ਵਿਸ਼ਵ ਕੱਪ 2023 : ਵਿਸ਼ਵ ਕੱਪ ‘ਚ ਛੱਕਿਆਂ ਦਾ ਬਾਦਸ਼ਾਹ ਬਣ ਸਕਦੇ ਹਨ ਰੋਹਿਤ ਸ਼ਰਮਾ, ਸ਼ਾਨਦਾਰ ਰਿਕਾਰਡ ਤੋਂ ਕੁਝ ਕਦਮ ਦੂਰ

ਇਸ ਸੂਚੀ ‘ਚ ਵੈਸਟਇੰਡੀਜ਼ ਦੇ ਸਾਬਕਾ ਖਿਡਾਰੀ ਕ੍ਰਿਸ ਗੇਲ ਚੋਟੀ ‘ਤੇ ਹਨ। ਕ੍ਰਿਸ ਗੇਲ ਨੇ ਵਿਸ਼ਵ ਕੱਪ ਦੇ 35 ਮੈਚਾਂ ‘ਚ 49 ਛੱਕੇ ਲਗਾਏ ਹਨ। ਵਿਸ਼ਵ ਕੱਪ ‘ਚ ਰੋਹਿਤ ਸ਼ਰਮਾ ਨੇ ਹੁਣ ਤੱਕ 23 ਛੱਕੇ ਲਗਾਏ ਹਨ।

ਭਾਰਤ ਵਿਸ਼ਵ ਕੱਪ 2023 ਦੀ ਮੇਜ਼ਬਾਨੀ ਕਰਨ ਲਈ ਪੂਰੀ ਤਰਾਂ ਨਾਲ ਤਿਆਰ ਹੈ। ਭਾਰਤੀ ਟੀਮ ਆਪਣੀ ਵਿਸ਼ਵ ਕੱਪ ਮੁਹਿੰਮ ਦੀ ਸ਼ੁਰੂਆਤ ਆਸਟ੍ਰੇਲੀਆ ਖਿਲਾਫ ਮੈਚ ਨਾਲ ਕਰੇਗੀ। ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਮੈਚ 8 ਅਕਤੂਬਰ ਨੂੰ ਚੇਨਈ ‘ਚ ਖੇਡਿਆ ਜਾਵੇਗਾ। ਇਸਦੇ ਨਾਲ ਹੀ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਕੋਲ ਵਿਸ਼ੇਸ਼ ਸੂਚੀ ਵਿੱਚ ਜਗ੍ਹਾ ਬਣਾਉਣ ਦਾ ਮੌਕਾ ਹੋਵੇਗਾ।

ਦਰਅਸਲ, ਰੋਹਿਤ ਸ਼ਰਮਾ ਵਿਸ਼ਵ ਕੱਪ ਮੈਚਾਂ ‘ਚ 12ਵੇਂ ਸਭ ਤੋਂ ਵੱਧ ਛੱਕੇ ਲਗਾਉਣ ਵਾਲੇ ਬੱਲੇਬਾਜ਼ ਹਨ, ਪਰ ਇਸ ਹਿੱਟਮੈਨ ਕੋਲ ਸਿਖਰ ‘ਤੇ ਪਹੁੰਚਣ ਦਾ ਮੌਕਾ ਹੋਵੇਗਾ। ਰੋਹਿਤ ਸ਼ਰਮਾ ਨੇ ਹੁਣ ਤੱਕ ਵਿਸ਼ਵ ਕੱਪ ਦੇ 16 ਮੈਚ ਖੇਡੇ ਹਨ। ਰੋਹਿਤ ਸ਼ਰਮਾ ਨੇ ਵਿਸ਼ਵ ਕੱਪ ਦੇ ਇਨ੍ਹਾਂ 16 ਮੈਚਾਂ ‘ਚ 23 ਛੱਕੇ ਲਗਾਏ ਹਨ। ਇਸ ਦੇ ਨਾਲ ਹੀ ਇਸ ਸੂਚੀ ‘ਚ ਵੈਸਟਇੰਡੀਜ਼ ਦੇ ਸਾਬਕਾ ਖਿਡਾਰੀ ਕ੍ਰਿਸ ਗੇਲ ਚੋਟੀ ‘ਤੇ ਹਨ।

ਕ੍ਰਿਸ ਗੇਲ ਨੇ ਵਿਸ਼ਵ ਕੱਪ ਦੇ 35 ਮੈਚਾਂ ‘ਚ 49 ਛੱਕੇ ਲਗਾਏ ਹਨ। ਦੂਜੇ ਸਥਾਨ ‘ਤੇ ਦੱਖਣੀ ਅਫਰੀਕਾ ਦੇ ਦਿੱਗਜ ਖਿਡਾਰੀ ਏਬੀ ਡਿਵਿਲੀਅਰਸ ਹਨ। ਇਸ ਖਿਡਾਰੀ ਨੇ ਵਿਸ਼ਵ ਕੱਪ ਦੇ 23 ਮੈਚਾਂ ‘ਚ 37 ਛੱਕੇ ਲਗਾਏ ਸਨ। ਜਦੋਂ ਕਿ ਆਸਟਰੇਲੀਆ ਦੇ ਸਾਬਕਾ ਕਪਤਾਨ ਰਿਕੀ ਪੋਂਟਿੰਗ ਤੀਜੇ ਨੰਬਰ ‘ਤੇ ਹਨ। ਰਿਕੀ ਪੋਂਟਿੰਗ ਨੇ ਵਿਸ਼ਵ ਕੱਪ ਦੇ 46 ਮੈਚਾਂ ‘ਚ 31 ਛੱਕੇ ਲਗਾਏ ਹਨ। ਇਸ ਤੋਂ ਬਾਅਦ ਨਿਊਜ਼ੀਲੈਂਡ ਦੇ ਸਾਬਕਾ ਦਿੱਗਜ ਖਿਡਾਰੀ ਬ੍ਰੈਂਡਨ ਮੈਕੁਲਮ ਇਸ ਸੂਚੀ ‘ਚ ਚੌਥੇ ਸਥਾਨ ‘ਤੇ ਹਨ।

ਬ੍ਰੈਂਡਨ ਮੈਕੁਲਮ ਨੇ ਵਿਸ਼ਵ ਕੱਪ ਦੇ 34 ਮੈਚਾਂ ‘ਚ 29 ਛੱਕੇ ਲਗਾਏ। ਇਸ ਦੇ ਨਾਲ ਹੀ ਦੱਖਣੀ ਅਫਰੀਕਾ ਦੇ ਸਾਬਕਾ ਦਿੱਗਜ ਖਿਡਾਰੀ ਹਰਸ਼ਲ ਗਿਬਸ ਪੰਜਵੇਂ ਨੰਬਰ ‘ਤੇ ਹਨ। ਹਰਸ਼ੇਲ ਗਿਬਸ ਨੇ ਵਿਸ਼ਵ ਕੱਪ ਦੇ 25 ਮੈਚਾਂ ‘ਚ 28 ਛੱਕੇ ਲਗਾਏ। ਹਾਲਾਂਕਿ ਵਿਸ਼ਵ ਕੱਪ ‘ਚ ਰੋਹਿਤ ਸ਼ਰਮਾ ਨੇ 23 ਛੱਕੇ ਲਗਾਏ ਹਨ। ਪਰ ਉਹ ਸਭ ਤੋਂ ਜ਼ਿਆਦਾ ਛੱਕੇ ਲਗਾਉਣ ਵਾਲੇ ਖਿਡਾਰੀਆਂ ਦੀ ਸੂਚੀ ‘ਚ 12ਵੇਂ ਨੰਬਰ ‘ਤੇ ਹੈ। ਸਿਰਫ 5 ਛੱਕੇ ਲਗਾਉਣ ਤੋਂ ਬਾਅਦ ਰੋਹਿਤ ਸ਼ਰਮਾ ਸਭ ਤੋਂ ਜ਼ਿਆਦਾ ਛੱਕੇ ਲਗਾਉਣ ਵਾਲੇ ਟਾਪ-5 ਖਿਡਾਰੀਆਂ ਦੀ ਸੂਚੀ ‘ਚ ਸ਼ਾਮਲ ਹੋ ਜਾਣਗੇ।