ਪਾਕਿਸਤਾਨੀਆਂ ਨਾਲ ਭਰੀਆਂ ਹੋਇਆ ਹਨ ਦੁਨੀਆ ਦੀਆਂ ਜੇਲ੍ਹਾਂ, ਵੱਖ-ਵੱਖ ਦੇਸ਼ਾਂ ਵਿੱਚ 14,000 ਪਾਕਿਸਤਾਨੀ ਕੈਦੀ ਬੰਦ ਹਨ

ਜੇਲ੍ਹਾਂ ਵਿੱਚ ਬੰਦ ਜ਼ਿਆਦਾਤਰ ਪਾਕਿਸਤਾਨੀ ਯੂਰਪ ਜਾਂ ਅਮਰੀਕਾ ਵਿੱਚ ਨਹੀਂ ਸਗੋਂ ਮੁਸਲਿਮ ਦੇਸ਼ਾਂ ਵਿੱਚ ਬੰਦ ਹਨ। 58 ਫੀਸਦੀ ਯੂਏਈ ਅਤੇ ਸਾਊਦੀ ਅਰਬ ਦੀਆਂ ਜੇਲ੍ਹਾਂ ਵਿੱਚ ਬੰਦ ਹਨ। ਉਨ੍ਹਾਂ ‘ਤੇ ਨਸ਼ੀਲੇ ਪਦਾਰਥਾਂ ਨਾਲ ਸਬੰਧਤ ਅਪਰਾਧਾਂ ਤੋਂ ਲੈ ਕੇ ਚੋਰੀ ਤੱਕ ਦੇ ਦੋਸ਼ ਹਨ।

ਪਾਕਿਸਤਾਨ ਅੱਜ ਕਲ ਕੰਗਾਲੀ ਦੇ ਦੌਰ ਵਿੱਚੋ ਲੰਘ ਰਿਹਾ ਹੈ। ਪਾਕਿਸਤਾਨ ਤੋਂ ਇਕ ਹੈਰਾਨੀਜਨਕ ਅੰਕੜਾ ਸਾਹਮਣੇ ਆਇਆ ਹੈ। ਜਸਟਿਸ ਪ੍ਰੋਜੈਕਟ ਪਾਕਿਸਤਾਨ ਦੀ ਰਿਪੋਰਟ ਮੁਤਾਬਕ ਦੁਨੀਆ ਦੇ ਵੱਖ-ਵੱਖ ਕੋਨਿਆਂ ‘ਚ 14,000 ਤੋਂ ਵੱਧ ਪਾਕਿਸਤਾਨੀ ਜੇਲ੍ਹਾਂ ‘ਚ ਬੰਦ ਹਨ।

ਪਾਕਿਸਤਾਨੀ ਸਮਾਚਾਰ ਆਊਟਲੈੱਟ ਡਾਨ ਨੇ ਆਪਣੀ ਰਿਪੋਰਟ ਵਿੱਚ ਲਿਖਿਆ ਹੈ ਕਿ ਇਹ ਸਿਰਫ਼ ਇੱਕ ਅੰਕੜਾ ਨਹੀਂ ਹੈ, ਸਗੋਂ ਵਿਦੇਸ਼ਾਂ ਦੇ ਗੁੰਝਲਦਾਰ ਕਾਨੂੰਨਾਂ ਵਿੱਚ ਫਸੇ ਪਾਕਿਸਤਾਨੀ ਪ੍ਰਵਾਸੀਆਂ ਨੂੰ ਦਰਪੇਸ਼ ਮਨੁੱਖੀ ਅਧਿਕਾਰਾਂ ਦੀਆਂ ਚੁਣੌਤੀਆਂ ਦਾ ਸਬੂਤ ਹੈ। ਜੇਲ੍ਹਾਂ ਵਿੱਚ ਬੰਦ ਜ਼ਿਆਦਾਤਰ ਪਾਕਿਸਤਾਨੀ ਯੂਰਪ ਜਾਂ ਅਮਰੀਕਾ ਵਿੱਚ ਨਹੀਂ ਸਗੋਂ ਮੁਸਲਿਮ ਦੇਸ਼ਾਂ ਵਿੱਚ ਹਨ। 58 ਫੀਸਦੀ ਯੂਏਈ ਅਤੇ ਸਾਊਦੀ ਅਰਬ ਦੀਆਂ ਜੇਲ੍ਹਾਂ ਵਿੱਚ ਬੰਦ ਹਨ। ਉਨ੍ਹਾਂ ‘ਤੇ ਨਸ਼ੀਲੇ ਪਦਾਰਥਾਂ ਨਾਲ ਸਬੰਧਤ ਅਪਰਾਧਾਂ ਤੋਂ ਲੈ ਕੇ ਚੋਰੀ ਤੱਕ ਦੇ ਦੋਸ਼ ਹਨ। 2010 ਤੋਂ 2023 ਤੱਕ 183 ਪਾਕਿਸਤਾਨੀਆਂ ਨੂੰ ਮੌਤ ਦੀ ਸਜ਼ਾ ਸੁਣਾਈ ਗਈ ਹੈ।

ਜਸਟਿਸ ਪ੍ਰੋਜੈਕਟ ਪਾਕਿਸਤਾਨ (ਜੇਪੀਪੀ) ਇੱਕ ਵਕਾਲਤ ਸਮੂਹ ਹੈ ਜੋ ਦੇਸ਼ ਅਤੇ ਵਿਦੇਸ਼ ਵਿੱਚ ਕਮਜ਼ੋਰ ਪਾਕਿਸਤਾਨੀ ਕੈਦੀਆਂ ਦੀ ਮਦਦ ਕਰਦਾ ਹੈ। ਡੇਟਾਬੇਸ ਦੇ ਅਨੁਸਾਰ, ਦਸੰਬਰ 2023 ਤੱਕ ਘੱਟੋ ਘੱਟ 5,292 ਪਾਕਿਸਤਾਨੀ ਨਾਗਰਿਕ ਯੂਏਈ ਦੀ ਹਿਰਾਸਤ ਵਿੱਚ ਹਨ। 235 ਲੋਕ ਨਸ਼ੇ ਦੇ ਦੋਸ਼ਾਂ ਵਿੱਚ ਜੇਲ੍ਹ ਵਿੱਚ ਹਨ। 28 ਵਿਅਕਤੀ ਚੋਰੀ/ਡਕੈਤੀ, 46 ਅਨੈਤਿਕ ਗਤੀਵਿਧੀਆਂ, 21 ਕਤਲ ਅਤੇ 13 ਜਬਰ ਜਨਾਹ ਦੇ ਮਾਮਲੇ ਵਿੱਚ ਜੇਲ੍ਹ ਵਿੱਚ ਹਨ।

ਜੇਪੀਪੀ ਦੇ ਅੰਕੜਿਆਂ ਅਨੁਸਾਰ ਪਿਛਲੇ ਸਾਲ ਸਤੰਬਰ ਵਿੱਚ ਯੂਏਈ ਵਿੱਚ ਕੈਦੀਆਂ ਦੀ ਗਿਣਤੀ ਲਗਭਗ 1,600 ਸੀ ਅਤੇ ਇਸ ਸਾਲ ਦਸੰਬਰ ਵਿੱਚ ਇਹ ਵੱਧ ਕੇ 5292 ਹੋ ਗਈ। ਪਾਕਿਸਤਾਨ ਅਤੇ ਯੂਏਈ ਵਿਚਕਾਰ ਕੈਦੀ ਤਬਾਦਲਾ ਸਮਝੌਤਾ ਹੋਇਆ ਹੈ। ਪਰ ਜ਼ਿਆਦਾਤਰ ਪਾਕਿਸਤਾਨੀ ਨਾਗਰਿਕਾਂ ਨੂੰ ਆਪਣੇ ਕਾਨੂੰਨੀ ਅਧਿਕਾਰਾਂ ਤੱਕ ਪਹੁੰਚ ਨਹੀਂ ਹੈ। ਘੱਟੋ-ਘੱਟ 3,100 ਪਾਕਿਸਤਾਨੀ ਨਾਗਰਿਕ ਸਾਊਦੀ ਅਰਬ ਦੀਆਂ ਜੇਲ੍ਹਾਂ ਵਿੱਚ ਰਹਿ ਰਹੇ ਹਨ। ਇਨ੍ਹਾਂ ਵਿੱਚੋਂ 691 ਨਸ਼ੇ ਦੇ ਅਪਰਾਧਾਂ ਵਿੱਚ ਸ਼ਾਮਲ ਹਨ। ਜਦੋਂ ਕਿ 180 ਚੋਰੀ ਅਤੇ ਡਕੈਤੀ ਦੇ ਮਾਮਲਿਆਂ ਵਿੱਚ ਕੈਦ ਹਨ। ਸੜਕ ਹਾਦਸਿਆਂ ਕਾਰਨ 21 ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ।