ਫਿਲਮਾਂ ‘ਚ ਆਉਣ ਤੋਂ ਪਹਿਲਾਂ ਯੋਗਾ ਸਿਖਾਉਂਦੀ ਸੀ ਅਨੁਸ਼ਕਾ ਸ਼ੈੱਟੀ, ਫਿਲਮ ‘ਬਾਹੂਬਲੀ’ ‘ਚ ਦੇਵਸੇਨਾ ਦਾ ਕਿਰਦਾਰ ਨਿਭਾ ਬਣ ਗਈ ਸੁਪਰ ਸਟਾਰ

ਅਨੁਸ਼ਕਾ ਸ਼ੈੱਟੀ ਨੇ ਐਕਟਿੰਗ ਦੀ ਦੁਨੀਆ ‘ਚ ਐਂਟਰੀ ਕੀਤੀ ਅਤੇ ਉਸ ਦੀ ਕਿਸਮਤ ਬਦਲ ਗਈ। ਅੱਜ ਅਨੁਸ਼ਕਾ ਦਾ ਨਾਂ ਸਾਊਥ ਦੀਆਂ ਟਾਪ ਅਭਿਨੇਤਰੀਆਂ ‘ਚ ਲਿਆ ਜਾਂਦਾ ਹੈ। ਉਹ ਆਪਣੀ ਲਗਜ਼ਰੀ ਲਾਈਫ ਅਤੇ ਪ੍ਰਭਾਸ ਨਾਲ ਆਪਣੀ ਨੇੜਤਾ ਕਾਰਨ ਵੀ ਸੁਰਖੀਆਂ ‘ਚ ਰਹਿੰਦੀ ਹੈ।

ਅਨੁਸ਼ਕਾ ਸ਼ੈੱਟੀ ਨੇ ‘ਬਾਹੂਬਲੀ’ ‘ਚ ਦੇਵਸੇਨਾ ਦਾ ਕਿਰਦਾਰ ਨਿਭਾ ਇਸ ਰੋਲ ਨੂੰ ਅਮਰ ਕਰ ਦਿਤਾ ਸੀ। ਅਨੁਸ਼ਕਾ ਸ਼ੈੱਟੀ ਐੱਸ.ਐੱਸ.ਰਾਜਮੌਲੀ ਦੀ ਫਿਲਮ ‘ਬਾਹੂਬਲੀ’ ‘ਚ ਦੇਵਸੇਨਾ ਦਾ ਕਿਰਦਾਰ ਨਿਭਾ ਕੇ ਮਸ਼ਹੂਰ ਹੋਈ ਸੀ। ਉਨ੍ਹਾਂ ਨੇ ਆਪਣੇ 18 ਸਾਲ ਦੇ ਲੰਬੇ ਕਰੀਅਰ ‘ਚ ਲਗਭਗ 45 ਫਿਲਮਾਂ ‘ਚ ਕੰਮ ਕੀਤਾ ਹੈ, ਪਰ ਇਕ ਸਮਾਂ ਅਜਿਹਾ ਵੀ ਸੀ, ਜਦੋਂ ਉਨ੍ਹਾਂ ਦੀ ਐਕਟਿੰਗ ‘ਚ ਕੋਈ ਦਿਲਚਸਪੀ ਨਹੀਂ ਸੀ। ਉਹ ਯੋਗਾ ਸਿਖਾਉਂਦੀ ਸੀ ਅਤੇ ਫਿਲਮੀ ਦੁਨੀਆ ਨਾਲ ਉਸ ਦਾ ਕੋਈ ਸਬੰਧ ਨਹੀਂ ਸੀ।

ਅਨੁਸ਼ਕਾ ਨੇ ਐਕਟਿੰਗ ਦੀ ਦੁਨੀਆ ‘ਚ ਐਂਟਰੀ ਕੀਤੀ ਅਤੇ ਉਸ ਦੀ ਕਿਸਮਤ ਬਦਲ ਗਈ। ਅੱਜ ਅਨੁਸ਼ਕਾ ਦਾ ਨਾਂ ਸਾਊਥ ਦੀਆਂ ਟਾਪ ਅਭਿਨੇਤਰੀਆਂ ‘ਚ ਲਿਆ ਜਾਂਦਾ ਹੈ। ਉਹ ਆਪਣੀ ਲਗਜ਼ਰੀ ਲਾਈਫ ਅਤੇ ਪ੍ਰਭਾਸ ਨਾਲ ਆਪਣੀ ਨੇੜਤਾ ਕਾਰਨ ਵੀ ਸੁਰਖੀਆਂ ‘ਚ ਰਹਿੰਦੀ ਹੈ। ਅਨੁਸ਼ਕਾ ਦੀ ਸ਼ੁਰੂਆਤੀ ਸਿੱਖਿਆ ਮੰਗਲੁਰੂ ਵਿੱਚ ਹੋਈ। ਇਸ ਤੋਂ ਬਾਅਦ ਉਸ ਨੇ ਬੀ.ਸੀ.ਏ. ਕੀਤੀ, ਉਸਦਾ ਫਿਲਮਾਂ ਨਾਲ ਕੋਈ ਸਬੰਧ ਨਹੀਂ ਸੀ। ਉਸਨੇ ਯੋਗ ਗੁਰੂ ਭਰਤ ਠਾਕੁਰ ਤੋਂ ਯੋਗਾ ਸਿੱਖਿਆ ਲਈ ਅਤੇ ਫਿਰ ਖੁਦ ਯੋਗਾ ਇੰਸਟ੍ਰਕਟਰ ਬਣ ਗਈ।

ਇੱਕ ਦਿਨ ਯੋਗਾ ਕਲਾਸ ਵਿੱਚ, ਦੱਖਣ ਦੇ ਫਿਲਮ ਨਿਰਦੇਸ਼ਕ ਮੇਹਰ ਰਮੇਸ਼ ਨੇ ਉਸਨੂੰ ਵੇਖਿਆ। ਉਨ੍ਹਾਂ ਨੇ ਅਨੁਸ਼ਕਾ ਨੂੰ ਹੀਰੋਇਨ ਬਣਨ ਦੀ ਪੇਸ਼ਕਸ਼ ਕੀਤੀ। ਅਨੁਸ਼ਕਾ ਨੂੰ ਐਕਟਿੰਗ ਬਾਰੇ ਕੁਝ ਨਹੀਂ ਪਤਾ ਸੀ ਇਸ ਲਈ ਉਸ ਨੇ ਇਹ ਆਫਰ ਠੁਕਰਾ ਦਿੱਤਾ। ਬਾਅਦ ਵਿੱਚ, ਨਿਰਦੇਸ਼ਕ ਦੇ ਬਹੁਤ ਮਨਾਉਣ ਤੋਂ ਬਾਅਦ, ਉਸਨੇ ਅਦਾਕਾਰੀ ਦੀ ਦੁਨੀਆ ਵਿੱਚ ਪ੍ਰਵੇਸ਼ ਕੀਤਾ। ਉਨ੍ਹਾਂ ਦੀ ਪਹਿਲੀ ਫਿਲਮ 2005 ‘ਚ ਆਈ ‘ਸੁਪਰ’ ਸੀ, ਜਿਸ ਦਾ ਨਿਰਦੇਸ਼ਨ ਪੁਰੀ ਜਗਨਾਧ ਨੇ ਕੀਤਾ ਸੀ। ਅਨੁਸ਼ਕਾ 42 ਸਾਲ ਦੀ ਉਮਰ ਵਿੱਚ ਅਣਵਿਆਹੀ ਹੈ। ਉਨ੍ਹਾਂ ਦਾ ਨਾਂ ਬਾਹੂਬਲੀ ਦੇ ਕੋ-ਸਟਾਰ ਪ੍ਰਭਾਸ ਨਾਲ ਜੁੜ ਗਿਆ ਹੈ। ਕਈ ਵਾਰ ਉਨ੍ਹਾਂ ਦੇ ਗੁਪਤ ਵਿਆਹ ਦੀਆਂ ਖਬਰਾਂ ਸੁਣਨ ਨੂੰ ਮਿਲ ਚੁੱਕੀਆਂ ਹਨ, ਹਾਲਾਂਕਿ ਉਨ੍ਹਾਂ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਸੀ।

ਨੈੱਟਵਰਥੀਅਰ ਦੀ ਰਿਪੋਰਟ ਮੁਤਾਬਕ ਅਨੁਸ਼ਕਾ ਕਰੀਬ 130 ਕਰੋੜ ਰੁਪਏ ਦੀ ਜਾਇਦਾਦ ਦੀ ਮਾਲਕ ਹੈ। ਅਨੁਸ਼ਕਾ ਦਾ ਆਲੀਸ਼ਾਨ ਘਰ ਹੈਦਰਾਬਾਦ ਦੇ ਪੌਸ਼ ਇਲਾਕੇ ਜੁਬਲੀ ਹਿਲਸ ‘ਚ ਸਥਿਤ ਵੁਡਸ ਅਪਾਰਟਮੈਂਟ ਦੀ 6ਵੀਂ ਮੰਜ਼ਿਲ ‘ਤੇ ਹੈ। ਅਨੁਸ਼ਕਾ ਇੱਕ ਫਿਲਮ ਲਈ 4 ਤੋਂ 5 ਕਰੋੜ ਰੁਪਏ ਚਾਰਜ ਕਰਦੀ ਹੈ। ਲਗਜ਼ਰੀ ਕਾਰਾਂ ਦੀ ਸ਼ੌਕੀਨ ਅਨੁਸ਼ਕਾ ਕੋਲ BMW 6, Audi A6, Audi Q5 ਵਰਗੀਆਂ ਲਗਜ਼ਰੀ ਕਾਰਾਂ ਹਨ। ਅਨੁਸ਼ਕਾ ਨੇ ਇਕ ਵਾਰ ਆਪਣੇ ਡਰਾਈਵਰ ਨੂੰ 12 ਲੱਖ ਰੁਪਏ ਦੀ ਕਾਰ ਗਿਫਟ ਕੀਤੀ ਸੀ।