‘ਵੈਕਸੀਨ ਕਿੰਗ’ ਅਦਾਰ ਪੂਨਾਵਾਲਾ ਨੇ ਲੰਡਨ ‘ਚ 103 ਸਾਲ ਪੁਰਾਣੀ ਇਮਾਰਤ 1446 ਕਰੋੜ ‘ਚ ਖਰੀਦੀ

25000 ਵਰਗ ਫੁੱਟ ਵਿੱਚ ਬਣੇ ਇਸ ਘਰ ਦਾ ਖਰੀਦਦਾਰ ਕੋਈ ਹੋਰ ਨਹੀਂ ਸਗੋਂ ਇੱਕ ਭਾਰਤੀ ਹੈ। ਭਾਰਤ ‘ਚ ‘ਵੈਕਸੀਨ ਕਿੰਗ’ ਵਜੋਂ ਜਾਣੇ ਜਾਂਦੇ ਅਰਬਪਤੀ ਕਾਰੋਬਾਰੀ ਅਦਾਰ ਪੂਨਾਵਾਲਾ ਨੇ ਲੰਡਨ ‘ਚ ਦੂਜਾ ਸਭ ਤੋਂ ਮਹਿੰਗਾ ਘਰ ਖਰੀਦਿਆ ਹੈ।

ਅਦਾਰ ਪੂਨਾਵਾਲਾ ਨੂੰ ਭਾਰਤ ਵਿਚ ‘ਵੈਕਸੀਨ ਕਿੰਗ’ ਦੇ ਨਾਂ ਨਾਲ ਜਾਣਿਆ ਜਾਂਦਾ ਹੈ। ਆਮ ਤੌਰ ‘ਤੇ ਨਵੀਂ ਇਮਾਰਤ ਦੀ ਕੀਮਤ ਪੁਰਾਣੇ ਘਰ ਨਾਲੋਂ ਜ਼ਿਆਦਾ ਹੁੰਦੀ ਹੈ, ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ 103 ਸਾਲ ਪੁਰਾਣੀ ਇਮਾਰਤ 1446 ਕਰੋੜ ਰੁਪਏ ‘ਚ ਵਿਕ ਗਈ ਹੈ। ਇਹ ਡੀਲ ਹੁਣ ਆਪਣੀ ਕੀਮਤ ਕਾਰਨ ਚਰਚਾ ਵਿੱਚ ਆ ਗਈ ਹੈ।

ਲੰਡਨ ‘ਚ ਕੀਤਾ ਗਿਆ ਇਹ ਸੌਦਾ ਇਸ ਸਾਲ ਦਾ ਦੂਜਾ ਸਭ ਤੋਂ ਵੱਡਾ ਸੌਦਾ ਹੈ। 25000 ਵਰਗ ਫੁੱਟ ਵਿੱਚ ਬਣੇ ਇਸ ਘਰ ਦਾ ਖਰੀਦਦਾਰ ਕੋਈ ਹੋਰ ਨਹੀਂ ਸਗੋਂ ਇੱਕ ਭਾਰਤੀ ਹੈ। ਭਾਰਤ ‘ਚ ‘ਵੈਕਸੀਨ ਕਿੰਗ’ ਵਜੋਂ ਜਾਣੇ ਜਾਂਦੇ ਅਰਬਪਤੀ ਕਾਰੋਬਾਰੀ ਅਦਾਰ ਪੂਨਾਵਾਲਾ ਨੇ ਲੰਡਨ ‘ਚ ਦੂਜਾ ਸਭ ਤੋਂ ਮਹਿੰਗਾ ਘਰ ਖਰੀਦਿਆ ਹੈ।

ਸੀਰਮ ਇੰਸਟੀਚਿਊਟ ਆਫ ਇੰਡੀਆ (SII) ਦੇ ਸੀਈਓ ਅਦਾਰ ਪੂਨਾਵਾਲਾ ਨੇ ਲੰਡਨ ਦੀ ਇਹ 103 ਸਾਲ ਪੁਰਾਣੀ ਇਮਾਰਤ ਖਰੀਦੀ ਹੈ। ਲੰਡਨ ਦੇ ਹਾਈਡ ਪਾਰਕ ਨੇੜੇ ਸਥਿਤ ਇਸ ਇਮਾਰਤ ਨੂੰ ਉਸਨੇ 1446 ਕਰੋੜ ਰੁਪਏ ਵਿੱਚ ਖਰੀਦਿਆ ਹੈ। Aberconway House ਨਾਮ ਦੀ ਇਹ ਇਮਾਰਤ ਸਾਲ 1920 ਵਿੱਚ ਬਣੀ ਸੀ। ਇਹ ਸੌਦਾ ਸਾਲ 2023 ਦੇ ਸਭ ਤੋਂ ਮਹਿੰਗੇ ਸੌਦੇ ਵਿੱਚ ਸ਼ਾਮਲ ਹੈ। ਇਹ ਇਸ ਸਾਲ ਕਿਸੇ ਭਾਰਤੀ ਦੁਆਰਾ ਖਰੀਦਿਆ ਗਿਆ ਸਭ ਤੋਂ ਮਹਿੰਗਾ ਘਰ ਹੈ। ਇਹ ਹਵੇਲੀ ਪਹਿਲਾਂ ਪੋਲੈਂਡ ਦੇ ਸਭ ਤੋਂ ਅਮੀਰ ਕਾਰੋਬਾਰੀ ਜਾਨ ਕੁਲਜ਼ਿਕ ਦੀ ਧੀ ਡੋਮਿਨਿਕਾ ਕੁਲਜ਼ਿਕ ਦੇ ਨਾਂ ‘ਤੇ ਸੀ। ਹੁਣ ਇਸ ਦਾ ਨਵਾਂ ਮਾਲਕ ਅਦਾਰ ਪੂਨਾਵਾਲਾ ਬਣ ਗਿਆ ਹੈ।

ਅਦਾਰ ਪੂਨਾਵਾਲਾ ਸੀਰਮ ਇੰਸਟੀਚਿਊਟ ਦੇ ਸੀਈਓ ਹਨ, ਜੋ ਕਿ ਕੋਰੋਨਾ ਵਾਇਰਸ ਵਿਰੁੱਧ ਕੋਵਿਸ਼ੀਲਡ ਵੈਕਸੀਨ ਬਣਾਉਣ ਵਾਲੀ ਕੰਪਨੀ ਹੈ। ਸਾਲ 1966 ਵਿੱਚ ਅਦਾਰ ਪੂਨਾਵਾਲਾ ਦੇ ਪਿਤਾ ਸਾਇਰਸ ਪੂਨਾਵਾਲਾ ਨੇ ਸੀਰਮ ਇੰਸਟੀਚਿਊਟ ਦੀ ਨੀਂਹ ਰੱਖੀ ਸੀ। ਉਸਦਾ ਪਰਿਵਾਰ ਸਾਲਾਂ ਤੋਂ ਵੈਕਸੀਨ ਬਣਾਉਣ ਦੇ ਕਾਰੋਬਾਰ ਨਾਲ ਜੁੜਿਆ ਹੋਇਆ ਹੈ।

ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਘੱਟ ਕੀਮਤ ‘ਤੇ ਕੋਵਿਡ ਵੈਕਸੀਨ ਬਣਾ ਕੇ ਦੁਨੀਆ ਦੇ ਸਭ ਤੋਂ ਵੱਡੇ ਵੈਕਸੀਨ ਨਿਰਮਾਤਾਵਾਂ ‘ਚ ਸ਼ਾਮਲ ਹੋ ਗਿਆ ਹੈ। ਕੋਵਿਡ ਤੋਂ ਇਲਾਵਾ, ਸੀਰਮ ਨੇ ਖਸਰਾ, ਪੋਲੀਓ ਅਤੇ ਟੈਟਨਸ ਲਈ ਟੀਕੇ ਤਿਆਰ ਕੀਤੇ ਹਨ। ਬਲੂਮਬਰਗ ਬਿਲੀਨੇਅਰਜ਼ ਇੰਡੈਕਸ ਦੇ ਅਨੁਸਾਰ, ਸਾਇਰਸ ਪੂਨਾਵਾਲਾ ਦੀ ਜਾਇਦਾਦ $ 16.8 ਬਿਲੀਅਨ ਹੈ। ਅਦਾਰ ਪੂਨਾਵਾਲਾ ਨੇ ਵੈਸਟਮਿੰਸਟਰ ਯੂਨੀਵਰਸਿਟੀ, ਲੰਡਨ ਤੋਂ ਗ੍ਰੈਜੂਏਸ਼ਨ ਕੀਤੀ ਹੈ।