ਮੈਕਡੋਨਲਡਜ਼ ਨੇ ਬਰਗਰ ਵਿੱਚੋਂ ਟਮਾਟਰ ਕੱਢਿਆ, ਕਿਹਾ- ਨਹੀਂ ਮਿਲ ਰਹੇ ਚੰਗੀ ਗੁਣਵੱਤਾ ਵਾਲੇ ਟਮਾਟਰ

ਮੈਕਡੋਨਲਡਜ਼ ਦੀ ਭਾਰਤ ਦੀ ਉੱਤਰੀ ਅਤੇ ਪੂਰਬੀ ਫਰੈਂਚਾਈਜ਼ੀ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਮੌਸਮੀ ਮੁੱਦਿਆਂ ਕਾਰਨ ਅਜਿਹਾ ਕੁਝ ਸਮੇਂ ਲਈ ਕੀਤਾ ਗਿਆ ਹੈ। ਦੂਜੇ ਪਾਸੇ ਭਾਰੀ ਮੀਂਹ ਕਾਰਨ ਦੇਸ਼ ਵਿੱਚ ਟਮਾਟਰ ਦੀ ਕੀਮਤ 250 ਰੁਪਏ ਤੱਕ ਪਹੁੰਚ ਗਈ ਹੈ।

ਦੇਸ਼ ਵਿਚ ਟਮਾਟਰ ਦੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਰਹੀਆਂ ਹਨ ਅਤੇ ਟਮਾਟਰ ਦੀਆਂ ਕੀਮਤਾਂ 100 ਰੁਪਏ ਕਿਲੋ ਤੋਂ ਉਪਰ ਪਹੁੰਚ ਗਈਆਂ ਹਨ। ਮੈਕਡੋਨਲਡਜ਼ ਇੰਡੀਆ ਨੇ ਇੱਕ ਵੱਡਾ ਐਲਾਨ ਕੀਤਾ ਹੈ, ਜੋ ਸਿੱਧੇ ਤੌਰ ‘ਤੇ ਤੁਹਾਡੀਆਂ ਮਨਪਸੰਦ ਖਾਣਿਆਂ ਨਾਲ ਸਬੰਧਤ ਹੈ। ਮੈਕਡੋਨਲਡਜ਼ ਨੇ ਬਰਗਰ ਤੋਂ ਟਮਾਟਰ ਹਟਾ ਦਿੱਤੇ ਹਨ।

ਮੈਕਡੋਨਲਡਜ਼ ਦੀ ਭਾਰਤ ਦੀ ਉੱਤਰੀ ਅਤੇ ਪੂਰਬੀ ਫਰੈਂਚਾਈਜ਼ੀ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਮੌਸਮੀ ਮੁੱਦਿਆਂ ਕਾਰਨ ਅਜਿਹਾ ਕੁਝ ਸਮੇਂ ਲਈ ਕੀਤਾ ਗਿਆ ਹੈ। ਤਮਾਮ ਕੋਸ਼ਿਸ਼ਾਂ ਦੇ ਬਾਵਜੂਦ ਸਾਨੂੰ ਚੰਗੀ ਗੁਣਵੱਤਾ ਵਾਲੇ ਟਮਾਟਰ ਨਹੀਂ ਮਿਲ ਰਹੇ। ਫਰੈਂਚਾਈਜ਼ੀ ਨੇ ਕਿਹਾ ਕਿ ਅਸੀਂ ਇਸ ਦਾ ਹੱਲ ਲੱਭ ਰਹੇ ਹਾਂ ਅਤੇ ਜਲਦੀ ਹੀ ਇਸ ਨੂੰ ਆਪਣੀਆਂ ਚੀਜ਼ਾਂ ‘ਚ ਸ਼ਾਮਲ ਕਰ ਲਵਾਂਗੇ। ਦੂਜੇ ਪਾਸੇ ਭਾਰੀ ਮੀਂਹ ਕਾਰਨ ਦੇਸ਼ ਵਿੱਚ ਟਮਾਟਰ ਦੀ ਕੀਮਤ 250 ਰੁਪਏ ਤੱਕ ਪਹੁੰਚ ਗਈ ਹੈ। ਫਸਲ ਖਰਾਬ ਹੋਣ ਕਾਰਨ ਗੁਣਵੱਤਾ ਪ੍ਰਭਾਵਿਤ ਵੀ ਹੋਈ ਹੈ।

ਇਸ ਦੌਰਾਨ, ਮੈਕਡੋਨਲਡਜ਼ ਭਾਰਤ ਦੀਆਂ ਪੱਛਮੀ ਅਤੇ ਦੱਖਣੀ ਫਰੈਂਚਾਈਜ਼ੀਜ਼ ਨੇ ਵੀ ਆਪਣੇ 10-15% ਸਟੋਰਾਂ ‘ਤੇ ਟਮਾਟਰਾਂ ਦੀ ਸੇਵਾ ਬੰਦ ਕਰ ਦਿੱਤੀ ਹੈ। ਫਰੈਂਚਾਈਜ਼ੀ ਨੇ ਕਿਹਾ ਕਿ ਮੌਨਸੂਨ ਦੌਰਾਨ ‘ਫਰੂਟ ਫਲਾਈਜ਼’ ਇੱਕ ਆਮ ਸਮੱਸਿਆ ਹੈ। ਇਸ ਕਾਰਨ ਖਰਾਬ ਟਮਾਟਰਾਂ ਦੇ ਬੈਚਾਂ ਨੂੰ ਰੱਦ ਕਰ ਦਿੱਤਾ ਜਾਂਦਾ ਹੈ। ਇਹ ਇੱਕ ਮੌਸਮੀ ਸਮੱਸਿਆ ਹੈ, ਜਿਸਦਾ ਹਰ ਰੈਸਟੋਰੈਂਟ ਨੂੰ ਮਾਨਸੂਨ ਦੌਰਾਨ ਸਾਹਮਣਾ ਕਰਨਾ ਪੈਂਦਾ ਹੈ। ਪਿਛਲੇ ਸਾਲ ਯਾਨੀ 2022 ਵਿੱਚ, ਸਪਲਾਈ ਚੇਨ ਸਮੱਸਿਆਵਾਂ ਦੇ ਕਾਰਨ, ਮੈਕਡੋਨਲਡਜ਼ ਨੇ ਆਪਣੇ ਯੂਕੇ ਰੈਸਟੋਰੈਂਟਾਂ ਵਿੱਚ ਟਮਾਟਰਾਂ ਨੂੰ ਮੀਨੂ ਤੋਂ ਹਟਾ ਦਿੱਤਾ ਸੀ। ਫਾਸਟ ਫੂਡ ਕੰਪਨੀ ਨੇ ਕਿਹਾ ਸੀ ਕਿ ਉਸਨੂੰ ਆਪਣੇ ਕੁਝ ਉਤਪਾਦਾਂ ‘ਚ ਟਮਾਟਰਾਂ ਦੀ ਮਾਤਰਾ ‘ਚ ਕਟੌਤੀ ਕਰਨ ਲਈ ਮਜਬੂਰ ਕੀਤਾ ਗਿਆ ਹੈ। ਸਪਲਾਈ ਚੇਨ ‘ਚ ਰੁਕਾਵਟ ਰੂਸ ਦੇ ਹਮਲੇ ਕਾਰਨ, ਬ੍ਰੈਕਸਿਟ ਅਤੇ ਕੋਵਿਡ ਦੇ ਕਾਰਨ ਸੀ।