ਮਿਡਲ ਫਿੰਗਰ ਦਿਖਾਉਣ ‘ਤੇ ਗੌਤਮ ਗੰਭੀਰ ਨੇ ਕਿਹਾ- ਪਾਕਿਸਤਾਨੀ ਫ਼ੈਨ ਲਗਾ ਰਹੇ ਸਨ ਭਾਰਤ ਵਿਰੋਧੀ ਨਾਅਰੇ, ਮੈਂ ਬਰਦਾਸ਼ਤ ਨਹੀਂ ਕਰ ਸਕਦਾ ਸੀ

ਗੌਤਮ ਗੰਭੀਰ ਨੇ ਕਿਹਾ ਕਿ ਪਾਕਿਸਤਾਨ ਦਾ ਸਮਰਥਨ ਕਰ ਰਹੇ 2-3 ਲੋਕ ਭੀੜ ਵਿੱਚ ਬੈਠੇ ਸਨ, ਉਹ ਭਾਰਤ ਵਿਰੋਧੀ ਨਾਅਰੇ ਲਗਾ ਰਹੇ ਸਨ। ਪਾਕਿਸਤਾਨੀ ਪ੍ਰਸ਼ੰਸਕ ਕਸ਼ਮੀਰ ‘ਤੇ ਵੀ ਟਿੱਪਣੀ ਕਰ ਰਹੇ ਸਨ। ਇੱਕ ਭਾਰਤੀ ਹੋਣ ਦੇ ਨਾਤੇ ਮੈਂ ਆਪਣੇ ਦੇਸ਼ ਵਿਰੁੱਧ ਇਹ ਸਭ ਕੁਝ ਨਹੀਂ ਸੁਣ ਸਕਦਾ ਸੀ।

ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਗੌਤਮ ਗੰਭੀਰ ਨੂੰ ਉਨ੍ਹਾਂ ਦੇ ਤੱਤੇ ਸੁਭਾਅ ਲਈ ਜਾਣਿਆ ਜਾਂਦਾ ਹੈ। ਹੁਣ ਗਰਾਊਂਡ ‘ਚ ਬੈਠੇ ਦਰਸ਼ਕਾਂ ਨੂੰ ਮਿਡਲ ਫਿੰਗਰ ਦਿਖਾਉਣ ‘ਤੇ ਸਾਬਕਾ ਕ੍ਰਿਕਟਰ ਅਤੇ ਭਾਜਪਾ ਸੰਸਦ ਮੈਂਬਰ ਗੌਤਮ ਗੰਭੀਰ ਨੇ ਕਿਹਾ- ਭੀੜ ‘ਚ ਪਾਕਿਸਤਾਨ ਦੇ ਕੁਝ ਪ੍ਰਸ਼ੰਸਕ ਭਾਰਤ ਵਿਰੋਧੀ ਨਾਅਰੇ ਲਗਾ ਰਹੇ ਸਨ, ਇਸ ਲਈ ਮੈਂ ਇਸ ਤਰ੍ਹਾਂ ਦੀ ਪ੍ਰਤੀਕਿਰਿਆ ਦਿੱਤੀ (ਵਿਚਲੀ ਉਂਗਲ ਦਿਖਾਉਂਦੇ ਹੋਏ)।

ਗੌਤਮ ਗੰਭੀਰ ਨੇ ਕਿਹਾ ਕਿ ਭਾਵੇਂ ਕੋਈ ਮੈਨੂੰ ਨਿੱਜੀ ਤੌਰ ‘ਤੇ ਗਾਲ੍ਹਾਂ ਕੱਢਦਾ ਹੈ, ਮੈਂ ਹੱਸ ਕੇ ਦੂਰ ਨਹੀਂ ਜਾਵਾਂਗਾ। ਦਰਅਸਲ ਸੋਮਵਾਰ ਨੂੰ ਗੰਭੀਰ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਇਆ ਸੀ। ਇਸ ‘ਚ ਉਹ ਏਸ਼ੀਆ ਕੱਪ ਦਾ ਮੈਚ ਦੇਖ ਰਹੇ ਪਾਕਿਸਤਾਨੀ ਦਰਸ਼ਕਾਂ ਨੂੰ ਵਿਚਕਾਰਲੀ ਉਂਗਲ ਦਿਖਾਉਂਦੇ ਹੋਏ ਨਜ਼ਰ ਆਏ ਸਨ।

ਇਸ ‘ਤੇ ਗੰਭੀਰ ਨੇ ਨਿਊਜ਼ ਏਜੰਸੀ ਏਐਨਆਈ ਨੂੰ ਕਿਹਾ – ਇਹ ਜ਼ਰੂਰੀ ਨਹੀਂ ਹੈ ਕਿ ਸੋਸ਼ਲ ਮੀਡੀਆ ‘ਤੇ ਜੋ ਵੀ ਦਿਖਾਇਆ ਜਾਂਦਾ ਹੈ, ਉਹ ਸੱਚ ਹੋਵੇ। ਗੌਤਮ ਗੰਭੀਰ ਨੇ ANI ਨੂੰ ਦੱਸਿਆ- ਪਾਕਿਸਤਾਨ ਦਾ ਸਮਰਥਨ ਕਰ ਰਹੇ 2-3 ਲੋਕ ਭੀੜ ਵਿੱਚ ਬੈਠੇ ਸਨ, ਉਹ ਭਾਰਤ ਵਿਰੋਧੀ ਨਾਅਰੇ ਲਗਾ ਰਹੇ ਸਨ। ਪਾਕਿਸਤਾਨੀ ਪ੍ਰਸ਼ੰਸਕ ਕਸ਼ਮੀਰ ‘ਤੇ ਵੀ ਟਿੱਪਣੀ ਕਰ ਰਹੇ ਸਨ। ਇੱਕ ਭਾਰਤੀ ਹੋਣ ਦੇ ਨਾਤੇ ਮੈਂ ਆਪਣੇ ਦੇਸ਼ ਵਿਰੁੱਧ ਇਹ ਸਭ ਕੁਝ ਨਹੀਂ ਸੁਣ ਸਕਦਾ ਸੀ।

ਗੰਭੀਰ ਨੇ ਅੱਗੇ ਕਿਹਾ- ਸੱਚ ਤਾਂ ਇਹ ਹੈ ਕਿ ਜੇਕਰ ਤੁਸੀਂ ਭਾਰਤ ਵਿਰੋਧੀ ਨਾਅਰੇ ਲਗਾਉਂਦੇ ਹੋ ਜਾਂ ਹਿੰਦੁਸਤਾਨ ਮੁਰਦਾਬਾਦ ਕਹਿੰਦੇ ਹੋ ਜਾਂ ਕਸ਼ਮੀਰ ਬਾਰੇ ਕਹਿੰਦੇ ਹੋ ਤਾਂ ਵਿਅਕਤੀ ਕਿਸੇ ਨਾ ਕਿਸੇ ਤਰੀਕੇ ਨਾਲ ਤਾਂ ਪ੍ਰਤੀਕਿਰਿਆ ਜਰੂਰ ਕਰੇਗਾ। ਜੇ ਤੁਸੀਂ ਦੇਸ਼ ਬਾਰੇ ਕੁਝ ਗਲਤ ਬੋਲਦੇ ਹੋ ਜਾਂ ਮੈਨੂੰ ਨਿੱਜੀ ਤੌਰ ‘ਤੇ ਗਾਲ੍ਹਾਂ ਵੀ ਦਿੰਦੇ ਹੋ, ਤਾਂ ਮੈਂ ਉਨ੍ਹਾਂ ਲੋਕਾਂ ਵਿੱਚੋਂ ਨਹੀਂ ਹਾਂ ਜੋ ਹੱਸਦੇ ਹੋਏ ਚਲੇ ਜਾਂਦੇ ਹਨ।

ਗੌਤਮ ਗੰਭੀਰ ਫਿਲਹਾਲ ਏਸ਼ੀਆ ਕੱਪ ‘ਚ ਅਧਿਕਾਰਤ ਪ੍ਰਸਾਰਕਾਂ ਦੀ ਕੁਮੈਂਟਰੀ ਟੀਮ ਦਾ ਹਿੱਸਾ ਹੈ। ਉਸ ਦੀ ਕੁਮੈਂਟਰੀ ਤੋਂ ਬਾਅਦ ਮੈਦਾਨ ਤੋਂ ਬਾਹਰ ਨਿਕਲਣ ਦਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਇਆ ਹੈ। ਇਸ ਵੀਡੀਓ ‘ਚ ਉਹ ਮੋਬਾਇਲ ‘ਤੇ ਗੱਲ ਕਰਦੇ ਹੋਏ ਦਰਸ਼ਕਾਂ ਨੂੰ ਵਿਚਕਾਰਲੀ ਉਂਗਲੀ ਦਿਖਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਵਿਚਕਾਰਲੀ ਉਂਗਲ ਦੀ ਵਰਤੋਂ ਆਮ ਤੌਰ ‘ਤੇ ਕਿਸੇ ਨੂੰ ਨੀਵਾਂ ਦਿਖਾਉਣ ਲਈ ਕੀਤੀ ਜਾਂਦੀ ਹੈ। ਇਸ ਵੀਡੀਓ ‘ਚ ‘ਕੋਹਲੀ-ਕੋਹਲੀ’ ਦਾ ਰੌਲਾ ਵੀ ਸੁਣਿਆ ਜਾ ਸਕਦਾ ਹੈ। ਪਰ ਗੰਭੀਰ ਨੇ ਕਿਹਾ ਕਿ ਸੋਸ਼ਲ ਮੀਡੀਆ ‘ਤੇ ਸਭ ਕੁਝ ਸੱਚ ਨਹੀਂ ਹੁੰਦਾ।