ਏਅਰ ਏਸ਼ੀਆ ਦੇ ਸੀਈਓ ਨੇ ਸ਼ਰਟਲੈੱਸ ਹੋ ਮਸਾਜ ਕਰਵਾਉਂਦੇ ਹੋਏ ਲਈ ਮੀਟਿੰਗ, ਸੋਸ਼ਲ ਮੀਡੀਆ ‘ਤੇ ਮਚ ਗਈ ਖਲਬਲੀ

ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਜਦੋਂ ਇਸ ਤਸਵੀਰ ਨੂੰ ਦੇਖਿਆ ਤਾਂ ਉਨ੍ਹਾਂ ਨੇ ਇਸਨੂੰ ਗਲਤ ਦੱਸਦੇ ਹੋਏ ਸੀਈਓ ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ। ਲੋਕ ਪੁੱਛ ਰਹੇ ਹਨ ਕਿ ਜੇਕਰ ਤੁਹਾਡੇ ਕਰਮਚਾਰੀ ਵੀ ਇਸੇ ਤਰ੍ਹਾਂ ਕੰਮ ਕਰਨ ਲੱਗ ਜਾਣ ਤਾਂ ਕੀ ਮੈਨੇਜਮੈਂਟ ਇਸਨੂੰ ਸਵੀਕਾਰ ਕਰੇਗੀ।

ਏਅਰ ਏਸ਼ੀਆ ਦੇ ਸੀਈਓ ਟੋਨੀ ਫਰਨਾਂਡੀਜ਼ ਦੀ ਇੱਕ ਤਸਵੀਰ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਹੰਗਾਮਾ ਮਚ ਗਿਆ ਹੈ। ਇਸ ਵਿੱਚ ਏਅਰ ਏਸ਼ੀਆ ਦੇ ਸੀਈਓ ਬਿਨਾਂ ਕਮੀਜ਼ ਦੇ ਅਤੇ ਮਸਾਜ ਦਾ ਆਨੰਦ ਲੈਂਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਖੁਦ ਇਹ ਤਸਵੀਰ ਲਿੰਕਡਇਨ ‘ਤੇ ਸ਼ੇਅਰ ਕੀਤੀ ਅਤੇ ਲੋਕਾਂ ਨੂੰ ਦੱਸਿਆ ਕਿ ਉਹ ਵੀ ਇਸੇ ਤਰ੍ਹਾਂ ਮੈਨੇਜਮੈਂਟ ਮੀਟਿੰਗ ‘ਚ ਸ਼ਾਮਲ ਹੋਏ ਸਨ।

ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਜਦੋਂ ਇਸ ਤਸਵੀਰ ਨੂੰ ਦੇਖਿਆ ਤਾਂ ਉਨ੍ਹਾਂ ਨੇ ਇਸਨੂੰ ਗਲਤ ਦੱਸਦੇ ਹੋਏ ਸੀਈਓ ਨੂੰ ਟ੍ਰੋਲ ਕਰਨਾ ਸ਼ੁਰੂ ਕਰ ਦਿੱਤਾ। ਲੋਕ ਪੁੱਛ ਰਹੇ ਹਨ ਕਿ ਜੇਕਰ ਤੁਹਾਡੇ ਕਰਮਚਾਰੀ ਵੀ ਇਸੇ ਤਰ੍ਹਾਂ ਕੰਮ ਕਰਨ ਲੱਗ ਜਾਣ ਤਾਂ ਕੀ ਮੈਨੇਜਮੈਂਟ ਇਸਨੂੰ ਸਵੀਕਾਰ ਕਰੇਗੀ। ਟੋਨੀ ਫਰਨਾਂਡਿਸ ਨੇ ਲਿੰਕਡਇਨ ‘ਤੇ ਆਪਣੀ ਫੋਟੋ ਸ਼ੇਅਰ ਕੀਤੀ ਅਤੇ ਲਿਖਿਆ, ਤਣਾਅ ਭਰੇ ਹਫਤੇ ਤੋਂ ਬਾਅਦ, ਵੇਰਾਨਿਟਾ ਜੋਸੇਫਿਨ ਨੇ ਮਸਾਜ ਦਾ ਸੁਝਾਅ ਦਿੱਤਾ।

ਟੋਨੀ ਨੇ ਅੱਗੇ ਲਿਖਿਆ, ਮੈਨੂੰ ਇੰਡੋਨੇਸ਼ੀਆ ਅਤੇ ਏਅਰ ਏਸ਼ੀਆ ਦੀ ਸੰਸਕ੍ਰਿਤੀ ਪਸੰਦ ਹੈ, ਕਿਉਂਕਿ ਮੈਂ ਇੱਥੇ ਮਸਾਜ ਕਰਵਾਉਂਦੇ ਹੋਏ ਪ੍ਰਬੰਧਨ ਮੀਟਿੰਗਾਂ ਵਿੱਚ ਸ਼ਾਮਲ ਹੋ ਸਕਦਾ ਹਾਂ। ਉਨ੍ਹਾਂ ਕਿਹਾ ਕਿ ਏਅਰਲਾਈਨ ਤਰੱਕੀ ਕਰ ਰਹੀ ਹੈ ਅਤੇ ਆਉਣ ਵਾਲੇ ਦਿਨ ਹੋਰ ਵੀ ਰੋਮਾਂਚਕ ਹੋਣਗੇ। ਪਰ ਅਜਿਹਾ ਲਗਦਾ ਹੈ ਕਿ ਲਿੰਕਡਇਨ ਉਪਭੋਗਤਾਵਾਂ ਨੂੰ ਏਅਰ ਏਸ਼ੀਆ ਦੇ ਸੀਈਓ ਦਾ ਇਹ ਅੰਦਾਜ਼ ਬਿਲਕੁਲ ਪਸੰਦ ਨਹੀਂ ਆਇਆ। ਕਈ ਲੋਕਾਂ ਨੇ ਇਸ ਇਸ਼ਾਰੇ ਨੂੰ ਗਲਤ ਮੰਨਿਆ ਹੈ।

ਸੀਈਓ ਟੋਨੀ ਫਰਨਾਂਡਿਸ ਨੇ ਲਿੰਕਡਇਨ ‘ਤੇ ਮਲੇਸ਼ੀਅਨ ਏਅਰਲਾਈਨਜ਼ ਦੀਆਂ ਤਾਰੀਫਾਂ ਗਾਈਆਂ, ਪਰ ਉਨ੍ਹਾਂ ਦੀ ਇੱਕ ਫੋਟੋ ਨੇ ਸਾਰਾ ਮਾਮਲਾ ਵਿਗਾੜ ਦਿੱਤਾ। ਲੋਕਾਂ ਨੇ ਮਸਾਜ ਦਾ ਮਜ਼ਾ ਲੈਂਦੇ ਹੋਏ ਬਿਨਾਂ ਕਮੀਜ਼ ਦੇ ਮੀਟਿੰਗ ਵਿਚ ਸ਼ਾਮਲ ਹੋਣਾ ਪਸੰਦ ਨਹੀਂ ਕੀਤਾ। ਉਹ ਉਸਦੀ ਤਿੱਖੀ ਆਲੋਚਨਾ ਕਰ ਰਹੇ ਹਨ। ਮੈਟਾ ‘ਤੇ ਕੰਮ ਕਰਨ ਵਾਲੀ ਰੇਬੇਕਾ ਨਡਿਲੋ ਨੇ ਟਿੱਪਣੀ ਕੀਤੀ, ‘ਇਹ ਦੇਖਦੇ ਹੋਏ ਕਿ ਤੁਸੀਂ ਬੌਸ ਹੋ, ਮੈਨੂੰ ਨਹੀਂ ਲੱਗਦਾ ਕਿ ਤੁਹਾਡੀ ਕੰਪਨੀ ਦੀਆਂ ਔਰਤਾਂ ਇਸ ਸੰਦਰਭ ਵਿੱਚ ਅਰਾਮਦੇਹ ਜਾਂ ਸੁਰੱਖਿਅਤ ਮਹਿਸੂਸ ਕਰਨਗੀਆਂ।’ ਜਦੋਂ ਕਿ ਕੈਲੀ ਟ੍ਰੌਸਡੇਲ ਨੇ ਲਿਖਿਆ ਹੈ, ਇਹ ਗੈਰ-ਪ੍ਰੋਫੈਸ਼ਨਲ ਕਾਰਵਾਈ ਹੈ। ਹਾਲਾਂਕਿ ਕਈ ਲੋਕਾਂ ਨੇ ਟੋਨੀ ਫਰਨਾਂਡੀਜ਼ ਦੇ ਵੱਖਰੇ ਅੰਦਾਜ਼ ਦੀ ਤਾਰੀਫ ਵੀ ਕੀਤੀ ਹੈ।