I.N.D.I.A. ਦੇ ਪ੍ਰਧਾਨ ਮੰਤਰੀ ਦਾ ਫੈਸਲਾ 2024 ‘ਚ ਜਿੱਤ ਤੋਂ ਬਾਅਦ ਹੋਵੇਗਾ, ਕਾਂਗਰਸ ਨੇ ਕਿਹਾ- ਚੁਣੇ ਹੋਏ ਸੰਸਦ ਮੈਂਬਰ ਚੁਣਨਗੇ ਪ੍ਰਧਾਨ ਮੰਤਰੀ

I.N.D.I.A. ਦੀ ਤੀਜੀ ਮੀਟਿੰਗ 31 ਅਗਸਤ ਅਤੇ 1 ਸਤੰਬਰ ਨੂੰ ਮੁੰਬਈ ਵਿੱਚ ਹੋਣੀ ਹੈ। ਇਸ ਵਿੱਚ 26 ਪਾਰਟੀਆਂ ਦੇ ਕਰੀਬ 80 ਨੇਤਾਵਾਂ ਦੇ ਸ਼ਾਮਲ ਹੋਣ ਦੀ ਸੰਭਾਵਨਾ ਹੈ।

ਭਾਰਤੀ ਜਨਤਾ ਪਾਰਟੀ ਦਾ ਲੋਕਸਭਾ ਚੋਣਾਂ ਵਿਚ ਮੁਕਾਬਲਾ ਕਰਨ ਲਈ ਵਿਰੋਧੀਆਂ ਪਾਰਟੀਆਂ ਨੇ I.N.D.I.A. ਗਠਜੋੜ ਬਣਾਇਆ ਹੈ। ਕਾਂਗਰਸ ਨੇਤਾ ਪੀ ਐਲ ਪੂਨੀਆ ਨੇ ਕਿਹਾ ਕਿ ਵਿਰੋਧੀ ਗਠਜੋੜ I.N.D.I.A (ਭਾਰਤੀ ਰਾਸ਼ਟਰੀ ਵਿਕਾਸ ਸੰਮਲਿਤ ਗਠਜੋੜ) ਦੇ ਪ੍ਰਧਾਨ ਮੰਤਰੀ ਦਾ ਫੈਸਲਾ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਜਿੱਤਣ ਤੋਂ ਬਾਅਦ ਕੀਤਾ ਜਾਵੇਗਾ।

ਪੀ ਐਲ ਪੂਨੀਆ ਨੇ ਕਿਹਾ- 2024 ‘ਚ ਜਿੱਤਣ ਵਾਲੇ ਸਾਰੇ ਸੰਸਦ ਮੈਂਬਰ ਪ੍ਰਧਾਨ ਮੰਤਰੀ ਦੀ ਚੋਣ ਕਰਨਗੇ। ਕਾਂਗਰਸ ਨੇਤਾ ਨੇ ਇਹ ਵੀ ਦਾਅਵਾ ਕੀਤਾ ਕਿ ਭਾਜਪਾ ਨੇਤਾ ਸਮ੍ਰਿਤੀ ਇਰਾਨੀ ਅਮੇਠੀ ਸੀਟ ਹਾਰ ਜਾਵੇਗੀ। ਪੂਨੀਆ ਨੇ ਕਿਹਾ- 2024 ਵਿੱਚ ਅਮੇਠੀ ਦੇ ਲੋਕ ਸਮ੍ਰਿਤੀ ਇਰਾਨੀ ਨੂੰ ਹਰਾਉਣਗੇ। ਕਾਂਗਰਸ ਜਾਂ I.N.D.I.A ਗਠਜੋੜ ਦਾ ਉਮੀਦਵਾਰ ਜ਼ਰੂਰ ਜਿੱਤੇਗਾ।

ਅਮੇਠੀ ਨੂੰ ਕਾਂਗਰਸ ਦਾ ਗੜ੍ਹ ਕਿਹਾ ਜਾਂਦਾ ਹੈ। 2004 ਤੋਂ 2019 ਤੱਕ, ਰਾਹੁਲ ਗਾਂਧੀ ਸਭ ਤੋਂ ਲੰਬੇ ਸਮੇਂ ਤੱਕ ਅਮੇਠੀ ਦੇ ਸੰਸਦ ਮੈਂਬਰ ਰਹੇ। ਹਾਲਾਂਕਿ, 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਸਮ੍ਰਿਤੀ ਇਰਾਨੀ ਨੇ ਉਨ੍ਹਾਂ ਨੂੰ 55120 ਵੋਟਾਂ ਨਾਲ ਹਰਾਇਆ ਸੀ। 2019 ਵਿੱਚ, ਸਮ੍ਰਿਤੀ ਇਰਾਨੀ ਪਹਿਲੀ ਵਾਰ ਸੰਸਦ ਮੈਂਬਰ ਚੁਣੀ ਗਈ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਰਾਹੁਲ ਗਾਂਧੀ ਨੂੰ ਪਹਿਲਾਂ ਹੀ ਆਪਣੀ ਹਾਰ ਦਾ ਡਰ ਸੀ। ਜਿਸ ਕਾਰਨ ਉਨ੍ਹਾਂ ਨੇ ਕੇਰਲ ਦੀ ਵਾਇਨਾਡ ਸੀਟ ਤੋਂ ਵੀ ਚੋਣ ਲੜੀ ਸੀ। ਰਾਹੁਲ ਵਾਇਨਾਡ ਤੋਂ ਜਿੱਤ ਕੇ ਸਾਂਸਦ ਬਣੇ ਸਨ।

ਉਨ੍ਹਾਂ ਦੇ 2024 ‘ਚ ਅਮੇਠੀ ਸੀਟ ਤੋਂ ਚੋਣ ਲੜਨ ਦੀ ਚਰਚਾ ਹੈ। I.N.D.I.A. ਦੀ ਤੀਜੀ ਮੀਟਿੰਗ 31 ਅਗਸਤ ਅਤੇ 1 ਸਤੰਬਰ ਨੂੰ ਮੁੰਬਈ ਵਿੱਚ ਹੋਣੀ ਹੈ। ਇਸ ਵਿੱਚ 26 ਪਾਰਟੀਆਂ ਦੇ ਕਰੀਬ 80 ਨੇਤਾਵਾਂ ਦੇ ਸ਼ਾਮਲ ਹੋਣ ਦੀ ਸੰਭਾਵਨਾ ਹੈ। ਸਮਾਚਾਰ ਏਜੰਸੀ ਪੀ.ਟੀ.ਆਈ ਦੇ ਮੁਤਾਬਕ ਮੁੰਬਈ ਬੈਠਕ ਵਿਚ I.N.D.I.A ਗਠਜੋੜ ਦਾ ਲੋਗੋ ਜਾਰੀ ਕੀਤਾ ਜਾ ਸਕਦਾ ਹੈ। ਵਿਰੋਧੀ ਪਾਰਟੀਆਂ ਦੀ ਪਹਿਲੀ ਮੀਟਿੰਗ 23 ਜੂਨ ਨੂੰ ਪਟਨਾ ਵਿੱਚ ਹੋਈ ਸੀ। ਦੂਜੀ ਮੀਟਿੰਗ 17-18 ਜੁਲਾਈ ਨੂੰ ਬੈਂਗਲੁਰੂ ਵਿੱਚ ਹੋਈ। ਹਾਲਾਂਕਿ ਹੁਣ ਤੱਕ I.N.D.I.A ਗਠਜੋੜ ਨੇ ਪ੍ਰਧਾਨ ਮੰਤਰੀ ਅਹੁਦੇ ਦੇ ਉਮੀਦਵਾਰ ਦੇ ਨਾਂ ਦਾ ਐਲਾਨ ਨਹੀਂ ਕੀਤਾ ਹੈ।

ਕਾਂਗਰਸ ਪ੍ਰਧਾਨ ਮਲਿਕਾਰਜੁਨ ਖੜਗੇ ਨੇ ਐਤਵਾਰ (20 ਅਗਸਤ) ਨੂੰ ਕਾਂਗਰਸ ਵਰਕਿੰਗ ਕਮੇਟੀ (CWC) ਦਾ ਐਲਾਨ ਕੀਤਾ। 39 ਮੈਂਬਰਾਂ ਵਾਲੀ ਇਸ ਕਮੇਟੀ ਵਿੱਚ ਸੋਨੀਆ, ਰਾਹੁਲ, ਪ੍ਰਿਅੰਕਾ ਸ਼ਾਮਲ ਹਨ। ਮੱਧ ਪ੍ਰਦੇਸ਼ ਦੇ ਦਿਗਵਿਜੇ ਸਿੰਘ ਅਤੇ ਕਮਲੇਸ਼ਵਰ ਪਟੇਲ, ਛੱਤੀਸਗੜ੍ਹ ਤੋਂ ਤਾਮਰਧਵਾਜ ਸਾਹੂ ਅਤੇ ਰਾਜਸਥਾਨ ਦੇ ਸਚਿਨ ਪਾਇਲਟ ਨੂੰ ਵੀ ਸੀਡਬਲਯੂਸੀ ਵਿੱਚ ਜਗ੍ਹਾ ਮਿਲੀ ਹੈ। ਇਸ ਸਾਲ ਦੇ ਅੰਤ ਤੱਕ ਤਿੰਨੋਂ ਰਾਜਾਂ ਵਿੱਚ ਚੋਣਾਂ ਹੋਣੀਆਂ ਹਨ।