ਅਮਿਤਾਭ ਦੀ ਫਿਲਮ ‘ਚ ਮਾਧੁਰੀ ਨੇ ਆਪਣਾ ਬਲਾਊਜ਼ ਉਤਾਰਨ ਲਈ ਕੀਤਾ ਸੀ ਮਨਾਂ, ਟੀਨੂੰ ਮਾਧੁਰੀ ਵਿਚਾਲੇ ਹੋਈ ਸੀ ਤਿੱਖੀ ਬਹਿਸ

ਟੀਨੂੰ ਆਨੰਦ ਦਾ ਕਹਿਣਾ ਹੈ ਕਿ ਜਦੋਂ ਉਸਨੇ ਸਾਈਨ ਕਰਨ ਸਮੇਂ ਮਾਧੁਰੀ ਨੂੰ ਇਹ ਸੀਨ ਸੁਣਾਇਆ ਸੀ, ਤਾਂ ਮਾਧੁਰੀ ਨੂੰ ਕਿਹਾ ਸੀ ਕਿ ਤੁਹਾਨੂੰ ਬਲਾਊਜ਼ ਉਤਾਰਨਾ ਪਵੇਗਾ, ਉਸ ਸਮੇਂ ਮਾਧੁਰੀ ਮੰਨ ਗਈ ਸੀ ਅਤੇ ਬਾਅਦ ‘ਚੋ ਮੁਕਰ ਗਈ।

ਟੀਨੂੰ ਆਨੰਦ ਨੂੰ ਉਨ੍ਹਾਂ ਦੀ ਬਿਹਤਰੀਨ ਅਦਾਕਾਰੀ ਅਤੇ ਨਿਰਦੇਸ਼ਨ ਲਈ ਜਾਣਿਆ ਜਾਂਦਾ ਹੈ। ਅਦਾਕਾਰ, ਨਿਰਦੇਸ਼ਕ, ਨਿਰਮਾਤਾ, ਲੇਖਕ ਟੀਨੂੰ ਆਨੰਦ ਨੇ ਬਾਲੀਵੁੱਡ ਨੂੰ ਕਈ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਅਦਾਕਾਰੀ ਤੋਂ ਇਲਾਵਾ ਉਨ੍ਹਾਂ ਨੇ ਕਈ ਸਫ਼ਲ ਫ਼ਿਲਮਾਂ ਦਾ ਨਿਰਦੇਸ਼ਨ ਵੀ ਕੀਤਾ ਹੈ। ਬਿੱਗ ਬੀ ਯਾਨੀ ਅਮਿਤਾਭ ਬੱਚਨ ਨੂੰ ਸੁਪਰਸਟਾਰ ਬਣਾਉਣ ‘ਚ ਟੀਨੂੰ ਆਨੰਦ ਦੀ ਵੱਡੀ ਭੂਮਿਕਾ ਸੀ।

ਟੀਨੂੰ ਆਨੰਦ ਨੇ ਹਾਲ ਹੀ ਵਿੱਚ ਮੀਡੀਆ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਆਪਣੀ ਫਿਲਮ ਬਾਰੇ ਦੱਸਿਆ, ਜਿਸ ਵਿੱਚ ਉਨ੍ਹਾਂ ਨੇ ਬ੍ਰਾ ਸੀਨ ਨੂੰ ਲੈ ਕੇ ਮਾਧੁਰੀ ਦੀਕਸ਼ਿਤ ਨਾਲ ਹੋਈ ਲੜਾਈ ਦਾ ਜ਼ਿਕਰ ਕੀਤਾ। ਦਰਅਸਲ, ਇਹ ਗੱਲ 1989 ਦੀ ਹੈ ਜਦੋਂ ਮਾਧੁਰੀ ਨੇ ਅਮਿਤਾਭ ਬੱਚਨ ਨਾਲ ‘ਸਨਾਖਤ’ ਨਾਮ ਦੀ ਫਿਲਮ ਸਾਈਨ ਕੀਤੀ ਸੀ। ਇਸ ਫਿਲਮ ਰਾਹੀਂ ਪਹਿਲੀ ਵਾਰ ਅਮਿਤਾਭ ਅਤੇ ਮਾਧੁਰੀ ਦੀ ਜੋੜੀ ਨਜ਼ਰ ਆਉਣ ਵਾਲੀ ਸੀ। ਟੀਨੂੰ ਆਨੰਦ ਨੇ ਫਿਲਮ ‘ਚ ਮਾਧੁਰੀ ਦੇ ਸੀਨ ਨਾਲ ਜੁੜੀ ਘਟਨਾ ਨੂੰ ਬਿਆਨ ਕੀਤਾ ਹੈ।

ਰੇਡੀਓ ਨਸ਼ਾ ਨਾਲ ਗੱਲਬਾਤ ਕਰਦਿਆਂ ਉਨ੍ਹਾਂ ਦੱਸਿਆ ਕਿ ਫਿਲਮ ਦੇ ਸੈੱਟ ‘ਤੇ ਮਾਧੁਰੀ ਦਾ ਪਹਿਲਾ ਦਿਨ ਸੀ ਅਤੇ ਪਹਿਰਾਵੇ ਨੂੰ ਲੈ ਕੇ ਉਨ੍ਹਾਂ ਦੀ ਲੜਾਈ ਹੋਈ ਸੀ। ਅਭਿਨੇਤਰੀ ਨੂੰ ਕਿਹਾ ਗਿਆ ਸੀ ਕਿ ਇਕ ਸੀਨ ‘ਚ ਉਸਨੂੰ ਸਿਰਫ ਬ੍ਰਾ ਪਾ ਕੇ ਸ਼ੂਟ ਕਰਨਾ ਹੋਵੇਗਾ, ਜਿਸ ‘ਚ ਉਹ ਅਸਹਿਜ ਮਹਿਸੂਸ ਕਰ ਰਹੀ ਸੀ। ਇੰਟਰਵਿਊ ਦੌਰਾਨ ਟੀਨੂੰ ਨੇ ਦੱਸਿਆ ਕਿ ਮਾਧੁਰੀ ਦੀਕਸ਼ਿਤ ਪਹਿਲਾਂ ਤਾਂ 45 ਮਿੰਟ ਤੱਕ ਆਪਣੇ ਕਮਰੇ ਤੋਂ ਬਾਹਰ ਨਹੀਂ ਆਈ ਅਤੇ ਜਦੋਂ ਮੈਂ ਜਾ ਕੇ ਪੁੱਛਿਆ ਕਿ ਕੀ ਹੋਇਆ ਤਾਂ ਉਹ ਕਹਿਣ ਲੱਗੀ ਕਿ ਮੈਂ ਇਹ ਸੀਨ ਨਹੀਂ ਕਰਨਾ ਚਾਹੁੰਦੀ। ਮੈਂ ਕਿਹਾ ਮਾਫ ਕਰਨਾ, ਪਰ ਤੁਹਾਨੂੰ ਇਹ ਸੀਨ ਕਰਨਾ ਪਵੇਗਾ।

ਟੀਨੂੰ ਆਨੰਦ ਨੇ ਕਿਹਾ ਜਦੋਂ ਮਾਧੁਰੀ ਅੜੀ ਰਹੀ ਤਾਂ ਮੈਂ ਕਿਹਾ ਕਿ ਪੈਕ ਅੱਪ ਕਰੋ, ਫਿਲਮ ਨੂੰ ਅਲਵਿਦਾ ਕਹੋ ਅਤੇ ਮੈਂ ਸ਼ੂਟ ਰੱਦ ਕਰ ਦਿਆਂਗਾ। ਟੀਨੂੰ ਨੇ ਦੱਸਿਆ ਕਿ ‘ਇਸ ਸੀਨ ‘ਚ ਅਮਿਤਾਭ ਨੂੰ ਖਲਨਾਇਕ ਨੇ ਸੰਗਲਾਂ ਨਾਲ ਬੰਨ੍ਹਿਆ ਹੋਇਆ ਸੀ ਅਤੇ ਉਸ ਨੂੰ ਬਚਾਉਣ ਲਈ ਮਾਧੁਰੀ ਆਉਂਦੀ ਹੈ ਅਤੇ ਕਹਿੰਦੀ ਹੈ ਕਿ ਜਦੋਂ ਇਹ ਔਰਤ ਤੁਹਾਡੇ ਸਾਹਮਣੇ ਖੜ੍ਹੀ ਹੈ ਤਾਂ ਤੁਸੀਂ ਜ਼ੰਜੀਰਾਂ ਨਾਲ ਬੰਨ੍ਹੇ ਆਦਮੀ ਨੂੰ ਕਿਉਂ ਮਾਰ ਰਹੇ ਹੋ। ਇਸ ਤਰ੍ਹਾਂ ਮਾਧੁਰੀ ਹੀਰੋ ਨੂੰ ਬਚਾਉਂਦੀ ਹੈ।

ਦੱਸ ਦੇਈਏ ਕਿ ਇਹ ਫਿਲਮ ਡਿਬਾਬੰਦ ਹੋ ਗਈ ਸੀ। ਅੱਗੇ, ਟੀਨੂੰ ਦਾ ਕਹਿਣਾ ਹੈ ਕਿ ਜਦੋਂ ਉਸਨੇ ਸਾਈਨ ਕਰਨ ਸਮੇਂ ਮਾਧੁਰੀ ਨੂੰ ਇਹ ਸੀਨ ਸੁਣਾਇਆ ਸੀ, ਤਾਂ ਉਸਨੇ ਕਿਹਾ ਸੀ ਕਿ ‘ਤੁਹਾਨੂੰ ਬਲਾਊਜ਼ ਉਤਾਰਨਾ ਪਵੇਗਾ ਅਤੇ ਮੈਂ ਝਾੜੀਆਂ ਤੋਂ ਕੁਝ ਨਹੀਂ ਲੁਕਾਵਾਂਗਾ, ਕਿਉਂਕਿ ਤੁਸੀਂ ਸੀਨ ਵਿੱਚ ਹੀਰੋ ਦੀ ਮਦਦ ਕਰ ਰਹੇ ਹੋ। ਆਪਣੀ ਗੱਲ ਨੂੰ ਜਾਰੀ ਰੱਖਦੇ ਹੋਏ ਟੀਨੂੰ ਆਨੰਦ ਨੇ ਅੱਗੇ ਕਿਹਾ, ”ਬ੍ਰਾ ਸੀਨ ਨਾ ਦੇਣ ਕਾਰਨ ਮੈਂ ਅਤੇ ਮਾਧੁਰੀ ਕਾਫੀ ਪਰੇਸ਼ਾਨੀ ‘ਚ ਆ ਗਏ ਸਨ। ਇਸ ਤੋਂ ਬਾਅਦ ਅਮਿਤਾਭ ਬੱਚਨ ਨੇ ਇਸ ਮਾਮਲੇ ‘ਚ ਦਖਲ ਦਿੰਦੇ ਹੋਏ ਕਿਹਾ ਕਿ ਜੇਕਰ ਉਹ ਤਿਆਰ ਨਹੀਂ ਹਨ ਤਾਂ ਉਨ੍ਹਾਂ ਨੂੰ ਜਾਣ ਦਿਓ। ਹਾਲਾਂਕਿ ਬਾਅਦ ‘ਚ ਮਾਧੁਰੀ ਇਸ ਸੀਨ ਲਈ ਰਾਜ਼ੀ ਹੋ ਗਈ ਸੀ, ਪਰ ਪੰਜ ਦਿਨ ਦੀ ਸ਼ੂਟਿੰਗ ਤੋਂ ਬਾਅਦ ਟੀਨੂੰ ਆਨੰਦ ਦੀ ਇਹ ਫਿਲਮ ਕਦੇ ਨਹੀਂ ਬਣਾਈ। ਖਾਸ ਗੱਲ ਇਹ ਹੈ ਕਿ ਇਸ ਮਾਮਲੇ ‘ਤੇ ਮਾਧੁਰੀ ਦੀਕਸ਼ਿਤ ਵੱਲੋਂ ਕਦੇ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ।