ਮੁਹੰਮਦ ਯੂਨਸ ਨੇ ਖੋਲ੍ਹੇ ਰਾਜ਼, ਕਿਹਾ ਸ਼ੇਖ ਹਸੀਨਾ ਸਰਕਾਰ ਖਿਲਾਫ ਅੰਦੋਲਨ ਪਹਿਲਾਂ ਹੀ ਤੈਅ ਸੀ

ਬੰਗਲਾਦੇਸ਼ੀ ਵਿਦਿਆਰਥੀ ਨੇਤਾਵਾਂ ਦੀ ਜਾਣ-ਪਛਾਣ ਕਰਾਉਂਦੇ ਹੋਏ, ਮੁਹੰਮਦ ਯੂਨਸ (84) ਨੇ ਕਿਹਾ, “ਇਹ ਲੋਕ ਪੂਰੀ ਕ੍ਰਾਂਤੀ ਦੇ ਪਿੱਛੇ ਦਿਮਾਗ਼ ਮੰਨੇ ਜਾਂਦੇ ਹਨ। ਯੂਨਸ ਨੇ ਵਿਸ਼ੇਸ਼ ਤੌਰ ‘ਤੇ ਵਿਦਿਆਰਥੀ ਕਾਰਕੁਨ ‘ਮਹਫੂਜ਼ ਅਬਦੁੱਲਾ’ ਵੱਲ ਇਸ਼ਾਰਾ ਕੀਤਾ ਅਤੇ ਕਿਹਾ ਕਿ ਉਹ ‘ਇਸ ਕ੍ਰਾਂਤੀ ਪਿੱਛੇ ਦਿਮਾਗ’ ਸੀ।”

ਬੰਗਲਾਦੇਸ਼ ਵਿਚ ਆਮ ਲੋਕਾਂ ਨੇ ਤਖਤਾਂ ਪਲਟ ਦਿਤਾ ਸੀ। ਬੰਗਲਾਦੇਸ਼ ਦੀ ਅੰਤਰਿਮ ਸਰਕਾਰ ਦੇ ਪ੍ਰਮੁੱਖ ਸਲਾਹਕਾਰ ਮੁਹੰਮਦ ਯੂਨਸ ਨੇ ਕਿਹਾ ਕਿ ਦੇਸ਼ ਵਿੱਚ ਹਾਲ ਹੀ ਵਿੱਚ ਵਿਦਿਆਰਥੀ ਅੰਦੋਲਨ ‘ਪੂਰਵ-ਯੋਜਨਾਬੱਧ’ ਸੀ ਅਤੇ ਇਸ ਕਾਰਨ ਸ਼ੇਖ ਹਸੀਨਾ ਨੂੰ ਬੇਦਖਲ ਕੀਤਾ ਗਿਆ ਸੀ।’ਕਲਿੰਟਨ ਗਲੋਬਲ ਇਨੀਸ਼ੀਏਟਿਵ’ ਦੀ ਸਾਲਾਨਾ ਮੀਟਿੰਗ ‘ਚ ਵਿਦਿਆਰਥੀਆਂ ਨਾਲ ਜਾਣ-ਪਛਾਣ ਕਰਾਉਂਦੇ ਹੋਏ ਨੋਬਲ ਪੁਰਸਕਾਰ ਜੇਤੂ ਯੂਨਸ ਨੇ ਕਿਹਾ ਕਿ ਇਸ ਅੰਦੋਲਨ ਦੀ ਯੋਜਨਾ ਤਤਕਾਲੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਅਤੇ ਉਨ੍ਹਾਂ ਦੀ ਪਾਰਟੀ ਅਵਾਮੀ ਲੀਗ ਦੇ ਖਿਲਾਫ ਬਣਾਈ ਗਈ ਸੀ। ਮੁਲਾਕਾਤ ਵਿੱਚ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਬਿਲ ਕਲਿੰਟਨ ਨੇ ਯੂਨਸ ਦਾ ਸਵਾਗਤ ਕੀਤਾ।

ਬੰਗਲਾਦੇਸ਼ੀ ਵਿਦਿਆਰਥੀ ਨੇਤਾਵਾਂ ਦੀ ਜਾਣ-ਪਛਾਣ ਕਰਾਉਂਦੇ ਹੋਏ, ਮੁਹੰਮਦ ਯੂਨਸ (84) ਨੇ ਕਿਹਾ, “ਇਹ ਲੋਕ ਪੂਰੀ ਕ੍ਰਾਂਤੀ ਦੇ ਪਿੱਛੇ ਦਿਮਾਗ਼ ਮੰਨੇ ਜਾਂਦੇ ਹਨ। ਉਹ ਕਿਸੇ ਹੋਰ ਨੌਜਵਾਨ ਵਰਗੇ ਦਿਖਾਈ ਦਿੰਦੇ ਹਨ, ਤੁਸੀਂ ਉਨ੍ਹਾਂ ਨੂੰ ਪਛਾਣ ਨਹੀਂ ਸਕੋਗੇ। ਪਰ ਜਦੋਂ ਤੁਸੀਂ ਉਨ੍ਹਾਂ ਨੂੰ ਕੰਮ ਕਰਦੇ ਦੇਖਦੇ ਹੋ, ਜਦੋਂ ਤੁਸੀਂ ਉਨ੍ਹਾਂ ਨੂੰ ਬੋਲਦੇ ਸੁਣਦੇ ਹੋ, ਤਾਂ ਤੁਸੀਂ ਕੰਬ ਜਾਓਗੇ। ਉਨ੍ਹਾਂ ਨੇ ਪੂਰੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ।” ਯੂਨਸ ਨੇ ਵਿਸ਼ੇਸ਼ ਤੌਰ ‘ਤੇ ਵਿਦਿਆਰਥੀ ਕਾਰਕੁਨ ‘ਮਹਫੂਜ਼ ਅਬਦੁੱਲਾ’ ਵੱਲ ਇਸ਼ਾਰਾ ਕੀਤਾ ਅਤੇ ਕਿਹਾ ਕਿ ਉਹ ‘ਇਸ ਕ੍ਰਾਂਤੀ ਪਿੱਛੇ ਦਿਮਾਗ’ ਸੀ।

ਮੁਹੰਮਦ ਯੂਨਸ ਨੇ ਕਿਹਾ, “ਉਹ ਬਾਰ-ਬਾਰ ਇਸ ਤੋਂ ਇਨਕਾਰ ਕਰਦਾ ਹੈ, ਉਸਨੇ ਇਹ ਮੈਨੂੰ ਨਹੀਂ ਬਲਕਿ ਹੋਰ ਬਹੁਤ ਸਾਰੇ ਲੋਕਾਂ ਨੂੰ ਦੱਸਿਆ ਹੈ ਪਰ ਇਸ ਤਰ੍ਹਾਂ ਉਹ ਪੂਰੀ ਕ੍ਰਾਂਤੀ ਦੇ ਪਿੱਛੇ ਦਿਮਾਗ ਵਜੋਂ ਜਾਣਿਆ ਜਾਂਦਾ ਹੈ।” ਉਨ੍ਹਾਂ ਕਿਹਾ ਕਿ ਦੇਸ਼ ਵਿੱਚ ਹਰ ਕੋਈ ‘ਨਵੇਂ ਬੰਗਲਾਦੇਸ਼’ ਦਾ ਸਮਰਥਨ ਕਰਦਾ ਹੈ।