ਸਿੰਗਾਪੁਰ ਦੀ ਧਾਰਮਿਕ ਗੁਰੂ ਨੂੰ ਸ਼ਰਧਾਲੂਆਂ ਨਾਲ 43 ਕਰੋੜ ਰੁਪਏ ਦੀ ਧੋਖਾਧੜੀ ਦੇ ਮਾਮਲੇ ‘ਚ 10.5 ਸਾਲ ਦੀ ਕੈਦ

ਅਦਾਲਤ ਨੇ ਉਸਨੂੰ ਆਪਣੇ ਸ਼ਰਧਾਲੂਆਂ ਨੂੰ ਧੋਖਾ ਦੇਣ ਅਤੇ ਉਨ੍ਹਾਂ ਨੂੰ ਜ਼ਖਮੀ ਕਰਨ ਸਮੇਤ 5 ਦੋਸ਼ਾਂ ਵਿੱਚ ਦੋਸ਼ੀ ਪਾਇਆ। ਵੂ ਮੇਈ ਹੋ ‘ਤੇ ਦੋਸ਼ ਹੈ ਕਿ ਉਸਨੇ ਆਪਣੇ ਸ਼ਰਧਾਲੂਆਂ ਦਾ ਬ੍ਰੇਨਵਾਸ਼ ਕੀਤਾ ਅਤੇ ਉਨ੍ਹਾਂ ਨੂੰ ਕਿਹਾ ਕਿ ਉਹ ਦੇਵੀ ਹੈ।

ਸਿੰਗਾਪੁਰ ਦੀ ਧਾਰਮਿਕ ਗੁਰੂ ਵਲੋਂ ਆਮ ਲੋਕਾਂ ਨਾਲ ਕੀਤੀ ਗਈ ਠਗੀ ਦਾ ਮਾਮਲਾ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਸਿੰਗਾਪੁਰ ਦੀ ਧਾਰਮਿਕ ਆਗੂ ਵੂ ਮੇਅ ਹੋ (54) ਨੂੰ ਸਾਢੇ ਦਸ ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਅਦਾਲਤ ਨੇ ਉਸ ਨੂੰ ਆਪਣੇ ਸ਼ਰਧਾਲੂਆਂ ਨੂੰ ਧੋਖਾ ਦੇਣ ਅਤੇ ਉਨ੍ਹਾਂ ਨੂੰ ਜ਼ਖਮੀ ਕਰਨ ਸਮੇਤ 5 ਦੋਸ਼ਾਂ ਵਿੱਚ ਦੋਸ਼ੀ ਪਾਇਆ। ਵੂ ਮੇਈ ਹੋ ‘ਤੇ ਦੋਸ਼ ਹੈ ਕਿ ਉਸਨੇ ਆਪਣੇ ਸ਼ਰਧਾਲੂਆਂ ਦਾ ਬ੍ਰੇਨਵਾਸ਼ ਕੀਤਾ ਅਤੇ ਉਨ੍ਹਾਂ ਨੂੰ ਕਿਹਾ ਕਿ ਉਹ ਦੇਵੀ ਹੈ। ਜੇਕਰ ਸ਼ਰਧਾਲੂ ਉਸਦੇ ਹੁਕਮਾਂ ਦੀ ਪਾਲਣਾ ਨਹੀਂ ਕਰਦੇ, ਤਾਂ ਉਹ ਉਨ੍ਹਾਂ ਨੂੰ ਬੇਰਹਿਮੀ ਨਾਲ ਸਜ਼ਾ ਦਿੰਦੀ ਸੀ।

ਉਹ ਸ਼ਰਧਾਲੂਆਂ ਨੂੰ ਆਪਣਾ ਮਲ ਖੁਆਉਂਦੀ ਸੀ ਅਤੇ ਪਲਾਸ ਨਾਲ ਆਪਣੇ ਦੰਦ ਕੱਢਣ ਲਈ ਕਹਿੰਦੀ ਸੀ। ਵੂ ਮੇਈ ਹੋ 2012 ਤੋਂ ਸਿੰਗਾਪੁਰ ਵਿੱਚ 30 ਸ਼ਰਧਾਲੂਆਂ ਦੇ ਇੱਕ ਸਮੂਹ ਨਾਲ ਇੱਕ ਆਸ਼ਰਮ ਚਲਾ ਰਹੀ ਹੈ। ਲੋਕਾਂ ਨੂੰ ਉਸ ‘ਤੇ ਵਿਸ਼ਵਾਸ ਕਰਨ ਲਈ, ਉਹ ਹਮੇਸ਼ਾ ਸਾੜ੍ਹੀ ਅਤੇ ਮੇਕਅੱਪ ਕਰਕੇ ਰਹਿੰਦੀ ਸੀ। ਵੂ ਮੀ ਹੋ ਸਾਲ 2012 ਵਿੱਚ ਹੀ ਸ਼੍ਰੀ ਸ਼ਕਤੀ ਨਰਾਇਣੀ ਅੰਮਾ ਨਾਲ ਸਿੱਧੇ ਤੌਰ ‘ਤੇ ਜੁੜੀ ਹੋਈ ਸੀ। ਇਸ ਸਮੇਂ ਦੌਰਾਨ ਉਸਨੇ ਆਪਣੇ ਆਪ ਨੂੰ ਇੱਕ ਦੇਵੀ ਵਜੋਂ ਪਛਾਣਨਾ ਸ਼ੁਰੂ ਕਰ ਦਿੱਤਾ ਜੋ ਦੇਵਤਿਆਂ ਅਤੇ ਆਤਮਾਵਾਂ ਨਾਲ ਗੱਲ ਕਰਦੀ ਸੀ। ਇਸ ਤੋਂ ਬਾਅਦ ਉਸਨੇ ਆਪਣੇ ਸ਼ਰਧਾਲੂਆਂ ਨੂੰ ਉਸਨੂੰ ਭਗਵਾਨ ਕਹਿਣ ਲਈ ਕਿਹਾ।

ਵੂ ਮੇਈ ਹੋ ਦੇ ਸ਼ਰਧਾਲੂਆਂ ਨੇ ਅਦਾਲਤ ਨੂੰ ਦੱਸਿਆ ਕਿ ਉਹ ਆਪਣੀਆਂ ਬਿਮਾਰੀਆਂ ਦਾ ਇਲਾਜ ਕਰਨ ਅਤੇ ਆਪਣੀ ਜ਼ਿੰਦਗੀ ਨੂੰ ਸੁਧਾਰਨ ਲਈ ਉਸ ਕੋਲ ਜਾਂਦੇ ਸਨ। ਇਸ ਦੌਰਾਨ ਵੂ ਮੇਈ ਹੋ ਲੋਕਾਂ ਤੋਂ ਪੈਸੇ ਮੰਗਦੀ ਸੀ। ਵੂ ਨੇ ਸ਼ਰਧਾਲੂਆਂ ਤੋਂ 43 ਕਰੋੜ ਰੁਪਏ ਦੀ ਠੱਗੀ ਮਾਰੀ ਹੈ। ਵੂ ਦੇ ਪੈਰੋਕਾਰਾਂ ਨੇ 2020 ਦੀ ਸ਼ੁਰੂਆਤ ‘ਚ ਉਸ ‘ਤੇ ਹਮਲੇ ਦਾ ਪਹਿਲਾ ਮਾਮਲਾ ਦਰਜ ਕਰਵਾਇਆ ਸੀ, ਜਿਸ ਤੋਂ ਬਾਅਦ ਅਕਤੂਬਰ 2020 ‘ਚ ਉਸਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਸੀ। ਵੂ ਦੇ ਇਕ ਸ਼ਰਧਾਲੂ ਨੇ ਦੱਸਿਆ ਕਿ ਮੈਂ 2019 ‘ਚ ਉਨ੍ਹਾਂ ਨਾਲ ਕੰਮ ਕੀਤਾ ਸੀ। ਇਕ ਤਿਉਹਾਰ ਦੌਰਾਨ ਵੂ ਨੇ ਮੇਰੇ ‘ਤੇ 5 ਡੱਬਿਆਂ (ਟੀਨ ਦੇ ਡੱਬਿਆਂ) ਨਾਲ ਹਮਲਾ ਕਰ ਦਿੱਤਾ, ਜਿਸ ਕਾਰਨ ਮੇਰੇ ਸਿਰ ਅਤੇ ਚਿਹਰੇ ‘ਤੇ ਗੰਭੀਰ ਸੱਟਾਂ ਲੱਗੀਆਂ ਅਤੇ ਮੇਰੀ ਇਕ ਅੱਖ ਵੀ ਫਟ ਗਈ ਸੀ।