ਸਵਪਨਿਲ ਨੇ ਡੈਬਿਊ ਓਲੰਪਿਕ ‘ਚ ਜਿੱਤਿਆ ਮੈਡਲ, ਰੇਲਵੇ ‘ਚ ਟਿਕਟ ਕੁਲੈਕਟਰ, ਐੱਮ.ਐੱਸ. ਧੋਨੀ ਰੋਲ ਮਾਡਲ

ਸਵਪਨਿਲ ਨੇ ਇਕ ਇੰਟਰਵਿਊ ‘ਚ ਕਿਹਾ ਸੀ-ਸ਼ੂਟਿੰਗ ਦੌਰਾਨ ਸ਼ਾਂਤ ਰਹਿਣ ਦੀ ਲੋੜ ਹੁੰਦੀ ਹੈ। ਧੋਨੀ ਕ੍ਰਿਕਟ ਦੇ ਮੈਦਾਨ ‘ਤੇ ਵੀ ਸ਼ਾਂਤ ਰਹਿੰਦੇ ਹਨ। ਮੈਂ ਉਸਨੂੰ ਪਸੰਦ ਕਰਦਾ ਹਾਂ। ਮੈਂ ਉਨ੍ਹਾਂ ਦੀ ਬਾਇਓਪਿਕ ਨੂੰ ਕਈ ਵਾਰ ਦੇਖਿਆ ਹੈ।

ਸਵਪਨਿਲ ਨੇ ਡੈਬਿਊ ਓਲੰਪਿਕ ‘ਚ ਕਾਂਸੀ ਦਾ ਮੈਡਲ ਜਿੱਤ ਕੇ ਧਮਾਲ ਮਚਾ ਦਿਤਾ ਹੈ। ਆਪਣੇ ਪਹਿਲੇ ਓਲੰਪਿਕ ਵਿੱਚ ਕਾਂਸੀ ਦਾ ਤਗ਼ਮਾ ਜਿੱਤਣ ਵਾਲੇ ਸਵਪਨਿਲ ਕੁਸਲੇ ਦਾ ਰੋਲ ਮਾਡਲ ਐਮਐਸ ਧੋਨੀ ਹੈ। ਸਵਪਨਿਲ ਵੀ ਧੋਨੀ ਵਾਂਗ ਰੇਲਵੇ ‘ਚ ਟਿਕਟ ਕਲੈਕਟਰ ਹੈ।

ਸਵਪਨਿਲ ਨੇ ਇਕ ਇੰਟਰਵਿਊ ‘ਚ ਕਿਹਾ ਸੀ-ਸ਼ੂਟਿੰਗ ਦੌਰਾਨ ਸ਼ਾਂਤ ਰਹਿਣ ਦੀ ਲੋੜ ਹੁੰਦੀ ਹੈ। ਧੋਨੀ ਕ੍ਰਿਕਟ ਦੇ ਮੈਦਾਨ ‘ਤੇ ਵੀ ਸ਼ਾਂਤ ਰਹਿੰਦੇ ਹਨ। ਮੈਂ ਉਸਨੂੰ ਪਸੰਦ ਕਰਦਾ ਹਾਂ। ਮੈਂ ਉਨ੍ਹਾਂ ਦੀ ਬਾਇਓਪਿਕ ਨੂੰ ਕਈ ਵਾਰ ਦੇਖਿਆ ਹੈ। ਸਵਪਨਿਲ ਕੁਸਲੇ ਓਲੰਪਿਕ ਤਗ਼ਮਾ ਜਿੱਤਣ ਵਾਲਾ ਸੱਤਵਾਂ ਨਿਸ਼ਾਨੇਬਾਜ਼ ਬਣ ਗਿਆ ਹੈ। ਤਗਮਾ ਜਿੱਤਣ ਤੋਂ ਬਾਅਦ ਸਵਪਨਿਲ ਨੇ ਕਿਹਾ, “ਮੈਂ ਫਾਈਨਲ ਵਿੱਚ 451.4 ਅੰਕ ਬਣਾਏ। ਮੈਂ ਬਹੁਤ ਖੁਸ਼ ਹਾਂ ਕਿ ਮੈਂ ਦੇਸ਼ ਲਈ ਤਗ਼ਮਾ ਜਿੱਤਿਆ। ਮੈਂ ਫਾਈਨਲ ਦੌਰਾਨ ਬਹੁਤ ਘਬਰਾਇਆ ਹੋਇਆ ਸੀ, ਮੇਰੇ ਦਿਲ ਦੀ ਧੜਕਣ ਵਧ ਗਈ ਸੀ।”

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਵਪਨਿਲ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਹਰ ਭਾਰਤੀ ਖੁਸ਼ ਹੈ। ਉਨਾਂ ਨੇ ਟਵੀਟ ਕੀਤਾ, ਸਵਪਨਿਲ ਕੁਸਲੇ ਦੁਆਰਾ ਸ਼ਾਨਦਾਰ ਪ੍ਰਦਰਸ਼ਨ! ਪੈਰਿਸ ਓਲੰਪਿਕ ਵਿੱਚ ਪੁਰਸ਼ਾਂ ਦੀ 50 ਮੀਟਰ ਰਾਈਫਲ 3 ਪੁਜ਼ੀਸ਼ਨਾਂ ਵਿੱਚ ਕਾਂਸੀ ਦਾ ਤਗਮਾ ਜਿੱਤਣ ਲਈ ਤੁਹਾਨੂੰ ਵਧਾਈਆਂ। ਉਸ ਦਾ ਪ੍ਰਦਰਸ਼ਨ ਖਾਸ ਹੈ, ਕਿਉਂਕਿ ਉਸ ਨੇ ਕਾਫੀ ਹੁਨਰ ਦਿਖਾਇਆ ਹੈ। ਉਹ ਇਸ ਵਰਗ ਵਿੱਚ ਤਗਮਾ ਜਿੱਤਣ ਵਾਲਾ ਪਹਿਲਾ ਭਾਰਤੀ ਅਥਲੀਟ ਵੀ ਹੈ, ਹਰ ਭਾਰਤੀ ਖੁਸ਼ ਹੈ।