ਸਚਿਨ ਤੇਂਦੁਲਕਰ ਤੋਂ ਬਾਅਦ ਬੀਸੀਸੀਆਈ ਨੇ ਧੋਨੀ ਦੇ ਸਨਮਾਨ ਵਿੱਚ ਚੁੱਕਿਆ ਵੱਡਾ ਕਦਮ

ਬੋਰਡ ਦੇ ਇਕ ਅਧਿਕਾਰੀ ਨੇ ਗੁਪਤਤਾ ਦੇ ਆਧਾਰ ‘ਤੇ ਮੀਡੀਆ ਨਾਲ ਗੱਲ ਕਰਦੇ ਹੋਏ ਕਿਹਾ, ‘ਮੌਜੂਦਾ ਅਤੇ ਆਉਣ ਵਾਲੇ ਕ੍ਰਿਕਟਰਾਂ ਨੂੰ ਇਸ ਕਦਮ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਹੈ। ਉਹ ਐਮਐਸ ਧੋਨੀ ਦੀ ਸੱਤ ਨੰਬਰ ਦੀ ਜਰਸੀ ਨਹੀਂ ਚੁਣ ਸਕਣਗੇ।”

ਧੋਨੀ ਦੀ ਗਿਣਤੀ ਭਾਰਤ ਦੇ ਸਭ ਤੋਂ ਸਫਲ ਕਪਤਾਨਾਂ ਵਿਚ ਕੀਤੀ ਜਾਂਦੀ ਹੈ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਨੇ ਸਾਬਕਾ ਭਾਰਤੀ ਕਪਤਾਨ ਐਮਐਸ ਧੋਨੀ ਦੇ ਸਨਮਾਨ ਵਿੱਚ ਸੱਤ ਨੰਬਰ (7) ਜਰਸੀ ਨੂੰ ਰਿਟਾਇਰ ਕਰ ਦਿੱਤਾ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਬੀਸੀਸੀਆਈ ਨੇ ਭਾਰਤੀ ਕ੍ਰਿਕਟ ਲਈ ਧੋਨੀ ਦੇ ਸ਼ਾਨਦਾਰ ਕੰਮਾਂ ਨੂੰ ਦੇਖਦਿਆਂ ਇਹ ਕਦਮ ਚੁੱਕਿਆ ਹੈ। ਹਾਲਾਂਕਿ ਬੀਸੀਸੀਆਈ ਵੱਲੋਂ ਇਸ ਬਾਰੇ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।

ਭਾਰਤ ਦੇ ਇਸ ਤਜਰਬੇਕਾਰ ਖਿਡਾਰੀ ਅਤੇ ਸ਼ਾਨਦਾਰ ਕਪਤਾਨ ਦੇ ਮਾਰਗਦਰਸ਼ਨ ਵਿੱਚ ਤਿੰਨ ਆਈਸੀਸੀ ਖ਼ਿਤਾਬ ਜਿੱਤੇ ਸਨ। ਧੋਨੀ ਦੇ ਖੇਡਣ ਤੱਕ ਸਿਰਫ ਤਿੰਨ ਆਈਸੀਸੀ ਟੂਰਨਾਮੈਂਟ ਸਨ ਅਤੇ ਧੋਨੀ ਤਿੰਨੋਂ ਟਰਾਫੀਆਂ ਜਿੱਤਣ ਵਾਲੇ ਦੁਨੀਆ ਦੇ ਪਹਿਲੇ ਕਪਤਾਨ ਸਨ। ਭਾਰਤੀ ਕ੍ਰਿਕਟ ‘ਚ ਸੰਨਿਆਸ ਲੈਣ ਵਾਲੀ ਇਹ ਦੂਜੀ ਜਰਸੀ ਨੰਬਰ ਹੈ, ਕਿਉਂਕਿ ਇਸ ਤੋਂ ਪਹਿਲਾਂ ਬੀਸੀਸੀਆਈ ਨੇ ਮਹਾਨ ਸਚਿਨ ਤੇਂਦੁਲਕਰ ਦੀ 10 ਨੰਬਰ ਦੀ ਜਰਸੀ ਨੂੰ ਲੈ ਕੇ ਵੀ ਅਜਿਹਾ ਹੀ ਫੈਸਲਾ ਲਿਆ ਸੀ ।

ਮੀਡੀਆ ਰਿਪੋਰਟਾਂ ਮੁਤਾਬਕ ਬੀਸੀਸੀਆਈ ਨੇ ਸਾਰੇ ਖਿਡਾਰੀਆਂ ਨੂੰ ਸੂਚਿਤ ਕੀਤਾ ਹੈ ਕਿ 7 ਅਤੇ 10 ਨੰਬਰ ਦੀ ਜਰਸੀ ਹੁਣ ਉਪਲਬਧ ਨਹੀਂ ਹੈ। ਬੋਰਡ ਦੇ ਇਕ ਅਧਿਕਾਰੀ ਨੇ ਗੁਪਤਤਾ ਦੇ ਆਧਾਰ ‘ਤੇ ਮੀਡੀਆ ਨਾਲ ਗੱਲ ਕਰਦੇ ਹੋਏ ਕਿਹਾ, ‘ਮੌਜੂਦਾ ਅਤੇ ਆਉਣ ਵਾਲੇ ਕ੍ਰਿਕਟਰਾਂ ਨੂੰ ਇਸ ਕਦਮ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਹੈ। ਉਹ ਐਮਐਸ ਧੋਨੀ ਦੀ ਸੱਤ ਨੰਬਰ ਦੀ ਜਰਸੀ ਨਹੀਂ ਚੁਣ ਸਕਣਗੇ।

ਭਾਰਤੀ ਕ੍ਰਿਕਟ ‘ਚ ਧੋਨੀ ਦੇ ਯੋਗਦਾਨ ਨੂੰ ਧਿਆਨ ‘ਚ ਰੱਖਦੇ ਹੋਏ ਬੀਸੀਸੀਆਈ ਨੇ ਉਸ ਦਾ ਜਰਸੀ ਨੰਬਰ ਰਿਟਾਇਰ ਕਰ ਦਿੱਤਾ ਹੈ। ਨੰਬਰ 10 ਪਹਿਲਾਂ ਹੀ ਉਪਲਬਧ ਨਹੀਂ ਹੈ। ਅਧਿਕਾਰੀ ਨੇ ਕਿਹਾ- ਰੈਗੂਲਰ ਭਾਰਤੀ ਖਿਡਾਰੀਆਂ ਲਈ ਲਗਭਗ 60 ਨੰਬਰ ਰੱਖੇ ਗਏ ਹਨ। ਜੇਕਰ ਕੋਈ ਖਿਡਾਰੀ ਇੱਕ ਸਾਲ ਲਈ ਟੀਮ ਤੋਂ ਬਾਹਰ ਰਹਿੰਦਾ ਹੈ ਤਾਂ ਉਸ ਦਾ ਨੰਬਰ ਕਿਸੇ ਹੋਰ ਨੂੰ ਨਹੀਂ ਦਿੱਤਾ ਜਾਂਦਾ ਹੈ। ਡੈਬਿਊ ਖਿਡਾਰੀਆਂ ਕੋਲ ਚੁਣਨ ਲਈ 30 ਨੰਬਰ ਹੁੰਦੇ ਹਨ। ਧੋਨੀ ਨੇ ਪਹਿਲਾਂ ਖੁਲਾਸਾ ਕੀਤਾ ਸੀ ਕਿ ਸੱਤ ਨੰਬਰ ਦੀ ਜਰਸੀ ਉਸ ਲਈ ਖੁਸ਼ਕਿਸਮਤ ਸੀ ਕਿਉਂਕਿ ਇਹ ਉਸ ਦੀ ਜਨਮ ਮਿਤੀ (7 ਜੁਲਾਈ) ਹੈ। ਮਾਹੀ ਦੀ ਕਪਤਾਨੀ ‘ਚ ਟੀਮ ਇੰਡੀਆ ਨੇ 2007 ਟੀ-20 ਵਿਸ਼ਵ ਕੱਪ, 2011 ਵਨਡੇ ਵਿਸ਼ਵ ਕੱਪ ਅਤੇ 2013 ਚੈਂਪੀਅਨਜ਼ ਟਰਾਫੀ ਦਾ ਖਿਤਾਬ ਜਿੱਤਿਆ ਸੀ। ਧੋਨੀ ਨੇ 15 ਅਗਸਤ 2020 ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦਿੱਤਾ ਸੀ।