ਚੋਣਾਂ ਕਿਸੇ ਵੇਲੇ ਵੀ ਕਰਵਾ ਲਓ, ਅਸੀਂ ਚਮਤਕਾਰ ਕਰਕੇ ਦਿਖਾਵਾਂਗੇ : ਸੰਜੇ ਰਾਉਤ

ਸੰਜੇ ਰਾਉਤ ਨੇ ਕਿਹਾ ਕਿ ਸ਼ਰਦ ਪਵਾਰ ਅਤੇ ਰਾਹੁਲ ਗਾਂਧੀ ਨੂੰ ਵੀ ਉਹੀ ਸਮਰਥਨ ਮਿਲ ਰਿਹਾ ਹੈ, ਜੋ ਸ਼ਿਵ ਸੈਨਾ ਦੇ ਟੁੱਟਣ ਤੋਂ ਬਾਅਦ ਊਧਵ ਜੀ ਨੂੰ ਮਿਲਿਆ ਸੀ।

ਸ਼ਿਵ ਸੈਨਾ ਊਧਵ ਧੜੇ ਦੇ ਨੇਤਾ ਸੰਜੇ ਰਾਉਤ ਆਪਣੇ ਬੇਬਾਕ ਅੰਦਾਜ਼ ਲਈ ਜਾਣੇ ਜਾਂਦੇ ਹਨ। ਮਹਾਰਾਸ਼ਟਰ ਦੀ ਰਾਜਨੀਤੀ ਦੇ ਚਾਣਕਯ ਕਹੇ ਜਾਣ ਵਾਲੇ ਸ਼ਿਵ ਸੈਨਾ ਊਧਵ ਧੜੇ ਦੇ ਨੇਤਾ ਸੰਜੇ ਰਾਉਤ ਅਤੇ ਐੱਨਸੀਪੀ ਪ੍ਰਧਾਨ ਸ਼ਰਦ ਪਵਾਰ ਨੇ ਮਹਾਰਾਸ਼ਟਰ ਦੀ ਰਾਜਨੀਤੀ ‘ਚ ਆਏ ਸਿਆਸੀ ਭੂਚਾਲ ਦੇ ਵਿਚਕਾਰ ਮੰਗਲਵਾਰ ਨੂੰ ਮੁਲਾਕਾਤ ਕੀਤੀ।

ਸੰਜੇ ਰਾਉਤ ਨੇ ਇਹ ਬਿਆਨ ਸ਼ਰਦ ਪਵਾਰ ਨਾਲ ਮੁਲਾਕਾਤ ਤੋਂ ਬਾਅਦ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ‘ਮੈਂ ਪਵਾਰ ਸਾਹਿਬ ਨੂੰ ਮਿਲਿਆ ਹਾਂ। ਅਸੀਂ ਅੱਜ ਸਵੇਰੇ ਪਾਰਟੀ ਦੀ ਮੀਟਿੰਗ ਕੀਤੀ। ਐਨਸੀਪੀ ਜਿਸ ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ, ਸ਼ਿਵ ਸੈਨਾ ਵੀ ਇੱਕ ਸਾਲ ਤੋਂ ਉਹੀ ਸੰਘਰਸ਼ ਲੜ ਰਹੀ ਹੈ। ਅਸੀਂ ਮਹਾਵਿਕਾਸ ਅਗਾੜੀ ਦੇ ਬੈਨਰ ਹੇਠ ਇਕੱਠੇ ਹਾਂ। ਊਧਵ ਜੀ ਨੇ ਪਵਾਰ ਨਾਲ ਗੱਲ ਕੀਤੀ ਹੈ ਅਤੇ ਚਾਹੇ ਉਹ ਕਾਂਗਰਸ ਨੇਤਾ ਰਾਹੁਲ ਗਾਂਧੀ, ਊਧਵ ਠਾਕਰੇ, ਸ਼ਰਦ ਪਵਾਰ ਹੋਵੇ, ਹਰ ਕੋਈ ਇੱਕ ਦੂਜੇ ਦੇ ਸੰਪਰਕ ਵਿੱਚ ਹੈ। ਤਿੰਨੋਂ ਪਾਰਟੀਆਂ ਦੇ ਆਗੂ ਇੱਕ ਦੂਜੇ ਦੇ ਸੰਪਰਕ ਵਿੱਚ ਹਨ। ਤੁਸੀਂ ਸਾਡੇ ਕੁਝ ਸੰਸਦ ਮੈਂਬਰਾਂ ਅਤੇ ਵਿਧਾਇਕਾਂ ਨੂੰ ਤੋੜਿਆ ਹੋਵੇਗਾ, ਉਨ੍ਹਾਂ ਨੂੰ ਨਵੇਂ ਦਫਤਰ ਦਿੱਤੇ ਹੋਣਗੇ, ਪਰ ਇਹ ਸਭ ਡਰਾਮੇਬਾਜ਼ੀ ਹੈ, ਲੋਕ ਅੱਜ ਵੀ ਸਾਡੇ ਨਾਲ ਹਨ।

ਸ਼ਰਦ ਪਵਾਰ ਅਤੇ ਰਾਹੁਲ ਗਾਂਧੀ ਨੂੰ ਵੀ ਉਹੀ ਸਮਰਥਨ ਮਿਲ ਰਿਹਾ ਹੈ, ਜੋ ਸ਼ਿਵ ਸੈਨਾ ਦੇ ਟੁੱਟਣ ਤੋਂ ਬਾਅਦ ਊਧਵ ਜੀ ਨੂੰ ਮਿਲਿਆ ਸੀ। ਸੰਜੇ ਰਾਉਤ ਨੇ ਨੇ ਕਿਹਾ ਕਿ ਤੁਸੀਂ ਜਦੋ ਵੀ ਚੋਣਾਂ ਕਰਵਾਓਗੇ ਅਸੀਂ ਚਮਤਕਾਰ ਕਰਕੇ ਦਿਖਾਵਾਂਗੇ। ਭਾਜਪਾ ਦੀ ਰਾਜਨੀਤੀ ਦੇਸ਼ ਵਿੱਚ ਤਾਨਾਸ਼ਾਹੀ ਲਿਆਉਣ ਵਾਲੀ ਹੈ। ਸੰਜੇ ਰਾਉਤ ਨੇ ਕਿਹਾ ਕਿ ਮੈਂ ਇਸ ਗੱਲ ਨਾਲ ਸਹਿਮਤ ਹਾਂ ਕਿ ਪਵਾਰ ਸਾਹਿਬ ਦੀ ਲੀਡਰਸ਼ਿਪ ਖਤਮ ਹੋ ਗਈ ਹੈ। ਕਿਸੇ ਨੇ ਬਾਲਾ ਸਾਹਿਬ ਠਾਕਰੇ ਦੀ ਅਗਵਾਈ ਗੁਆ ਦਿੱਤੀ ਹੈ। ਅਜਿਹੇ ‘ਚ ਤੁਸੀਂ ਬਾਲਾ ਸਾਹਿਬ ਦਾ ਨਾਂ ਅਤੇ ਫੋਟੋ ਕਿਉਂ ਵਰਤ ਰਹੇ ਹੋ। ਮੈਂ ਆਪਣੇ ਸ਼ਬਦਾਂ ‘ਤੇ ਕਾਇਮ ਹਾਂ। ਇਸ ਸੂਬੇ ਨੂੰ ਨਵਾਂ ਮੁੱਖ ਮੰਤਰੀ ਮਿਲੇਗਾ।