ਪ੍ਰਭਾਸ ਨੇ ‘ਪ੍ਰੋਜੈਕਟ ਕੇ’ ਲਈ ਚਾਰਜ਼ ਕੀਤੀ 150 ਕਰੋੜ ਫੀਸ, ਕਮਲ ਹਾਸਨ ਤੇ ਅਮਿਤਾਭ ਨੇ ਵੀ ਲਈ ਮੋਟੀ ਫੀਸ

ਇਸ ਵੱਡੇ ਬਜਟ ਦੀ ਫਿਲਮ ‘ਚ ਪ੍ਰਭਾਸ ਅਤੇ ਕਮਲ ਹਾਸਨ ਤੋਂ ਇਲਾਵਾ ਦੀਪਿਕਾ ਪਾਦੁਕੋਣ, ਅਮਿਤਾਭ ਬੱਚਨ ਅਤੇ ਦਿਸ਼ਾ ਪਟਨੀ ਵਰਗੇ ਸਿਤਾਰੇ ਨਜ਼ਰ ਆਉਣ ਵਾਲੇ ਹਨ।

ਬਾਲੀਵੁੱਡ ਦੇ ਸੁਪਰਸਟਾਰ ਅਮਿਤਾਭ ਬਚਨ ਜਲਦ ਹੀ ਸਾਊਥ ਦੇ ਅਦਾਕਾਰਾਂ ਨਾਲ ਨਜ਼ਰ ਆਉਣਗੇ। ਨਾਗ ਅਸ਼ਵਿਨ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਫਿਲਮ ‘ਪ੍ਰੋਜੈਕਟ ਕੇ’ ਇਨ੍ਹੀਂ ਦਿਨੀਂ ਕਾਫੀ ਸੁਰਖੀਆਂ ‘ਚ ਹੈ। ਹਾਲ ਹੀ ‘ਚ ਦਿੱਗਜ ਕਲਾਕਾਰ ਕਮਲ ਹਾਸਨ ਦੇ ਇਸ ਫਿਲਮ ਨਾਲ ਜੁੜਨ ਦੀ ਖਬਰ ਸਾਹਮਣੇ ਆਈ ਹੈ। ਇਸ ਵੱਡੇ ਬਜਟ ਦੀ ਫਿਲਮ ‘ਚ ਪ੍ਰਭਾਸ ਅਤੇ ਕਮਲ ਹਾਸਨ ਤੋਂ ਇਲਾਵਾ ਦੀਪਿਕਾ ਪਾਦੁਕੋਣ, ਅਮਿਤਾਭ ਬੱਚਨ ਅਤੇ ਦਿਸ਼ਾ ਪਟਨੀ ਵਰਗੇ ਸਿਤਾਰੇ ਨਜ਼ਰ ਆਉਣ ਵਾਲੇ ਹਨ।

ਇਸ ਦੇ ਨਾਲ ਹੀ ਹੁਣ ਇਸ ਦੀ ਸਟਾਰਕਾਸਟ ਦੀ ਫੀਸ ਵੀ ਸਾਹਮਣੇ ਆ ਗਈ ਹੈ। ‘ਆਦਿਪੁਰਸ਼’ ਲਈ ਟ੍ਰੋਲਸ ਦਾ ਸਾਹਮਣਾ ਕਰਨ ਦੇ ਬਾਵਜੂਦ, ‘ਪ੍ਰੋਜੈਕਟ ਕੇ’ ਲਈ ਪ੍ਰਭਾਸ ਦੀ ਫੀਸ ਹੈਰਾਨ ਕਰਨ ਵਾਲੀ ਹੈ। ਨਾਗ ਅਸ਼ਵਿਨ ਆਪਣੀ ਭਾਰਤੀ ਵਿਗਿਆਨ ਗਲਪ ਫਿਲਮ ‘ਪ੍ਰੋਜੈਕਟ ਕੇ’ ਨਾਲ ਦੇਸ਼ ਦੇ ਸਭ ਤੋਂ ਵੱਡੇ ਸੁਪਰਸਟਾਰਾਂ ਨੂੰ ਸ਼ਾਨਦਾਰ ਤਰੀਕੇ ਨਾਲ ਇਕੱਠੇ ਕਰਨ ਲਈ ਤਿਆਰ ਹਨ। ਇਹ ਫਿਲਮ ਵੈਜਯੰਤੀ ਮੂਵੀਜ਼ ਦੇ ਤਹਿਤ ਸੀ. ਅਸਵਨੀ ਦੱਤ ਦੁਆਰਾ ਬਣਾਈ ਗਈ ਹੈ। ਇਸ ਦੇ ਨਾਲ ਹੀ ਇਹ ਭਾਰਤ ਦੀ ਸਭ ਤੋਂ ਮਹਿੰਗੀ ਫਿਲਮਾਂ ਵਿੱਚੋਂ ਇੱਕ ਬਣਨ ਜਾ ਰਹੀ ਹੈ।

ਤਾਜ਼ਾ ਖਬਰਾਂ ਮੁਤਾਬਕ ਪ੍ਰਭਾਸ ਨੇ ਫਿਲਮ ਲਈ 150 ਕਰੋੜ ਰੁਪਏ ਚਾਰਜ ਕੀਤੇ ਹਨ। ਇਸ ਤਰ੍ਹਾਂ ਉਹ ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਅਦਾਕਾਰ ਬਣ ਗਏ ਹਨ। ਦੂਜੇ ਪਾਸੇ ਜੇਕਰ ਦੀਪਿਕਾ ਪਾਦੁਕੋਣ ਦੀ ਗੱਲ ਕਰੀਏ ਤਾਂ ਉਸਨੇ ਫਿਲਮ ‘ਪ੍ਰੋਜੈਕਟ ਕੇ’ ਲਈ 10 ਕਰੋੜ ਰੁਪਏ ਦੀ ਫੀਸ ਲਈ ਹੈ। ਕਮਲ ਹਾਸਨ ਨੇ ਫਿਲਮ ਲਈ 20 ਕਰੋੜ ਰੁਪਏ ਦੀ ਫੀਸ ਲਈ ਹੈ। ਇਸ ਦੇ ਨਾਲ ਹੀ ਅਮਿਤਾਭ ਬੱਚਨ, ਦਿਸ਼ਾ ਪਟਨੀ ਅਤੇ ਹੋਰ ਕਲਾਕਾਰਾਂ ਨੂੰ ਕੁੱਲ 20 ਕਰੋੜ ਰੁਪਏ ਮਿਲਣ ਜਾ ਰਹੇ ਹਨ। ਇਸ ਰਿਪੋਰਟ ਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਸ ਫਿਲਮ ‘ਚ ਸ਼ਾਇਦ ਬਿੱਗ ਬੀ ਦਾ ਕਿਰਦਾਰ ਜ਼ਿਆਦਾ ਵੱਡਾ ਨਹੀਂ ਹੈ, ਇਸ ਲਈ ਉਨ੍ਹਾਂ ਦੀ ਫੀਸ ਘੱਟ ਹੈ।