ASIAN GAMES : ਅੱਜ ਭਾਰਤ ਨੂੰ ਏਸ਼ੀਆਡ ਵਿੱਚ 7 ​​ਮੈਡਲ ਮਿਲੇ, ਚੀਨ ਚੋਟੀ ‘ਤੇ, ਭਾਰਤ 21 ਮੈਡਲ ਨਾਲ ਛੇਵੇਂ ਸਥਾਨ ‘ਤੇ

ਏਸ਼ਿਆਈ ਖੇਡਾਂ ਵਿੱਚ ਭਾਰਤ ਨੇ ਹੁਣ ਤੱਕ 21 ਮੈਡਲ ਜਿੱਤੇ ਹਨ। ਇਨ੍ਹਾਂ ਵਿੱਚੋਂ 5 ਸੋਨੇ ਦੇ ਮੈਡਲ ਹਨ। ਇਨ੍ਹਾਂ ‘ਚੋਂ 3 ਨੇ ਸ਼ੂਟਿੰਗ ‘ਚ ਗੋਲਡ ਜਿੱਤਿਆ ਹੈ। ਘੋੜਸਵਾਰ ਟੀਮ ਨੇ ਮੁਕਾਬਲੇ ਵਿੱਚ ਇੱਕ ਸੋਨ ਤਮਗਾ ਜਿੱਤਿਆ ਹੈ। ਇਸ ਦੇ ਨਾਲ ਹੀ ਮਹਿਲਾ ਕ੍ਰਿਕਟ ਟੀਮ ਨੇ ਵੀ ਸੋਨ ਤਮਗਾ ਜਿੱਤਿਆ ਹੈ।

ਭਾਰਤ ਦਾ ਏਸ਼ੀਆਈ ਖੇਡਾਂ ਵਿਚ ਚੰਗਾ ਪ੍ਰਦਰਸ਼ਨ ਲਗਾਤਾਰ ਜਾਰੀ ਹੈ। ਚੀਨ ਦੇ ਹਾਂਗਜ਼ੂ ‘ਚ ਚੱਲ ਰਹੀਆਂ 19ਵੀਆਂ ਏਸ਼ੀਆਈ ਖੇਡਾਂ ਦੇ ਚੌਥੇ ਦਿਨ ਬੁੱਧਵਾਰ ਨੂੰ ਭਾਰਤ ਨੇ ਹੁਣ ਤੱਕ 7 ਮੈਡਲ ਜਿੱਤ ਲਏ ਹਨ। ਇਨ੍ਹਾਂ ਵਿੱਚੋਂ 2 ਸੋਨ, 2 ਚਾਂਦੀ ਅਤੇ 3 ਕਾਂਸੀ ਦੇ ਮੈਡਲ ਮਿਲੇ ਹਨ। ਈਸ਼ਾ ਸਿੰਘ ਨੇ 25 ਮੀਟਰ ਪਿਸਟਲ ਵਿੱਚ 34 ਦੇ ਸਕੋਰ ਨਾਲ ਚਾਂਦੀ ਦਾ ਮੈਡਲ ਜਿੱਤਿਆ।

ਇਸ ਤੋਂ ਪਹਿਲਾਂ ਸਿਫਤ ਕੌਰ ਨੇ 50 ਮੀਟਰ ਏਅਰ ਰਾਈਫਲ ਥ੍ਰੀ ਪੋਜੀਸ਼ਨ ਵਿੱਚ 469.6 ਦੇ ਵਿਸ਼ਵ ਰਿਕਾਰਡ ਸਕੋਰ ਨਾਲ ਸੋਨ ਮੈਡਲ ਜਿੱਤਿਆ ਸੀ। ਆਸ਼ੀ ਚੌਕਸੇ ਨੇ ਕਾਂਸੀ ਦਾ ਮੈਡਲ ਜਿੱਤਿਆ। ਵਿਸ਼ਨੂੰ ਨੇ ਸੇਲਿੰਗ ਵਿੱਚ ਕਾਂਸੀ ਦਾ ਮੈਡਲ ਜਿੱਤਿਆ। ਇਸ ਤੋਂ ਇਲਾਵਾ ਸ਼ਾਟਗਨ ਸਕਿੱਟ ਸ਼ੂਟਿੰਗ ਵਿੱਚ ਅੰਗਦ ਆਨੰਦ ਵੀਰ ਸਿੰਘ ਬਾਜਵਾ, ਅਨੰਤ ਜੀਤ ਸਿੰਘ ਅਤੇ ਗੁਰਜੋਤ ਸਿੰਘ ਨੇ ਟੀਮ ਈਵੈਂਟ ਵਿੱਚ ਕਾਂਸੀ ਦਾ ਮੈਡਲ ਜਿੱਤਿਆ।

ਏਸ਼ਿਆਈ ਖੇਡਾਂ ਵਿੱਚ ਭਾਰਤ ਨੇ ਹੁਣ ਤੱਕ 21 ਤਗ਼ਮੇ ਜਿੱਤੇ ਹਨ। ਇਨ੍ਹਾਂ ਵਿੱਚੋਂ 5 ਸੋਨੇ ਦੇ ਮੈਡਲ ਹਨ। ਇਨ੍ਹਾਂ ‘ਚੋਂ 3 ਨੇ ਸ਼ੂਟਿੰਗ ‘ਚ ਗੋਲਡ ਜਿੱਤਿਆ ਹੈ। ਘੋੜਸਵਾਰ ਟੀਮ ਮੁਕਾਬਲੇ ਵਿੱਚ ਇੱਕ ਸੋਨ ਤਮਗਾ ਜਿੱਤਿਆ। ਇਸ ਦੇ ਨਾਲ ਹੀ ਮਹਿਲਾ ਕ੍ਰਿਕਟ ਟੀਮ ਨੇ ਵੀ ਸੋਨ ਤਮਗਾ ਜਿੱਤਿਆ। ਇਸ ਤੋਂ ਇਲਾਵਾ ਭਾਰਤ ਨੂੰ 5 ਚਾਂਦੀ ਦੇ ਤਮਗੇ ਮਿਲੇ ਹਨ। ਇਨ੍ਹਾਂ ਵਿੱਚ 2 ਸ਼ੂਟਿੰਗ ਵਿੱਚ, 2 ਰੋਇੰਗ ਵਿੱਚ ਅਤੇ 1 ਸੇਲਿੰਗ ਵਿੱਚ ਸ਼ਾਮਲ ਹਨ। ਹੁਣ ਤੱਕ ਭਾਰਤੀ ਖਿਡਾਰੀ 10 ਕਾਂਸੀ ਦੇ ਤਗਮੇ ਜਿੱਤ ਚੁੱਕੇ ਹਨ। ਜਿਸ ਵਿੱਚ ਰੋਇੰਗ ਵਿੱਚ 3 ਅਤੇ ਸ਼ੂਟਿੰਗ ਵਿੱਚ 6 ਕਾਂਸੀ ਦੇ ਤਗਮੇ ਜਿੱਤੇ ਹਨ ਜਦਕਿ 2 ਸੈਲਿੰਗ ਵਿੱਚ ਆਏ ਹਨ।

ਹੁਣ ਨਿਸ਼ਾਨੇਬਾਜ਼ੀ ਵਿੱਚ ਕੁੱਲ 9 ਮੈਡਲ ਹਨ, ਜਿਨ੍ਹਾਂ ਵਿੱਚੋਂ 2 ਸੋਨੇ ਦੇ ਹਨ। ਚੌਥੇ ਦਿਨ 27 ਸਤੰਬਰ ਨੂੰ ਮਹਿਲਾ ਟੀਮ ਮਨੂ ਭਾਕਰ, ਈਸ਼ਾ ਸਿੰਘ ਅਤੇ ਰਿਦਮ ਸਾਂਗਵਾਨ ਨੇ 25 ਮੀਟਰ ਰੈਪਿਡ ਫਾਇਰ ਵਿੱਚ ਸੋਨ ਤਮਗਾ ਜਿੱਤਿਆ ਅਤੇ 25 ਸਤੰਬਰ ਨੂੰ ਦਿਵਿਆਂਸ਼ ਸਿੰਘ ਪੰਵਾਰ, ਐਸ਼ਵਰਿਆ ਪ੍ਰਤਾਪ ਸਿੰਘ ਤੋਮਰ ਅਤੇ ਰੁਦਰਾਕਸ਼ ਪਾਟਿਲ ਨੇ 10 ਮੀਟਰ ਏਅਰ ਰਾਈਫਲ ਵਿੱਚ ਸੋਨ ਤਮਗਾ ਜਿੱਤਿਆ।