ਕੋਰੋਨਿਲ ਨੂੰ ਲੈ ਕੇ ਬਾਬਾ ਰਾਮਦੇਵ ਨੂੰ ਝਟਕਾ, ਦਿੱਲੀ ਹਾਈਕੋਰਟ ਨੇ ਕਿਹਾ ‘ਸਾਰੇ ਦਾਅਵੇ ਵਾਪਸ ਲਓ’

ਕੋਰੋਨਾ ਮਹਾਮਾਰੀ ਦੇ ਦੌਰਾਨ, ਬਾਬਾ ਰਾਮਦੇਵ ਨੇ ਕਿਹਾ ਸੀ, ‘ਪਤੰਜਲੀ ਆਯੁਰਵੇਦ ਦਾ ਕੋਰੋਨਿਲ ਸਿਰਫ ਇਕ ਇਮਿਊਨਿਟੀ ਬੂਸਟਰ ਨਹੀਂ ਹੈ, ਬਲਕਿ ਕੋਵਿਡ -19 ਨੂੰ ਠੀਕ ਕਰਨ ਦੀ ਦਵਾਈ ਵੀ ਹੈ।’

ਯੋਗ ਗੁਰੂ ਬਾਬਾ ਰਾਮਦੇਵ ਨੂੰ ਦਿੱਲੀ ਹਾਈਕੋਰਟ ਤੋਂ ਝਟਕਾ ਲਗਿਆ ਹੈ। ਦਿੱਲੀ ਹਾਈ ਕੋਰਟ ਨੇ ਬਾਬਾ ਰਾਮਦੇਵ ਨੂੰ ਪਤੰਜਲੀ ਆਯੁਰਵੇਦ ਦੀ ਕੋਰੋਨਿਲ ਟੈਬਲੇਟ ਨੂੰ ਕੋਵਿਡ ਦੀ ਦਵਾਈ ਘੋਸ਼ਿਤ ਕਰਨ ਦੇ ਆਪਣੇ ਦਾਅਵੇ ਨੂੰ 3 ਦਿਨਾਂ ਦੇ ਅੰਦਰ ਵਾਪਸ ਲੈਣ ਦਾ ਹੁਕਮ ਦਿੱਤਾ ਹੈ। ਹਾਈਕੋਰਟ ਨੇ ਪਤੰਜਲੀ ਅਤੇ ਬਾਬਾ ਰਾਮਦੇਵ ਦੇ ਖਿਲਾਫ ਕਈ ਡਾਕਟਰਾਂ ਦੇ ਸੰਗਠਨਾਂ ਦੁਆਰਾ ਦਾਇਰ ਪਟੀਸ਼ਨ ‘ਤੇ ਇਹ ਆਦੇਸ਼ ਦਿੱਤਾ।

ਜਸਟਿਸ ਅਨੂਪ ਭਾਂਭਾਨੀ ਦੇ ਬੈਂਚ ਨੇ ਕਿਹਾ ਕਿ ਰਾਮਦੇਵ ਨੂੰ ਉਸ ਟਿੱਪਣੀ ਨੂੰ ਵਾਪਸ ਲੈਣਾ ਚਾਹੀਦਾ ਹੈ ਜਿਸ ਵਿੱਚ ਉਸਨੇ ਕਿਹਾ ਸੀ ਕਿ ਕੋਰੋਨਿਲ ਸਿਰਫ ਇੱਕ ਇਮਿਊਨਿਟੀ ਬੂਸਟਰ ਨਹੀਂ ਹੈ ਬਲਕਿ ਕੋਵਿਡ -19 ਨੂੰ ਠੀਕ ਕਰਨ ਲਈ ਇੱਕ ਦਵਾਈ ਹੈ। ਬਾਬਾ ਰਾਮਦੇਵ ਅਤੇ ਉਨ੍ਹਾਂ ਦੇ ਪ੍ਰਮੋਟਰਾਂ ਨੂੰ 3 ਦਿਨਾਂ ‘ਚ ਇਸ ਨਾਲ ਜੁੜੇ ਟਵੀਟ ਨੂੰ ਹਟਾਉਣਾ ਹੋਵੇਗਾ। ਜੇਕਰ ਉਹ ਅਜਿਹਾ ਕਰਨ ਵਿੱਚ ਅਸਫਲ ਰਹਿੰਦੇ ਹਨ, ਤਾਂ ਸੋਸ਼ਲ ਮੀਡੀਆ ਸੰਚਾਲਕ ਇਹਨਾਂ ਟਵੀਟਸ ਨੂੰ ਹਟਾ ਦੇਣਗੇ।

ਕੋਰੋਨਾ ਮਹਾਮਾਰੀ ਦੇ ਦੌਰਾਨ, ਬਾਬਾ ਰਾਮਦੇਵ ਨੇ ਕਿਹਾ ਸੀ, ‘ਪਤੰਜਲੀ ਆਯੁਰਵੇਦ ਦਾ ਕੋਰੋਨਿਲ ਸਿਰਫ ਇਕ ਇਮਿਊਨਿਟੀ ਬੂਸਟਰ ਨਹੀਂ ਹੈ, ਬਲਕਿ ਕੋਵਿਡ -19 ਨੂੰ ਠੀਕ ਕਰਨ ਦੀ ਦਵਾਈ ਵੀ ਹੈ।’ ਇਸ ਦੇ ਖਿਲਾਫ ਡਾਕਟਰਾਂ ਦੀ ਐਸੋਸੀਏਸ਼ਨ ਨੇ 2021 ‘ਚ ਰਾਮਦੇਵ, ਉਨ੍ਹਾਂ ਦੇ ਸਹਿਯੋਗੀ ਬਾਲਕ੍ਰਿਸ਼ਨ ਅਤੇ ਪਤੰਜਲੀ ਆਯੁਰਵੇਦ ਖਿਲਾਫ ਪਟੀਸ਼ਨ ਦਾਇਰ ਕੀਤੀ ਸੀ।