ਲੋਕਸਭਾ ਚੋਣਾਂ 2024 : ਅੱਜ ਦਿੱਲੀ ‘ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਰੈਲੀ, 25 ਮਈ ਨੂੰ ਸੱਤ ਸੀਟਾਂ ‘ਤੇ ਵੋਟਿੰਗ

ਪੀਐੱਮ ਨੇ ਕਿਹਾ ਸਪਾ ਸਰਕਾਰ ‘ਚ ਜਾਤੀ ਦੇ ਆਧਾਰ ‘ਤੇ ਨੌਕਰੀਆਂ ਦਿੱਤੀਆਂ ਜਾਂਦੀਆਂ ਸਨ। ਸਪਾ ਨੇ UPSC ਨੂੰ ਪਰਿਵਾਰ ਸੇਵਾ ਕਮਿਸ਼ਨ ਬਣਾਇਆ।

ਸਾਰੀਆਂ ਹੀ ਰਾਜਨੀਤਿਕ ਪਾਰਟੀਆਂ ਲੋਕਸਭਾ ਚੋਣਾਂ ਨੂੰ ਵੇਖਦੇ ਹੋਏ ਜ਼ੋਰਦਾਰ ਪ੍ਰਚਾਰ ਕਰ ਰਹੀਆਂ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਬੁੱਧਵਾਰ 22 ਮਈ ਨੂੰ ਦਿੱਲੀ ਦੇ ਦਵਾਰਕਾ ਵਿੱਚ ਰੈਲੀ ਕਰਨਗੇ। ਦਿੱਲੀ ਦੀਆਂ ਸਾਰੀਆਂ ਸੱਤ ਸੀਟਾਂ ‘ਤੇ ਛੇਵੇਂ ਪੜਾਅ ਯਾਨੀ 25 ਮਈ ਨੂੰ ਵੋਟਿੰਗ ਹੋਵੇਗੀ। ਪ੍ਰਧਾਨ ਮੰਤਰੀ 21 ਮਈ ਨੂੰ ਪ੍ਰਯਾਗਰਾਜ ਅਤੇ ਵਾਰਾਣਸੀ ਪਹੁੰਚੇ ਸਨ।

ਬਨਾਰਸ ਵਿੱਚ ਉਨ੍ਹਾਂ ਨੇ ਮਾਤ ਸ਼ਕਤੀ ਸੰਮੇਲਨ ਵਿੱਚ 25 ਹਜ਼ਾਰ ਔਰਤਾਂ ਨਾਲ ਗੱਲਬਾਤ ਕੀਤੀ। ਮੋਦੀ ਨੇ ਸੰਕਟਮੋਚਨ ਮੰਦਰ ‘ਚ ਵੀ ਪੂਜਾ ਅਰਚਨਾ ਕੀਤੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੰਗਲਵਾਰ, 21 ਮਈ ਨੂੰ ਪ੍ਰਯਾਗਰਾਜ ‘ਚ ਕਿਹਾ- ਸਪਾ-ਕਾਂਗਰਸ ਵਾਲਿਆਂ ਦਾ ਸ਼ਾਸਨ ਠੀਕ ਨਹੀਂ ਹੈ। ਭਗਵਾਨ ਸ਼੍ਰੀ ਰਾਮ ਦਾ ਅਪਮਾਨ ਕਰਨ ਵਾਲਿਆਂ ਨੂੰ ਪ੍ਰਯਾਗਰਾਜ ਦੇ ਲੋਕ ਕਦੇ ਮੁਆਫ ਨਹੀਂ ਕਰਨਗੇ। ਮੈਂ ਤ੍ਰਿਵੇਣੀ ਦੀ ਇਸ ਪਵਿੱਤਰ ਧਰਤੀ ਨੂੰ ਨਮਨ ਕਰਦਾ ਹਾਂ।

ਪੀਐੱਮ ਨੇ ਕਿਹਾ- ਸਪਾ ਸਰਕਾਰ ‘ਚ ਜਾਤੀ ਦੇ ਆਧਾਰ ‘ਤੇ ਨੌਕਰੀਆਂ ਦਿੱਤੀਆਂ ਜਾਂਦੀਆਂ ਸਨ। UPSC ਨੂੰ ਪਰਿਵਾਰ ਸੇਵਾ ਕਮਿਸ਼ਨ ਬਣਾਇਆ ਗਿਆ। ਇਹ ਲੋਕ ਸਨਾਤਨ ਨੂੰ ਡੇਂਗੂ ਅਤੇ ਮਲੇਰੀਆ ਕਹਿੰਦੇ ਹਨ। ਪੀਐੱਮ ਮੋਦੀ ਨੇ ਕਿਹਾ ਕਿ ਕਾਂਗਰਸ ਦੇ ਸ਼ਹਿਜ਼ਾਦੇ ਵਿਦੇਸ਼ਾਂ ਵਿੱਚ ਜਾ ਕੇ ਭਾਰਤ ਨੂੰ ਗਾਲ੍ਹਾਂ ਕੱਢਦੇ ਹਨ। ਇੰਡੀ ਗਠਜੋੜ ਕਿਸ ਏਜੰਡੇ ‘ਤੇ ਚੋਣ ਲੜ ਰਿਹਾ ਹੈ? ਵਿਰੋਧੀ ਕਹਿੰਦੇ ਹਨ 370 ਨੂੰ ਦੁਬਾਰਾ ਲਿਆਵਾਂਗੇ, CAA ਰੱਦ ਕਰੋ। ਇਹ ਸਭ ਕਰਨ ਲਈ, ਕੀ ਤੁਸੀਂ ਕਦੇ ਇੰਡੀ ਲੋਕਾਂ ਦੀ ਇੱਕ ਵੋਟ ਵੀ ਕਾਂਗਰਸ ਜਾਂ ਸਪਾ ਨੂੰ ਦਿਓਗੇ?