ਵਿਸ਼ਵ ਕੱਪ ਤੋਂ ਪਹਿਲਾਂ ਪਾਕਿਸਤਾਨ ਦਾ ਵਿਸ਼ਵ ਚੈਂਪੀਅਨ ਖਿਡਾਰੀ ਫਵਾਦ ਆਲਮ ਦੇਸ਼ ਛੱਡ ਗਿਆ

37 ਸਾਲਾ ਕ੍ਰਿਕਟਰ ਫਵਾਦ ਆਲਮ ਹੁਣ ਕਿਸੇ ਹੋਰ ਦੇਸ਼ ਦੀ ਟੀਮ ਲਈ ਖੇਡਣ ਲਈ ਆਪਣਾ ਦੇਸ਼ ਛੱਡ ਗਿਆ ਹੈ। ਉਹ ਅਮਰੀਕਾ ਵਿੱਚ ਮਾਈਨਰ ਲੀਗ ਕ੍ਰਿਕਟ ਟੀ-20 ਟੂਰਨਾਮੈਂਟ ਵਿੱਚ ਸ਼ਿਕਾਗੋ ਕਿੰਗਸਮੈਨ ਲਈ ਖੇਡੇਗਾ।

ਪਾਕਿਸਤਾਨ ਕ੍ਰਿਕਟ ਟੀਮ ਲਈ ਇਕ ਬੁਰੀ ਖ਼ਬਰ ਸਾਹਮਣੇ ਆ ਰਹੀ ਹੈ। ਪਾਕਿਸਤਾਨ ਦੀ ਟੀਮ ਨੂੰ ਇਸ ਸਾਲ 30 ਅਗਸਤ ਤੋਂ ਆਪਣੀ ਮੇਜ਼ਬਾਨੀ ‘ਚ ਏਸ਼ੀਆ ਕੱਪ ਖੇਡਣਾ ਹੈ। ਇਸ ਦੇ ਨਾਲ ਹੀ ਟੀਮ ਨੇ ਭਾਰਤ ਵਿੱਚ 5 ਅਕਤੂਬਰ ਤੋਂ ਸ਼ੁਰੂ ਹੋਣ ਵਾਲੇ ਇੱਕ ਰੋਜ਼ਾ ਵਿਸ਼ਵ ਕੱਪ ਵਿੱਚ ਵੀ ਹਿੱਸਾ ਲੈਣਾ ਹੈ। ਇਨ੍ਹਾਂ ਦੋ ਵੱਡੇ ਟੂਰਨਾਮੈਂਟਾਂ ਤੋਂ ਪਹਿਲਾਂ ਪਾਕਿਸਤਾਨ ਕ੍ਰਿਕਟ ਲਈ ਇਕ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆਈ ਹੈ।

ਦਰਅਸਲ, ਪਾਕਿਸਤਾਨ ਲਈ 15 ਸਾਲ ਤੱਕ ਆਪਣਾ ਅੰਤਰਰਾਸ਼ਟਰੀ ਕਰੀਅਰ ਜਾਰੀ ਰੱਖਣ ਵਾਲਾ ਖਿਡਾਰੀ ਫਵਾਦ ਆਲਮ ਹੁਣ ਦੇਸ਼ ਛੱਡ ਗਿਆ ਹੈ। 37 ਸਾਲਾ ਕ੍ਰਿਕਟਰ ਹੁਣ ਕਿਸੇ ਹੋਰ ਦੇਸ਼ ਦੀ ਲੀਗ ਵਿੱਚ ਟੀਮ ਲਈ ਖੇਡਣ ਲਈ ਆਪਣਾ ਦੇਸ਼ ਛੱਡ ਗਿਆ ਹੈ। ਉਹ ਅਮਰੀਕਾ ਵਿੱਚ ਮਾਈਨਰ ਲੀਗ ਕ੍ਰਿਕਟ ਟੀ-20 ਟੂਰਨਾਮੈਂਟ ਵਿੱਚ ਸ਼ਿਕਾਗੋ ਕਿੰਗਸਮੈਨ ਲਈ ਖੇਡੇਗਾ।

ਤੁਹਾਨੂੰ ਦੱਸ ਦੇਈਏ ਕਿ 2007 ਵਿੱਚ ਪਾਕਿਸਤਾਨ ਲਈ ਅੰਤਰਰਾਸ਼ਟਰੀ ਡੈਬਿਊ ਕਰਨ ਵਾਲੇ ਫਵਾਦ ਆਲਮ ਨੇ ਪਾਕਿਸਤਾਨ ਕ੍ਰਿਕਟ ਵਿੱਚ ਆਪਣੇ 15 ਸਾਲ ਦੇ ਕਰੀਅਰ ਦਾ ਅੰਤ ਕਰ ਦਿੱਤਾ ਹੈ। ਉਸਨੇ ਪਾਕਿਸਤਾਨ ਦੇ ਸਾਮੀ ਅਸਲਮ, ਹਮਦ ਆਜ਼ਮ, ਸੈਫ ਬਦਰ ਅਤੇ ਮੁਹੰਮਦ ਮੋਹਸੀਨ ਦੇ ਕਲੱਬ ‘ਚ ਆਪਣਾ ਨਾਂ ਜੋੜਿਆ ਹੈ। ਫਵਾਦ ਤੋਂ ਪਹਿਲਾਂ ਇਹ ਖਿਡਾਰੀ ਵੀ ਅਮਰੀਕਾ ‘ਚ ਖੇਡਣ ਲਈ ਆਪਣਾ ਦੇਸ਼ ਛੱਡ ਚੁੱਕੇ ਹਨ।

ਫਵਾਦ ਆਲਮ ਨੇ 2009 ਵਿੱਚ ਆਪਣਾ ਟੈਸਟ ਡੈਬਿਊ ਕੀਤਾ ਸੀ ਅਤੇ ਉਸੇ ਮੈਚ ਵਿੱਚ ਸੈਂਕੜਾ ਲਗਾਇਆ ਸੀ। ਫਿਰ ਅਗਲੇ ਦੋ ਟੈਸਟ ਮੈਚਾਂ ਤੋਂ ਬਾਅਦ ਉਸ ਨੂੰ ਬਾਹਰ ਕਰ ਦਿੱਤਾ ਗਿਆ ਅਤੇ 11 ਸਾਲਾਂ ਦੇ ਵਕਫੇ ਬਾਅਦ ਉਸਨੇ ਵਾਪਸੀ ਕੀਤੀ। ਪਾਕਿਸਤਾਨ ਦੀ 2009 ਟੀ-20 ਵਿਸ਼ਵ ਕੱਪ ਜੇਤੂ ਟੀਮ ਦਾ ਹਿੱਸਾ ਰਹੇ ਫਵਾਦ ਆਲਮ ਨੇ 2020 ‘ਚ ਇਕ ਵਾਰ ਫਿਰ ਕ੍ਰਿਕਟ ਜਗਤ ‘ਚ ਵਾਪਸੀ ਕੀਤੀ। ਵਾਪਸੀ ਤੋਂ ਬਾਅਦ ਤੀਜੇ ਮੈਚ ‘ਚ ਨਿਊਜ਼ੀਲੈਂਡ ਖਿਲਾਫ ਸੈਂਕੜਾ ਲਗਾਇਆ ਸੀ।

ਇਸ ਤੋਂ ਬਾਅਦ ਉਨ੍ਹਾਂ ਨੇ ਦੱਖਣੀ ਅਫਰੀਕਾ, ਵੈਸਟਇੰਡੀਜ਼ ਅਤੇ ਜ਼ਿੰਬਾਬਵੇ ਖਿਲਾਫ ਵੀ ਸੈਂਕੜੇ ਲਗਾਏ। ਪਰ ਇਸ ਦਾ ਨਤੀਜਾ ਨਹੀਂ ਨਿਕਲਿਆ, ਇਸ ਤੋਂ ਬਾਅਦ ਆਸਟ੍ਰੇਲੀਆ ਸੀਰੀਜ਼ ‘ਚ ਫਵਾਦ ਦਾ ਗ੍ਰਾਫ ਇਕ ਵਾਰ ਫਿਰ ਡਿੱਗ ਗਿਆ। ਆਸਟ੍ਰੇਲੀਆ ਖਿਲਾਫ 2022 ਦੀ ਸ਼ੁਰੂਆਤ ‘ਚ ਉਹ 4 ਪਾਰੀਆਂ ‘ਚ ਸਿਰਫ 33 ਦੌੜਾਂ ਹੀ ਬਣਾ ਸਕਿਆ ਸੀ। ਫਿਰ ਸ਼੍ਰੀਲੰਕਾ ਖਿਲਾਫ ਵੀ ਉਸਦਾ ਬੱਲਾ ਚਲ ਨਹੀਂ ਕਰ ਸਕਿਆ, ਇੱਥੋਂ ਹੀ ਉਸਦਾ ਕਰੀਅਰ ਖ਼ਤਮ ਹੋ ਗਿਆ।