ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਾਂਗਰਸ ਹਿੰਦੂ ਵਿਰੋਧੀ ਪਾਰਟੀ, ਟੁਕੜੇ ਟੁਕੜੇ ਗੈਂਗ ਦਾ ਸਮਰਥਨ ਕਰਕੇ ਸਮਾਜ ਵਿੱਚ ਜ਼ਹਿਰ ਘੋਲ ਰਹੀ ਹੈ

ਪੀਐੱਮ ਮੋਦੀ ਨੇ ਕਿਹਾ ਕਿ ਕਾਂਗਰਸ ਦਾ ਟਰੈਕ ਰਿਕਾਰਡ ਲੁੱਟ, ਤੁਸ਼ਟੀਕਰਨ ਅਤੇ ਵੰਸ਼ਵਾਦ ਦਾ ਹੈ। ਮੋਦੀ ਨੇ ਤੇਲੰਗਾਨਾ ਦੇ ਹੈਦਰਾਬਾਦ ਅਤੇ ਮਹਿਬੂਬਨਗਰ ਲੋਕ ਸਭਾ ਹਲਕਿਆਂ ਵਿੱਚ ਚੋਣ ਰੈਲੀਆਂ ਨੂੰ ਸੰਬੋਧਨ ਕੀਤਾ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲੋਕਸਭਾ ਚੋਣਾਂ ਦੇ ਪ੍ਰਚਾਰ ਦੌਰਾਨ ਕਾਂਗਰਸ ਪਾਰਟੀ ‘ਤੇ ਹਮਲਾ ਬੋਲਿਆ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੋਸ਼ ਲਾਇਆ ਕਿ ਕਾਂਗਰਸ ਹਿੰਦੂ ਵਿਰੋਧੀ ਹੈ। ਕਾਂਗਰਸ ਦਾ ਟਰੈਕ ਰਿਕਾਰਡ ਲੁੱਟ, ਤੁਸ਼ਟੀਕਰਨ ਅਤੇ ਵੰਸ਼ਵਾਦ ਦਾ ਹੈ। ਮੋਦੀ ਨੇ ਤੇਲੰਗਾਨਾ ਦੇ ਹੈਦਰਾਬਾਦ ਅਤੇ ਮਹਿਬੂਬਨਗਰ ਲੋਕ ਸਭਾ ਹਲਕਿਆਂ ਵਿੱਚ ਚੋਣ ਰੈਲੀਆਂ ਨੂੰ ਸੰਬੋਧਨ ਕੀਤਾ।

ਮੋਦੀ ਨੇ ਯਾਦ ਦਿਵਾਇਆ ਕਿ 10 ਸਾਲ ਪਹਿਲਾਂ ਦੇਸ਼ ‘ਚ ਬੰਬ ਧਮਾਕੇ ਹੁੰਦੇ ਸਨ, ਹੁਣ ਅਜਿਹੇ ਅੱਤਵਾਦੀ ਹਮਲੇ ਨਹੀਂ ਹੁੰਦੇ। ਉਨ੍ਹਾਂ ਨੇ 2013 ਦੇ ਦਿਲਸੁਖਨਗਰ, ਹੈਦਰਾਬਾਦ ਵਿੱਚ ਹੋਏ ਬੰਬ ਧਮਾਕੇ ਨੂੰ ਵੀ ਯਾਦ ਕੀਤਾ ਅਤੇ ਕਿਹਾ ਕਿ ਇਸ ਚੋਣ ਵਿੱਚ ਪਹਿਲੀ ਵਾਰ ਵੋਟ ਪਾਉਣ ਵਾਲੇ ਸ਼ਾਇਦ ਇਸ ਬਾਰੇ ਜਾਣਦੇ ਹਨ। ਮੋਦੀ ਨੇ ਦੋਸ਼ ਲਾਇਆ ਕਿ ਕਾਂਗਰਸ ਹਿੰਦੂ ਵਿਰੋਧੀ ਹੈ।

ਉਨ੍ਹਾਂ ਕਿਹਾ ਕਿ ਕਾਂਗਰਸ ਦੇ ਸ਼ਹਿਜ਼ਾਦੇ (ਰਾਹੁਲ ਗਾਂਧੀ) ਨੇ ਚੋਣਾਂ ਤੋਂ ਪਹਿਲਾਂ ਪਿਆਰ ਦੀ ਦੁਕਾਨਦਾਰੀ ਸ਼ੁਰੂ ਕੀਤੀ ਸੀ, ਜੋ ਚੋਣਾਂ ਸਮੇਂ ਖ਼ਤਮ ਹੋ ਗਈ ਅਤੇ ਹੁਣ ਉਹ ਟੁਕੜੇ-ਟੁਕੜੇ ਗੈਂਗ ਦਾ ਸਮਰਥਨ ਕਰਨ ਦੀ ਗੱਲ ਕਰਕੇ ਸਮਾਜ ਵਿੱਚ ਜ਼ਹਿਰ ਘੋਲ ਰਿਹਾ ਹੈ। ਕਾਂਗਰਸ ਨੇਤਾ ਸੈਮ ਪਿਤਰੋਦਾ ਦੇ ਹਾਲ ਹੀ ਦੇ ਬਿਆਨ ‘ਤੇ ਮੋਦੀ ਨੇ ਕਿਹਾ ਕਿ ਅਮਰੀਕਾ ‘ਚ ਰਹਿ ਰਹੇ ਪ੍ਰਿੰਸ ਦੇ ਸਲਾਹਕਾਰ ਨੇ ਦੱਖਣੀ ਭਾਰਤੀ ਲੋਕਾਂ ਨੂੰ ਅਫਰੀਕਨ ਦੱਸਿਆ, ਯਾਨੀ ਤੇਲੰਗਾਨਾ ਦੇ ਲੋਕ ਅਫਰੀਕਨਾਂ ਵਰਗੇ ਲੱਗਦੇ ਹਨ। ਅਜਿਹਾ ਇਸ ਲਈ ਕਿਹਾ ਕਿਉਂਕਿ ਉਨ੍ਹਾਂ ਨੂੰ ਤੁਹਾਡੀ ਚਮੜੀ ਦਾ ਰੰਗ ਪਸੰਦ ਨਹੀਂ ਹੈ। ਹੁਣ ਕਾਂਗਰਸ ਰੰਗ ਦੇ ਆਧਾਰ ‘ਤੇ ਤੈਅ ਕਰੇਗੀ ਕਿ ਕੌਣ ਅਫਰੀਕੀ ਹੈ ਅਤੇ ਕੌਣ ਭਾਰਤੀ।