BANGLADESH CRICKET : ਨਾਸਿਰ ਹੁਸੈਨ ‘ਤੇ 2 ਸਾਲ ਦਾ ਬੈਨ, ਆਈਸੀਸੀ ਭ੍ਰਿਸ਼ਟਾਚਾਰ ਵਿਰੋਧੀ ਟੀਮ ਨੇ ਕੀਤਾ 6 ਮਹੀਨਿਆਂ ਲਈ ਮੁਅੱਤਲ

32 ਸਾਲਾ ਨਾਸਿਰ ਹੁਸੈਨ ‘ਤੇ ਕੌਂਸਲ ਨੇ 2023 ਵਿਚ ਭ੍ਰਿਸ਼ਟਾਚਾਰ ਵਿਰੋਧੀ ਜ਼ਾਬਤੇ ਦੀ ਉਲੰਘਣਾ ਕਰਨ ਦਾ ਦੋਸ਼ ਲਾਇਆ ਸੀ, ਜੋ ਸੱਚ ਨਿਕਲਿਆ। ਇਸ ਤੋਂ ਬਾਅਦ ਨਾਸਿਰ ਨੇ ਵੀ ਤਿੰਨੋਂ ਦੋਸ਼ ਕਬੂਲ ਕਰ ਲਏ, ਹੁਣ ਉਸ ‘ਤੇ 7 ਅਪ੍ਰੈਲ 2025 ਤੱਕ ਪਾਬੰਦੀ ਰਹੇਗੀ।

ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ICC) ਨੇ ਬੰਗਲਾਦੇਸ਼ੀ ਕ੍ਰਿਕਟਰ ਨਾਸਿਰ ਹੁਸੈਨ ‘ਤੇ 2 ਸਾਲ ਦੀ ਪਾਬੰਦੀ ਲਗਾ ਦਿੱਤੀ ਹੈ। ਇੰਨਾ ਹੀ ਨਹੀਂ ਉਸ ਨੂੰ 6 ਮਹੀਨਿਆਂ ਲਈ ਮੁਅੱਤਲ ਵੀ ਕਰ ਦਿੱਤਾ ਗਿਆ ਹੈ। 32 ਸਾਲਾ ਨਾਸਿਰ ਹੁਸੈਨ ‘ਤੇ ਕੌਂਸਲ ਨੇ 2023 ਵਿਚ ਭ੍ਰਿਸ਼ਟਾਚਾਰ ਵਿਰੋਧੀ ਜ਼ਾਬਤੇ ਦੀ ਉਲੰਘਣਾ ਕਰਨ ਦਾ ਦੋਸ਼ ਲਾਇਆ ਸੀ, ਜੋ ਸੱਚ ਨਿਕਲਿਆ। ਇਸ ਤੋਂ ਬਾਅਦ ਨਾਸਿਰ ਨੇ ਵੀ ਤਿੰਨੋਂ ਦੋਸ਼ ਕਬੂਲ ਕਰ ਲਏ, ਹੁਣ ਉਸ ‘ਤੇ 7 ਅਪ੍ਰੈਲ 2025 ਤੱਕ ਪਾਬੰਦੀ ਰਹੇਗੀ।

ਬੰਗਲਾਦੇਸ਼ੀ ਆਲਰਾਊਂਡਰ ਨਾਸਿਰ ਨੂੰ ਕਿਸੇ ਅਣਪਛਾਤੇ ਵਿਅਕਤੀ ਨੇ ਤੋਹਫਾ ਦਿੱਤਾ ਸੀ। ਇਸ ਲਈ ਉਸ ਤੋਂ ਵਿਸ਼ੇਸ਼ ਮੰਗ ਵੀ ਕੀਤੀ ਗਈ ਸੀ। ਹੁਸੈਨ ਨੇ ਇਸ ਬਾਰੇ ਨਾ ਤਾਂ ਬੋਰਡ ਅਤੇ ਨਾ ਹੀ ਭ੍ਰਿਸ਼ਟਾਚਾਰ ਵਿਰੋਧੀ ਅਧਿਕਾਰੀ ਨੂੰ ਸੂਚਿਤ ਕੀਤਾ। ਇੰਨਾ ਹੀ ਨਹੀਂ ਉਸ ਨੇ ਜਾਂਚ ‘ਚ ਅਧਿਕਾਰੀਆਂ ਨੂੰ ਸਹਿਯੋਗ ਵੀ ਨਹੀਂ ਦਿੱਤਾ। ਨਾਸਿਰ ਨੂੰ US$750 ਤੋਂ ਵੱਧ ਦਾ ਇੱਕ ਆਈਫੋਨ ਤੋਹਫਾ ਮਿਲਿਆ ਸੀ, ਪਰ ਉਸਨੇ ਤੁਰੰਤ ਭ੍ਰਿਸ਼ਟਾਚਾਰ ਵਿਰੋਧੀ ਅਧਿਕਾਰੀ ਨੂੰ ਸੂਚਿਤ ਨਹੀਂ ਕੀਤਾ ਅਤੇ ਬਾਅਦ ਵਿੱਚ ਇਸ ਬਾਰੇ ਸੂਚਿਤ ਕਰਨ ਵਿੱਚ ਅਸਫਲ ਰਿਹਾ। ਇਹ ਕੋਡ ਦੀ ਧਾਰਾ 2.4.3 ਦੀ ਉਲੰਘਣਾ ਹੈ।

ਨਾਸਿਰ ਨੇ ਕਿਸੇ ਅਣਪਛਾਤੇ ਵਿਅਕਤੀ ਵੱਲੋਂ ਸੰਪਰਕ ਕੀਤੇ ਜਾਣ ਦੀ ਸੂਚਨਾ ਭ੍ਰਿਸ਼ਟਾਚਾਰ ਵਿਰੋਧੀ ਅਧਿਕਾਰੀ ਨੂੰ ਨਹੀਂ ਦਿੱਤੀ ਸੀ। ਉਸਨੂੰ ਭ੍ਰਿਸ਼ਟਾਚਾਰ ਨਾਲ ਸਬੰਧਤ ਗਤੀਵਿਧੀਆਂ ਲਈ ਸੱਦਾ ਸਵੀਕਾਰ ਕਰਨ ਅਤੇ ਅਧਿਕਾਰੀ ਨੂੰ ਸੂਚਿਤ ਨਾ ਕਰਨ ਦਾ ਵੀ ਦੋਸ਼ੀ ਪਾਇਆ ਗਿਆ ਸੀ। ਨਾਸਿਰ ਹੁਸੈਨ ਨੇ 2011 ਤੋਂ 2018 ਦਰਮਿਆਨ ਬੰਗਲਾਦੇਸ਼ ਲਈ ਸਾਰੇ ਫਾਰਮੈਟਾਂ ਵਿੱਚ 115 ਮੈਚ ਖੇਡੇ ਅਤੇ 2695 ਦੌੜਾਂ ਬਣਾਈਆਂ। ਉਹ ਢਾਕਾ ਪ੍ਰੀਮੀਅਰ ਡਿਵੀਜ਼ਨ ਕ੍ਰਿਕਟ ਲੀਗ ਵਿੱਚ ਪ੍ਰਾਈਮ ਬੈਂਕ ਕ੍ਰਿਕਟ ਕਲੱਬ ਲਈ ਘਰੇਲੂ ਤੌਰ ‘ਤੇ ਖੇਡਦੇ ਹਨ।