ਰਸ਼ਮਿਕਾ ਮੰਡਾਨਾ ਦੇ ਨਾਲ ਹੋਈ 80 ਲੱਖ ਦੀ ਠੱਗੀ, ਮੈਨੇਜਰ ਕਰ ਰਿਹਾ ਸੀ ਸਾਲਾਂ ਤੋਂ ਪੈਸੇ ਚੋਰੀ

ਠੱਗੀ ਮਾਰਨ ਵਾਲਾ ਮੈਨੇਜਰ ਰਸ਼ਮਿਕਾ ਮੰਡਾਨਾ ਨਾਲ ਲੰਬੇ ਸਮੇਂ ਤੋਂ ਜੁੜਿਆ ਹੋਇਆ ਸੀ ਅਤੇ ਅਭਿਨੇਤਰੀ ਦੀ ਜਾਣਕਾਰੀ ਤੋਂ ਬਿਨਾਂ ਹੌਲੀ-ਹੌਲੀ ਪੈਸੇ ਚੋਰੀ ਕਰ ਰਿਹਾ ਸੀ।

ਰਸ਼ਮਿਕਾ ਮੰਡਾਨਾ ਨੇ ‘ਪੁਸ਼ਪਾ’ ਫਿਲਮ ਵਿਚ ਜ਼ੋਰਦਾਰ ਅਦਾਕਾਰੀ ਕੀਤੀ ਸੀ ਅਤੇ ਉਹ ਕਈ ਲੋਕਾਂ ਦੀ ਪਸੰਦੀਦਾ ਅਦਾਕਾਰਾ ਬਣ ਗਈ ਸੀ । ਦੱਖਣ ਦੀ ਅਦਾਕਾਰਾ ਰਸ਼ਮਿਕਾ ਮੰਡਾਨਾ ਜਲਦ ਹੀ ਰਣਬੀਰ ਕਪੂਰ ਨਾਲ ‘ਐਨੀਮਲ’ ‘ਚ ਨਜ਼ਰ ਆਵੇਗੀ। ਇਸ ਦੌਰਾਨ ਹੁਣੇ ਖ਼ਬਰ ਆਈ ਹੈ ਕਿ ਰਸ਼ਮਿਕਾ ਨਾਲ 80 ਲੱਖ ਰੁਪਏ ਦੀ ਠੱਗੀ ਮਾਰੀ ਗਈ ਹੈ। ਉਸ ਨਾਲ ਧੋਖਾ ਕਰਨ ਵਾਲਾ ਕੋਈ ਹੋਰ ਨਹੀਂ ਸਗੋਂ ਉਸ ਦਾ ਮੈਨੇਜਰ ਹੈ। ਜਿਵੇਂ ਹੀ ਰਸ਼ਮੀਕਾ ਨੂੰ ਇਸ ਧੋਖਾਧੜੀ ਦਾ ਪਤਾ ਲੱਗਾ ਤਾਂ ਰਸ਼ਮੀਕਾ ਨੇ ਉਸਨੂੰ ਨੌਕਰੀ ਤੋਂ ਕੱਢ ਦਿੱਤਾ। ਹਾਲਾਂਕਿ ਹੁਣ ਤੱਕ ਇਸ ਖਬਰ ‘ਤੇ ਰਸ਼ਮਿਕਾ ਦੇ ਪੱਖ ਤੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ।

ਇਕ ਰਿਪੋਰਟ ਮੁਤਾਬਕ ਮੈਨੇਜਰ ਨੇ ਰਸ਼ਮਿਕਾ ਨਾਲ ਕਥਿਤ ਤੌਰ ‘ਤੇ 80 ਲੱਖ ਰੁਪਏ ਦੀ ਠੱਗੀ ਮਾਰੀ ਹੈ। ਇਹ ਜਾਣ ਕੇ ਰਸ਼ਮਿਕਾ ਨੂੰ ਬਹੁਤ ਗੁੱਸਾ ਆਇਆ ਅਤੇ ਤੁਰੰਤ ਮੈਨੇਜਰ ਨੂੰ ਨੌਕਰੀ ਤੋਂ ਕੱਢ ਦਿੱਤਾ। ਜਾਣਕਾਰੀ ਮੁਤਾਬਕ ਇਹ ਮੈਨੇਜਰ ਰਸ਼ਮਿਕਾ ਮੰਡਾਨਾ ਨਾਲ ਲੰਬੇ ਸਮੇਂ ਤੋਂ ਜੁੜਿਆ ਹੋਇਆ ਸੀ ਅਤੇ ਅਭਿਨੇਤਰੀ ਦੀ ਜਾਣਕਾਰੀ ਤੋਂ ਬਿਨਾਂ ਹੌਲੀ-ਹੌਲੀ ਪੈਸੇ ਚੋਰੀ ਕਰ ਰਿਹਾ ਸੀ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਰਸ਼ਮਿਕਾ ਮੰਡਾਨਾ ਇਨ੍ਹੀਂ ਦਿਨੀਂ ਰਣਬੀਰ ਕਪੂਰ ਨਾਲ ਆਪਣੀ ਆਉਣ ਵਾਲੀ ਫਿਲਮ ‘ਐਨੀਮਲ’ ‘ਚ ਰੁੱਝੀ ਹੋਈ ਹੈ। ਹਾਲ ਹੀ ‘ਚ ਮੇਕਰਸ ਨੇ ਫਿਲਮ ਦਾ ਪ੍ਰੀ-ਟੀਜ਼ਰ ਵੀ ਰਿਲੀਜ਼ ਕੀਤਾ ਸੀ, ਜਿਸ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਸੀ। ਇਹ ਫਿਲਮ 11 ਅਗਸਤ ਨੂੰ ਸਿਨੇਮਾਘਰਾਂ ‘ਚ ਦਸਤਕ ਦੇਵੇਗੀ। ਇਸ ਦੀ ਟੱਕਰ ਦੋ ਵੱਡੀਆਂ ਫਿਲਮਾਂ ‘ਗਦਰ 2’ ਅਤੇ ‘ਓਐਮਜੀ 2’ ਨਾਲ ਹੋਵੇਗੀ। ਰਿਪੋਰਟ ਮੁਤਾਬਕ ਮੈਨੇਜਰ ਰਸ਼ਮਿਕਾ ਮੰਡਾਨਾ ਨਾਲ ਕਾਫੀ ਸਮੇਂ ਤੋਂ ਜੁੜਿਆ ਹੋਇਆ ਸੀ ਅਤੇ ਅਭਿਨੇਤਰੀ ਦੀ ਜਾਣਕਾਰੀ ਤੋਂ ਬਿਨਾਂ ਹੌਲੀ-ਹੌਲੀ ਪੈਸੇ ਚੋਰੀ ਕਰ ਰਿਹਾ ਸੀ। ਇਸਦੇ ਬਾਅਦ ਤੋਂ ਰਸ਼ਮਿਕਾ ਮੰਡਾਨਾ ਸਦਮੇ ਵਿੱਚ ਹੈ ਅਤੇ ਇਸ ਘਟਨਾ ਨੇ ਉਸਨੂੰ ਹਿਲਾ ਕੇ ਰੱਖ ਦਿੱਤਾ ਹੈ।