ਮੁਸਲਿਮ ਨੇਤਾ ਨੇ ਕਿਹਾ ਜੇਕਰ ਜੰਗਬੰਦੀ ਨਾ ਹੋਈ ਤਾਂ ਬਿਡੇਨ ਨੂੰ ਵੋਟ ਨਹੀਂ ਦੇਵਾਂਗੇ, ਫ਼ਿਲਸਤੀਨੀਆਂ ਦੀ ਮੌਤ ‘ਚ ਅਮਰੀਕਾ ਦੀ ਵੀ ਭੂਮਿਕਾ

ਇੱਕ ਖੁੱਲੇ ਪੱਤਰ ਵਿੱਚ, ਮੁਸਲਿਮ ਨੇਤਾਵਾਂ ਨੇ 2023 ਦੇ ਜੰਗਬੰਦੀ ਦੇ ਅਲਟੀਮੇਟਮ ਵਿੱਚ ਵਾਅਦਾ ਕੀਤਾ ਕਿ ਕੋਈ ਵੀ ਮੁਸਲਮਾਨ, ਅਰਬ ਜਾਂ ਉਨ੍ਹਾਂ ਦੇ ਸਹਿਯੋਗੀ ਕਿਸੇ ਅਜਿਹੇ ਉਮੀਦਵਾਰ ਨੂੰ ਵੋਟ ਨਹੀਂ ਕਰਨਗੇ ਜੋ ਫ਼ਿਲਸਤੀਨੀਆਂ ਵਿਰੁੱਧ ਇਜ਼ਰਾਈਲੀ ਹਮਲਿਆਂ ਦਾ ਸਮਰਥਨ ਕਰਦਾ ਹੈ।

ਅਮਰੀਕਾ ਵਿਚ ਰਹਿਣ ਵਾਲੇ ਮੁਸਲਿਮ ਨੇਤਾ ਅਮਰੀਕੀ ਰਾਸ਼ਟਰਪਤੀ ਤੋਂ ਨਾਰਾਜ਼ ਨਜ਼ਰ ਆ ਰਹੇ ਹਨ। ਅਮਰੀਕਾ ਦੇ ਕੁਝ ਮੁਸਲਿਮ ਨੇਤਾਵਾਂ ਅਤੇ ਅਰਬ-ਅਮਰੀਕੀ ਸਮੂਹ ਦੇ ਮੈਂਬਰਾਂ ਨੇ ਰਾਸ਼ਟਰਪਤੀ ਬਿਡੇਨ ਤੋਂ ਗਾਜ਼ਾ ਵਿੱਚ ਜੰਗਬੰਦੀ ਲਈ ਤੁਰੰਤ ਕਦਮ ਚੁੱਕਣ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਨੇ ਇਹ ਸ਼ਰਤ ਰੱਖੀ ਹੈ ਕਿ ਜੇਕਰ ਅਜਿਹਾ ਨਹੀਂ ਹੋਇਆ ਤਾਂ ਉਹ 2024 ਦੀਆਂ ਚੋਣਾਂ ਲਈ ਉਸਨੂੰ ਮਿਲ ਰਿਹਾ ਫੰਡ ਬੰਦ ਕਰ ਦੇਣਗੇ ਅਤੇ ਬਿਡੇਨ ਦੀ ਡੈਮੋਕ੍ਰੇਟਿਕ ਪਾਰਟੀ ਨੂੰ ਵੋਟ ਵੀ ਨਹੀਂ ਦੇਣਗੇ।

ਰਾਸ਼ਟਰਪਤੀ ਬਿਡੇਨ ਨੇ ਨੈਸ਼ਨਲ ਮੁਸਲਿਮ ਡੈਮੋਕਰੇਟਿਕ ਕੌਂਸਲ ਦੇ ਮੈਂਬਰਾਂ ਨਾਲ ਮੀਟਿੰਗ ਕੀਤੀ। ਇਨ੍ਹਾਂ ਵਿੱਚ ਉਹ ਲੋਕਤੰਤਰੀ ਨੇਤਾ ਵੀ ਸ਼ਾਮਲ ਸਨ ਜੋ ਮਿਸ਼ੀਗਨ, ਓਹੀਓ ਅਤੇ ਪੈਨਸਿਲਵੇਨੀਆ ਵਰਗੇ ਮਹੱਤਵਪੂਰਨ ਰਾਜਾਂ ਤੋਂ ਆਉਂਦੇ ਹਨ। ਅਮਰੀਕੀ ਚੋਣਾਂ ਦੌਰਾਨ ਇਨ੍ਹਾਂ ਰਾਜਾਂ ਵਿੱਚ ਸਭ ਤੋਂ ਕਰੀਬੀ ਮੁਕਾਬਲਾ ਹੁੰਦਾ ਹੈ।

ਇੱਕ ਖੁੱਲੇ ਪੱਤਰ ਵਿੱਚ, ਮੁਸਲਿਮ ਨੇਤਾਵਾਂ ਨੇ 2023 ਦੇ ਜੰਗਬੰਦੀ ਦੇ ਅਲਟੀਮੇਟਮ ਵਿੱਚ ਵਾਅਦਾ ਕੀਤਾ ਕਿ ਕੋਈ ਵੀ ਮੁਸਲਮਾਨ, ਅਰਬ ਜਾਂ ਉਨ੍ਹਾਂ ਦੇ ਸਹਿਯੋਗੀ ਕਿਸੇ ਅਜਿਹੇ ਉਮੀਦਵਾਰ ਨੂੰ ਵੋਟ ਨਹੀਂ ਕਰਨਗੇ ਜੋ ਫਲਸਤੀਨੀਆਂ ਵਿਰੁੱਧ ਇਜ਼ਰਾਈਲੀ ਹਮਲਿਆਂ ਦਾ ਸਮਰਥਨ ਕਰਦਾ ਹੈ। ਕੌਂਸਲ ਨੇ ਕਿਹਾ ਕਿ ਅਮਰੀਕੀ ਪ੍ਰਸ਼ਾਸਨ ਇਜ਼ਰਾਈਲ ਨੂੰ ਬਿਨਾਂ ਸ਼ਰਤ ਸਮਰਥਨ ਦੇ ਰਿਹਾ ਹੈ। ਇਸ ਵਿੱਚ ਫੰਡਿੰਗ, ਹਥਿਆਰ ਅਤੇ ਹੋਰ ਯੁੱਧ ਸੰਬੰਧੀ ਸਮੱਗਰੀ ਸ਼ਾਮਲ ਹੈ।

ਪ੍ਰੀਸ਼ਦ ਨੇ ਆਪਣੇ ਪੱਤਰ ਵਿੱਚ ਅੱਗੇ ਕਿਹਾ- ਫਲਸਤੀਨੀਆਂ ਦੇ ਖਿਲਾਫ ਮਨੁੱਖੀ ਹਿੰਸਾ ਲਈ ਇਜ਼ਰਾਈਲ ਨੂੰ ਅਮਰੀਕਾ ਦੀ ਮਦਦ ਵੀ ਜ਼ਿੰਮੇਵਾਰ ਹੈ। ਇਸ ਰਾਹੀਂ ਅਮਰੀਕਾ ਨੇ ਹਿੰਸਾ ਨੂੰ ਅੰਜਾਮ ਦੇਣ ਵਿਚ ਅਹਿਮ ਭੂਮਿਕਾ ਨਿਭਾਈ ਹੈ, ਜਿਸ ਕਾਰਨ ਆਮ ਨਾਗਰਿਕ ਮਰ ਰਹੇ ਹਨ ਅਤੇ ਉਨ੍ਹਾਂ ਵੋਟਰਾਂ ਦਾ ਭਰੋਸਾ ਘੱਟ ਗਿਆ ਹੈ, ਜਿਨ੍ਹਾਂ ਦਾ ਪਹਿਲਾਂ ਅਮਰੀਕੀ ਸਰਕਾਰ ‘ਤੇ ਭਰੋਸਾ ਸੀ।

ਵ੍ਹਾਈਟ ਹਾਊਸ ਨੇ ਕਿਹਾ- ਜੰਗ ਦੇ ਦੌਰਾਨ, ਅਸੀਂ ਮੁਸਲਿਮ ਨੇਤਾਵਾਂ ਅਤੇ ਬਾਕੀ ਭਾਈਚਾਰੇ ਦੀਆਂ ਚਿੰਤਾਵਾਂ ਨੂੰ ਦੂਰ ਕਰਨ ਦੀ ਲਗਾਤਾਰ ਕੋਸ਼ਿਸ਼ ਕੀਤੀ ਹੈ। ਇਸ ਸਬੰਧ ਵਿਚ ਬਿਡੇਨ ਨੇ ਮੁਸਲਿਮ ਨੇਤਾਵਾਂ ਨਾਲ ਗੱਲਬਾਤ ਕੀਤੀ। ਵ੍ਹਾਈਟ ਹਾਊਸ ਦੀ ਬੁਲਾਰਾ ਕੈਰੇਨ ਜੀਨ-ਪੀਅਰੇ ਨੇ ਚੋਣ-ਸਬੰਧਤ ਚੇਤਾਵਨੀ ਬਾਰੇ ਸਵਾਲਾਂ ਦਾ ਜਵਾਬ ਨਹੀਂ ਦਿੱਤਾ। ਹਾਲਾਂਕਿ, ਉਸਨੇ ਕਿਹਾ- ਬਿਡੇਨ ਨੂੰ ਪਤਾ ਹੈ ਕਿ ਅਮਰੀਕੀ ਮੁਸਲਿਮ ਨੇਤਾਵਾਂ ਅਤੇ ਭਾਈਚਾਰੇ ਨੇ ਕਈ ਨਫ਼ਰਤ ਭਰੇ ਹਮਲਿਆਂ ਦਾ ਸਾਹਮਣਾ ਕੀਤਾ ਹੈ। ਪਿਅਰੇ ਨੇ ਕਿਹਾ- ਬਿਡੇਨ ਪ੍ਰਸ਼ਾਸਨ ਅਰਬ, ਮੁਸਲਿਮ ਭਾਈਚਾਰੇ ਅਤੇ ਯਹੂਦੀ ਨੇਤਾਵਾਂ ਨਾਲ ਮਿਲ ਕੇ ਕੰਮ ਕਰਨ ਦੀ ਲਗਾਤਾਰ ਕੋਸ਼ਿਸ਼ ਕਰ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਅਗਲੇ ਸਾਲ ਹੋਣ ਵਾਲੀਆਂ ਚੋਣਾਂ ਤੋਂ ਪਹਿਲਾਂ ਬਿਡੇਨ ਨੇ ਲਗਾਤਾਰ ਵਧਦੇ ਯਹੂਦੀ ਵਿਰੋਧੀ ਅਤੇ ਇਸਲਾਮੋਫੋਬੀਆ ਦੇ ਖਿਲਾਫ ਗੱਲ ਕੀਤੀ ਹੈ, ਪਰ ਮੁਸਲਿਮ ਨੇਤਾਵਾਂ ਦਾ ਕਹਿਣਾ ਹੈ ਕਿ ਯੁੱਧ ਖਤਮ ਹੋਣਾ ਚਾਹੀਦਾ ਹੈ।