ਭਾਈ ਦੀ ਮੌਤ ਦੀ ਖਬਰ ਸਿਰਫ ਅਫਵਾਹ, ਭਾਈ ਇੰਨੀ ਜਲਦੀ ਮਰਨ ਵਾਲਾ ਨਹੀਂ, ਛੋਟਾ ਸ਼ਕੀਲ ਦਾ ਦਾਊਦ ਇਬਰਾਹਿਮ ਬਾਰੇ ਵੱਡਾ ਖੁਲਾਸਾ

ਛੋਟਾ ਸ਼ਕੀਲ, ਜੋ ਦਾਊਦ ਦੇ ਪੂਰੇ ਗੈਂਗ ਅਤੇ ਡੀ-ਕੰਪਨੀ ਦੇ ਗਲੋਬਲ ਆਪ੍ਰੇਸ਼ਨਾਂ ਦੀ ਨਿਗਰਾਨੀ ਕਰਦਾ ਹੈ, ਨੇ ਦਾਅਵਾ ਕੀਤਾ ਕਿ ਜਦੋਂ ਉਹ ਪਾਕਿਸਤਾਨ ਵਿਚ ਦਾਊਦ ਨੂੰ ਮਿਲਣ ਗਿਆ ਤਾਂ ਉਸਨੇ ਆਪਣੇ ‘ਭਰਾ’ ਨੂੰ ਚੰਗੀ ਹਾਲਤ ਵਿਚ ਪਾਇਆ ਸੀ।

ਛੋਟਾ ਸ਼ਕੀਲ ਦੀ ਗਿਣਤੀ ਦਾਊਦ ਇਬਰਾਹਿਮ ਦੇ ਖਾਸ ਰਾਜਦਾਰਾਂ ਵਿਚ ਕੀਤੀ ਜਾਂਦੀ ਹੈ। ਦਾਊਦ ਇਬਰਾਹਿਮ ਨੂੰ ਜ਼ਹਿਰ ਦਿੱਤੇ ਜਾਣ ਦੀ ਖ਼ਬਰ ਨੇ ਸੋਮਵਾਰ ਨੂੰ ਸੁਰਖੀਆਂ ਬਟੋਰੀਆਂ, ਹਾਲਾਂਕਿ ਇਸ ਗੱਲ ਦੀ ਪੁਸ਼ਟੀ ਨਹੀਂ ਹੋਈ ਹੈ ਕਿ ਦਾਊਦ ਸੱਚਮੁੱਚ ਬੀਮਾਰ ਸੀ ਜਾਂ ਹਸਪਤਾਲ ‘ਚ ਭਰਤੀ ਸੀ। ਇਨ੍ਹਾਂ ਖਬਰਾਂ ਦਰਮਿਆਨ ਦਾਊਦ ਦੇ ਕਰੀਬੀ ਸਹਿਯੋਗੀ ਛੋਟਾ ਸ਼ਕੀਲ ਨੇ ਸੋਮਵਾਰ ਨੂੰ ਨਿਊਜ਼ ਏਜੰਸੀ ਨੂੰ ਦੱਸਿਆ, “ਭਾਈ ਦੀ ਮੌਤ ਦੀਆਂ ਅਫਵਾਹਾਂ ਬੇਬੁਨਿਆਦ ਹਨ। ਉਹ 1,000 ਫੀਸਦੀ ਫਿੱਟ ਹਨ।”

ਭਗੌੜੇ ਅੰਡਰਵਰਲਡ ਡਾਨ ਅਤੇ ਆਈਐਸਆਈ ਨੇਤਾ ਦਾਊਦ ਇਬਰਾਹਿਮ ਨੂੰ ਜ਼ਹਿਰ ਦੇਣ ਦੀ ਚਰਚਾ ਤੋਂ ਬਾਅਦ ਪਾਕਿਸਤਾਨ ਸਮੇਤ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਦਾਊਦ ਦੀ ਮੌਤ ਦੀਆਂ ਖ਼ਬਰਾਂ ਘੁੰਮਦੀਆਂ ਰਹੀਆਂ। ਛੋਟਾ ਸ਼ਕੀਲ ਨੇ ਕਿਹਾ ਕਿ ਇਹ ਸ਼ਰਾਰਤੀ ਇਰਾਦਿਆਂ ਨਾਲ ਸਮੇਂ-ਸਮੇਂ ‘ਤੇ ਫੈਲਾਈਆਂ ਗਈਆਂ ਅਫਵਾਹਾਂ ਹਨ।

ਐਤਵਾਰ ਦੇਰ ਰਾਤ ਪਾਕਿਸਤਾਨ ‘ਚ ਇੰਟਰਨੈੱਟ ਬੰਦ ਹੋਣ ਦੀਆਂ ਅਫਵਾਹਾਂ ਨੂੰ ਹੋਰ ਹੁਲਾਰਾ ਮਿਲਿਆ, ਜਿਸ ‘ਚ ਕਿਹਾ ਗਿਆ ਕਿ ਦਾਊਦ ਇਬਰਾਹਿਮ ਦੀ ਸਿਹਤ ਵਿਗੜ ਗਈ ਹੈ ਅਤੇ ਉਨ੍ਹਾਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਹੈ। ਛੋਟਾ ਸ਼ਕੀਲ, ਜੋ ਦਾਊਦ ਦੇ ਪੂਰੇ ਗੈਂਗ ਅਤੇ ਡੀ-ਕੰਪਨੀ ਦੇ ਗਲੋਬਲ ਆਪ੍ਰੇਸ਼ਨਾਂ ਦੀ ਨਿਗਰਾਨੀ ਕਰਦਾ ਹੈ, ਨੇ ਦਾਅਵਾ ਕੀਤਾ ਕਿ ਜਦੋਂ ਉਹ ਪਾਕਿਸਤਾਨ ਵਿਚ ਉਸਨੂੰ ਮਿਲਣ ਗਿਆ ਤਾਂ ਉਸ ਨੇ ਆਪਣੇ ‘ਭਰਾ’ ਨੂੰ ਚੰਗੀ ਹਾਲਤ ਵਿਚ ਪਾਇਆ।

ਇੱਥੇ ਖੁਫੀਆ ਸੂਤਰਾਂ ਨੇ ਦਾਊਦ ਇਬਰਾਹਿਮ ਨੂੰ ਜ਼ਹਿਰ ਦਿੱਤੇ ਜਾਣ ਦੀ ਸੰਭਾਵਨਾ ਤੋਂ ਇਨਕਾਰ ਕੀਤਾ, ਦਾਊਦ ਚੌਵੀ ਘੰਟੇ ਸੁਰੱਖਿਆ ਦੇ ਘੇਰੇ ਵਿੱਚ ਰਹਿੰਦਾ ਹੈ, ਜਿਸ ਵਿੱਚ ਉਸਦੇ ਆਪਣੇ ਭਰੋਸੇਮੰਦ ਬੰਦਿਆਂ ਤੋਂ ਇਲਾਵਾ, ਪਾਕਿਸਤਾਨ ਦੀ ਬਦਨਾਮ ਖੁਫੀਆ ਏਜੰਸੀ ਆਈਐਸਆਈ ਦੇ ਏਜੰਟ ਵੀ ਸ਼ਾਮਲ ਹਨ, ਜਿਨ੍ਹਾਂ ਦੀ ਇਹ ਵਰਤੋਂ ਕਰਦਾ ਹੈ। ਇਕ ਸੂਤਰ ਨੇ ਕਿਹਾ ਕਿ ਆਈਐਸਆਈ ਨੂੰ ਦਾਊਦ ਦੀ ਤੰਦਰੁਸਤੀ ਦਾ ਧਿਆਨ ਰੱਖਣ ਦੀ ਲੋੜ ਹੈ ਕਿਉਂਕਿ ਉਹ ਹੁਣ ਅਮਰੀਕਾ ਦੇ ਰਾਡਾਰ ‘ਤੇ ਵੀ ਹੈ, ਜਿਸਨੇ ਉਸਨੂੰ ਅੰਤਰਰਾਸ਼ਟਰੀ ਅੱਤਵਾਦੀ ਐਲਾਨਣ ਵਿਚ ਅਹਿਮ ਭੂਮਿਕਾ ਨਿਭਾਈ ਸੀ। ਮਿਲਟਰੀ ਬੇਸ ‘ਤੇ ਹਾਲ ਹੀ ਵਿਚ ਹਸਪਤਾਲ ਵਿਚ ਭਰਤੀ ਹੋਣ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਗਿਆ ਹੈ।