ਜੰਗ ਲੜਨ ਤੋਂ ਬਚਣ ਲਈ ਝੂਠੀਆਂ ਮੈਡੀਕਲ ਰਿਪੋਰਟਾਂ ਬਣਾ ਰਹੇ ਯੂਕਰੇਨੀ, ਦੇਸ਼ ਛੱਡ ਕੇ ਭੱਜ ਰਹੇ ਯੂਕਰੇਨੀ ਫ਼ੌਜੀ

ਪੁਲਿਸ ਨੇ ਕੀਵ, ਓਡੇਸਾ, ਲਿਵ ਸਮੇਤ 100 ਤੋਂ ਵੱਧ ਥਾਵਾਂ ‘ਤੇ ਛਾਪੇਮਾਰੀ ਕੀਤੀ, ਜਿੱਥੇ ਜਾਅਲੀ ਮੈਡੀਕਲ ਸਰਟੀਫਿਕੇਟ ਬਣਾਏ ਜਾ ਰਹੇ ਸਨ। ਇਸ ਜਾਅਲਸਾਜ਼ੀ ਵਿੱਚ ਫੌਜੀ ਲੋਕ ਵੀ ਸ਼ਾਮਲ ਦੱਸੇ ਜਾਂਦੇ ਹਨ।

ਰੂਸ ਅਤੇ ਯੂਕਰੇਨ ਵਿਚਾਲੇ ਜੰਗ ਖਤਮ ਹੋਣ ਦਾ ਨਾਂ ਨਹੀਂ ਲੈ ਰਹੀ ਹੈ। ਯੂਕਰੇਨੀ ਅਧਿਕਾਰੀਆਂ ਨੇ ਇੱਕ ਯੋਜਨਾ ਦਾ ਖੁਲਾਸਾ ਕੀਤਾ ਹੈ ਜੋ ਯੂਕਰੇਨ ਦੇ ਫੌਜੀਆਂ ਦੁਆਰਾ ਯੁੱਧ ਵਿੱਚ ਜਾਣ ਤੋਂ ਬਚਣ ਲਈ ਵਰਤੀ ਜਾ ਰਹੀ ਹੈ। ਯੂਕਰੇਨ ‘ਚ ਫੌਜੀਆਂ ਦੀ ਝੂਠੀਆਂ ਰਿਪੋਰਟ ਮਿਲ ਰਹੀਆ ਹਨ। ਇਨ੍ਹਾਂ ਵਿੱਚ ਉਨ੍ਹਾਂ ਨੂੰ ਜੰਗ ਲਈ ਅਯੋਗ ਦਿਖਾਇਆ ਗਿਆ ਹੈ।

ਰਿਪੋਰਟਾਂ ਮੁਤਾਬਕ ਇਹ ਸਕੀਮ ਰਾਜਧਾਨੀ ਕੀਵ ਸਮੇਤ ਯੂਕਰੇਨ ਦੇ 11 ਖੇਤਰਾਂ ਵਿੱਚ ਚੱਲ ਰਹੀ ਸੀ। ਪੁਲਿਸ ਨੇ ਕੀਵ, ਓਡੇਸਾ, ਲਿਵ ਸਮੇਤ 100 ਤੋਂ ਵੱਧ ਥਾਵਾਂ ‘ਤੇ ਛਾਪੇਮਾਰੀ ਕੀਤੀ, ਜਿੱਥੇ ਜਾਅਲੀ ਮੈਡੀਕਲ ਸਰਟੀਫਿਕੇਟ ਬਣਾਏ ਜਾ ਰਹੇ ਸਨ। ਇਸ ਜਾਅਲਸਾਜ਼ੀ ਵਿੱਚ ਫੌਜੀ ਲੋਕ ਵੀ ਸ਼ਾਮਲ ਦੱਸੇ ਜਾਂਦੇ ਹਨ। ਭਰਤੀ ਕੇਂਦਰਾਂ ਦੇ ਅਧਿਕਾਰੀਆਂ ਨੇ ਫੌਜ ਵਿੱਚ ਭਰਤੀ ਲਈ ਮੈਡੀਕਲ ਜਾਂਚ ਕਰਵਾਉਣ ਵਾਲੇ ਫੌਜੀ ਕਮਿਸ਼ਨ ਨਾਲ ਮਿਲੀਭੁਗਤ ਕਰਕੇ ਕੁਝ ਚੁਣੇ ਹੋਏ ਵਿਅਕਤੀਆਂ ਨੂੰ ਫੌਜ ਵਿੱਚ ਭਰਤੀ ਹੋਣ ਲਈ ਲੋੜੀਂਦੇ ਮੈਡੀਕਲ ਸਰਟੀਫਿਕੇਟ ਵਿੱਚ ਅਯੋਗ ਦਰਸਾਇਆ ਗਿਆ।

ਇਸ ਦੇ ਬਦਲੇ ਅਫਸਰਾਂ ਨੂੰ ਪ੍ਰਤੀ ਵਿਅਕਤੀ 6 ਹਜ਼ਾਰ ਡਾਲਰ ਯਾਨੀ ਕਰੀਬ 5 ਲੱਖ ਰੁਪਏ ਮਿਲ ਰਹੇ ਸਨ। ਸਰਕਾਰੀ ਵਕੀਲ ਨੇ ਦੱਸਿਆ ਕਿ ਸਕੀਮ ਵਿੱਚ ਪੈਸੇ ਦੇਣ ਵਾਲੇ ਕੁਝ ਲੋਕਾਂ ਦੀ ਜਾਂਚ ਵੀ ਨਹੀਂ ਕੀਤੀ ਗਈ। ਕੁਝ ਲੋਕਾਂ ਨੂੰ ਅਯੋਗ ਕਰਾਰ ਦਿੱਤੇ ਬਿਨਾਂ ਟੈਸਟ ਕੀਤੇ ਵਾਪਸ ਭੇਜ ਦਿੱਤਾ ਗਿਆ। ਇਸ ਗੱਲ ਦਾ ਖੁਲਾਸਾ ਉਦੋਂ ਹੋਇਆ ਜਦੋਂ ਜਾਂਚ ਦੌਰਾਨ ਉਸ ਦੇ ਮੈਡੀਕਲ ਚੈਕਅੱਪ ਦਾ ਕੋਈ ਰਿਕਾਰਡ ਨਹੀਂ ਮਿਲਿਆ। ਇੰਨਾ ਹੀ ਨਹੀਂ ਕਈ ਲੋਕ ਝੂਠੀਆਂ ਮੈਡੀਕਲ ਰਿਪੋਰਟਾਂ ਦਾ ਸਹਾਰਾ ਲੈ ਕੇ ਦੇਸ਼ ਛੱਡ ਕੇ ਚਲੇ ਗਏ। ਦਰਅਸਲ, ਯੁੱਧ ਕਾਰਨ ਯੂਕਰੇਨ ਨੇ ਪੁਰਸ਼ਾਂ ਦੇ ਦੇਸ਼ ਛੱਡਣ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ।

ਯੂਕਰੇਨ ਦੀ ਰਾਸ਼ਟਰੀ ਪੁਲਿਸ ਅਤੇ ਸੁਰੱਖਿਆ ਸੇਵਾ (ਐਸਬੀਯੂ) ਸਾਂਝੇ ਤੌਰ ‘ਤੇ ਇਸ ਜਾਅਲਸਾਜ਼ੀ ਦੀ ਜਾਂਚ ਕਰ ਰਹੇ ਹਨ। ਹਾਲਾਂਕਿ ਇਸ ਮਾਮਲੇ ‘ਚ ਅਜੇ ਤੱਕ ਕਿਸੇ ਦੀ ਗ੍ਰਿਫਤਾਰੀ ਨਹੀਂ ਹੋਈ ਹੈ, ਪਰ ਕੁਝ ਲੋਕਾਂ ਨੂੰ ਸ਼ੱਕ ਦੇ ਘੇਰੇ ‘ਚ ਰੱਖਿਆ ਗਿਆ ਹੈ। ਜੰਗ ਸ਼ੁਰੂ ਹੋਏ ਨੂੰ 1 ਸਾਲ 6 ਮਹੀਨੇ ਬੀਤ ਚੁੱਕੇ ਹਨ। ਯੂਕਰੇਨ ਨੇ ਇੱਕ ਵਾਰ ਵੀ ਜੰਗ ਵਿੱਚ ਮਾਰੇ ਗਏ ਆਪਣੇ ਸੈਨਿਕਾਂ ਦੀ ਗਿਣਤੀ ਨਹੀਂ ਦੱਸੀ ਹੈ। ਸਿਰਫ ਯੂਕਰੇਨ ਹੀ ਨਹੀਂ, ਸਗੋਂ ਯੁੱਧ ‘ਤੇ ਲਗਾਤਾਰ ਅਪਡੇਟ ਦੇਣ ਵਾਲੇ ਅਮਰੀਕਾ ਨੇ ਵੀ ਯੁੱਧ ‘ਚ ਮਾਰੇ ਗਏ ਯੂਕਰੇਨ ਦੇ ਸੈਨਿਕਾਂ ਦੀ ਗਿਣਤੀ ਦੱਸਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਹਾਲਾਂਕਿ, ਯੂਕਰੇਨ ਨੇ ਦੱਸਿਆ ਹੈ ਕਿ ਯੁੱਧ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਉਸਦੇ 10,749 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਨ੍ਹਾਂ ਵਿੱਚ 499 ਬੱਚੇ ਸ਼ਾਮਲ ਹਨ।