ਅੱਤਵਾਦੀ ਯਾਸੀਨ ਮਲਿਕ ਦੀ ਪਤਨੀ ਮੁਸ਼ਾਲ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਦੀ ਸਲਾਹਕਾਰ ਬਣੀ

ਯਾਸੀਨ ਮਲਿਕ ਉਨ੍ਹਾਂ ਪੰਜ ਅੱਤਵਾਦੀਆਂ ਵਿੱਚੋਂ ਇੱਕ ਸੀ ਜੋ 1980 ਦੇ ਦਹਾਕੇ ਦੇ ਅੱਧ ਵਿੱਚ ਕਸ਼ਮੀਰ ਤੋਂ ਪਾਕਿਸਤਾਨ ਵਿੱਚ ਸਰਹੱਦ ਪਾਰ ਕਰ ਗਏ ਸਨ। ਇਨ੍ਹਾਂ ਅੱਤਵਾਦੀਆਂ ਕਾਰਨ ਹੀ ਘਾਟੀ ਵਿਚ ਅੱਤਵਾਦ ਵਧਿਆ ਸੀ ।

ਅੱਤਵਾਦੀ ਯਾਸੀਨ ਮਲਿਕ ਦੀ ਪਤਨੀ ਮੁਸ਼ਾਲ ਨੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਦੀ ਸਲਾਹਕਾਰ ਬਣ ਸਭ ਨੂੰ ਹੈਰਾਨ ਕਰ ਦਿਤਾ ਹੈ। ਕਸ਼ਮੀਰ ਵਿੱਚ ਬੇਗੁਨਾਹ ਲੋਕਾਂ ਦਾ ਖੂਨ ਵਹਾਉਣ ਵਾਲੇ ਯਾਸੀਨ ਮਲਿਕ, ਦੀ ਪਤਨੀ ਮੁਸ਼ਾਲ ਮਲਿਕ ਹੁਣ ਪਾਕਿਸਤਾਨ ਦੀ ਸਰਕਾਰ ਦਾ ਹਿੱਸਾ ਹੈ। ਮੁਸ਼ਾਲ ਨੂੰ ਕਾਰਜਕਾਰੀ ਪ੍ਰਧਾਨ ਮੰਤਰੀ ਅਨਵਾਰੁਲ ਹੱਕ ਕੱਕੜ ਨੇ ਮਨੁੱਖੀ ਅਧਿਕਾਰਾਂ ਅਤੇ ਔਰਤਾਂ ਦੇ ਮਾਮਲਿਆਂ ਬਾਰੇ ਵਿਸ਼ੇਸ਼ ਸਲਾਹਕਾਰ ਨਿਯੁਕਤ ਕੀਤਾ ਹੈ।

ਯਾਸੀਨ ਮਲਿਕ ਜੋ ਇਸ ਸਮੇਂ ਤਿਹਾੜ ਜੇਲ੍ਹ ਵਿੱਚ ਬੰਦ ਹੈ, ਦੀ ਪਤਨੀ ਮੁਸ਼ਾਲ ਪਾਕਿਸਤਾਨੀ ਨਾਗਰਿਕ ਹੈ। ਸਾਲ 2009 ‘ਚ ਜਦੋਂ ਦੋਹਾਂ ਦਾ ਵਿਆਹ ਹੋਇਆ ਤਾਂ ਭਾਰਤ ਦੇ ਰੱਖਿਆ ਮਾਹਿਰ ਵੀ ਹੈਰਾਨ ਰਹਿ ਗਏ ਸਨ। ਮੁਸ਼ਾਲ ਹਮੇਸ਼ਾ ਕਸ਼ਮੀਰ ‘ਤੇ ਜ਼ਹਿਰ ਉਗਲਦੀ ਰਹਿੰਦੀ ਹੈ । ਮੁਸ਼ਾਲ ਪੇਸ਼ੇ ਤੋਂ ਇੱਕ ਕਲਾਕਾਰ ਹੈ ਅਤੇ ਯਾਸੀਨ ਮਲਿਕ ਨਾਲ ਉਸਦੀ ਮੁਲਾਕਾਤ ਵੀ ਘੱਟ ਦਿਲਚਸਪ ਨਹੀਂ ਹੈ। ਦੋਵਾਂ ਦੀ ਉਮਰ ‘ਚ ਕਰੀਬ 20 ਸਾਲ ਦਾ ਫਰਕ ਹੈ।

ਕਲਾਕਾਰ ਮੁਸ਼ਾਲ ਅਤੇ ਯਾਸੀਨ ਦਾ ਵਿਆਹ ਸਾਲ 2009 ਵਿੱਚ ਹੋਇਆ ਸੀ। ਮਲਿਕ ਫਿਰ ਪਾਕਿਸਤਾਨ ਚਲਾ ਗਿਆ, ਜਿੱਥੇ ਉਸਨੇ ਮੁਸ਼ਾਲ ਨਾਲ ਵਿਆਹ ਕੀਤਾ, ਅਤੇ ਉਹਨਾਂ ਦੀ ਇੱਕ 11 ਸਾਲ ਦੀ ਬੇਟੀ ਰਜ਼ੀਆ ਹੈ। ਸਾਲ 2010 ਵਿੱਚ, ਯਾਸੀਨ ਅਤੇ ਮੁਸ਼ਾਲ ਦੀ ਪਹਿਲੀ ਵਿਆਹ ਦੀ ਵਰ੍ਹੇਗੰਢ ਸੀ, ਇਸ ਲਈ ਉਹ ਭਾਰਤ ਆਈ ਸੀ। ਉਸ ਸਮੇਂ ਉਸਨੇ ਕੁਝ ਸਮਾਂ ਕਸ਼ਮੀਰ ਵਿੱਚ ਵੀ ਬਿਤਾਇਆ ਸੀ।

ਓਪਨਡੇਮ ਮੈਗਜ਼ੀਨ ਦੀ ਰਿਪੋਰਟ ਮੁਤਾਬਕ ਯਾਸੀਨ ਮਲਿਕ ਸਾਲ 2005 ਵਿੱਚ ਕਸ਼ਮੀਰ ਦੀ ਆਜ਼ਾਦੀ ਲਈ ਸਮਰਥਨ ਲੈਣ ਲਈ ਪਾਕਿਸਤਾਨ ਗਿਆ ਸੀ। ਇੱਕ ਪ੍ਰੋਗਰਾਮ ਦੌਰਾਨ ਮੁਸ਼ਾਲ ਨੇ ਉਨ੍ਹਾਂ ਨੂੰ ਆਪਣੇ ਭਾਸ਼ਣ ਵਿੱਚ ਫੈਜ਼ ਅਹਿਮਦ ਫੈਜ਼ ਦੀ ਕਵਿਤਾ ਦੀ ਇੱਕ ਲਾਈਨ ਸੁਣਾਈ। ਮੁਸ਼ਾਲ ਦੇ ਨਾਲ ਉਸ ਦੀ ਮਾਂ ਵੀ ਇਸ ਸਮਾਗਮ ਵਿੱਚ ਪਹੁੰਚੀ ਸੀ। ਮੁਸ਼ਾਲ ਅਨੁਸਾਰ ਉਹ ਯਾਸੀਨ ਕੋਲ ਗਈ ਅਤੇ ਉਸ ਦੇ ਭਾਸ਼ਣ ਦੀ ਤਾਰੀਫ਼ ਕੀਤੀ। ਦੋਵਾਂ ਨੇ ਹੱਥ ਮਿਲਾਏ ਅਤੇ ਮੁਸ਼ਾਲ ਨੇ ਯਾਸੀਨ ਦਾ ਆਟੋਗ੍ਰਾਫ ਵੀ ਲਿਆ।

ਇਸ ਤੋਂ ਬਾਅਦ ਯਾਸੀਨ ਮਲਿਕ ਨੇ ਮੁਸ਼ਾਲ ਨੂੰ ਕਸ਼ਮੀਰ ਲਈ ਚੱਲ ਰਹੇ ਅੰਦੋਲਨ ਲਈ ਸੱਦਾ ਵੀ ਦਿੱਤਾ। ਮੁਸ਼ਾਲ ਪਾਕਿਸਤਾਨ ਦੇ ਇੱਕ ਬਹੁਤ ਹੀ ਅਮੀਰ ਪਰਿਵਾਰ ਤੋਂ ਹੈ। ਉਸਦੇ ਪਿਤਾ ਪ੍ਰੋਫੈਸਰ ਐਮ.ਏ. ਹੁਸੈਨ ਮਲਿਕ ਇੱਕ ਪ੍ਰਸਿੱਧ ਅਰਥ ਸ਼ਾਸਤਰੀ ਸਨ। ਉਹ ਇੱਕ ਸਮੇਂ ਜਰਮਨੀ ਦੀ ਬੋਨ ਯੂਨੀਵਰਸਿਟੀ ਵਿੱਚ ਅਰਥ ਸ਼ਾਸਤਰ ਵਿਭਾਗ ਦਾ ਮੁਖੀ ਸੀ। ਇਸਦੇ ਨਾਲ ਹੀ, ਉਹ ਨੋਬਲ ਪੁਰਸਕਾਰ ਦੀ ਜਿਊਰੀ ਵਿੱਚ ਸ਼ਾਮਲ ਹੋਣ ਵਾਲੇ ਪਹਿਲੇ ਪਾਕਿਸਤਾਨੀ ਸਨ। ਜਦਕਿ ਯਾਸੀਨ ਮਲਿਕ ਸਾਧਾਰਨ ਪਰਿਵਾਰਕ ਪਿਛੋਕੜ ਤੋਂ ਆਉਂਦਾ ਹੈ। ਯਾਸੀਨ ਉਨ੍ਹਾਂ ਪੰਜ ਅੱਤਵਾਦੀਆਂ ਵਿੱਚੋਂ ਇੱਕ ਸੀ, ਜੋ 1980 ਦੇ ਦਹਾਕੇ ਦੇ ਅੱਧ ਵਿੱਚ ਕਸ਼ਮੀਰ ਤੋਂ ਪਾਕਿਸਤਾਨ ਵਿੱਚ ਸਰਹੱਦ ਪਾਰ ਕਰ ਗਏ ਸਨ। ਇਨ੍ਹਾਂ ਅੱਤਵਾਦੀਆਂ ਕਾਰਨ ਹੀ ਘਾਟੀ ਵਿਚ ਅੱਤਵਾਦ ਵਧਿਆ ਸੀ ।