G20 ਸੰਮੇਲਨ : ਸਵਾਗਤ ਲਈ ਭਾਰਤ ਮੰਡਪਮ ਪੂਰੀ ਤਰ੍ਹਾਂ ਤਿਆਰ, ਅਤਿਆਧੁਨਿਕ ਤਕਨੀਕਾਂ ਨਾਲ ਕੀਤਾ ਗਿਆ ਤਿਆਰ

ਭਾਰਤ ਮੰਡਪਮ ਵਿੱਚ ਡਿਜੀਟਲ ਇੰਡੀਆ ਐਕਸਪੀਰੀਅੰਸ ਜ਼ੋਨ ਤਿਆਰ ਕੀਤਾ ਗਿਆ ਹੈ, ਜਿੱਥੋਂ ਭਾਰਤ ਵਿੱਚ ਹੋ ਰਹੇ ਡਿਜੀਟਲ ਬਦਲਾਅ ਬਾਰੇ ਜਾਣਕਾਰੀ ਉਪਲਬਧ ਕਰਵਾਈ ਜਾਵੇਗੀ।

ਰਾਸ਼ਟਰੀ ਰਾਜਧਾਨੀ ਜੀ-20 ਸੰਮੇਲਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਵੀ.ਵੀ.ਆਈ.ਪੀ. ਹੋਟਲ ਤੋਂ ਲੈ ਕੇ ਸਮਾਗਮ ਵਾਲੀ ਥਾਂ ਪੂਰੀ ਤਰ੍ਹਾਂ ਜਗਮਗਾ ਰਹੀ ਹੈ। ਰਾਜਧਾਨੀ ਦਿੱਲੀ ‘ਚ ਜੀ-20 ਸੰਮੇਲਨ ਦੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਗਈਆਂ ਹਨ। ਇਹ ਪ੍ਰੋਗਰਾਮ ਪ੍ਰਗਤੀ ਮੈਦਾਨ ‘ਚ ਤਿਆਰ ਕੀਤੇ ਗਏ ਭਾਰਤ ਮੰਡਪਮ ‘ਚ ਆਯੋਜਿਤ ਕੀਤਾ ਜਾਵੇਗਾ।

ਇਸ ਦੌਰਾਨ ਸਾਰੇ ਦੇਸ਼ਾਂ ਦੇ ਮੁਖੀ ਅਤੇ ਵਫਦ ਸ਼ਨੀਵਾਰ ਸਵੇਰੇ 9.30 ਵਜੇ ਭਾਰਤ ਮੰਡਪਮ ਪਹੁੰਚਣਗੇ। ਇੱਥੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਉਨ੍ਹਾਂ ਦਾ ਸਵਾਗਤ ਕਰਨਗੇ ਅਤੇ ਕਾਨਫਰੰਸ ਦਾ ਪਹਿਲਾ ਸੈਸ਼ਨ ਸਵੇਰੇ 10.30 ਵਜੇ ਸ਼ੁਰੂ ਹੋਵੇਗਾ। ਇਸ ਦੇ ਨਾਲ ਹੀ ਕਾਨਫਰੰਸ ਮੌਕੇ ਰਾਤ ਦੇ ਖਾਣੇ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ।

Get a sneak peek into the delegation offices at the #G20 Summit!

Here’s an exclusive preview by #G20India Chief Coordinator @harshvshringla. pic.twitter.com/r1s3WGPdS2

— G20 India (@g20org) September 7, 2023

ਤੁਹਾਨੂੰ ਦੱਸ ਦੇਈਏ ਕਿ ਐਤਵਾਰ ਸਵੇਰੇ ਨੇਤਾ ਰਾਜਘਾਟ ਜਾਣਗੇ ਅਤੇ ਮਹਾਤਮਾ ਗਾਂਧੀ ਨੂੰ ਸ਼ਰਧਾਂਜਲੀ ਦੇਣਗੇ। ਇਸ ਦੌਰਾਨ ਪ੍ਰਗਤੀ ਮੈਦਾਨ ਵਿੱਚ ਬੂਟੇ ਵੀ ਲਗਾਏ ਜਾਣਗੇ। ਇਸ ਤੋਂ ਬਾਅਦ ਕਾਨਫਰੰਸ ਦੀ ਸਮਾਪਤੀ ਹੋਵੇਗੀ। ਭਾਰਤ ਮੰਡਪਮ ਦੇ ਡੈਲੀਗੇਟ ਸੈਂਟਰ ਵਿੱਚ ਹਾਲ ਨੰਬਰ 14 ਵਿੱਚ ਸਾਰੇ ਵਿਦੇਸ਼ੀ ਰਾਜਾਂ ਦੇ ਮੁਖੀਆਂ ਦੀ ਮੀਟਿੰਗ ਹੋਵੇਗੀ।

ਭਾਰਤ ਮੰਡਪਮ ਵਿੱਚ ਤਕਨੀਕੀ ਮਾਧਿਅਮ ਰਾਹੀਂ ਭਾਰਤੀ ਇਤਿਹਾਸ ਨਾਲ ਜੁੜੀਆਂ ਕਈ ਗੱਲਾਂ ਸਾਂਝੀਆਂ ਕੀਤੀਆਂ ਜਾਣਗੀਆਂ। ਇਸਦੇ ਨਾਲ ਹੀ ਸਾਰੇ ਦੇਸ਼ਾਂ ਦੇ ਰਾਸ਼ਟਰੀ ਝੰਡੇ ਵੀ ਲਗਾਏ ਗਏ ਹਨ। ਭਾਰਤ ਮੰਡਪਮ ਦੇ ਜਿਸ ਵੀ ਖੇਤਰ ਵਿੱਚ ਤੁਸੀਂ ਜਾਣਾ ਚਾਹੁੰਦੇ ਹੋ, ਤੁਸੀਂ ਉਸਨੂੰ ਡਿਜੀਟਲ ਮਾਧਿਅਮ ਰਾਹੀਂ ਵੀ ਲੱਭ ਸਕਦੇ ਹੋ, ਉਸ ਲਈ ਡਿਜੀਟਲ ਮਸ਼ੀਨਾਂ ਲਗਾਈਆਂ ਗਈਆਂ ਹਨ। ਭਾਰਤ ਮੰਡਪਮ ਵਿੱਚ ਕਈ ਤਰ੍ਹਾਂ ਦੇ ਦਫ਼ਤਰਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ, ਜਿੱਥੇ ਵਿਦੇਸ਼ੀ ਮਹਿਮਾਨ ਅਤੇ ਮੰਤਰੀ ਪੱਧਰ ਦੇ ਲੋਕ ਬੈਠ ਕੇ ਕੰਮ ਕਰ ਸਕਦੇ ਹਨ।

ਡੈਲੀਗੇਟਾਂ ਲਈ ਇੱਕ ਵਿਸ਼ਾਲ ਲਾਉਂਜ ਦਿੱਤਾ ਗਿਆ ਹੈ, ਜਿੱਥੇ ਉਹ ਬੈਠ ਸਕਦੇ ਹਨ। ਇਸ ਤੋਂ ਇਲਾਵਾ ਇੰਡੀਆ ਜੀ20 ਦੇ ਨਾਂ ‘ਤੇ ਸੈਲਫੀ ਪੁਆਇੰਟ ਵੀ ਬਣਾਇਆ ਗਿਆ ਹੈ, ਜਿੱਥੇ ਵਿਦੇਸ਼ੀ ਮਹਿਮਾਨ ਸੈਲਫੀ ਲੈਣਗੇ। ਭਾਰਤ ਮੰਡਪਮ ਵਿੱਚ ਡਿਜੀਟਲ ਇੰਡੀਆ ਐਕਸਪੀਰੀਅੰਸ ਜ਼ੋਨ ਤਿਆਰ ਕੀਤਾ ਗਿਆ ਹੈ, ਜਿੱਥੋਂ ਭਾਰਤ ਵਿੱਚ ਹੋ ਰਹੇ ਡਿਜੀਟਲ ਬਦਲਾਅ ਬਾਰੇ ਜਾਣਕਾਰੀ ਉਪਲਬਧ ਕਰਵਾਈ ਜਾਵੇਗੀ। ਤੁਰੰਤ ਡਾਕਟਰ ਜਾਂ ਡਾਕਟਰੀ ਇਲਾਜ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ। ਇਸ ਤਹਿਤ ਵਿਦੇਸ਼ੀ ਮਹਿਮਾਨਾਂ ਨੂੰ ਇੱਥੇ ਕਈ ਆਨਲਾਈਨ ਐਪਸ ਬਾਰੇ ਵੀ ਜਾਣਕਾਰੀ ਮਿਲੇਗੀ। ਦੱਸ ਦਈਏ ਕਿ ਭਾਰਤ ਮੰਡਪਮ ਨੂੰ ਤਿਆਰ ਕਰਨ ‘ਚ 750 ਕਰੋੜ ਤੋਂ ਜ਼ਿਆਦਾ ਖਰਚ ਕੀਤੇ ਗਏ ਹਨ, ਜਦਕਿ ਇੱਥੇ 10,000 ਲੋਕਾਂ ਦੇ ਇਕੱਠੇ ਬੈਠਣ ਦਾ ਇੰਤਜ਼ਾਮ ਕੀਤਾ ਗਿਆ ਹੈ।