ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਰਨਾਟਕ ‘ਚ ਮਹਿਲਾ ਵੋਟਰਾਂ ਨੂੰ ਸ਼ਕਤੀ ਦਾ ਰੂਪ ਦੱਸਿਆ, ਕੋਇੰਬਟੂਰ ‘ਚ 4 ਕਿਲੋਮੀਟਰ ਲੰਬੇ ਰੋਡ ਸ਼ੋਅ ਦਾ ਕੀਤਾ ਆਯੋਜਨ

ਪੀਐੱਮ ਮੋਦੀ ਨੇ ਕਿਹਾ ਕਿ ਪਰਿਵਾਰਵਾਦ ਦੇ ਪੂਰੇ ਇਤਿਹਾਸ ‘ਤੇ ਇੱਕ ਨਜ਼ਰ ਮਾਰੋ। ਦੇਸ਼ ਵਿੱਚ ਜੋ ਵੀ ਵੱਡੇ ਘੁਟਾਲੇ ਹੋਏ ਹਨ, ਉਨ੍ਹਾਂ ਦੇ ਪਿੱਛੇ ਕੋਈ ਨਾ ਕੋਈ ਪਰਿਵਾਰ ਆਧਾਰਿਤ ਪਾਰਟੀ ਜ਼ਰੂਰ ਮਿਲ ਜਾਵੇਗੀ।

ਦੇਸ਼ ਵਿਚ ਲੋਕਸਭਾ ਚੋਣਾਂ ਦੀ ਵਿਗੁਲ ਵੱਜ ਚੁਕਿਆ ਹੈ ਅਤੇ ਸਾਰੀਆਂ ਹੀ ਰਾਜਨੀਤਿਕ ਪਾਰਟੀਆਂ ਨੇ ਆਪਣੀ ਕਮਰ ਕਸ ਲਈ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਤਿੰਨ ਸੂਬਿਆਂ ਤੇਲੰਗਾਨਾ, ਕਰਨਾਟਕ ਅਤੇ ਤਾਮਿਲਨਾਡੂ ਦਾ ਦੌਰਾ ਕੀਤਾ। ਤੇਲੰਗਾਨਾ ਦੇ ਜਗਤਿਆਲ ਵਿੱਚ ਇੱਕ ਜਨ ਸਭਾ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ 17 ਮਾਰਚ ਨੂੰ INDI ਅਲਾਇੰਸ ਦੀ ਰੈਲੀ ਦਾ ਜਵਾਬ ਦਿੱਤਾ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਾਂਗਰਸ ਪਾਰਟੀ ਨੇ ਮੁੰਬਈ ‘ਚ INDI ਅਲਾਇੰਸ ਦੀ ਰੈਲੀ ‘ਚ ਆਪਣਾ ਮੈਨੀਫੈਸਟੋ ਜਾਰੀ ਕੀਤਾ, ਜਿਸ ‘ਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਦੀ ਲੜਾਈ ਸੱਤਾ ਦੇ ਖਿਲਾਫ ਹੈ। ਮੇਰੇ ਲਈ ਹਰ ਮਾਂ-ਧੀ ਸ਼ਕਤੀ ਦਾ ਰੂਪ ਹਨ। ਮੈਂ ਉਨ੍ਹਾਂ ਨੂੰ ਸ਼ਕਤੀ ਦੇ ਰੂਪ ਵਿੱਚ ਪੂਜਦਾ ਹਾਂ ਅਤੇ ਉਨ੍ਹਾਂ ਦੀ ਰੱਖਿਆ ਲਈ ਆਪਣੀ ਜਾਨ ਜੋਖਮ ਵਿੱਚ ਪਾਵਾਂਗਾ।

ਪੀਐਮ ਨੇ ਕਰਨਾਟਕ ਦੇ ਸ਼ਿਵਮੋਗਾ ਵਿੱਚ ਵੀ ਕਿਹਾ INDI ਗਠਜੋੜ ਦੇ ਲੋਕ ਹਿੰਦੂ ਧਰਮ ਵਿੱਚ ਮੌਜੂਦ ਸ਼ਕਤੀ ਨੂੰ ਖਤਮ ਕਰਨਾ ਚਾਹੁੰਦੇ ਹਨ। ਮੋਦੀ ਨੇ ਅੱਗੇ ਕਿਹਾ- ਕਈ ਸਿਆਸੀ ਮਾਹਰ ਕਹਿੰਦੇ ਰਹੇ ਹਨ ਕਿ ਮਹਿਲਾ ਸ਼ਕਤੀ ਮੋਦੀ ਦੀ ਚੁੱਪ ਵੋਟਰ ਹੈ। ਪਰ ਮੇਰੇ ਦੇਸ਼ ਦੀ ਨਾਰੀ ਸ਼ਕਤੀ ਵੋਟਰ ਨਹੀਂ, ਮਾਂ ਸ਼ਕਤੀ ਦੇ ਰੂਪ ਵਿੱਚ ਹੈ। ਦਿਨ ਦੇ ਅੰਤ ਵਿੱਚ, ਪ੍ਰਧਾਨ ਮੰਤਰੀ ਨੇ ਤਾਮਿਲਨਾਡੂ ਦੇ ਕੋਇੰਬਟੂਰ ਵਿੱਚ ਚਾਰ ਕਿਲੋਮੀਟਰ ਲੰਬਾ ਰੋਡ ਸ਼ੋਅ ਕੱਢਿਆ। ਮੋਦੀ ਨੇ ਕਿਹਾ- ਇਕ ਪਾਸੇ ਕਾਂਗਰਸ ਪਾਰਟੀ ਹੈ, ਜਿਸ ਨੇ ਤੇਲੰਗਾਨਾ ਦੇ ਸੁਪਨਿਆਂ ਨੂੰ ਕੁਚਲ ਦਿੱਤਾ। ਦੂਜੇ ਪਾਸੇ ਬੀਆਰਐਸ ਹੈ, ਜਿਸ ਨੇ ਇੱਥੋਂ ਦੇ ਲੋਕਾਂ ਦੀਆਂ ਭਾਵਨਾਵਾਂ ਨੂੰ ਵਰਤ ਕੇ ਸੱਤਾ ਵਿੱਚ ਆ ਕੇ ਬਾਅਦ ਵਿੱਚ ਲੋਕਾਂ ਨਾਲ ਧੋਖਾ ਕੀਤਾ। ਤੇਲੰਗਾਨਾ ਬਣਾਉਣ ਦੇ ਪਹਿਲੇ 10 ਸਾਲਾਂ ਵਿੱਚ, ਬੀਆਰਐਸ ਨੇ ਤੇਲੰਗਾਨਾ ਨੂੰ ਬਹੁਤ ਲੁੱਟਿਆ। ਹੁਣ ਕਾਂਗਰਸ ਨੇ ਤੇਲੰਗਾਨਾ ਨੂੰ ATM ਸੂਬਾ ਬਣਾ ਦਿੱਤਾ ਹੈ।

ਪੀਐੱਮ ਮੋਦੀ ਨੇ ਕਿਹਾ ਕਿ ਪਰਿਵਾਰਵਾਦ ਦੇ ਪੂਰੇ ਇਤਿਹਾਸ ‘ਤੇ ਇੱਕ ਨਜ਼ਰ ਮਾਰੋ। ਦੇਸ਼ ਵਿੱਚ ਜੋ ਵੀ ਵੱਡੇ ਘੁਟਾਲੇ ਹੋਏ ਹਨ, ਉਨ੍ਹਾਂ ਦੇ ਪਿੱਛੇ ਕੋਈ ਨਾ ਕੋਈ ਪਰਿਵਾਰ ਆਧਾਰਿਤ ਪਾਰਟੀ ਜ਼ਰੂਰ ਮਿਲ ਜਾਵੇਗੀ। ਬੀ.ਆਰ.ਐਸ. ਅਤੇ ਕਾਂਗਰਸ ਇੱਕ ਦੂਜੇ ਨੂੰ ਜਿੰਨੀ ਮਰਜ਼ੀ ਕਵਰ ਫਾਇਰ ਦੇ ਦੇਣ, ਉਹਨਾਂ ਦੀ ਹਰ ਲੁੱਟ ਦਾ ਹਿਸਾਬ ਲਿਆ ਜਾਵੇਗਾ। ਮੋਦੀ ਤੇਲੰਗਾਨਾ ਦੇ ਲੋਕਾਂ ਨੂੰ ਲੁੱਟਣ ਵਾਲਿਆਂ ਨੂੰ ਨਹੀਂ ਬਖਸ਼ਣਗੇ। ਇਹ ਮੋਦੀ ਦੀ ਗਾਰੰਟੀ ਹੈ।