ਇੱਕ ਹੋਰ ਦੇਸ਼ ਨੇ ਕੀਤੀ ਜੰਗ ਦੀ ਤਿਆਰੀ, ਕਿਮ ਜੋਂਗ ਦੱਖਣੀ ਕੋਰੀਆ ‘ਤੇ ਹਮਲੇ ਦੀ ਬਣਾ ਰਿਹਾ ਹੈ ਯੋਜਨਾ

ਕੇਸੀਐਨਏ ਦੀ ਰਿਪੋਰਟ ਦੇ ਅਨੁਸਾਰ, ਹਾਲ ਹੀ ਵਿੱਚ ਇੱਕ ਸਿਆਸੀ ਸਮਾਗਮ ਵਿੱਚ ਕਿਮ ਜੋਂਗ ਨੇ ਸਪੱਸ਼ਟ ਕੀਤਾ ਸੀ ਕਿ ਉੱਤਰੀ ਕੋਰੀਆ ਜੰਗ ਨਹੀਂ ਚਾਹੁੰਦਾ ਹੈ, ਪਰ ਇਸ ਤੋਂ ਪਿੱਛੇ ਨਹੀਂ ਹਟੇਗਾ। ਯੁੱਧ ਸ਼ੁਰੂ ਹੋਣ ‘ਤੇ ਉਨ੍ਹਾਂ ਦਾ ਟੀਚਾ ਦੱਖਣੀ ਕੋਰੀਆ ‘ਤੇ ਕਬਜ਼ਾ ਕਰਨਾ ਹੈ।

ਕਿਮ ਜੋਂਗ ਨੂੰ ਉਨ੍ਹਾਂ ਦੇ ਸਨਕੀ ਸੁਭਾਅ ਲਈ ਜਾਣਿਆ ਜਾਂਦਾ ਹੈ। ਯੂਕਰੇਨ-ਰੂਸ ਯੁੱਧ ਅਤੇ ਗਾਜ਼ਾ ਵਿੱਚ ਇਜ਼ਰਾਈਲ-ਹਮਾਸ ਸੰਘਰਸ਼ ਦੇ ਵਿਚਕਾਰ, ਦੁਨੀਆ ਦਾ ਧਿਆਨ ਹੁਣ ਉੱਤਰੀ ਕੋਰੀਆ ਵੱਲ ਹੈ। ਦਰਅਸਲ, ਉੱਤਰੀ ਕੋਰੀਆ ਦੇ ਤਾਨਾਸ਼ਾਹ ਕਿਮ ਜੋਂਗ ਉਨ ਦੀਆਂ ਹਾਲੀਆ ਕਾਰਵਾਈਆਂ ਨੇ ਉਸ ਦੀਆਂ ਫੌਜੀ ਇੱਛਾਵਾਂ ‘ਤੇ ਇੱਕ ਨਵੀਂ ਬਹਿਸ ਛੇੜ ਦਿੱਤੀ ਹੈ, ਜਿਸ ਵਿੱਚ ਉਸਨੇ ਦੱਖਣੀ ਕੋਰੀਆ ਨਾਲ ਸੁਲ੍ਹਾ ਜਾਂ ਮੁੜ ਏਕੀਕਰਨ ਦੀਆਂ ਅਟਕਲਾਂ ਨੂੰ ਰੱਦ ਕਰ ਦਿੱਤਾ ਹੈ।

ਕੇਸੀਐਨਏ ਦੀ ਰਿਪੋਰਟ ਦੇ ਅਨੁਸਾਰ, ਹਾਲ ਹੀ ਵਿੱਚ ਇੱਕ ਸਿਆਸੀ ਸਮਾਗਮ ਵਿੱਚ ਕਿਮ ਜੋਂਗ ਨੇ ਸਪੱਸ਼ਟ ਕੀਤਾ ਸੀ ਕਿ ਉੱਤਰੀ ਕੋਰੀਆ ਜੰਗ ਨਹੀਂ ਚਾਹੁੰਦਾ ਹੈ, ਪਰ ਇਸ ਤੋਂ ਪਿੱਛੇ ਨਹੀਂ ਹਟੇਗਾ। ਯੁੱਧ ਸ਼ੁਰੂ ਹੋਣ ‘ਤੇ ਉਨ੍ਹਾਂ ਦਾ ਟੀਚਾ ਦੱਖਣੀ ਕੋਰੀਆ ‘ਤੇ ਕਬਜ਼ਾ ਕਰਨਾ ਹੈ। ਕਿਮ ਜੋਂਗ ਉਨ ਦੀਆਂ ਰਾਜਨੀਤਿਕ ਅਤੇ ਫੌਜੀ ਇੱਛਾਵਾਂ ਨੂੰ ਉੱਤਰੀ ਕੋਰੀਆ ਦੇ ਆਧੁਨਿਕ ਅਤੇ ਲੰਬੀ ਦੂਰੀ ਦੀਆਂ ਮਿਜ਼ਾਈਲਾਂ ਦੇ ਪ੍ਰੀਖਣਾਂ ਦੁਆਰਾ ਬਲ ਮਿਲਿਆ ਹੈ। ਕਿਮ ਜੋਂਗ ਲਗਾਤਾਰ ਆਪਣੀਆਂ ਫੌਜੀ ਸ਼ਕਤੀਆਂ ਵਧਾ ਰਹੇ ਹਨ।

ਅੰਤਰਰਾਸ਼ਟਰੀ ਭਾਈਚਾਰਾ ਕਿਮ ਦੀਆਂ ਖਤਰਨਾਕ ਯੋਜਨਾਵਾਂ ਨੂੰ ਲੈ ਕੇ ਤਣਾਅ ਵਿਚ ਹੈ। ਸੋਂਗਜੀ ਯੂਨੀਵਰਸਿਟੀ ਦੇ ਮਿਲਟਰੀ ਸਟੱਡੀਜ਼ ਦੇ ਪ੍ਰੋਫੈਸਰ ਚੋਈ ਗਿ-ਇਲ ਨੇ AFP ਨਿਊਜ਼ ਏਜੰਸੀ ਨੂੰ ਦੱਸਿਆ ਕਿ ਉੱਤਰੀ ਕੋਰੀਆ ਅਤੇ ਦੱਖਣੀ ਕੋਰੀਆ ਵਿਚਕਾਰ ਹੁਣ ਜੰਗ ਦੀ ਸੰਭਾਵਨਾ ਹੈ। ਜੇਕਰ ਉੱਤਰੀ ਕੋਰੀਆ ਭਵਿੱਖ ਵਿੱਚ ਕੋਈ ਭੜਕਾਊ ਕਾਰਵਾਈ ਕਰਦਾ ਹੈ ਤਾਂ ਵੱਡੀ ਗਿਣਤੀ ਵਿੱਚ ਆਮ ਨਾਗਰਿਕ ਅਤੇ ਫੌਜੀ ਜਵਾਨ ਜਾਨੀ ਨੁਕਸਾਨ ਦਾ ਸ਼ਿਕਾਰ ਹੋ ਸਕਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਉੱਤਰੀ ਕੋਰੀਆ ਦੇ ਨੇਤਾ ਕਿਮ ਜੋਂਗ ਉਨ ਇੱਕ ਨਵੀਂ ਜ਼ਮੀਨ ਤੋਂ ਸਮੁੰਦਰ ਵਿੱਚ ਮਾਰ ਕਰਨ ਵਾਲੀ ਮਿਜ਼ਾਈਲ ਦੇ ਪ੍ਰੀਖਣ ਦੌਰਾਨ ਮੌਜੂਦ ਸਨ ਅਤੇ ਉਨ੍ਹਾਂ ਨੇ ਚਿਤਾਵਨੀ ਦਿੱਤੀ ਸੀ ਕਿ ਉਨ੍ਹਾਂ ਦਾ ਦੇਸ਼ ਵਿਰੋਧੀ ਦੱਖਣੀ ਕੋਰੀਆ ਨਾਲ ਵਿਵਾਦਿਤ ਸਮੁੰਦਰੀ ਸਰਹੱਦਾਂ ‘ਤੇ ਹੋਰ ਹਮਲਾਵਰ ਫੌਜੀ ਰੁਖ ਅਪਣਾਏਗਾ।