USA : ਗੁਰੂ ਪੂਰਨਿਮਾ ਮੌਕੇ ਟੈਕਸਾਸ ‘ਚ 10 ਹਜ਼ਾਰ ਲੋਕਾਂ ਨੇ ਕੀਤਾ ਗੀਤਾ ਦਾ ਪਾਠ

ਗੁਰੂ ਪੂਰਨਿਮਾ ਦੇ ਮੌਕੇ ‘ਤੇ ਐਲਨ ਈਸਟ ਸੈਂਟਰ ਵਿਖੇ 4 ਸਾਲ ਤੋਂ ਲੈ ਕੇ 84 ਸਾਲ ਤੱਕ ਦੇ ਲੋਕਾਂ ਨੇ ਪਾਠ ਕੀਤਾ। ਇਹ ਸਾਰੇ 10 ਹਜ਼ਾਰ ਲੋਕ ਪਿਛਲੇ 8 ਸਾਲਾਂ ਤੋਂ ਸਚਿਦਾਨੰਦ ਸਵਾਮੀ ਨਾਲ ਜੁੜੇ ਹੋਏ ਹਨ। ਸਵਾਮੀ ਪਿਛਲੇ ਕਈ ਸਾਲਾਂ ਤੋਂ ਅਮਰੀਕਾ ਵਿੱਚ ਅਜਿਹੇ ਪ੍ਰੋਗਰਾਮ ਕਰਵਾ ਰਹੇ ਹਨ।

ਅਮਰੀਕਾ ਦੇ ਟੈਕਸਾਸ ‘ਚ ਗੁਰੂ ਪੂਰਨਿਮਾ ਦੇ ਮੌਕੇ ‘ਤੇ ਇਤਿਹਾਸਕ ਪ੍ਰੋਗਰਾਮ ਕਰਵਾਇਆ ਗਿਆ। ਸੱਤ ਸਮੁੰਦਰੋਂ ਪਾਰ ਵਸੇ ਇਸ ਦੇਸ਼ ਵਿੱਚ ਪਹਿਲੀ ਵਾਰ ਅਜਿਹਾ ਹੋਇਆ ਕਿ 10,000 ਲੋਕਾਂ ਨੇ ਇਕੱਠੇ ਭਗਵਦ ਗੀਤਾ ਦਾ ਪਾਠ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ ਟੈਕਸਾਸ ਦੇ ਐਲਨ ਈਸਟ ਸੈਂਟਰ ਵਿੱਚ ਯੋਗ ਸੰਗੀਤਾ ਅਤੇ ਐਸਜੀਐਸ ਗੀਤਾ ਫਾਊਂਡੇਸ਼ਨ ਵੱਲੋਂ ਇਸ ਇਤਿਹਾਸਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ ਸੀ ।

ਭਗਵਦ ਗੀਤਾ ਪਰਾਯਣ ਯੱਗ ਦੇ ਰੂਪ ਵਿਚ ਆਯੋਜਿਤ ਇਸ ਪ੍ਰੋਗਰਾਮ ਤੋਂ ਅਜਿਹੀਆਂ ਕਈ ਤਸਵੀਰਾਂ ਸਾਹਮਣੇ ਆਈਆਂ, ਜਿਨ੍ਹਾਂ ਨੇ ਸਾਰਿਆਂ ਨੂੰ ਮੰਤਰਮੁਗਧ ਕਰ ਦਿੱਤਾ। ਗੁਰੂ ਪੂਰਨਿਮਾ ਦੇ ਮੌਕੇ ‘ਤੇ ਐਲਨ ਈਸਟ ਸੈਂਟਰ ਵਿਖੇ 4 ਸਾਲ ਤੋਂ ਲੈ ਕੇ 84 ਸਾਲ ਤੱਕ ਦੇ ਲੋਕਾਂ ਨੇ ਪਾਠ ਕੀਤਾ। ਮੈਸੂਰ ਦੇ ਅਵਧੂਤ ਦੱਤ ਪੀਠਮ ਆਸ਼ਰਮ ਨੇ ਦੱਸਿਆ ਕਿ ਅਧਿਆਤਮਿਕ ਸੰਤ ਗਣਪਤੀ ਸਚਿਦਾਨੰਦ ਜੀ ਦੀ ਮੌਜੂਦਗੀ ‘ਚ ਲੋਕਾਂ ਦੁਆਰਾ ਪਾਠ ਕੀਤਾ ਗਿਆ ਸੀ।

ਇਹ ਸਾਰੇ 10 ਹਜ਼ਾਰ ਲੋਕ ਪਿਛਲੇ 8 ਸਾਲਾਂ ਤੋਂ ਸਚਿਦਾਨੰਦ ਸਵਾਮੀ ਨਾਲ ਜੁੜੇ ਹੋਏ ਹਨ। ਸਵਾਮੀ ਪਿਛਲੇ ਕਈ ਸਾਲਾਂ ਤੋਂ ਅਮਰੀਕਾ ਵਿੱਚ ਅਜਿਹੇ ਪ੍ਰੋਗਰਾਮ ਕਰਵਾ ਰਹੇ ਹਨ। ਗੀਤਾ ਪਾਠ ਦੇ ਇਸ ਪ੍ਰੋਗਰਾਮ ਵਿੱਚ ਵੱਡੀ ਗਿਣਤੀ ਵਿੱਚ ਸਕੂਲੀ ਬੱਚਿਆਂ ਨੇ ਭਾਗ ਲਿਆ। ਯੋਗ ਸੰਗੀਤਾ ਟਰੱਸਟ ਅਮਰੀਕਾ ਅਤੇ ਐਸਜੀਐਸ ਗੀਤਾ ਫਾਊਂਡੇਸ਼ਨ ਦੁਆਰਾ ਆਯੋਜਿਤ, ਇਹ ਸਮਾਗਮ ਅਮਰੀਕਾ ਵਿੱਚ ਆਪਣੀ ਕਿਸਮ ਦਾ ਪਹਿਲਾ ਸਮਾਗਮ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਪ੍ਰੋਗਰਾਮ ਰਾਹੀਂ ਅਮਰੀਕਾ ਦੇ ਲੋਕਾਂ ਨੂੰ ਹਿੰਦੂ ਸੱਭਿਆਚਾਰ ਦੇ ਨਾਲ-ਨਾਲ ਗੀਤਾ ਬਾਰੇ ਜਾਣਨ ਦਾ ਮੌਕਾ ਮਿਲੇਗਾ।

ਦੱਸ ਦੇਈਏ ਕਿ ਅਮਰੀਕਾ ਵਿੱਚ 30 ਲੱਖ ਤੋਂ ਵੱਧ ਹਿੰਦੂ ਰਹਿੰਦੇ ਹਨ ਅਤੇ ਉਹ ਇਸ ਦੇਸ਼ ਦੇ ਵਿਕਾਸ ਵਿੱਚ ਆਪਣੇ ਮਹੱਤਵਪੂਰਨ ਯੋਗਦਾਨ ਲਈ ਜਾਣੇ ਜਾਂਦੇ ਹਨ। ਕਈ ਵੱਡੀਆਂ ਅਮਰੀਕੀ ਕੰਪਨੀਆਂ ਦੇ ਸੀਈਓ ਤੋਂ ਲੈ ਕੇ ਟੈਕਨਾਲੋਜੀ ਅਤੇ ਮੈਡੀਕਲ ਤੱਕ ਵਿਚ, ਇਸ ਭਾਈਚਾਰੇ ਦੇ ਬਹੁਤ ਸਾਰੇ ਲੋਕਾਂ ਨੇ ਆਪਣੀ ਕਾਬਲੀਅਤ ਨੂੰ ਸਾਬਤ ਕੀਤਾ ਹੈ।