ਜੇਕਰ ਪਾਕਿਸਤਾਨ ਨੇ ਵਿਸਵ ਕੱਪ ਦਾ ਬਾਈਕਾਟ ਕੀਤਾ ਤਾਂ ICC ਰੋਕੇਗੀ ਫੰਡਿੰਗ

ਆਈਸੀਸੀ ਦੀ ਵੰਡ ਯੋਜਨਾ ਮੁਤਾਬਕ ਪਾਕਿਸਤਾਨ ਬੋਰਡ ਨੂੰ ਅਗਲੇ 4 ਸਾਲਾਂ ਵਿੱਚ 283 ਕਰੋੜ ਰੁਪਏ ਮਿਲਣੇ ਹਨ। ਇੰਨੀ ਵੱਡੀ ਰਕਮ ਫਸ ਜਾਣ ਨਾਲ ਪਾਕਿਸਤਾਨ ਬੋਰਡ ਦੀ ਹਰ ਗਤੀਵਿਧੀ ਰੁਕ ਜਾਵੇਗੀ।

ਪਾਕਿਸਤਾਨ ਭਾਰਤ ਦੇ ਏਸ਼ੀਆ ਕੱਪ ਵਿਚ ਪਾਕਿਸਤਾਨ ਵਿਚ ਮੈਚ ਖੇਲਣ ਤੋਂ ਮਨਾ ਕਰਨ ਤੋਂ ਬਾਦ ਕਾਫੀ ਨਾਰਾਜ਼ ਨਜ਼ਰ ਆ ਰਿਹਾ ਹੈ । ਹੁਣ ਪਾਕਿਸਤਾਨ ਵਾਰ-ਵਾਰ ਭਾਰਤ ਦੀ ਮੇਜ਼ਬਾਨੀ ਵਿੱਚ ਹੋਣ ਵਾਲੇ ਵਿਸ਼ਵ ਕੱਪ ਦੇ ਬਾਈਕਾਟ ਦੀ ਧਮਕੀ ਦੇ ਰਿਹਾ ਹੈ। ਐਤਵਾਰ ਨੂੰ ਪਾਕਿਸਤਾਨ ਦੇ ਖੇਡ ਮੰਤਰੀ ਅਹਿਸਾਨ ਮਜ਼ਾਰੀ ਨੇ ਕਿਹਾ, “ਮੈਂ ਚਾਹੁੰਦਾ ਹਾਂ ਕਿ ਭਾਰਤ ਏਸ਼ੀਆ ਕੱਪ ਦੇ ਮੈਚ ਨਿਰਪੱਖ ਸਥਾਨ ‘ਤੇ ਖੇਡਣ ਦੀ ਮੰਗ ਨੂੰ ਛੱਡ ਦੇਵੇ, ਨਹੀਂ ਤਾਂ ਅਸੀਂ ਵੀ ਵਿਸ਼ਵ ਕੱਪ ਖੇਡਣ ਲਈ ਭਾਰਤ ਨਹੀਂ ਜਾਵਾਂਗੇ।” ਹਾਲਾਂਕਿ, ਸਾਰੇ ਕਾਰਕ ਇਸ ਗੱਲ ਵੱਲ ਇਸ਼ਾਰਾ ਕਰ ਰਹੇ ਹਨ ਕਿ ਪਾਕਿਸਤਾਨ ਲਈ ਵਨਡੇ ਵਿਸ਼ਵ ਕੱਪ ਦਾ ਬਾਈਕਾਟ ਕਰਨਾ ਸੰਭਵ ਨਹੀਂ ਹੋਵੇਗਾ।

ਆਈਸੀਸੀ ਅਤੇ ਬੀਸੀਸੀਆਈ ਦੇ ਸੰਪਰਕ ਵਿੱਚ ਇੱਕ ਸੂਤਰ ਨੇ ਦੱਸਿਆ ਕਿ ਭਾਰਤ, ਇੰਗਲੈਂਡ ਅਤੇ ਆਸਟਰੇਲੀਆ ਨੂੰ ਛੱਡ ਕੇ ਬਾਕੀ ਦੇਸ਼ਾਂ ਦੇ ਕ੍ਰਿਕਟ ਬੋਰਡ ਆਈਸੀਸੀ ਤੋਂ ਮਿਲਣ ਵਾਲੇ ਫੰਡ ਉੱਤੇ ਨਿਰਭਰ ਹਨ। ਆਈਸੀਸੀ ਦੀ ਜ਼ਿਆਦਾਤਰ ਕਮਾਈ ਵਿਸ਼ਵ ਕੱਪ ਅਤੇ ਚੈਂਪੀਅਨਜ਼ ਟਰਾਫੀ ਵਰਗੇ ਮੁਕਾਬਲਿਆਂ ਤੋਂ ਆਉਂਦੀ ਹੈ। ਇਹ ਫੰਡ ਆਈਸੀਸੀ ਦੁਆਰਾ ਸਾਰੇ ਬੋਰਡਾਂ ਨੂੰ ਵੰਡਿਆ ਜਾਂਦਾ ਹੈ। ਇਸ ਫੰਡ ‘ਤੇ ਪਾਕਿਸਤਾਨ ਕ੍ਰਿਕਟ ਵੀ ਜ਼ਿੰਦਾ ਹੈ। ਆਈਸੀਸੀ ਭਾਰਤ, ਇੰਗਲੈਂਡ ਅਤੇ ਆਸਟਰੇਲੀਆ ਤੋਂ ਬਾਅਦ ਪਾਕਿਸਤਾਨ ਨੂੰ ਸਭ ਤੋਂ ਵੱਧ ਪੈਸਾ ਦਿੰਦੀ ਹੈ, ਜੋ ਕਿ ਕੌਂਸਲ ਦੀ ਕੁੱਲ ਆਮਦਨ ਦਾ 5% ਹੈ।

ਆਈਸੀਸੀ ਫੰਡ ਤੋਂ ਪ੍ਰਾਪਤ ਰਕਮ ਪਾਕਿਸਤਾਨ ਬੋਰਡ ਦੀ ਕੁੱਲ ਕਮਾਈ ਦਾ 50% ਹੈ। ਵਿਸ਼ਵ ਕੱਪ ਦਾ ਬਾਈਕਾਟ ਕਰਨ ਦੀ ਸੂਰਤ ਵਿੱਚ ਪਾਕਿਸਤਾਨ ਕ੍ਰਿਕਟ ਬੋਰਡ ਨੂੰ ਕੌਮਾਂਤਰੀ ਕ੍ਰਿਕਟ ਕੌਂਸਲ ਤੋਂ ਮਿਲਣ ਵਾਲਾ ਫੰਡ ਰੁਕ ਸਕਦਾ ਹੈ। ਪੀਸੀਬੀ ਦੀ ਕੁੱਲ ਆਮਦਨ ਦਾ 50% ਇਸ ਫੰਡ ਤੋਂ ਆਉਂਦਾ ਹੈ। ਆਈਸੀਸੀ ਦੀ ਵੰਡ ਯੋਜਨਾ ਮੁਤਾਬਕ ਪਾਕਿਸਤਾਨ ਬੋਰਡ ਨੂੰ ਅਗਲੇ 4 ਸਾਲਾਂ ਵਿੱਚ 283 ਕਰੋੜ ਰੁਪਏ ਮਿਲਣੇ ਹਨ। ਇੰਨੀ ਵੱਡੀ ਰਕਮ ਫਸ ਜਾਣ ਨਾਲ ਪਾਕਿ ਬੋਰਡ ਦੀ ਹਰ ਗਤੀਵਿਧੀ ਰੁਕ ਜਾਵੇਗੀ।