ਕੱਟੜਪੰਥੀ ਸਾਜਿਸ਼: ਦੋਨਾਂ ਮੁਲਜ਼ਮਾਂ ਨੇ ਕਬੂਲਿਆ ਦੋਸ਼, 5 ਸਾਲ ਦੀ ਸਖ਼ਤ ਕੈਦ

ਕੱਟੜਪੰਥੀ ਸਾਜਿਸ਼: ਦੋਨਾਂ ਮੁਲਜ਼ਮਾਂ ਨੇ ਕਬੂਲਿਆ ਦੋਸ਼, 5 ਸਾਲ ਦੀ ਸਖ਼ਤ ਕੈਦ

ਵੱਖਵਾਦ ਸਮਰਥਕ ਅਤੇ ਗੈਰ-ਕਾਨੂੰਨੀ ਕਾਰਵਾਈਆਂ ਵਿੱਚ ਸ਼ਾਮਲ ਹੋਣ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤੇ ਗਏ ਦੋ ਦੋਸ਼ੀਆਂ ਨੂੰ ਬੁੱਧਵਾਰ ਨੂੰ ਇੱਕ ਵਿਸ਼ੇਸ਼ NIA ਅਦਾਲਤ ਨੇ ਦੋਸ਼ੀ ਠਹਿਰਾਇਆ ਅਤੇ ਦੋਸ਼ਾਂ ਨੂੰ ਸਵੀਕਾਰ ਕਰਨ ਤੋਂ ਬਾਅਦ ਪੰਜ ਸਾਲ ਦੀ ਸਖ਼ਤ ਕੈਦ ਦੀ ਸਜ਼ਾ ਸੁਣਾਈ।

ਵੱਖ-ਵੱਖ ਅਪਰਾਧਾਂ ਵਿੱਚ, ਵਿਸ਼ੇਸ਼ ਜੱਜ ਏ.ਐਮ. ਪਾਟਿਲ ਨੇ ਦੋਨਾਂ ਨੂੰ ਦੋਸ਼ੀ ਪਾਇਆ (ਹਰਪਾਲ ਸਿੰਘ (50), ਕਰਨਾਟਕ ਤੋਂ ਡਰਾਈਵਰ ਅਤੇ ਗੁਰਜੀਤ ਸਿੰਘ ਨਿੱਝਰ (42), ਇੱਕ ਪੰਜਾਬ ਦਾ ਮਜ਼ਦੂਰ)l ਇਹਨਾਂ ਨੂੰ ਗੈਰਕਾਨੂੰਨੀ ਗਤੀਵਿਧੀਆਂ (ਰੋਕੂ) ਐਕਟ (ਯੂਏਪੀਏ) ਦੇ ਤਹਿਤ ਅੱਤਵਾਦ ਨਾਲ ਸਬੰਧਤ ਦੋਸ਼ਾਂ ਵਿੱਚ ਦੋਸ਼ੀ ਪਾਇਆ ਗਿਆ।

ਪਰੋਸੇਕਯੁਸ਼ਨ ਨੇ ਕਿਹਾ ਕਿ ਭਾਵੇਂ ਦੋਸ਼ੀਆਂ ਨੇ ਆਪਣਾ ਗੁਨਾਹ ਕਬੂਲ ਕਰ ਲਿਆ ਹੈ ਪਰ ਮਾਮਲੇ ਦੇ ਤੱਥਾਂ ਅਤੇ ਹਾਲਾਤਾਂ ਨੂੰ ਦੇਖਦੇ ਹੋਏ ਉਨ੍ਹਾਂ ਨੂੰ ਵੱਧ ਤੋਂ ਵੱਧ ਸਜ਼ਾ ਦਿੱਤੀ ਜਾਣੀ ਚਾਹੀਦੀ ਹੈ। ਦੂਜੇ ਪਾਸੇ ਐਡਵੋਕੇਟ ਐਚ ਵਾਈ ਕੋਤਵਾਲਾ ਅਤੇ ਦੋਵੇਂ ਮੁਲਜ਼ਮਾਂ ਨੇ ਦਲੀਲ ਦਿੱਤੀ ਕਿ ਉਹ ਪਰਿਵਾਰ ਦੇ ਇਕੱਲੇ ਕਮਾਉਣ ਵਾਲੇ ਮੈਂਬਰ ਹਨ।

ਹਰਪਾਲ ਨੂੰ 2 ਦਸੰਬਰ, 2018 ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ, ਜਦਕਿ ਗੁਰਜੀਤ ਨੂੰ 22 ਦਸੰਬਰ, 2020 ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ।

ਦੋ ਹੋਰ ਦੋਸ਼ੀ, ਸੇਵਾਮੁਕਤ ਦਿੱਲੀ ਏਸੀਪੀ ਸੁੰਦਰ ਲਾਲ ਪਰਾਸ਼ਰ ਅਤੇ ਮੋਇਨ ਖਾਨ ਅਜੇ ਵੀ ਸੁਣਵਾਈ ਅਧੀਨ ਹਨ।

ਵਿਸ਼ੇਸ਼ ਸਰਕਾਰੀ ਵਕੀਲ ਸੁਨੀਲ ਗੋਂਸਾਲਵਿਸ ਨੇ ਬੁੱਧਵਾਰ ਨੂੰ ਦੋਸ਼ਾਂ ਦਾ ਖਰੜਾ ਪੇਸ਼ ਕੀਤਾ, ਜਿਸ ਤੋਂ ਬਾਅਦ ਜੱਜ ਨੇ ਦੋਸ਼ ਤੈਅ ਕੀਤੇ, ਜਿਨ੍ਹਾਂ ਦੀ ਵਿਆਖਿਆ ਦੋਸ਼ੀ ਨੂੰ ਕਰ ਦਿੱਤੀ ਗਈ। ਹਰਪਾਲ ਅਤੇ ਗੁਰਜੀਤ ਨੂੰ ਆਪਣੇ ਵਕੀਲ ਨਾਲ ਸਲਾਹ ਕਰਨ ਲਈ ਸਮਾਂ ਦਿੱਤਾ ਗਿਆ। ਬਾਅਦ ਵਿੱਚ, ਉਨ੍ਹਾਂ ਨੇ ਦੋਸ਼ਾਂ ਨੂੰ ਸਵੀਕਾਰ ਕਰ ਲਿਆ।

ਜੱਜ ਨੇ ਕਿਹਾ ਕਿ, “ਚਾਰਜ ਦੀ ਸਮੱਗਰੀ ਨੂੰ ਸਮਝਣ ਤੋਂ ਬਾਅਦ, ਆਪਣੀ ਮਰਜ਼ੀ ਅਤੇ ਇੱਛਾ ਨਾਲ, ਦੋਸ਼ੀਆਂ ਨੇ ਦੋਸ਼ਾਂ ਨੂੰ ਸਵੀਕਾਰ ਕਰ ਲਿਆ। ਦੋਨੋਂ ਦੋਸ਼ੀ ਦੋਸ਼ਾਂ ਨੂੰ ਮੰਨਣ ਦੇ ਨਤੀਜਿਆਂ ਸੰਬੰਧੀ ਪੂਰਨ ਤੌਰ ਤੇ ਜਾਣੂ ਹਨ।’ #DailyPunjabPost#extremists#India#NIA