਤੇ ਪ੍ਰਤਿਭਾਵਾਨ ਅਦਾਕਾਰਾਂ ਵਿਚ ਕੀਤੀ ਜਾਂਦੀ ਹੈ। ਕਰੀਨਾ ਕਪੂਰ ਖਾਨ ਵੀ KGF ਸਟਾਰ ਯਸ਼ ਦੀ ਦੀਵਾਨੀ ਹੋ ਗਈ ਹੈ। ਇਸੇ ਲਈ ਉਸ ਨੇ ਯਸ਼ ਨਾਲ ਕੰਮ ਕਰਨ ਦੀ ਇੱਛਾ ਜ਼ਾਹਰ ਕੀਤੀ ਹੈ। ਸਾਊਥ ਫਿਲਮ ਇੰਡਸਟਰੀ ‘ਚ ਪ੍ਰਭਾਸ ਤੋਂ ਲੈ ਕੇ ਵਿਜੇ ਦੇਵਰਕੋਂਡਾ, ਰਾਮ ਚਰਨ, ਜੂਨੀਅਰ ਐੱਨ.ਟੀ.ਆਰ ਅਤੇ ਨੈਸ਼ਨਲ ਐਵਾਰਡ ਜੇਤੂ ਅੱਲੂ ਅਰਜੁਨ ਵਰਗੇ ਸਿਤਾਰੇ ਹਨ, ਪਰ ਕਰੀਨਾ ਨੂੰ ਯਸ਼ ਨਾਲ ਪਿਆਰ ਹੈ।

ਕਰੀਨਾ ਨੇ ‘ਕੌਫੀ ਵਿਦ ਕਰਨ 8’ ‘ਚ ਯਸ਼ ਨਾਲ ਕੰਮ ਕਰਨ ਦੀ ਇੱਛਾ ਜ਼ਾਹਰ ਕੀਤੀ ਸੀ। ਕਰੀਨਾ ਕਪੂਰ ਖਾਨ ਹਾਲ ਹੀ ‘ਚ ਆਲੀਆ ਭੱਟ ਨਾਲ ‘ਕੌਫੀ ਵਿਦ ਕਰਨ 8’ ‘ਚ ਨਜ਼ਰ ਆਈ ਸੀ। ਇੱਥੇ ਉਨ੍ਹਾਂ ਨੇ ਕਈ ਮੁੱਦਿਆਂ ‘ਤੇ ਗੱਲਬਾਤ ਕੀਤੀ। ਪਰ ਜਦੋਂ ਕਰਨ ਜੌਹਰ ਨੇ ਕਰੀਨਾ ਤੋਂ ਕੁਝ ਸਿਤਾਰਿਆਂ ਦਾ ਨਾਂ ਲੈ ਕੇ ਪੁੱਛਿਆ ਕਿ ਉਹ ਕਿਸ ਨਾਲ ਕੰਮ ਕਰਨਾ ਚਾਹੁੰਦੀ ਹੈ ਤਾਂ ਉਨ੍ਹਾਂ ਨੇ ਯਸ਼ ਦਾ ਨਾਂ ਲਿਆ। ਕਰੀਨਾ ਨੂੰ ਪ੍ਰਭਾਸ, ਰਾਮ ਚਰਨ, ਵਿਜੇ ਦੇਵਰਕੋਂਡਾ, ਅੱਲੂ ਅਰਜੁਨ ਅਤੇ ਯਸ਼ ਵਿੱਚੋਂ ਇੱਕ ਨੂੰ ਚੁਣਨਾ ਸੀ।

ਕਰੀਨਾ ਨੇ ਯਸ਼ ਦਾ ਨਾਂ ਲਿਆ। ਕਰੀਨਾ ਨੇ ‘ਕੌਫੀ ਵਿਦ ਕਰਨ 8’ ‘ਚ ਅਮੀਸ਼ਾ ਪਟੇਲ ਨਾਲ ਦੁਸ਼ਮਣੀ ਅਤੇ ‘ਗਦਰ 2’ ਦੀ ਸਫਲਤਾ ਪਾਰਟੀ ‘ਚ ਨਾ ਜਾਣ ਦਾ ਕਾਰਨ ਵੀ ਦੱਸਿਆ। ਆਲੀਆ ਨੇ ਵੀ ਕਈ ਮੁੱਦਿਆਂ ‘ਤੇ ਗੱਲ ਕੀਤੀ। ਯਸ਼ ਦੀ ਗੱਲ ਕਰੀਏ ਤਾਂ KGF ਅਤੇ KGF 2 ਨੇ ਉਸਨੂੰ ਪੈਨ ਇੰਡੀਆ ਸਟਾਰ ਬਣਾ ਦਿੱਤਾ ਹੈ। ਦੋਵੇਂ ਫਿਲਮਾਂ ਬਲਾਕਬਸਟਰ ਰਹੀਆਂ ਅਤੇ ਹੁਣ ਹਰ ਕੋਈ ਯਸ਼ ਨੂੰ ‘ਰੌਕੀ ਭਾਈ’ ਕਹਿ ਕੇ ਬੁਲਾਉਣ ਲੱਗ ਪਿਆ ਹੈ। ਬਾਲੀਵੁੱਡ ‘ਚ ਵੀ ਯਸ਼ ਨੂੰ ਲੈ ਕੇ ਕਾਫੀ ਕ੍ਰੇਜ਼ ਹੈ।

ਹੁਣ ਯਸ਼ ਜਲਦ ਹੀ KGF 3 ‘ਚ ਨਜ਼ਰ ਆਉਣਗੇ। ਹਾਲਾਂਕਿ ਅਜੇ ਤੱਕ ਇਸਦੀ ਰਿਲੀਜ਼ ਅਤੇ ਕਾਸਟ ਨੂੰ ਲੈ ਕੇ ਕੋਈ ਅਪਡੇਟ ਸਾਹਮਣੇ ਨਹੀਂ ਆਈ ਹੈ। ਕਰੀਨਾ ਇਸ ਸਾਲ ‘ਦਿ ਬਕਿੰਘਮ ਮਰਡਰਸ’ ਅਤੇ ‘ਜਾਨੇ ਜਾਨ’ ‘ਚ ਨਜ਼ਰ ਆਈ ਸੀ। ਜਲਦ ਹੀ ਕਰੀਨਾ ‘ਦਿ ਕਰੂ’ ਅਤੇ ‘ਸਿੰਘਮ ਅਗੇਨ’ ‘ਚ ਨਜ਼ਰ ਆਵੇਗੀ।