ਬ੍ਰਿਟੇਨ ਦੀ ਚੋਣਾਂ ‘ਚ ਸੁਨਕ ਨੂੰ ਨਹੀਂ ਮਿਲ ਰਿਹਾ ਭਾਰਤੀਆਂ ਦਾ ਸਮਰਥਨ , ਸਰਵੇ ‘ਚ 65 ਫੀਸਦੀ ਭਾਰਤੀ ਵੋਟਰ ਖਿਲਾਫ, ਕਿਹਾ- ਡੇਢ ਸਾਲ ‘ਚ ਸਾਡੇ ਲਈ ਕੁਝ ਨਹੀਂ ਕੀਤਾ

ਬ੍ਰਿਟੇਨ ਦੀਆਂ 650 ਸੀਟਾਂ ‘ਚੋਂ 50 ਸੀਟਾਂ ‘ਤੇ ਜਿੱਤ ਜਾਂ ਹਾਰ ‘ਚ ਭਾਰਤੀ ਵੋਟਰ ਨਿਰਣਾਇਕ ਭੂਮਿਕਾ ਨਿਭਾਉਂਦੇ ਹਨ। ਇਨ੍ਹਾਂ ਵਿੱਚੋਂ ਲੈਸਟਰ, ਬਰਮਿੰਘਮ, ਕਾਵੈਂਟਰੀ, ਸਾਊਥ ਹਾਲ ਅਤੇ ਹੈਰੋਸ ਵਰਗੀਆਂ 15 ਸੀਟਾਂ ’ਤੇ ਪਿਛਲੀਆਂ ਦੋ ਚੋਣਾਂ ਵਿੱਚ ਸਿਰਫ਼ ਭਾਰਤੀ ਮੂਲ ਦੇ ਉਮੀਦਵਾਰ ਹੀ ਜਿੱਤਦੇ ਰਹੇ ਹਨ।

ਬ੍ਰਿਟੇਨ ਦੀ ਚੋਣਾਂ ਤੋਂ ਪਹਿਲਾ ਰਿਸ਼ੀ ਸੁਨਕ ਨੂੰ ਇਕ ਵੱਡਾ ਝਟਕਾ ਲਗਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਬ੍ਰਿਟੇਨ ‘ਚ 4 ਜੁਲਾਈ ਨੂੰ ਵੋਟਿੰਗ ਹੋਵੇਗੀ। ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੂੰ ਹਾਰ ਦਾ ਵੱਡਾ ਖਤਰਾ ਹੈ। YouGov ਦੇ ਸਰਵੇਖਣ ਮੁਤਾਬਕ ਸੁਨਕ ਦੀ ਸੱਤਾਧਾਰੀ ਕੰਜ਼ਰਵੇਟਿਵ ਪਾਰਟੀ ਨੂੰ ਭਾਰਤੀ ਵੋਟਰਾਂ ਤੋਂ ਵੀ ਸਮਰਥਨ ਨਹੀਂ ਮਿਲ ਰਿਹਾ ਹੈ। ਇੱਥੇ 65% ਭਾਰਤੀ ਵੋਟਰ ਸੁਨਕ ਦੀ ਪਾਰਟੀ ਦੇ ਖਿਲਾਫ ਹਨ।

ਬ੍ਰਿਟੇਨ ‘ਚ ਕਰੀਬ 25 ਲੱਖ ਭਾਰਤੀ ਵੋਟ ਪਾਉਣਗੇ। ਸਰਵੇਖਣ ਵਿੱਚ ਸ਼ਾਮਲ ਭਾਰਤੀ ਵੋਟਰਾਂ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਸੁਨਕ ਦੇ ਲਗਭਗ ਡੇਢ ਸਾਲ ਦੇ ਕਾਰਜਕਾਲ ਦੌਰਾਨ ਭਾਰਤੀਆਂ ਦੇ ਹੱਕ ਵਿੱਚ ਕੋਈ ਵੱਡਾ ਕਦਮ ਨਹੀਂ ਚੁੱਕਿਆ ਗਿਆ। ਵੀਜ਼ਾ ਨਿਯਮ ਪਹਿਲਾਂ ਨਾਲੋਂ ਵੀ ਸਖ਼ਤ ਕੀਤੇ ਗਏ ਹਨ। ਸੁਨਕ ਵੀ ਮਹਿੰਗਾਈ ਅਤੇ ਰੁਜ਼ਗਾਰ ਦੇ ਮੁੱਦਿਆਂ ‘ਤੇ ਠੋਸ ਕਦਮ ਨਹੀਂ ਚੁੱਕ ਸਕੇ ਹਨ। ਪਾਰਟੀ ਦੇ ਰਣਨੀਤੀਕਾਰਾਂ ਦਾ ਮੰਨਣਾ ਸੀ ਕਿ ਸੁਨਕ ਭਾਰਤੀ ਮੂਲ ਦੇ ਹੋਣ ਕਾਰਨ ਇੱਥੇ ਰਹਿਣ ਵਾਲੇ ਭਾਰਤੀਆਂ ਦਾ ਝੁਕਾਅ ਕੰਜ਼ਰਵੇਟਿਵ ਪਾਰਟੀ ਵੱਲ ਹੋਵੇਗਾ। ਸੁਨਕ ਨੇ ਆਊਟਰੀਚ ਦੇ ਯਤਨ ਵੀ ਕੀਤੇ, ਪਰ ਸਫਲ ਨਹੀਂ ਹੋਏ।

ਬਰਤਾਨੀਆ ਦੀਆਂ 650 ਸੀਟਾਂ ‘ਚੋਂ 50 ਸੀਟਾਂ ‘ਤੇ ਜਿੱਤ ਜਾਂ ਹਾਰ ‘ਚ ਭਾਰਤੀ ਵੋਟਰ ਨਿਰਣਾਇਕ ਭੂਮਿਕਾ ਨਿਭਾਉਂਦੇ ਹਨ। ਇਨ੍ਹਾਂ ਵਿੱਚੋਂ ਲੈਸਟਰ, ਬਰਮਿੰਘਮ, ਕਾਵੈਂਟਰੀ, ਸਾਊਥ ਹਾਲ ਅਤੇ ਹੈਰੋਸ ਵਰਗੀਆਂ 15 ਸੀਟਾਂ ’ਤੇ ਪਿਛਲੀਆਂ ਦੋ ਚੋਣਾਂ ਵਿੱਚ ਸਿਰਫ਼ ਭਾਰਤੀ ਮੂਲ ਦੇ ਉਮੀਦਵਾਰ ਹੀ ਜਿੱਤਦੇ ਰਹੇ ਹਨ। ਇਸ ਵਾਰ ਇਨ੍ਹਾਂ ਸੀਟਾਂ ‘ਤੇ ਸੱਤਾਧਾਰੀ ਕੰਜ਼ਰਵੇਟਿਵ ਪਾਰਟੀ ਪ੍ਰਤੀ ਭਾਰਤੀ ਵੋਟਰਾਂ ‘ਚ ਗੁੱਸਾ ਹੈ। ਇਨ੍ਹਾਂ ਸੀਟਾਂ ‘ਤੇ ਵਿਰੋਧੀ ਲੇਬਰ ਪਾਰਟੀ ਦੇ ਉਮੀਦਵਾਰਾਂ ਨੂੰ ਜ਼ਬਰਦਸਤ ਸਮਰਥਨ ਮਿਲ ਰਿਹਾ ਹੈ। ਫਿਲਹਾਲ ਇਨ੍ਹਾਂ 15 ਸੀਟਾਂ ‘ਚੋਂ 12 ਕੰਜ਼ਰਵੇਟਿਵਾਂ ਕੋਲ ਹਨ।