ਸਾਬਕਾ ਮੁੱਖ ਮੰਤਰੀ ਹਰੀਸ਼ ਰਾਵਤ ਨੇ ਆਪਣੇ ਪੁੱਤਰ ਦੀ ਚੋਣ ਮੁਹਿੰਮ ਲਈ ਵਿੱਤੀ ਮਦਦ ਮੰਗੀ, QR ਕੋਡ ਵੀ ਕੀਤਾ ਸਾਂਝਾ

ਹਰੀਸ਼ ਰਾਵਤ ਨੇ ਜਨਤਾ ਤੋਂ ਆਪਣੇ ਬੇਟੇ ਦੀ ਮਦਦ ਦੇ ਨਾਲ-ਨਾਲ ਆਰਥਿਕ ਮਦਦ ਦੀ ਅਪੀਲ ਕੀਤੀ ਹੈ। ਹਰੀਸ਼ ਰਾਵਤ ਆਪਣੇ ਬੇਟੇ ਨੂੰ ਜਿਤਾਉਣ ਲਈ ਦਿਨ-ਰਾਤ ਲੋਕਾਂ ਵਿੱਚ ਪ੍ਰਚਾਰ ਕਰ ਰਹੇ ਹਨ।

ਹਰੀਸ਼ ਰਾਵਤ ਉਤਰਾਖੰਡ ਅਤੇ ਦੇਸ਼ ਦੀ ਰਾਜਨੀਤੀ ਵਿਚ ਇਕ ਵਡਾ ਨਾਂ ਹੈ। ਸਾਬਕਾ ਮੁੱਖ ਮੰਤਰੀ ਹਰੀਸ਼ ਰਾਵਤ ਦੇ ਪੁੱਤਰ ਵਰਿੰਦਰ ਰਾਵਤ ਕਾਂਗਰਸ ਵੱਲੋਂ ਹਰਿਦੁਆਰ ਲੋਕ ਸਭਾ ਸੀਟ ਤੋਂ ਚੋਣ ਲੜ ਰਹੇ ਹਨ। ਹਰੀਸ਼ ਰਾਵਤ ਨੇ ਜਨਤਾ ਤੋਂ ਆਪਣੇ ਬੇਟੇ ਦੀ ਮਦਦ ਦੇ ਨਾਲ-ਨਾਲ ਆਰਥਿਕ ਮਦਦ ਦੀ ਅਪੀਲ ਕੀਤੀ ਹੈ। ਹਰੀਸ਼ ਰਾਵਤ ਆਪਣੇ ਬੇਟੇ ਨੂੰ ਜਿਤਾਉਣ ਲਈ ਦਿਨ-ਰਾਤ ਲੋਕਾਂ ਵਿੱਚ ਪ੍ਰਚਾਰ ਕਰ ਰਹੇ ਹਨ।

ਉਹ ਜਨਤਾ ਨੂੰ ਕਾਂਗਰਸ ਅਤੇ ਆਪਣੇ ਪੁੱਤਰ ਦੇ ਸਮਰਥਨ ਵਿੱਚ ਵੋਟ ਪਾਉਣ ਦੀ ਅਪੀਲ ਕਰ ਰਹੇ ਹਨ। ਇਸ ਮੁਹਿੰਮ ਦੌਰਾਨ ਸਾਬਕਾ ਮੁੱਖ ਮੰਤਰੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ QR ਕੋਡ ਰਾਹੀਂ ਆਪਣੀ ਸਮਰੱਥਾ ਅਨੁਸਾਰ ਮਦਦ ਕਰਨ। ਹਰੀਸ਼ ਰਾਵਤ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਕਾਂਗਰਸ ਉਮੀਦਵਾਰ ਅਤੇ ਉਨ੍ਹਾਂ ਦੇ ਬੇਟੇ ਵਰਿੰਦਰ ਰਾਵਤ ਦਾ ਬੈਂਕ ਖਾਤਾ ਅਤੇ QR ਕੋਡ ਵੀ ਸਾਂਝਾ ਕੀਤਾ ਹੈ।

ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ‘ਚ ਹਰੀਸ਼ ਰਾਵਤ ਨੇ ਲਿਖਿਆ ਹੈ ਕਿ ਕਾਂਗਰਸ ਦੇ ਬੈਂਕ ਖਾਤੇ ਫ੍ਰੀਜ਼ ਕੀਤੇ ਜਾਣ ਕਾਰਨ ਪਾਰਟੀ ਨੂੰ ਸਾਧਨਾਂ ਦੀ ਭਾਰੀ ਕਮੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਅਜਿਹੇ ‘ਚ ਕਾਂਗਰਸ ਉਮੀਦਵਾਰ ਨੂੰ ਵੋਟਾਂ ਦੇ ਨਾਲ-ਨਾਲ ਚੋਣ ਲੜਨ ਲਈ ਚੰਦੇ ਦੇ ਰੂਪ ‘ਚ ਮਦਦ ਕਰੋ, ਤਾਂ ਜੋ ਫੰਡਾਂ ਦੀ ਘਾਟ ਕਾਰਨ ਚੋਣ ਪ੍ਰਚਾਰ ਰੁਕ ਨਾ ਜਾਵੇ। ਹਰੀਸ਼ ਰਾਵਤ ਦੀ ਅਪੀਲ ‘ਤੇ ਕਈ ਕਾਂਗਰਸੀ ਵਰਕਰਾਂ ਨੇ ਉਮੀਦਵਾਰ ਵਰਿੰਦਰ ਰਾਵਤ ਦੇ ਚੋਣ ਖਾਤੇ ‘ਚ ਪੈਸੇ ਜਮ੍ਹਾ ਕਰਵਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਕਾਂਗਰਸ ਆਗੂ ਮਨੋਜ ਸੈਣੀ ਨੇ ਵਰਿੰਦਰ ਰਾਵਤ ਦੇ ਖਾਤੇ ਵਿੱਚ 101 ਰੁਪਏ ਅਤੇ ਸਮਰਥ ਅਗਰਵਾਲ ਨੇ 500 ਰੁਪਏ ਦਾਨ ਕੀਤੇ ਅਤੇ ਹਰ ਕਿਸੇ ਨੂੰ ਪਾਰਟੀ ਦੀ ਵਿੱਤੀ ਸੰਕਟ ਵਿੱਚ ਮਦਦ ਲਈ ਅੱਗੇ ਆਉਣ ਦੀ ਅਪੀਲ ਕੀਤੀ।