ਪੁਣੇ ਦੇ 2 ਵਿਅਕਤੀ 25 ਕਿਲੋ ਸੋਨਾ ਪਹਿਨ ਕੇ ਤਿਰੁਮਾਲਾ ਮੰਦਰ ਪਹੁੰਚੇ, ਸੋਨੇ ਦੀ ਕੀਮਤ 180 ਕਰੋੜ ਰੁਪਏ

ਮੀਡੀਆ ਰਿਪੋਰਟਾਂ ਮੁਤਾਬਕ ਦੋਵੇਂ ਪੇਸ਼ੇ ਤੋਂ ਫਿਲਮ ਫਾਇਨਾਂਸਰ ਅਤੇ ਨਿਰਮਾਤਾ ਹਨ। ਜਦੋਂ ਕਿ ਸੰਨੀ ਆਮ ਤੌਰ ‘ਤੇ 7 ਤੋਂ 8 ਕਿਲੋ ਸੋਨਾ ਪਾਉਂਦੇ ਹਨ ਅਤੇ ਸੰਜੇ ਆਮ ਤੌਰ ‘ਤੇ 4 ਤੋਂ 5 ਕਿਲੋ ਸੋਨਾ ਪਾਉਂਦੇ ਹਨ।

ਪੁਣੇ ਤੋਂ ਇਕ ਹੈਰਾਨੀਜਨਕ ਖਬਰ ਸਾਹਮਣੇ ਆ ਰਹੀ ਹੈ। 23 ਅਗਸਤ ਸ਼ੁੱਕਰਵਾਰ ਨੂੰ 25 ਕਿਲੋ ਸੋਨਾ ਪਹਿਨ ਕੇ ਆਂਧਰਾ ਪ੍ਰਦੇਸ਼ ਦੇ ਮਸ਼ਹੂਰ ਤਿਰੁਮਾਲਾ ਵੈਂਕਟੇਸ਼ਵਰ ਮੰਦਰ ਦੇ ਦਰਸ਼ਨ ਕਰਨ ਲਈ ਪੁਣੇ ਦਾ ਇੱਕ ਪਰਿਵਾਰ ਆਪਣੇ ਦੋਸਤ ਨਾਲ ਗਿਆ। ਉਨ੍ਹਾਂ ਦੀ ਸੁਰੱਖਿਆ ਲਈ ਇੱਕ ਪੁਲਿਸ ਮੁਲਾਜ਼ਮ ਅਤੇ ਦੋ ਅੰਗ ਰੱਖਿਅਕ ਵੀ ਮੌਜੂਦ ਸਨ। ਫੋਟੋ ਵਿਚ ਹਰ ਕੋਈ ਸੋਨੇ ਦੇ ਗਹਿਣੇ ਪਹਿਨੇ ਹੋਏ ਨਜ਼ਰ ਆ ਰਹੇ ਹਨ। ਮਰਦਾਂ ਦੇ ਗਲੇ ਗਹਿਣਿਆਂ ਨਾਲ ਭਰੇ ਹੋਏ ਹਨ।

ਫੋਟੋ ਵਿਚ ਦੇਖਿਆ ਜਾ ਰਿਹਾ ਹੈ ਕਿ ਮਰਦ ਔਰਤਾਂ ਦੇ ਮੁਕਾਬਲੇ ਜ਼ਿਆਦਾ ਗਹਿਣੇ ਪਹਿਨ ਰਹੇ ਹਨ। ਵੀਡੀਓ ਵਿੱਚ ਨਜ਼ਰ ਆ ਰਹੇ ਦੋ ਵਿਅਕਤੀ ਸਨੀ ਨਾਨਾਸਾਹਿਬ ਵਾਘਚੌਰੇ ਅਤੇ ਸੰਜੇ ਗੁੱਜਰ ਹਨ। ਇਹ ਵੀਡੀਓਜ਼ ਸੰਨੀ ਦੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਵੀ ਹਨ। ਦੋਵੇਂ ਬਹੁਤ ਚੰਗੇ ਦੋਸਤ ਹਨ ਅਤੇ ਪੁਣੇ ਦੇ ਰਹਿਣ ਵਾਲੇ ਹਨ। ਦੋਵੇਂ ਪੁਣੇ ਗੋਲਡਨ ਗਾਈਜ਼ ਦੇ ਨਾਂ ਨਾਲ ਮਸ਼ਹੂਰ ਹਨ। ਔਰਤ ਅਤੇ ਬੱਚਾ ਸੰਨੀ ਦੀ ਪਤਨੀ ਅਤੇ ਪੁੱਤਰ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਦੋਵੇਂ ਪੇਸ਼ੇ ਤੋਂ ਫਿਲਮ ਫਾਇਨਾਂਸਰ ਅਤੇ ਨਿਰਮਾਤਾ ਹਨ। ਜਦੋਂ ਕਿ ਸੰਨੀ ਆਮ ਤੌਰ ‘ਤੇ 7 ਤੋਂ 8 ਕਿਲੋ ਸੋਨਾ ਪਾਉਂਦੇ ਹਨ ਅਤੇ ਸੰਜੇ ਆਮ ਤੌਰ ‘ਤੇ 4 ਤੋਂ 5 ਕਿਲੋ ਸੋਨਾ ਪਾਉਂਦੇ ਹਨ।

ਇਸ ਤੋਂ ਇਲਾਵਾ ਉਹ ਮਹਿੰਗੀਆਂ ਕਾਰਾਂ ਦਾ ਵੀ ਸ਼ੌਕੀਨ ਹੈ। ਦੋਵੇਂ ਬਿੱਗ ਬੌਸ 16 ਦਾ ਹਿੱਸਾ ਵੀ ਰਹਿ ਚੁੱਕੇ ਹਨ। ਉਹ ਵਾਈਲਡ ਕਾਰਡ ਐਂਟਰੀ ਦੇ ਤੌਰ ‘ਤੇ ਸ਼ੋਅ ‘ਚ ਸ਼ਾਮਲ ਹੋਏ ਸਨ। ਉਹ ਕਪਿਲ ਸ਼ਰਮਾ ਸ਼ੋਅ ਵਿੱਚ ਵੀ ਨਜ਼ਰ ਆ ਚੁਕੇ ਹਨ। ਸ਼੍ਰੀ ਵੈਂਕਟੇਸ਼ਵਰ ਮੰਦਿਰ ਆਂਧਰਾ ਪ੍ਰਦੇਸ਼ ਦੇ ਤਿਰੂਪਤੀ ਜ਼ਿਲ੍ਹੇ ਵਿੱਚ ਤਿਰੂਮਾਲਾ ਪਹਾੜੀ ਉੱਤੇ ਬਣਿਆ ਹੋਇਆ ਹੈ। ਇਸ ਨੂੰ ਤਿਰੂਪਤੀ ਬਾਲਾਜੀ ਮੰਦਰ ਵੀ ਕਿਹਾ ਜਾਂਦਾ ਹੈ। ਮੰਦਰ ਭਗਵਾਨ ਵੈਂਕਟੇਸ਼ਵਰ ਨੂੰ ਸਮਰਪਿਤ ਹੈ। ਉਨ੍ਹਾਂ ਨੂੰ ਭਗਵਾਨ ਵਿਸ਼ਨੂੰ ਦਾ ਅਵਤਾਰ ਮੰਨਿਆ ਜਾਂਦਾ ਹੈ।