ਪਾਕਿਸਤਾਨ ‘ਚ ਨਵੇਂ ਸਾਲ ਦੇ ਜਸ਼ਨ ‘ਤੇ ਲਗੀ ਪਾਬੰਦੀ, ਕੇਅਰਟੇਕਰ ਪੀਐੱਮ ਨੇ ਕਿਹਾ- ਅਸੀਂ ਫਲਸਤੀਨੀਆਂ ਦੀ ਮਦਦ ਕਰਦੇ ਰਹਾਂਗੇ

ਕਾਰਜਵਾਹਕ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਪਾਕਿਸਤਾਨ ਅਤੇ ਮੁਸਲਿਮ ਜਗਤ ਇਸ ਸਮੇਂ ਗੁੱਸੇ ਨਾਲ ਭਰਿਆ ਹੋਇਆ ਹੈ। ਗਾਜ਼ਾ ਵਿੱਚ ਮਾਸੂਮ ਬੱਚੇ ਮਾਰੇ ਜਾ ਰਹੇ ਹਨ। ਨਿਹੱਥੇ ਲੋਕਾਂ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ।

ਪਾਕਿਸਤਾਨ ਸਰਕਾਰ ਨੇ ਆਪਣੇ ਦੇਸ਼ ‘ਚ ਅਜੀਬੋ ਗਰੀਬ ਫਰਮਾਨ ਜਾਰੀ ਕਰ ਦਿਤਾ ਹੈ। ਪਾਕਿਸਤਾਨ ਸਰਕਾਰ ਨੇ ਨਵੇਂ ਸਾਲ 2024 ਦੇ ਮੌਕੇ ‘ਤੇ ਪਾਕਿਸਤਾਨ ‘ਚ ਕਿਸੇ ਵੀ ਤਰ੍ਹਾਂ ਦੇ ਜਸ਼ਨ ਮਨਾਉਣ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਚੱਲ ਰਹੀ ਜੰਗ ‘ਚ ਫਲਸਤੀਨੀਆਂ ਦੀਆਂ ਮੌਤਾਂ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।

ਕਾਰਜਵਾਹਕ ਪ੍ਰਧਾਨ ਮੰਤਰੀ ਅਨਵਰ-ਉਲ-ਹੱਕ ਕੱਕੜ ਨੇ ਵੀਰਵਾਰ ਰਾਤ ਨੂੰ ਰਾਸ਼ਟਰ ਦੇ ਨਾਮ ਸੰਦੇਸ਼ ‘ਚ ਇਹ ਐਲਾਨ ਕੀਤਾ। ਕੱਕੜ ਨੇ ਕਿਹਾ- ਅਸੀਂ ਫਲਸਤੀਨੀਆਂ ਦੇ ਦੁੱਖ-ਦਰਦ ‘ਚ ਉਨ੍ਹਾਂ ਦੇ ਨਾਲ ਹਾਂ। ਇਸ ਲਈ ਪਾਕਿਸਤਾਨ ਵਿੱਚ ਕੋਈ ਵੀ ਨਵਾਂ ਸਾਲ ਨਹੀਂ ਮਨਾਏਗਾ। ਗਾਜ਼ਾ ਵਿੱਚ 21 ਹਜ਼ਾਰ ਤੋਂ ਵੱਧ ਫਲਸਤੀਨੀ ਮਾਰੇ ਗਏ ਹਨ। ਇਨ੍ਹਾਂ ਵਿੱਚ 9 ਹਜ਼ਾਰ ਤੋਂ ਵੱਧ ਬੱਚੇ ਹਨ। ਕੱਕੜ ਨੇ ਇਹ ਸੰਦੇਸ਼ ਟੀ.ਵੀ. ਕਿਹਾ- ਪਾਕਿਸਤਾਨ ਨੇ ਦੋ ਵਾਰ ਫਲਸਤੀਨ ਨੂੰ ਸਹਾਇਤਾ ਭੇਜੀ ਹੈ ਅਤੇ ਅਸੀਂ ਤੀਜੀ ਖੇਪ ਭੇਜਣ ਜਾ ਰਹੇ ਹਾਂ।

ਇਜ਼ਰਾਈਲ ਨੇ 7 ਅਕਤੂਬਰ ਨੂੰ ਗਾਜ਼ਾ ‘ਤੇ ਹਮਲਾ ਕੀਤਾ ਸੀ। ਅਸੀਂ ਫਿਲਸਤੀਨੀਆਂ ਦੇ ਦੁੱਖ ਵਿੱਚ ਸ਼ਰੀਕ ਹਾਂ। ਕੱਕੜ ਨੇ ਕਿਹਾ- ਪੂਰਾ ਪਾਕਿਸਤਾਨ ਅਤੇ ਮੁਸਲਿਮ ਜਗਤ ਇਸ ਸਮੇਂ ਗੁੱਸੇ ਨਾਲ ਭਰਿਆ ਹੋਇਆ ਹੈ। ਗਾਜ਼ਾ ਵਿੱਚ ਮਾਸੂਮ ਬੱਚੇ ਮਾਰੇ ਜਾ ਰਹੇ ਹਨ। ਨਿਹੱਥੇ ਲੋਕਾਂ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ। ਵੈਸਟ ਬੈਂਕ ਵਿੱਚ ਵੀ ਇਹੀ ਬਰਬਰਤਾ ਦਿਖਾਈ ਜਾ ਰਹੀ ਹੈ। ਅਸੀਂ ਹਰ ਗਲੋਬਲ ਫੋਰਮ ‘ਤੇ ਫਲਸਤੀਨੀਆਂ ਲਈ ਆਵਾਜ਼ ਉਠਾਈ ਹੈ ਅਤੇ ਭਵਿੱਖ ‘ਚ ਵੀ ਅਜਿਹਾ ਹੀ ਕਰਾਂਗੇ। ਹੁਣ ਸਮਾਂ ਆ ਗਿਆ ਹੈ ਜਦੋਂ ਦੁਨੀਆ ਨੂੰ ਇੱਕ ਆਵਾਜ਼ ਵਿੱਚ ਇਜ਼ਰਾਈਲ ਨੂੰ ਰੋਕਣਾ ਚਾਹੀਦਾ ਹੈ।

ਕਰੀਬ 10 ਦਿਨ ਪਹਿਲਾਂ ਇਜ਼ਰਾਈਲ ਅਤੇ ਹਮਾਸ ਵਿਚਾਲੇ ਜੰਗ ਦੇ ਵਿਚਕਾਰ ਪਾਕਿਸਤਾਨ ‘ਚ ਹਮਾਸ ਦੇ ਨੇਤਾਵਾਂ ਅਤੇ ਇਸਲਾਮਿਕ ਵਿਦਵਾਨਾਂ ਦੀ ਇਕ ਕਾਨਫਰੰਸ ਹੋਈ ਸੀ। ਇਸ ਵਿਚ ਹਮਾਸ ਦੇ ਸਿਆਸੀ ਵਿੰਗ ਦੇ ਮੁਖੀ ਇਸਮਾਈਲ ਹਾਨੀਆ ਨੇ ਕਿਹਾ ਸੀ- ਇਸਲਾਮਿਕ ਦੇਸ਼ਾਂ ਵਿਚ ਪਾਕਿਸਤਾਨ ਇਕਲੌਤੀ ਪਰਮਾਣੂ ਸ਼ਕਤੀ ਹੈ। ਜੇਕਰ ਉਹ ਇਜ਼ਰਾਈਲ ਨੂੰ ਧਮਕੀ ਦਿੰਦਾ ਹੈ ਤਾਂ ਯੁੱਧ ਬੰਦ ਹੋ ਜਾਵੇਗਾ। ਮੁਸਲਿਮ ਦੇਸ਼ਾਂ ਵਿੱਚੋਂ ਪਾਕਿਸਤਾਨ ਹੀ ਅਜਿਹਾ ਦੇਸ਼ ਹੈ ਜੋ ਇਜ਼ਰਾਈਲ ਨੂੰ ਪਿੱਛੇ ਹਟਣ ਲਈ ਮਜਬੂਰ ਕਰ ਸਕਦਾ ਹੈ।