ਮਾਂ ਹੁੰਦੀ ਏ ਮਾਂ, ਓ ਦੁਨੀਆਂ ਵਾਲਿਓ : ਅੰਮ੍ਰਿਤਸਰ ‘ਚ ਬੇਟੇ ਨੇ ਮਾਂ ਨੂੰ ਕੁੱਟਿਆ, ਫਿਰ ਵੀ ਕਾਨੂੰਨੀ ਕਾਰਵਾਈ ਨਹੀਂ ਕਰਨਾ ਚਾਹੁੰਦੀ ਮਾਂ

ਬੇਰਹਿਮੀ ਨਾਲ ਕੁੱਟ ਖਾਨ ਤੋਂ ਬਾਅਦ ਵੀ ਮਾਂ ਆਪਣੇ ਪੁੱਤਰ ਨੂੰ ਕਾਨੂੰਨੀ ਦਲਦਲ ਵਿੱਚ ਨਹੀਂ ਫਸਾਉਣਾ ਚਾਹੁੰਦੀ। ਅੱਜ ਦੀ ਦੁਨੀਆਂ ਵਿੱਚ ਇਹ ਕੰਮ ਸਿਰਫ਼ ਮਾਂ ਹੀ ਕਰ ਸਕਦੀ ਹੈ।

ਕੁਲਦੀਪ ਮਾਣਕ ਦਾ ਗੀਤ ਮਾਂ ਹੁੰਦੀ ਏ ਮਾਂ, ਓ ਦੁਨੀਆਂ ਵਾਲਿਓ ਅੱਜ ਕਲਯੁਗ ਵਿਚ ਵੀ ਸੱਚ ਜਾਪ ਰਿਹਾ ਹੈ। ਪੰਜਾਬ ਦੇ ਅੰਮ੍ਰਿਤਸਰ ਤੋਂ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿੱਚ ਇੱਕ ਲੜਕਾ ਆਪਣੀ ਬਜ਼ੁਰਗ ਮਾਂ ਨੂੰ ਬੇਰਹਿਮੀ ਨਾਲ ਕੁੱਟ ਰਿਹਾ ਹੈ। ਜਦੋਂ ਮਾਮਲਾ ਅੰਮ੍ਰਿਤਸਰ ਕਮਿਸ਼ਨਰੇਟ ਪੁਲਿਸ ਦੇ ਧਿਆਨ ਵਿੱਚ ਆਇਆ ਤਾਂ ਤੁਰੰਤ ਕਾਰਵਾਈ ਕੀਤੀ ਗਈ।

ਥਾਣਾ ਗੇਟ ਹਕੀਮਾਂ ਨੇ ਦੋਵਾਂ ਧਿਰਾਂ ਦੀ ਗੱਲ ਸੁਣੀ ਅਤੇ ਮਾਂ ਦੇਵੀ ਨੂੰ ਲੜਕੇ ਖ਼ਿਲਾਫ਼ ਸ਼ਿਕਾਇਤ ਦੇਣ ਲਈ ਕਿਹਾ। ਪਰ ਮਾਂ ਨੇ ਕਾਨੂੰਨੀ ਕਾਰਵਾਈ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਉਹ ਕਾਨੂੰਨੀ ਕਾਰਵਾਈ ਨਹੀਂ ਕਰਨਾ ਚਾਹੁੰਦੀ। ਬੇਰਹਿਮੀ ਨਾਲ ਕੁੱਟ ਖਾਨ ਤੋਂ ਬਾਅਦ ਵੀ ਮਾਂ ਆਪਣੇ ਪੁੱਤਰ ਨੂੰ ਕਾਨੂੰਨੀ ਦਲਦਲ ਵਿੱਚ ਨਹੀਂ ਫਸਾਉਣਾ ਚਾਹੁੰਦੀ। ਅੱਜ ਦੀ ਦੁਨੀਆਂ ਵਿੱਚ ਇਹ ਕੰਮ ਸਿਰਫ਼ ਮਾਂ ਹੀ ਕਰ ਸਕਦੀ ਹੈ।

ਬਜ਼ੁਰਗ ਔਰਤ ਦੇਵੀ ਨੇ ਦੱਸਿਆ ਕਿ ਪੁੱਤਰ ਅਮਿਤ ਮਾਨਸਿਕ ਤੌਰ ‘ਤੇ ਪ੍ਰੇਸ਼ਾਨ ਰਹਿਣ ਲੱਗ ਪਿਆ ਹੈ। ਉਸਦੀ ਸਿਹਤ ਕਈ ਵਾਰ ਵਿਗੜ ਜਾਂਦੀ ਹੈ। ਇਸ ਲਈ ਉਸਨੂੰ ਇਹ ਵੀ ਨਹੀਂ ਪਤਾ ਕਿ ਉਹ ਕੀ ਕਰ ਰਿਹਾ ਹੈ। ਨੌਕਰੀ ਖੁੱਸਣ ਤੋਂ ਪਰੇਸ਼ਾਨ ਹੋ ਕੇ ਬੇਟਾ ਸ਼ਰਾਬ ਪੀਂਦਾ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਵੀਡੀਓ 20 ਜੂਨ 2023 ਦੀ ਹੈ। ਉਸ ਦਿਨ ਉਹ ਸ਼ਰਾਬ ਪੀ ਕੇ ਆਇਆ ਸੀ ਅਤੇ ਹੋਸ਼ ਵਿਚ ਨਹੀਂ ਸੀ। ਜਦੋਂ ਮਾਂ ਨੇ ਉਸਦੀ ਕੁੱਟਮਾਰ ਕੀਤੀ ਅਤੇ ਗਾਲ੍ਹਾਂ ਕੱਢੀਆਂ ਤਾਂ ਅਮਿਤ ਨੇ ਸ਼ਰਾਬੀ ਹਾਲਤ ‘ਚ ਆਪਣੀ ਮਾਂ ਨੂੰ ਵੀ ਧੱਕਾ ਮਾਰਿਆ। ਇਹ ਵੀਡੀਓ ਅਮਿਤ ਦੀ 10 ਸਾਲ ਦੀ ਬੇਟੀ ਨੇ ਬਣਾਈ ਸੀ ਅਤੇ ਗਲਤੀ ਨਾਲ ਵਾਇਰਲ ਹੋ ਗਈ ਸੀ। ਬਜ਼ੁਰਗ ਔਰਤ ਦੇਵੀ ਆਪਣੇ ਬੇਟੇ ਅਮਿਤ ਨਾਲ ਰਹਿੰਦੀ ਹੈ ਅਤੇ ਅਮਿਤ ਉਨ੍ਹਾਂ ਦਾ ਖਰਚਾ ਵੀ ਚੁੱਕਦਾ ਹੈ। ਅਮਿਤ ਨੇ ਆਪਣੀ ਮਾਂ ਤੋਂ ਮੁਆਫੀ ਵੀ ਮੰਗੀ ਹੈ ਅਤੇ ਭਰੋਸਾ ਦਿਵਾਇਆ ਹੈ ਕਿ ਉਹ ਭਵਿੱਖ ਵਿੱਚ ਅਜਿਹੀ ਹਰਕਤ ਕਦੇ ਨਹੀਂ ਕਰੇਗਾ ਅਤੇ ਆਪਣੀ ਮਾਂ ਦੀ ਸੇਵਾ ਕਰੇਗਾ।